A young boy is lit from one side by a homemade softbox on a stand.

ДОМАШНИ ПРОЕКТИ

Опрема што може сами да ја направите: како самите да направите дополнителна опрема за фотографирање

Нели би било супер да имате студио опремено со професионално осветлување како придушен рефлектор за мека и дифузирана светлина и светилка за фокусирано осветлување во точка по ваша желба? А кога фотографирате диви животни во градината, нели би сакале да имате повеќенаменски држач за стабилизирање на фотоапаратот врз сите површини? Наместо да инвестирате многу пати во дополнителна опрема како оваа, обидете се да си ја направите самите!
Во овој напис ќе ви покажеме како да искористите секојдневни предмети за да направите дополнителна опрема што ќе ја користите со вашиот фотоапарат од Canon и опремата што веќе ја имате за да создавате креативни ефекти и да ги подобрите квалитетот на вашите фотографии.

1. Направете си придушен рефлектор

Ако снимате портрети, тогаш задолжително мора да имате придушен рефлектор! Тој го дифузира вашиот извор на светлина за да добиете прекрасни портрети.

Ви треба:

  • Картонска кутија
  • Тврд картон
  • Молив
  • Ножици
  • Селотејп
  • Ластици
  • Фолија
  • Хартија за печење или паус хартија (најдобро е да користите провидна хартија)
Придушениот рефлектор е идеален за да го направите вашиот извор на светлина помек и поубав за портрети. Но, тоа не значи веднаш да одите и да купите нов придушен рефлектор. Со картонска кутија, неколку парчиња фолија и малку хартија за печење може да си направите придушен рефлектор за приближно половина час. Потребно е минимално сечење и ќе искористиме одличен трик со кој ќе ги добиеме придобивките што ги нуди пластичниот држач Speedlite. Следете ги овие инструкции и ќе можете да снимате подобри портрети со вашиот нов придушен рефлектор за многу кратко време.

Чекор 1 - Направете правоаголна цевка

Two hands bend a piece of cardboard around the sides of a Canon Speedlite flash.
Превиткајте го картонот околу врвот на вашиот блиц Speedlite и прицврстете го со селотејп.
Исечете ги сите четири рабови и потоа превиткајте ги парчињата.

Исечете парче тврд картон за да го обвиткате вашиот Speedlite. Неговата должина треба да биде двојно поголема од должината на делот од блицот што се витка. Прицврстете го со селотејп. Отстранете го вашиот Speedlite и засечете долж четирите рабови, приближно до половина од вкупната должина, а потоа превиткајте ги нанадвор.

Чекор 2 - Прицврстете го држачот Speedlite

Two hands use black tape to secure a cardboard sheath around a Speedlite flash.
Залепете го со селотејп пластичниот држач на вашиот блиц Speedlite за надворешната страна на кутијата и направете отвор низ селотејпот за да можете да ја навртите завртката низ него. Тоа е потребно за да можете да го прикачите придушениот рефлектор на вашиот статив.
Ставете два ластици врз две парчиња од картонот.

Земете го пластичниот држач Speedlite и залепете го селотејп за картонската цевка (обвиткајте со селотејпот неколку пати, а потоа направете отвор низ селотејпот до навојот за да можете подоцна да го прикачите пластичниот држач со стативот). Потоа, закачете два ластици врз две од картонските парчиња што ги засековте претходно и ги превиткавте нанадвор, за да можете да го прицврстите вашиот Speedlite во внатрешноста од картонската цевка.

Чекор 3 - Залепете ја цевката во кутијата

The inside of a large cardboard box with the flaps of the cardboard sheath secured inside.
Турнете го блицот Speedlite низ отворот во картонската кутија и залепете ги со селотејп четирите парчиња од картонот превиткани нанадвор.
Залепете го со селотејп отвореното картонско крило на надворешната страна на кутијата врз цевката.

Позиционирајте го завршетокот на цевката во центарот на големата картонска кутија (колку е поголема кутијата, толку повеќе дифузирана ќе биде светлината) и обележете ја положбата на цевката. Засечете три страни од означената површина, а потоа превиткајте кај четвртата страна нагоре за да добиете крило што ќе го отворите. Турнете ја вашата цевка со Speedlite низ отворот од внатрешната страна (не заборавајте дека и ластиците треба да поминат низ отворот). Залепете ги со селотејп четирите парчиња превиткани нанадвор врз цевката со Speedlite во внатрешноста на кутијата, а потоа залепете го со селотејп отвореното картонско крило врз надворешната страна на цевката.

