A mother picks her son up to hug, both of them wearing sunglasses. Photo by Christian Anderl.

СЕМЕЈНО ФОТОГРАФИРАЊЕ

Совети за снимање природни семејни портрети од Christian Anderl

За австрискиот професионален фотограф Christian Anderl, документирањето на драгоцените спомени од семејниот живот му е подеднакво важно и во домот и кога работи. Амбасадорот на Canon е познат по неговите неочекувани и интимни портрети во неговото професионално фотографирање. Освен тоа, тој споделува и нежни моменти од својот семеен живот на неговата сметка на Instagram, каде што го прикажува светот низ очите на неговиот мал син.

Тој признава дека животот му се променил откако станал татко. Станувањето татко го инспирираше и да го направи неговиот проект за татковство, серија портрети каде што татковци говорат за нивните искуства, ги споделуваат нивните среќни и тажни моменти и нудат совети за другите. Луѓето долго време се основа на делата на Christian, но особено важно му е и снимањето семејни моменти.

„Кога ќе остарам и син ми ќе основа свој дом, ќе бидам тажен бидејќи нема да биде покрај мене“ - вели тој. „Ќе можам да седнам на каучот и да ги гледам сите овие фотографии од него кога бил бебе. Ова лето ќе полни шест години, а јас најдов некои слики што сум ги снимил кога имал една година и веќе се чувствувам стар бидејќи расте многу брзо. Времето минува многу брзо... Мислам дека треба да се потсетуваме за тоа преку снимање слики, бидејќи децата брзо пораснуваат и заминуваат. Стануваме потрпеливи со нашите деца кога ги гледаме ваквите слики и ни навираат спомени.“

Тука Christian ќе ги сподели неговите пет најдобри совети и техники што ќе ни помогнат да доловиме вистинска семејна забава. Следете ги неговите совети за да снимите неочекувани семејни портрети со природен изглед.

1. Оставете го вашиот телефон во џебот

„Кога ќе го земете фотоапаратот ќе се концентрирате повеќе на фотографирањето“ - вели Christian, поддржувач на тезата дека треба да се остави телефонот за да се снимаат одлични фотографии со фотоапаратот. „Не може да снимате сè што ќе се случи со една рака, како што тоа го правите со телефонот; мора да се потрудите повеќе и затоа ќе снимите подобри слики.“

Освен тоа, користењето фотоапарат ќе го намали времето што го минувате пред екран, нешто на што Christian внимава многу во последно време со дигиталната детоксикација. „Не сакам да гледам во екран цел ден, а ако фотографирам само со паметен телефон, тоа само ќе ми го зголеми времето поминато пред екран. Сакам да гледам низ визирот и да бидам свесен за тој момент.“

Користењето фотоапарат наместо телефон нуди и технички придобивки - верува Christian, како што се физичките контроли за менување поставки како брзина на блендата и решетката. Тој често одлучува да го користи визирот кога го обликува кадарот на сликите. „Има многу софтвери што се обидуваат да симулираат приказ како вистински објектив, но тоа не е исто... мислам дека нема подобра опција од голем сензор и објектив.“ Фотоапаратите од основна класа како што е EOS M50 од Canon имаат такви физички контроли, но во моментот просечните паметни телефони од еквивалентна категорија сè уште немаат.

2. Подгответе се за вистинскиот момент

Кога фотографирате деца треба да бидете подготвени за сè. Ако користите фотоапарат со брз автоматски фокус и фокус со следење, како што се EOS R, EOS 80D или EOS M50 од Canon, тогаш може да го очекувате моментот и да ги снимите брзите движења без да се грижите дали главниот субјект ќе биде заматен.

"Сакам да гледам низ визирот и да бидам свесен за тој момент."

„За фотографирање деца ви треба брз автоматски фокус“ - вели Christian. „Тоа треба да го барате при изборот на фотоапарат. Сè останато зависи од вашиот буџет. Сите ме прашуваат каков фотоапарат да купат, но јас секогаш им велам дека прво треба да размислат за објективите. Можеби ќе ви треба нов објектив, а не нов фотоапарат, бидејќи брзината и оптичкиот квалитет на објективот се поважни од фотоапаратот.“

За семејно фотографирање ви треба и одреден степен на прагматизам. „Кога ќе забележам дека некој не сака повеќе да биде фотографиран, тогаш ги оставам фотоапаратите покрај мене“ - вели Christian. „Ако некој не сака да го фотографирате, тогаш нема да успеете да снимите добра слика од него/неа. Особено ако работите со деца, не може да ги присилите за да ги фотографирате, па затоа прифатете го тоа и обидете се подоцна.“

A boy smiles as bubbles float around him. Photo by Christian Anderl.

3. Експериментирајте со различни фокусни должини

„За семејни фотографии ви требаат најмалку две различни фокусни должини“ - вели Christian. „Според мене, објективот EF 85mm f/1.8 USM од Canon е најдобар за снимање портрети. Со 85 mm добивате мала длабочина на полето за да можете да го одвоите лицето на субјектот од заднината. Доволно е голема „за да одговара“ - ако користите 35 mm или 50 mm, тогаш ќе добиете вакво изобличување и поголем нос. Како фотограф за портрети, треба да зборувам со луѓето додека ги фотографирам, па затоа објектив од 85 mm е најдобар избор за среден опсег - не може да згрешите со овој објектив.“

Иако Christian претпочита да го користи објективот EF 85mm f/1.8 USM за портрети, тој смета дека е можно да се снимат одлични слики и со објектив од 35 mm. „Мислам дека објективот EF 35mm f/1.4L II USM од Canon е добар за речиси сите прилики. Секогаш кога се двоумите што да употребите, земете објектив од 35 mm и ќе успеете во тоа, дури и ако треба да снимите портрет. Имајте предвид дека тој малку ќе го изобличи лицето на субјектот, но од друга страна, ќе добиете интимен изглед бидејќи ќе бидете многу поблиску до неговото лице.“

Слични написи
A baby plays with an abacus.

