A baby sits upright, playing with coloured beads on an abacus.

ФОТОГРАФИРАЊЕ БЕБИЊА

12 совети за фотографирање бебиња што може да ги примените веднаш

Фотографирањето бебиња е задоволство што многу родители, членови од семејството и пријатели едвај чекаат да го искусат за своето новороденче, а и лесно може да разбереме зошто: тие се преслатки и, како што растат, на нив се забележуваат сè повеќе знаци од нивниот карактер. Без разлика дали се смеат, нешто им го привлекува вниманието, се замислени или се разиграни, фотографијата е еден од најдобрите начини за следење и зачувување на овие уникатни и динамични случувања.

Сите може да снимаат слики набрзина, но овие техники ќе ви помогнат да добиете неверојатни слики што навистина ги доловуваат таквите драгоцени моменти - подготвени за споделување со семејството и саканите блиску и далеку од вас.

1. Изберете го најдоброто време

Со исклучок на новороденчињата, бебињата се водат по своите навики. Речиси сите бебиња се навикнуваат да прават одредени работи во одредено време во денот. Ќе знаете кога вашето бебе е најсреќно, па затоа обидете се да го фотографирате во тие моменти. На пример, вашето бебе може да биде најмирно откако ќе го нахраните. Или веднаш по претпладневната дремка.

2. Фотографирајте на ниво на очи

Класичните слики од новороденчиња опфаќаат снимки одблиску од нивните мали стапала и дланки или како спијат на рамото на мајка им или татко им. Кај бебињата и постарите деца, сликите што опфаќаат движења, што прикажуваат како тие се играат или доловуваат момент од нивните животи се безвременски спомени. Златното правило за овие видови на слики е да се снимаат од ниво на очите за да се добие чувство на интимност.

Секогаш е добра идеја да ги испланирате сликите што сакате да ги снимите. Не може да знаете колку долго ќе трае доброто расположение на вашето бебе, па затоа подгответе се да ги прескокнете сликите со помал приоритет доколку немате време за нив.

3. Подесете го вашиот фотоапарат пред да фотографирате

Времето е најважен фактор кога фотографирате бебиња. Во моментите кога се мирни може да добиете приближно 10 минути за фотографирање. Вашата опрема мора да биде подготвена пред да започне тој период за да можете максимално да го искористите времето со вашето среќно бебе. Имајте предвид дека осветлувањето се менува и бебињата се поместуваат, така што ќе мора да ги прилагодувате подесувањата додека работите. Но, доколку однапред ги поставите основните елементи, како вашиот објектив, режимот за експозиција, балансот на белата боја, режимот на работа и слично, ќе имате повеќе време за фотографирање.

4. Работете со природна светлина

Максималното искористување на природната светлина е прекрасен и интимен начин за осветлување на фотографиите од вашето бебе. Едноставна техника е да користите рефлектор за одбивање на светлината што влегува низ прозорците. Не ви треба професионален рефлектор за фотографирање, туку бел лист или поголема бела хартија или картон. Позиционирајте го вашето дете покрај прозорец и замолете некој пријател или член на семејството да го насочува рефлекторот со цел светлината од прозорецот да ги осветли сенките што паѓаат на страната на лицето на бебето спротивно од прозорецот.

5. Подгответе ги објективите

Какви објективи ќе користите ќе зависи од видот на фотографијата што сакате да ја снимите. За обични фотографии користете примарен објектив како EF 50mm f/1.8 STM од Canon што е соодветен за опкружувања со слабо осветлување како спални или објектив за портрети како EF 85mm f/1.8 USM од Canon што има брз автоматски фокус кој е практичен за снимање движења како ползење и јадење.

Ако сакате јасни снимки одблиску од малите карактеристики на вашето бебе - дланки, прсти на нозете и трепки - тогаш користете макро објектив како EF-S 35mm f/2.8 Macro IS STM од Canon за DSLR-фотоапарати или EF-M 28mm f/3.5 Macro IS STM од Canon за фотоапарати без огледало.

