ФОТОГРАФИРАЊЕ БЕБИЊА

12 совети за фотографирање бебиња што може да ги примените веднаш

Зачувајте ги тие скапоцени моменти и го фаќате развојот на вашето бебе со нашите паметни начини да направите бебе фотографија забавна и да добиете одлични резултати.
Бебе држи мече и седи на рачно изработен јорган на креветот, се смее директно кон фотоапаратот. © Tomsickova Tatyana / Shutterstock

Фотографирањето бебиња е задоволство што многу родители, членови од семејството и пријатели едвај чекаат да го искусат за своето новороденче, а и лесно може да разбереме зошто: тие се преслатки и, како што растат, на нив се забележуваат сè повеќе знаци од нивниот карактер. Без разлика дали се смеат, нешто им го привлекува вниманието, се замислени или се разиграни, фотографијата е еден од најдобрите начини за следење и зачувување на овие уникатни и динамични случувања.

Сите може да снимаат слики набрзина, но овие техники ќе ви помогнат да добиете неверојатни слики што навистина ги доловуваат таквите драгоцени моменти - подготвени за споделување со семејството и саканите блиску и далеку од вас.

1. Изберете го најдоброто време

Бебе носи розова капа и зелен/кафеав џемпер, лежи странично врз кафеаво ќебе и гледа кон фотоапаратот и се смее.

Колку е посреќно бебето, толку подобра ќе биде сликата што ќе ја снимите од него, па затоа изберете го најдоброто време за доловување на моментот и користете фотоапарат што е едноставен за ракување за да не губите време во прилагодување на поставките. © Samuel Borges Photography / Shutterstock

Со исклучок на новороденчињата, бебињата се водат по своите навики. Речиси сите бебиња се навикнуваат да прават одредени работи во одредено време во денот. Ќе знаете кога вашето бебе е најсреќно, па затоа обидете се да го фотографирате во тие моменти. На пример, вашето бебе може да биде најмирно откако ќе го нахраните. Или веднаш по претпладневната дремка.

2. Фотографирајте на ниво на очи

Бебе носи светла розова облека и лежи странично врз меко беж ќебе.

Доближете се до нивото на очите на вашето бебе за да снимите слика што ќе ја прикаже интимната врска помеѓу вас и вашето дете. Проверете дали автоматскиот фокус е поставен на една точка или следење лица +, доколку е достапно, за да овозможите остар фокус на очите на вашето бебе. Снимено со Canon EOS R10 и објектив Canon RF 50mm F1.8 STM со избрани 1/100 сек., f/2,8 и ISO640. © Mark Fensome

Класичните слики од новороденчиња опфаќаат снимки одблиску од нивните мали стапала и дланки или како спијат на рамото на мајка им или татко им. Кај бебињата и постарите деца, сликите што опфаќаат движења, што прикажуваат како тие се играат или доловуваат момент од нивните животи се безвременски спомени. Златното правило за овие видови на слики е да се снимаат од ниво на очите за да се добие чувство на интимност.

Секогаш е добра идеја да ги испланирате сликите што сакате да ги снимите. Не може да знаете колку долго ќе трае доброто расположение на вашето бебе, па затоа подгответе се да ги прескокнете сликите со помал приоритет доколку немате време за нив.

3. Подесете го вашиот фотоапарат пред да фотографирате

Дедо снима фотографија со Canon EOS R100 од своето внуче кое вози велосипед. Бабата седи блиску до нив и се смее.

Не заборавајте да го чувате фотоапаратот при рака кога знаете дека вашето дете или внуче ќе учи нешто ново. Доловувањето на неповторливите моменти со најдобар можен квалитет е многу важно за да можете во иднина да ги гледате и да уживате. © Gary Morrisroe

Времето е најважен фактор кога фотографирате бебиња. Во моментите кога се мирни може да добиете приближно 10 минути за фотографирање. Вашата опрема мора да биде подготвена пред да започне тој период за да можете максимално да го искористите времето со вашето среќно бебе. Имајте предвид дека осветлувањето се менува и бебињата се поместуваат, така што ќе мора да ги прилагодувате подесувањата додека работите. Но, доколку однапред ги поставите основните елементи, како вашиот објектив, режимот за експозиција, режимот за погон и слично, ќе имате повеќе време за фотографирање.

