Разубавете го вашиот дом со декор што лесно се изработува

Домот е таму каде што е срцето - и местото каде што многумина од нас поминуваат сè повеќе и повеќе време. Како што времето станува постудено и ноќите стануваат подолги, вашите мисли се насочуваат кон создавање удобно засолниште исполнето со уникатни декорации. Можете да отидете во продавница и да купите интересни украси или необични декорации за да ставите личен печат врз вашиот домашен декор - но зошто да не пробате самите да го изработите?

Благодарение на многубројните шаблони достапни на веб-страницата Creative Park и паметната технологија во палетата на безжични печатачи Canon PIXMA, можете да изработувате ваши евтини домашни додатоци. За овој водич го користевме печатачот Canon PIXMA G6040. Тој е популарен избор за домашните канцеларии, но може да се користи и како централен уред за печатење за целото семејство и е идеален за печатење висококвалитетни шаблони за проекти од хартија.

Веб-страницата Creative Park содржи голем број практични и привлечни декорации за секоја соба во куќата. Зошто да не направите вазна или кутија со мали предмети за празна полица или подножје на прозорец? Можете да ја разубавите собата на вашето дете со 3D-глава на еднорог, разнобојна висечка играчка со хартиени диносауруси - има многу забавни опции за да ја покажете вашата креативност.

Ќе ви треба:

• Печатач Canon PIXMA, на пример, Canon PIXMA G6040.
• Creative Park.
• Хартија за печатачи од Canon - мат фотохартијата е висококвалитетна, јака и флексибилна.
• Вашите омилени шаблони за дизајн. За нашиот домашен декор користевме различни шаблони, вклучувајќи ја висечката играчка со диносауруси, кутијата за подароци и скулптурата на еднорог од хартија.
• Ножици или нож/сечило и подлога за сечење.
• Лепило за хартија.

На веб-страницата на Creative Park има дел „Home and Living“ (Дом и живеење) со категории како што се „Plants“ (Растенија), „Ornaments/Accessories“ (Орнаменти/Додатоци) и „Hanging decoration“ (Висечка декорација). Можете и да ја користите алатката „Search“ (Пребарај) за да го најдете тоа што го барате.

При постапката на преземање, од вас ќе се побара да ја изберете големината на хартијата.

Сите шаблони содржат јасни инструкции за изработка, што можете да ги следите на екранот или да ги отпечатите на лист хартија.

Висококвалитетната и цврста мат фотохартија или двостраната мат хартија е идеална за проекти за изработка на модели. За шаблоните најчесто е потребен повеќе од еден лист - особено за посложените дизајни. Различни медиуми за изработка на модели може да се внесуваат преку задниот фах за хартија на Canon PIXMA G6040.

Ако го користите печатачот за првпат, треба да проверите дали има мастило. Системот Canon MegaTank, што е дел од сите печатачи од серијата PIXMA G, е дизајниран за извонредно голема потрошувачка, со мал трошок по страница, што значи дека можете да бидете креативни колку што ќе посакате без да се грижите дали ќе ви се потроши мастилото. Вградениот резервоар со мастило поставен на предната страна овозможува лесно следење на преостанатото мастило. За да го дополните резервоарот, отворете го капакот на предниот дел од печатачот и вметнете го соодветното шише со мастило во отворот - дополнувањето ќе запре автоматски кога ќе се наполни резервоарот. Резервоарите можете да ги дополните веднаш штом ќе забележите дека опаѓаат нивоата на мастилата.

За други видови на инк-џет печатачи Canon PIXMA, вметнете ги соодветните картриџи со мастило при постапката на поставување.

Кога ќе ги проверите нивоата на мастилата и ќе ја ставите соодветната хартија, можете да притиснете „Print“ (Печати).

За оваа фаза ќе ви треба стабилна рака и малку трпение - особено за посложените шаблони. Остри ножици се доволни за едноставни дизајни, но за сложени парчиња ви препорачуваме да користите подлога за сечење и нож. Погледнете ги инструкциите за шаблонот за да се осигурите дека ја превиткувате хартијата во правилната насока.

Ако вашата декорација треба да се лепи, наместо само да се превиткува, ќе ви треба силно лепило за хартија. Пред да нанесете лепило, превиткајте ги рабовите за да добиете попрецизен резултат. Спојувалките за хартија може да бидат корисни за прицврстување на рабовите додека чекате да се исуши лепилото.

Сега можете да ја закачите вашата декорација или да ја поставите на централно место во вашиот дом. Можете да користите иглички за да закачувате декорации на таванот или да лепите полесни ѕидни украси со лепило за повеќекратна употреба. Поставете ги декорациите подалеку од директна сончева светлина за да боите останат светли и јасни.

Дали сте инспирирани од овој проект? Можностите за домашен декор не завршуваат тука. Од картички и календари до отпечатени материјали и постери, забавната и интуитивна апликација Easy-PhotoPrint Editor ќе ви овозможи да бидете многу креативни со вашите омилени фотографии.

Напишано од Claire Gillo и Andrea Ball