КРЕАТИВНО ПЕЧАТЕЊЕ

Разубавете го вашиот дом со декор што лесно се изработува

Водич со објаснувања во чекори за печатење и изработка на ваш домашен декор со печатачот PIXMA G6040 од Canon.
Canon Camera
Домот е таму каде што е срцето - и местото каде што многумина од нас поминуваат сè повеќе и повеќе време. Како што времето станува постудено и ноќите стануваат подолги, вашите мисли се насочуваат кон создавање удобно засолниште исполнето со уникатни декорации. Можете да отидете во продавница и да купите интересни украси или необични декорации за да ставите личен печат врз вашиот домашен декор - но зошто да не пробате самите да го изработите?

Благодарение на многубројните шаблони достапни во апликацијата Creative Park и на веб-страницата на Creative Park и на паметната технологија во палетата на безжични печатачи PIXMA од Canon, можете да изработувате ваши евтини домашни додатоци. За овој водич го користевме печатачот PIXMA G6040 од Canon. Тој е популарен избор за домашните канцеларии, но може да се користи и како централен уред за печатење за целото семејство и е идеален за печатење висококвалитетни шаблони за проекти од хартија.

Апликацијата Creative Park и веб-страницата содржат голем број практични и привлечни декорации за секоја соба во куќата. Зошто да не отпечатите и превиткате ваша рамка за фотографии или да изработите вазна или кутија за украсни предмети за на празна полица или прозорски праг? Можете да ја разубавите собата на вашето дете со 3D глава на еднорог, разнобојна висечка играчка со хартиени диносауруси или отпечатете табела за растење со животни за да ја следите неговата висина - има многу забавни опции за да ја покажете вашата креативност.
Ѕидна скулптура на еднорог од хартија во детска соба.

Печатењето и изработката на модели се одличен начин да го разубавите вашиот дом со предмети што ги обожавате.

Ќе ви треба:

1. Разгледајте ги дизајните

Печатач PIXMA G6040 и магнетна фотохартија до штица за сечење и шаблони за висечка играчка со хартиени диносауруси.

Големиот избор на шаблони во апликацијата Creative Park ќе ви даде огромна инспирација.

Creative Park нуди многубројни идеи за домашен декор или можете да ја преземете практичната апликација Creative Park од App Store или Google Play. Сè што ви треба е Canon ID и поддржан печатач од Canon.

Шаблоните во апликацијата се подредени во категории, а инстинктивниот дизајн ќе ви овозможи лесно да го пронајдете делот што го барате. Опцијата „Room décor“ (Собен декор) во картичката „Category“ (Категорија) вклучува растенија, украси на конец, ѕидни налепници, реклами и висечки украси. На веб-страницата на Creative Park има дел „Home and Living“ (Дом и живеење) со категории како што се „Plants“ (Растенија), „Ornaments/Accessories“ (Орнаменти/Додатоци) и „Hanging decoration“ (Висечка декорација). Можете и да ја користите алатката „Search“ (Пребарај) за да го најдете тоа што го барате.

2. Преземете шаблон

Човек го користи својот телефон за безжично печатење со печатачот PIXMA G6040.

Кога ќе ја поврзете апликацијата Creative Park со вашиот печатач PIXMA од Canon, ќе можете да изберете дизајн и да го отпечатите од вашиот телефон.

Откако ќе најдете шаблон што ви се допаѓа може да кликнете на ѕвездичката за да го префрлите во менито „Favourites“ (Омилени) или да кликнете на картичката „Edit“ (Уреди) за да го преземете. При постапката на преземање, од вас ќе се побара да ја изберете големината на хартијата. Кликајте на „Save“ (Зачувај) за да ги зачувате вашите проекти (зачуваните елементи ќе се префрлат во менито „Your Items“ (Ваши елементи)).

Сите шаблони содржат јасни инструкции за изработка, што можете да ги следите на екранот или да ги отпечатите на лист хартија.

3. Изберете хартија

Човек полни хартија во печатач PIXMA G6040 од Canon на работна површина во кујна.

За повеќето шаблони е потребна мат фотохартија, но има и дизајни за самолеплива фотохартија и магнетна фотохартија.

Висококвалитетната и цврста мат фотохартија или двостраната мат хартија е идеална за проекти за изработка на модели. За шаблоните најчесто е потребен повеќе од еден лист - особено за посложените дизајни. Различни медиуми за изработка на модели може да се внесуваат преку задниот фах за хартија на PIXMA G6040 од Canon.

Creative Park вклучува и шаблони за ѕидни налепници што може да се печатат врз самолеплива фотохартија и дизајни за магнети за фрижидери што може да се печатат врз магнетна фотохартија. Има и шаблони за хартии за пренос на слики врз светли и темни материјали со пеглање. Разгледајте ја опцијата „Recommendations by paper type“ (Препораки по вид на хартија) во картичката „Category“ (Категорија) во апликацијата Creative Park за да погледнете што се нуди.

4. Проверете ги нивоата на мастилата и печатењето

Резервоарот за мастило што се дополнува на печатач PIXMA G6040 од Canon.

Практичните шишиња овозможуваат едноставно дополнување на резервоарите за мастило во печатачот MegaTank PIXMA G6040 од Canon.

