Сончево и прекрасно летно фотографирање со EOS 250D од Canon

4. Снимајте портрети при слаба осветленост

Нежната светлина кога сонцето се наоѓа пониско на небото, особено околу зори во „златниот час“, е мошне популарна кај фотографите. Ова нежно осветлување е дел од личната фотографска палета на бои на Hannah и создава топол изглед, а сјајот на сонцето прекрасно ги осветлува тоновите на кожата.

„Најмногу ми се допаѓа вечерната светлина и претпочитам да снимам при слаба осветленост и силна сончева светлина - тоа е посуптилно“, вели таа. Меѓутоа, снимањето во затворени простории или кога сонцето заоѓа е едноставно со EOS 250D од Canon. „Го тестирав до ISO 3200 и сликите немаат шум“, вели Hannah. „Обожавам да експериментирам со ISO, зголемувајќи го за да можам да користам поголема брзина на блендата и за да снимам движење дури и при слаба осветленост. Сум слушнала дека многу луѓе се плашат да го зголемат ISO, но EOS 250D од Canon сè уште дава одлични резултати при повисоки вредности на ISO“.

Уште поимпресивно е тоа што автоматското фокусирање на EOS 250D од Canon функционира на нивоа кои се премногу темни за вашите очи (до -4EV во режимот за прегледување во живо) - фотоапаратот гледа подобро од вас навечер и можете да бидете потполно сигурни дека ќе го истакне вашиот субјект.

5. Дознајте што можете да направите со автоматскиот режим

Како што го усовршуваше нејзиното фотографирање, Hannah започна да снима главно во рачен режим. Меѓутоа, таа гледа и одлична вредност во автоматските поставки кои ви даваат висококвалитетни резултати со едно притиснување на копче и ви помагаат во учењето. Таа ги истражи автоматските поставки на EOS 250D од Canon, вклучувајќи го и потполно автоматскиот режим за автоматско интелигентно откривање на сцени кој ја анализира сцената пред вас и ги избира најдобрите поставки за вашето опкружување.

„Прво ги користев поставките за сцени за да полесно преминам на користење на рачниот режим“, вели таа. „Тие се совршени за луѓе кои не користеле фотоапарат долго време или никогаш претходно немале DSLR. Фотоапаратот ги избира поставките за користење, од кои можете да научите. Кога првпат го земав фотоапаратот, го користев режимот за спортски сцени за да ги фокусирам децата во движење, како и поставката за портрет“.

Hannah ужива да документира мали детали на нејзините фотографии и го постави фотоапаратот на автоматски режим за да го сними нејзиниот син како си ги мие рацете во светлорозова кофа со вода. „Обожавам да снимам детали и да правам приказни од сликите“, вели таа. „Тоа може да бидат дланки на рамо, стапало, очила за сонце на маса, шапка на плажа - мали детали од поголема сцена“. Во овој случај, автоматските поставки за снимање беа f/5,6, 1/500 сек. и ISO 200. Големата брзина на блендата од 1/500 сек. ѝ овозможи да ги замрзне капките вода што прскаат на дланките.

6. Не пропуштајте ни секунда од случувањата

„Најважната работа што ја научив е секогаш да го носам фотоапаратот со себе“, вели таа. „Ако го имам со себе, секогаш учам и повеќе се запознавам со неговите функции што ме прави многу посигурна“. Додека го фотографираше нејзиното семејство за овие предизвици, Hannah често ги следеше нејзините деца и ги оставаше да си играат природно. Наместо да бара од луѓето да позираат, таа претпочита да ги фотографира додека уживаат. „Јас само ја следам ситуацијата и го правам тоа што тие сакаат да го прават, секогаш носејќи го фотоапаратот со себе. Најдобрите снимки на деца кои си играат се прават кога тие не се толку фокусирани на фотоапаратот“.

За да не пропушти ниеден момент, Hannah снимаше серии слики во режим за континуирано фотографирање што снима пет слики во секунда (fps) на EOS 250D од Canon. „Поставката за снимање серии слики ми е постојано вклучена за да снимам многу слики во секунда“, вели Hannah. „Можноста да снимите одлична фотографија е поголема ако имате серии слики - ја обожавам оваа слика (подолу) со плискањето вода од страна - изгледа толку енергично“.

7. Користете ги опциите за поврзување на фотоапаратот

Кога снимате во движење на еднодневни патувања, би било одлично да можете да ги споделите вашите фотографии со пријателите и со семејството. Фотоапаратот EOS 250D од Canon може лесно да се поврзе со вашиот паметен телефон или таблет-уред преку Bluetooth или Wi-Fi и апликацијата Canon Camera Connect, овозможувајќи ви да префрлувате слики и да ги вчитувате на друштвените медиуми или да им ги испраќате на вашите сакани.

„Сликите што ги снимам често сакам да ги поставам на Instagram, така што опцијата за нивно префрлување од фотоапаратот на мојот телефон за потоа да ги објавам е идеална“, вели Hannah. „Ја користам оваа функција на EOS 250D од Canon и сметам дека е извонредна и едноставна - а не се разбирам многу од техника! Во апликацијата Canon Camera Connect има водич кој ви дава инструкции како да го поврзете и вашиот фотоапарат“.

За понатамошни совети за тоа како најдобро да ги искористите функциите на вашиот фотоапарат, апликацијата Canon Photo Companion вклучува совети како да се биде успешен во кој било жанр на фотографирање, со стручни совети, водичи и упатства прилагодени за моделот на вашиот фотоапарат.

Напишано од Lucy Fulford

*EOS 250D (црна/сребрена боја) е најлесниот дигитален фотоапарат во светот со вграден објектив, сензор со APS-C-големина и LCD-екран што се врти. Вклучувајќи батерија и мемориска картичка, согласно CIPA-стандардите. Почнувајќи од 9 април 2019 год. (истражено од страна на компанијата Canon).