Општо, објективите со фиксна фокусна должина, како 50 mm или 85 mm, се одлични за темни опкружувања бидејќи пропуштаат големо количество на светлина. Но, можеби е подобро да користите објектив за зумирање во ситуации кога бебето е активно. Објективите за зумирање како EF 24-105mm f/3.5-5.6 IS STM од Canon ви овозможуваат да го обликувате кадарот додека се движи вашето бебе и ви нудат поголема можност за снимање на сликата во пократок временски период.

6. Тишина! Фотографирајте тивко

Слични написи
canon-get-inspired-baby-photography-related-article-1

СЕМЕЈНИ ФОТОГРАФИИ

Домашни приказни

Најдобрите приказни се создаваат дома. Разговаравме со семејниот фотограф и раскажувач на приказни Caroline Holt за начинот на кој таа ја доловува убавината на семејствата во нивниот дом.

canon-get-inspired-baby-photography-related-article-2

ПЕЧАТАЧИ

Пет вида на луѓе на кои навистина им е потребен печатач - дали и вие сте еден од нив?

Без разлика дали сте родител, независен бизнисмен или фотограф за фина уметност, ние ќе ви понудиме соодветен печатач. Дознајте кој

A baby wears a shirt and lies on its front on a green, pink and white blanket.

На бебињата лесно може да им го одвлечете вниманието, па дури и да ги исплашите со гласни звуци и активирање на блендата. Во такви ситуации е практично да го користите режимот за тивко или нечујно фотографирање. Ако имате EOS M50 од Canon, тогаш може да го изберете нечујниот режим од режимите за сцени. Ако имате фотоапарат PowerShot од Canon, неговата бленда е потивка отколку многу други модели на фотоапарати. Друга опција е да се прекрие звукот на блендата со пријатна или весела музика, во зависност од расположението што сакате да го доловите.

7. Фотографирајте во режим со приоритет на бленда

Во режимот Tv (приоритет на бленда) може да изберете брзина на бленда по желба, а фотоапаратот соодветно ќе ја пресмета најдобрата решетка. Овој режим ви нуди слобода да работите брзо и креативно без да се грижите за многу прилагодувања додека фотографирате. На пример, брзината на блендата треба да биде доволно голема за да се спречи заматување на движењата, па затоа кога фотографирате разиграно бебе се препорачува да започнете со 1/250 секунди. Користете ја како почетна вредност и прилагодувајте ја според активностите.

Пожелно е целото лице на вашето бебе да биде во фокус, па затоа е важно да проверите дали користите доволно голема длабочина на поле. Опцијата за автоматско ISO ќе ви помогне да ги добиете саканите подесувања за брзина на блендата и решетката, но имајте предвид дека колку помало ISO користите, толку поголем ќе биде квалитетот на сликата.

8. Користете го режимот за континуирано фотографирање

Во повеќето ситуации за фотографирање ќе фотографирате во режим за една слика. Но, за да снимате портрети од бебиња треба да го промените режимот на работа на вашиот фотоапарат во континуирано фотографирање. Континуираното фотографирање (познато како и секвенцијален режим) е особено практично ако бебето се движи! Тоа ќе ви помогне да ги следите сите ненадејни движења на бебето и ќе ви понуди најдобри услови за да го доловите совршениот момент, бидејќи бебињата нема долго да останат во положбата што ја сакате.

9. Експериментирајте со фокусните точки

За портретите, се разбира, ќе сакате да ги фокусирате очите на субјектот. Но, при снимањето портрети од бебиња може да создадете прекрасни слики ако понекогаш го прекршите тоа правило.

Бебињата се многу мали и некои делови од нивното тело како што се дланките и стапалата може да бидат интересни за снимање. Ако вашиот фотоапарат има екран на допир, тогаш треба само да го допрете делот на екранот каде што се прикажуваат прстите на рацете или нозете за да ги фокусирате. Ако користите голем отвор на блендата, тогаш сè останато на сликата ќе се замати, а фокусот ќе се задржи на карактеристиката што сакате да ја истакнете.