Со фотоапарати како Canon EOS R100, сè што треба да направите е да го земете фотоапаратот и да почнете да фотографирате. Автоматизираните режими и менијата и приказите со објаснувања ќе ви помогнат во избирањето на поставките, за да можете да се концентрирате на најважното - драгоцениот момент што сакате да го доловите и зачувате долги години.

4. Работете со природна светлина

Црно женско бебе носи розова панделка на главата и се смее директно кон фотоапаратот. Природната светлина што продира низ страничниот прозорец еднакво го осветлува нејзиното лице.

Ако сакате да користите рефлектор, тогаш тестирајте и утврдете која боја најмногу одговара за тонот на кожата на вашето бебе. Можно е да утврдите дека златната страна изгледа подобро од сребрената. © pixelheadphoto digitalskillet / Shutterstock

Детенце седи на лулашка и гледа кон прозорецот низ кој продира природна светлина.

Понекогаш најдобрите моменти за фотографирање се случуваат кога правите нешто секојдневно, како подготовка на храна за вашето бебе во кујната. Затоа е важно да го имате вашиот фотоапарат секогаш при рака. Снимено со Canon EOS R6 и објектив Canon RF 85mm F2 MACRO IS STM со избрани 1/400 сек., f/2,0 и ISO400. © Ilvy Njiokiktjien

Максималното искористување на природната светлина е прекрасен и интимен начин за осветлување на фотографиите од вашето бебе. Едноставна техника е да користите рефлектор за одбивање на светлината што влегува низ прозорците. Не ви треба професионален рефлектор за фотографирање, туку бел лист или поголема бела хартија или картон. Позиционирајте го вашето дете покрај прозорец и замолете некој пријател или член на семејството да го насочува рефлекторот со цел светлината од прозорецот да ги осветли сенките што паѓаат на страната на лицето на бебето спротивно од прозорецот.

Понекогаш светлината е пресудна за да снимите одлична слика, а вашата единствена улога е да го доловите моментот. Проверете дали фокусот е врз очите на вашето бебе и дали композицијата изгледа добро, а потоа веднаш притиснете го копчето за блендата за да го овековечите краткотрајниот момент.

5. Подгответе ги објективите

Детенце кое потонало во мисли и гледа во далечината, а со прстот се допира за новото запче.

Објективите со фиксна фокусна должина, познати и како примарни објективи, се одлични за портрети при слаба осветленост. Снимено со Canon EOS R6 и објектив Canon RF 85mm F2 MACRO IS STM со избрани 1/1600 сек., f/2,0 и ISO2500. © Ilvy Njiokiktjien

Црно-бела слика, снимена од горна страна, на која се гледа лицето на бебето со затворени очи, во фокус се долгите трепки.

Понекогаш боите можат да бидат непотребни, а деталите да изгледаат подобро доколку се снимени во црно-бел формат. Проверете дали фотографијата што сте ја снимиле од вашето бебе изгледа подобро во црно-бел формат, а тоа може да го направите во самиот фотоапарат ако го отворите менито за Стилови на слика или, пак, направете ја оваа промена при обработката по снимањето доколку фотографирате во RAW-формат. Снимено со Canon EOS R и објектив Canon RF 35mm F1.8 MACRO IS STM со избрани 1/160 сек., f/2,8 и ISO200. © Helen Bartlett

Какви објективи ќе користите ќе зависи од видот на фотографијата што сакате да ја снимите. За обични фотографии користете примарен објектив како Canon RF 50mm F1.8 STM што е соодветен за опкружувања со слабо осветлување како спални, или објектив за портрети како Canon RF 85mm F2 MACRO IS STM што има брз автоматски фокус што е практичен за снимање движења како ползење и јадење.

Ако сакате јасни снимки одблиску од малите карактеристики на вашето бебе - дланки, прсти на нозете и трепки - тогаш макро објективите како гореспоменатите Canon RF 85mm F2 MACRO IS STM, Canon RF 35mm F1.8 MACRO IS STM или Canon RF 24mm F1.8 MACRO IS STM се одличен избор.