Ако го користите печатачот за првпат, треба да проверите дали има мастило. Системот MegaTank од Canon, што е дел од сите печатачи од серијата PIXMA G, е дизајниран за извонредно голема потрошувачка, со мал трошок по страница, што значи дека можете да бидете креативни колку што ќе посакате без да се грижите дали ќе ви се потроши мастилото. Вградениот резервоар со мастило поставен на предната страна овозможува лесно следење на преостанатото мастило. За да го дополните резервоарот, отворете го капакот на предниот дел од печатачот и вметнете го соодветното шише со мастило во отворот - дополнувањето ќе запре автоматски кога ќе се наполни резервоарот. Резервоарите можете да ги дополните веднаш штом ќе забележите дека опаѓаат нивоата на мастилата.

За други видови на инк-џет печатачи PIXMA од Canon, вметнете ги соодветните картриџи со мастило при постапката на поставување.

За да ја поврзете апликацијата Creative Park со компатибилен печатач PIXMA од Canon, појдете во „Main Menu“ (Главно мени) и изберете „Add Printer“ (Додај печатач) во опцијата „Settings“ (Поставки). Кога ќе ги проверите нивоата на мастилата и ќе ја ставите соодветната хартија, можете да притиснете „Print“ (Печати).

5. Исечете и превиткајте во соодветната форма

Човек сече слика од портокалов диносаурус за висечка играчка.

Овој дизајн на диносаурус е отпечатен во различни светли бои. За да ја задржите разнобојноста и острината на вашите модели подолго време, чувајте ги подалеку од директна сончева светлина.

Човек ги прикачува нозете на портокалов диносаурус од хартија.

Користете подлога за сечење и ножици или нож и внимателно исечете ги различните форми, а потоа превиткајте ги следејќи ги упатствата.

За оваа фаза ќе ви треба стабилна рака и малку трпение - особено за посложените шаблони. Остри ножици се доволни за едноставни дизајни, но за сложени парчиња ви препорачуваме да користите подлога за сечење и нож. Погледнете ги инструкциите за шаблонот за да се осигурите дека ја превиткувате хартијата во правилната насока.

6. Залепете или прицврстете

Човек држи хартиен модел од диносаурус до печатач PIXMA G6040 од Canon.

Некои од шаблоните може да се превиткуваат, но за други треба да користите лепило за хартија.

Ако вашата декорација треба да се лепи, наместо само да се превиткува, ќе ви треба силно лепило за хартија. Пред да нанесете лепило, превиткајте ги рабовите за да добиете попрецизен резултат. Спојувалките за хартија може да бидат корисни за прицврстување на рабовите додека чекате да се исуши лепилото.

7. Најдете го најдоброто место во домот

Човек закачува висечка играчка со хартиени диносауруси во детска соба.

Кога ќе го завршите проектот за моделот од хартија, можете да ја покажете вашата рачна изработка и да ја поставите во вашиот дом.

Сега можете да ја закачите вашата декорација или да ја поставите на централно место во вашиот дом. Можете да користите иглички за да закачувате декорации на таванот или да лепите полесни ѕидни украси со лепило за повеќекратна употреба. Поставете ги декорациите подалеку од директна сончева светлина за да боите останат светли и јасни.

Дали сте инспирирани од овој проект? Можностите за домашен декор не завршуваат тука. Од картички и календари до отпечатени материјали и постери, забавната и интуитивна апликација Easy-PhotoPrint Editor ќе ви овозможи да бидете многу креативни со вашите омилени фотографии. Додавајте текст и печати на слики, создавајте и печатете колажи користејќи фотографии од посебни пригоди или печатете фотоналепници што ќе ги споделите со вашите пријатели.

PIXMA G6040 од Canon

Печатачот PIXMA G6040 од Canon е евтина и ефикасна опција за печатење. Тој го содржи системот за печатење MegaTank од Canon - евтини резервоари за мастило што лесно се дополнуваат. Кога печатите со квалитет на печатење фотографии, резервоарот за мастила во боја во PIXMA G6040 може да отпечати до 2.200** висококвалитетни фотографии. Печатачот PIXMA G6040 од Canon е компатибилен со многубројни креативни апликации од Canon, вклучувајќи ги Creative Park, апликацијата Canon PRINT и апликацијата Canon Easy-PhotoPrint Editor. Со PIXMA Cloud Link можете и да печатите слики од вашите сметки на Cloud како што се Google Photos, Facebook и Instagram.
Напишано од Claire Gillo и Andrea Ball
* Ако вашиот печатач не е поддржан, посетете ја веб-страницата на Creative Park.
** Потрошувачката на страници претставува вредност што е пресметана врз основа на посебен метод за тестирање на Canon, користејќи ја табелата ISO/IEC 29103 и симулацијата за континуирано печатење со резервни шишиња со мастило по почетното поставување.

Слични написи

  • ПЕЧАТЕЊЕ И ИЗРАБОТКА НА МОДЕЛИ

    Апликација Creative Park

    Апликацијата Creative Park нуди многу забавни проекти за изработка на модели.

  • КРЕАТИВНО ПЕЧАТЕЊЕ

    Печатете и изработувајте модели од пеперутки за на ѕид

    Aimee Graham, која изработува хартиени модели, открива како да правите врвни украси со печатење.

  • СОВЕТИ ЗА ПЕЧАТЕЊЕ

    Трансформирајте ги вашите уреди

    Украсете и приспособете го вашиот телефон, лаптоп и таблет во неколку едноставни чекори.

  • КРЕАТИВНО ПЕЧАТЕЊЕ

    Приспособете ја вашата гардероба

    Стилски маички, приспособени торби, уникатни подароци… водич за печатење врз текстилни материјали.