10. Одбијте ја светлината на блицот

Во ситуации каде што сакате да ја контролирате светлината со блиц, многу е важно да не го насочувате блицот во очите на бебето бидејќи светлината на блицот може да биде многу непријатна и за мали и за големи бебиња. Затоа треба да користите надворешен блиц и да ја одбивате неговата светлина од таванот или спротивниот ѕид. Speedlite 470EX-AI од Canon* го олеснува овој процес со помош на неговата моторизирана глава со можност за вртење и одбивање на светлината што автоматски го пронаоѓа соодветниот агол за да обезбеди прекрасно осветлување. Не само што резултатите ќе изгледаат поприродни, туку и самата моторизирана глава може да му го привлече вниманието на вашето бебе.

11. Користете статив

A baby wearing a headband faces the camera. Her dad holds her up above his shoulder in one hand, facing away from us as he looks at her.

Бебињата прават ненадејни движења, па затоа стативот може да ни ви изгледа како идеална опрема, но вашите раце ќе бидат слободни за позиционирање на бебето или за привлекување на неговото внимание за да го добиете саканиот израз.

Исто така, користењето статив ви овозможува да бидете дел од фотографиите и да создавате безвременски и класични слики на кои, на пример, ги обвиткувате дланките или стапалата на бебето со вашите раце. Откако ќе го поставите фотоапаратот на статив, изберете тајмер за снимател како режим на работа. Најчесто добивате опција за 2 или 10 секунди. Изберете ја опцијата за 10 секунди. Прво снимете тест слика само од вас или замолете го партнерот или некој пријател да застане каде што планирате да застанете за да можете да одредите соодветни подесувања за фокусот и експозицијата. Штом завршите, притиснете го копчето за блендата и застанете во положба!

12. Користете апликации

Постојат многубројни практични апликации што овозможуваат полесно и позабавно фотографирање, учење и споделување.

Ако имате фотоапарат со Wi-Fi, тогаш може да ја користите бесплатната апликација Canon Camera Connect за далечинска контрола на фотоапаратот преку уред со Android или iOS, за да ја елиминирате можноста за појава на тресење на фотоапаратот. Кога фотоапаратот е поставен на статив може директно да комуницирате со бебето и да го следите приказот во живо од фотоапаратот преку вашиот телефон и да ја активирате блендата во одлучувачките моменти. Апликацијата може да ја користите и за брзо префрлување на фотографиите директно во вашиот телефон за да можете лесно да ги споделите.

Lifecake е апликација што е специјално дизајнирана за родители на млади деца која ќе ви помогне да ги чувате сите ваши фотографии и видеозаписи на едно место и да создадете прекрасен временски тек од развојот на вашето дете. Сликите може да ги категоризирате на практичен начин, а може да ја користите апликацијата и за да создавате отпечатени фотокниги. Во временскиот тек што ќе го создадете со Lifecake може да уживаат членовите од семејството и пријателите на нивните паметни телефони, таблет-уреди и компјутери, а тоа ќе им помогне на бабите и дедовците, тетките, чичковците и сите останати да се чувствуваат поблиски и да бидат дел од животите на вашите деца.

Апликацијата Canon Photo Companion нуди прилагодени совети и вежби што одговараат на вашиот модел на фотоапарат. Сè што треба да направите е да го изберете вашиот фотоапарат EOS кога тоа ќе биде побарано од вас за да добиете пристап до многубројни видео водичи, инспиративни написи и совети за различни теми, како фотографирање деца, што ќе ви овозможат постојано да ги подобрувате вештините за фотографирање и да учите додека работите.

Напишано од Jeff Meyer

*Забелешка: потполно автоматско одбивање на светлината е достапно само кај фотоапаратите EOS издадени во втората половина на 2014 или подоцна, освен EOS 1300D, EOS 2000D, EOS 4000D, EOS M10, EOS M3, EOS M5, EOS M6, EOS M100.

Слични производи