Воглавно, објективите со фиксна фокусна должина, како 50 mm или 85 mm, се одлични за темни опкружувања бидејќи пропуштаат големо количество на светлина, благодарение на големиот отвор на нивната бленда. Но, можеби е подобро да користите објектив за зумирање во ситуации кога бебето е активно. Објективите за зумирање како Canon RF-S 18-150mm F3.5-6.3 IS STM ви овозможуваат да го обликувате кадарот додека се движи вашето бебе и ви нудат поголема можност за снимање на сликата во пократок временски период.

6. Тишина! Фотографирајте тивко

Црно женско бебе носи бела едноделна облека и се смее додека спие.

Времето за спиење на бебињата е скапоцено, па затоа внимавајте да не ги разбудите со звукот на блендата кога ќе се обидете да го доловите нивниот среќен израз на лицето. Снимено со Canon EOS 5D Mark II (сега е заменет со новиот 5D Mark IV) и објектив Canon EF 24-70mm f/2.8L II USM © Mellz Photography Ltd

На бебињата лесно може да им го одвлечете вниманието, па дури и да ги исплашите со гласни звуци и активирање на блендата. Во такви ситуации е практично да го користите режимот за тивко или нечујно фотографирање. Ако имате EOS-фотоапарат како Canon EOS R100, тогаш може да го изберете нечујниот режим од режимите за сцени. Друга опција е да се прекрие звукот на блендата со пријатна или весела музика, во зависност од расположението што сакате да го доловите.

7. Фотографирајте во режим со приоритет на бленда

Црно детенце оди кон фотоапаратот со високо крената рака како да сака да дофати нешто.

Ако фотографирате бебе, тогаш поставете го фотоапаратот за субјекти во движење со тоа што ќе го изберете режимот Tv. Снимено со Canon EOS R100 и објектив Canon RF 16mm F2.8 STM со избрани 1/100 сек., f/3,5 и ISO1600 © Gary Morrisroe

Во режимот Tv (приоритет на бленда) може да изберете брзина на бленда по желба, а фотоапаратот соодветно ќе ја пресмета најдобрата решетка. Овој режим ви нуди слобода да работите брзо и креативно без да се грижите за многу прилагодувања додека фотографирате. На пример, брзината на блендата треба да биде доволно голема за да се спречи заматување на движењата, па затоа кога фотографирате разиграно бебе се препорачува да започнете со 1/250 секунди. Користете ја како почетна вредност и прилагодувајте ја според активностите.

Пожелно е целото лице на вашето бебе да биде во фокус, па затоа е важно да проверите дали користите доволно голема длабочина на поле. Опцијата за автоматско ISO ќе ви помогне да ги добиете саканите подесувања за брзина на блендата и решетката, но имајте предвид дека колку помало ISO користите, толку поголем ќе биде квалитетот на сликата.

8. Користете го режимот за континуирано фотографирање или снимајте видео

Видео од детенце кое ги држи рацете нагоре и оди кон фотоапаратот, снимено со Canon EOS R100.

Во повеќето ситуации за фотографирање ќе фотографирате во режим за една слика. Но, за да снимате портрети од бебиња треба да го промените режимот на работа на вашиот фотоапарат во континуирано фотографирање. Континуираното фотографирање (познато како и секвенцијален режим) е особено практично ако бебето се движи! Тоа ќе ви помогне да ги снимите сите ненадејни движења на бебето и ќе ви понуди најдобри услови за да го доловите совршениот момент, бидејќи бебињата нема долго да останат во положбата што ја сакате.

Уште подобро - снимете видео! Фотоапаратите како Canon EOS R100 имаат одлична стабилизација на слика за видео и автоматски фокус што ќе ви помогне за остро фокусирање на лицето на вашето бебе додека ги прави првите чекори кон вас. Таквите моменти го заслужуваат најдобриот квалитет, а ако снимате во 4K-резолуција ќе можете да снимите слика од видеозаписот што потоа ќе ја отпечатите и ставите во албумот за вашето бебе.

9. Експериментирајте со фокусните точки

Бебе завиткано во сино ќебе лежи во кревет, во фокус се неговите мали розови стапала.

Во поставките на фотоапаратот изберете режим за макро сцена или режим за фотографирање одблиску за да снимите фотографии од неодоливите карактеристики на вашето бебе, како што се нивните стапала и дланки, а сè останато во заднина да биде заматено. © James Paterson

За портретите, се разбира, ќе сакате да ги фокусирате очите на субјектот. Но, при снимањето портрети од бебиња може да создадете прекрасни слики ако понекогаш го прекршите тоа правило.