ФОТОГРАФИРАЊЕ БЕБИЊА

12 совети за фотографирање бебиња што може да ги примените веднаш

Зачувајте ги драгоцените моменти и доловете го развојот на вашето бебе применувајќи ги нашите совети за позабавно фотографирање на бебињата со одлични резултати.

Two children silhouetted against a woodland background by the low sun streaming through the trees.

СЕМЕЈНО ФОТОГРАФИРАЊЕ

11 совети за семејно фотографирање

Амбасадорката на Canon Helen Bartlett е позната по нејзините црно-бели семејни портрети - тука ги споделува своите совети за снимање одлични моменти.

A girl holds a frisbee in front of her like a picture frame around her face.

СЕМЕЈНО ФОТОГРАФИРАЊЕ

Снимајте подобри портрети: забавни предизвици за семејно фотографирање

Блогерката за семејни фотографии Katja Gaskell го замени својот паметен телефон со EOS M50 од Canon и беше воодушевена од резултатите - воодушевете се и вие кога ќе ги примените овие техники.

A man stands in the sea and throws his son in the air. Photo by Christian Anderl.

4. Секогаш треба прво да размислите за заднината

Иако ќе го посветите вниманието на вашите субјекти - особено на децата кои се движат брзо - важно е да ја земете предвид и заднината наспроти која фотографирате - вели Christian: заднината е важна компонента на вашата композиција и таа честопати се занемарува.

„Заднината на прво место е едно од правилата за фотографирање што навистина се обидувам да го пренесам, бидејќи многу луѓе ја потценуваат заднината или забораваат на неа. Толку се концентрирани на предниот план од композицијата, на субјектот, на фокусот, на осветлувањето, на експозицијата, на сите тие работи, што забораваат дека заднината не изгледа толку добро. Можеби е тешко да одредите заднина кога фотографирате деца кои си играат, но обидете се прво да ја одредите заднината и потоа позиционирајте го вашиот субјект наспроти неа.“

Не постои точна и погрешна заднина за портрети - сè зависи од како ќе одговара на вашиот субјект - но затоа треба да мислите на сцената додека фотографирате. „Сè може да биде добра заднина и сè може да биде лоша заднина. Обидете се да утврдите кои бои си одговараат меѓусебно и кои не одговараат. Ако заднината е многу грда, тогаш употребете максимално широка решетка и долг објектив за да ја заматите и да добиете само разлеани бои во заднина. Ако има некоја точка, како на пр., црвен автомобил каде сè останато е сино и облачно, тогаш обидете се да ја избегнете таа точка.“

A small boy stands on top of a hill, seagulls flying in an arc above him. Photo by Christian Anderl.

Фотографирањето со фотоапарат ви нуди неограничени можности за да извлечете максимум од вашите фотографии, почнувајќи од поголем потенцијал за уредување па сè до можност за печатење на сликите во размер. Christian ја има отпечатено неговата омилена фотографија во голем формат на која е прикажано како си играат неговата сопруга и неговиот син на песочните дуни во Нов Зеланд, а фотографијата му е закачена на ѕид во својот дом.

„Снимив неколку слики на среќа додека трчаа надолу по дуните“ - вели тој. „Син ми се смееше премногу и затоа ми се допаѓа сликата. Секогаш кога ќе ја погледнам се насмевнувам и се чувствувам како да сум во Нов Зеланд.“ Споделувањето семејни спомени е полесно кога сликите се снимени со висока резолуција што овозможува да ги отпечатите во A2-формат или во големина на постер - нешто што не би било можно доколку ја снимев фотографијата со телефонот.

Не е само печатењето, туку и процесот на уредување. „Добрите RAW-датотеки од фотоапаратите нудат многу повеќе можности за уредување отколку JPEG-датотеките снимени со телефон. Можете да ја дефинирате атмосферата и расположението на сликата преку избирање на вистинските бои. Ако го прескокнете процесот на уредување, тогаш искористувате приближно 50% од фотографирањето.“

И на крајот, опциите за поврзување што се вградени во модерните фотоапарати ви овозможуваат да ги префрлувате фотографиите директно од фотоапаратот во вашиот таблет-уред за да ги прикажете веднаш по снимањето или во вашиот телефон за да ги објавите на интернет, внесувајќи содржини со повисок квалитет во вашите сметки на социјалните медиуми. Исто така, со апликацијата Canon Print во вашиот мобилен уред и компатибилен печатач од Canon ќе можете да печатите висококвалитетни материјали, безжично.

A mother runs down a sand dune, pulling her son along, both of them laughing. Photo by Christian Anderl.

Christian ја предизвика семејната блогерка Katja Gaskell да ги подобри своите семејни фотографии со тоа што ќе се оддалечи од нејзиниот паметен телефон и ќе зачекори во нов свет со EOS M50 од Canon. Katja е писателка и блогерка за патувања за Globetotting која со телефонот ги фотографира своите три деца додека патуваат низ целиот свет. Таа сега ги тестира многуте нови техники што ги нудат фотоапаратите. Погледнете какви резултати доби и обидете се да ги извршите овие предизвици за семејно фотографирање.

Напишано од Lucy Fulford

Слични написи

Get Inspired е најголемиот извор на практични совети за фотографирање, водичи за купување и информативни интервјуа - сè што ви е потребно за да го пронајдете најдобриот фотоапарат или најдобриот печатач и да ја реализирате вашата следна креативна идеја.

Назад до сите совети и техники

Слични производи