Бебињата се многу мали и некои делови од нивното тело како што се дланките и стапалата може да бидат интересни за снимање. Ако вашиот фотоапарат има екран на допир, како Canon EOS R10, тогаш треба само да го допрете делот на екранот каде што се прикажуваат прстите на рацете или нозете за да ги фокусирате. Ако користите голем отвор на блендата, тогаш сè останато на сликата ќе се замати, а фокусот ќе се задржи на карактеристиката што сакате да ја истакнете.

10. Одбијте ја светлината на блицот

Млада жена снима фотографија од детенце кое седи покрај маса и е опкружено со неговото семејство, а за тоа користи фотоапарат и блиц Speedlite насочен странично и нагоре.

Бидете покреативни со фотографиите од вашите деца и експериментирајте со надворешен блиц за да внесете насочена светлина во фотографиите. © Tom Martin

Во ситуации каде што сакате да ја контролирате светлината со блиц, многу е важно да не го насочувате блицот во очите на бебето бидејќи светлината на блицот може да биде многу непријатна и за мали и за големи бебиња. Затоа треба да користите надворешен блиц и да ја одбивате неговата светлина од таванот или спротивниот ѕид. Ако сакате само да експериментирате со блиц за забава, Speedlite EL-100 може да се користи прикачен на фотоапаратот или како надворешен блиц и претставува одлична и евтина опција за почетници. Ако сакате да инвестирате во блиц од повисока класа, тогаш изберете го Speedlite EL-5.

11. Користете статив

Баба го држи внучето во раце и му зборува.

Ако сакате да бидете во сликата, најлесен начин за да го направите тоа е да користите статив. Снимено со Canon EOS R100 и објектив Canon RF 35mm F1.8 MACRO IS STM со избрани 1/320 сек., f/4,0 и ISO640 © Gary Morrisroe

Портрет од семејство со родители и 3 деца, сите седат на кревет со балони до нив, а на ѕидот зад нив пишува среќен роденден.

Ако сакате да го опфатите целото семејство во сликата во специјалните прилики, тогаш најдобро е да користите статив и функцијата за далечинско фотографирање. Снимено со Canon EOS 800D (сега е заменет со новиот EOS 850D) и објектив Canon EF-S 18-55mm f/3.5-5.6 IS STM со избрани 1/200 сек., f/5,6 и ISO400 © Tom Martin

Бебињата прават ненадејни движења, па затоа стативот може да ни ви изгледа како идеална опрема, но вашите раце ќе бидат слободни за позиционирање на бебето или за привлекување на неговото внимание за да го добиете саканиот израз.

Исто така, користењето статив ви овозможува да бидете дел од фотографиите и да создавате безвременски и класични слики на кои, на пример, ги обвиткувате дланките или стапалата на бебето со вашите раце. Откако ќе го поставите фотоапаратот на статив, изберете тајмер за снимател како режим на работа. Најчесто добивате опција за 2 или 10 секунди. Изберете ја опцијата за 10 секунди. Исто така, може да користите статив со Bluetooth-контролор, како што е стативот со држач HG-100TBR од Canon, за многу лесно далечинско фотографирање. Прво снимете тест слика само од вас или замолете го партнерот или некој пријател да застане каде што планирате да застанете за да можете да одредите соодветни поставки за фокусот и експозицијата. Или, пак, заземете положба и почнете да фотографирате за максимално да го искористите моментот кога вашето бебе ќе биде добро расположено.

12. Користете апликации

Силуета држи фотоапарат Canon EOS R100 покрај паметен телефон, се прикажува истата слика на екранот на фотоапаратот и апликацијата Canon Camera Connect на телефонот.

Освен тоа што може да ја користите апликацијата Canon Camera Connect за далечинско фотографирање преку вашиот мобилен уред, може и да префрлувате фотографии и видеоснимки што брзо ќе ги споделите со семејството и пријателите.

Постојат многубројни практични апликации од Canon што овозможуваат полесно и позабавно фотографирање, учење и споделување.

Ако имате фотоапарат со Wi-Fi, тогаш може да ја користите бесплатната апликација Canon Camera Connect за далечинска контрола на фотоапаратот преку уред со Android или iOS, за да бидете дел од кадарот на сликата и да избегнете тресење на фотоапаратот. Кога фотоапаратот е поставен на статив може директно да комуницирате со бебето и да го следите приказот во живо од фотоапаратот преку вашиот телефон и да ја активирате блендата во одлучувачките моменти. Апликацијата може да ја користите и за брзо префрлување на фотографиите директно во вашиот телефон за да можете лесно да ги споделите. Дури и некои фотоапарати од основна класа, како што е Canon EOS R100, поддржуваат автоматско префрлување, за да можете да ги прегледувате и споделувате сликите од вашиот мобилен уред, веднаш по фотографирањето! Услугите како image.canon се одлична алтернатива за префрлување и складирање на вашите слики во Cloud заради понатамошна обработка и споделување во подоцнежна фаза.

Апликацијата Canon Photo Companion нуди прилагодени совети и вежби што одговараат на вашиот модел на фотоапарат. Сè што треба да направите е да го изберете вашиот фотоапарат EOS кога тоа ќе биде побарано од вас за да добиете пристап до многубројни видео водичи, инспиративни написи и совети за различни теми, како фотографирање деца, што ќе ви овозможат постојано да ги подобрувате вештините за фотографирање и да учите додека работите.

Ако имате бебе во семејството, земете го фотоапаратот и почнете да ги снимате сите драгоцени моменти, но имајте предвид дека наместо да ги оставите во SD-картичката, треба да ги отпечатите за да бидат покрај вас и постојано да ве потсетуваат на специјалните моменти.

Напишано од Jeff Meyer и Agi Wojcik

Слични производи

  • Фотоапарати без огледало

    EOS R100

    Создајте совршени спомени во извонреден квалитет со интуитивниот фотоапарат EOS R што е секогаш подготвен.
  • Фотоапарати без огледало

    EOS R10

    Преземете ги следните чекори во фотографирањето и снимањето со фотоапаратот без огледало EOS R што е дизајниран со сензор со големина APS-C.
  • Објективи RF

    RF 35mm F1.8 MACRO IS STM

    Макро објектив f/1,8 од 35 mm со брза решетка за широкоаголна перспектива, кратко растојание на фокусирање и хибридна стабилизација на слика.
  • Стандарден објектив

    RF 50mm F1.8 STM

    Компактен, тивок и лесен примарен RF-објектив од 50 mm, со широка решетка од f/1,8, што е совршен за реализирање на вашата креативна замисла.
  • Објективи RF

    RF 85mm F2 MACRO IS STM

    Објективот RF 85mm F2 MACRO IS STM нуди разновидни опции за фотографирање одблиску со дискретна телефото компресија и стабилизација на слика со 5 чекори, вградени во компактно и лесно куќиште.
  • Објективи RF-S

    RF-S 18-150mm F3.5-6.3 IS STM

    APS-C-објектив од серијата EOS R со опсег на зумирање од широк агол до телефото што е совршен за фотографирање патувања, диви животни, спорт и животен стил.
  • Слични статии

  • Две силуети од деца со шума во заднина, а ниското сонце ѕирка низ дрвјата.

    СЕМЕЈНО ФОТОГРАФИРАЊЕ

    11 совети за семејно фотографирање

    Дознајте совети за фотографирање прекрасни семејни портрети од амбасадорката на Canon Helen Bartlett.

  • КРЕАТИВНО ПЕЧАТЕЊЕ

    Мојата прва година низ отпечатени фотографии

    Фотографот за портрети Jemella Ukaegbu ги споделува своите најдобри совети за снимање и овековечување на првата година на вашето бебе.

  • Жена и нејзините три деца стојат околу сад за мешање во кујната и подготвуваат нешто за печење. Камера PowerShot PX ставена врз куп книги и насочена кон нив.

    СЕМЕЈНО ФОТОГРАФИРАЊЕ

    Снимајте моменти без напор

    Снимајте ги секојдневните моменти на едноставен начин со Canon PowerShot PX.

  • ОСНОВИ

    Фотографирање слики за печатење

    Седум одлични совети за овековечување на спомените преку печатење.