Чекор 4 - Обложете ја кутијата

The inside of a large cardboard box being lined with reflective foil.
Употребете кујнска фолија за да ја направите рефлективната облога за вашиот домашно направен придушен рефлектор и употребете уште едно основно кујнско помагало - хартија за печење - за да ја обложите предната страна на кутијата.

Обложете ја внатрешноста на кутијата со рефлективна фолија. Прво обвиткајте ги горниот и долниот дел на кутијата со фолија и залепете ја, а потоа направете два странични панели под агол така што ќе залепите два листа фолија долж еден од нивните рабови и ќе ги поставите блиску до центарот на кутијата од двете страни. Израмнете ја добро фолијата со тегнење нанадвор од кутијата и прицврстете ја, за да добиете отвор со триаголна форма помеѓу фолијата и картонската кутија. Аглите ќе помогнат во насочувањето на светлината. Залепете ја хартијата за печење или паус хартијата врз предниот дел на кутијата. Сега вашиот придушен рефлектор, што самите го направивте, е подготвен за користење. Прицврстете го со завртки на држач или статив со помош на пластичниот држач Speedlite и вметнете го вашиот блиц Speedlite во цевката, а потоа ставете ги ластиците врз неговиот завршеток за да го прицврстите.

Чекор 5 - Позиционирајте го рефлекторот

Време е да го тестирате вашиот придушен рефлектор - позиционирајте го странично и малку повисоко од лицето на вашиот субјект, а потоа активирајте го блицот Speedlite за да ја осветлите сликата.
A portrait of a boy against a black background.
Користењето придушен рефлектор овозможува омекнување на светлината што паѓа врз лицето на субјектот и ја разубавува атмосферата во конечната слика.

Позиционирајте го вашиот придушен рефлектор на една страна и малку повисоко од лицето на вашиот субјект. Блицот Speedlite во придушениот рефлектор може да го активирате со помош на втор блиц Speedlite од Canon што ќе биде приклучен во приклучокот за блиц на фотоапаратот или со помош на безжичен уред за активирање (како што е ST-E3-RT од Canon) или, пак, со помош на вградениот блиц во фотоапаратот (кај компатибилни фотоапарати од Canon). Како почетна точка за експозиција, поставете го фотоапаратот во рачен режим со експозиција од 1/200 сек., ISO 100 и решетка f/5,6. Поставете го блицот на рачна јачина со една осмина од максималната јачина и снимете тест слика. Ако е премногу осветлена или темна, тогаш прилагодувајте ја јачината на блицот или решетката сè додека не добиете соодветно осветлување.

2. Направете долгнавест рефлектор

Рефлекторот за фокусираната светлина е практичен за создавање прекрасни ефекти во вашите фотографии.

Ви треба:

  • Цилиндрична цевка од чипс обложена со фолија
  • Скалпел или ножици
  • Креп трака
Обична цевка од чипс може да биде многу практична за контролирање на светлината на вашиот Speedlite. За среќа, овие цевки имаат сличен дијаметар со повеќето блицови Speedlite, па лесно може да поставите некоја таква цевка врз вашиот блиц за неколку секунди. На овој начин ќе можете да го намалите распространувањето на светлината и да добиете фокусирано осветлување или точкесто осветлување, а ако го поставите блицот странично зад вашиот субјект, тогаш ќе добиете прстенесто осветлување што ќе ги нагласи рабовите за да добиете прекрасен изглед.

Чекор 1 - Исечете ја цевката

A man cutting the top off a snack food tube with a craft knife.
Металната облога во оваа цевка ќе помогне во одбивањето на светлината од блицот Speedlite кон субјектот.

Ќе ви треба цилиндрична цевка што ќе биде доволно голема за да може да се постави врз завршетокот на вашиот Speedlite, како на пример, цевка од чипс или во нашиот случај, грисини. Во идеален случај, садот треба да има метална облога бидејќи таа помага во одбивањето на светлината низ цевката. Исечете го едниот крај на цевката со скалпел или ножици.

Чекор 2 - Поставете ја врз вашиот Speedlite

Two hands fit a snack food tube on to a Speedlite flash. A Speedlite flash with a snack food tube on it being attached to a tripod.
Поставете ја цевката врз вашиот Speedlite. Треба да одговара совршено - во спротивно, прицврстете ја со креп трака.
Рефлекторот за фокусирана светлина ќе изгледа како факел што ќе го осветли вашиот субјект.

Поставете ја цевката врз вашиот Speedlite. Ако дијаметарот не е одговара совршено и поради тоа не можете да го вметнете блицот во цевката или цевката стои лабаво врз објективот, тогаш употребете креп трака за да ја прицврстите цевката. Потоа прикачете го блицот Speedlite на неговата пластична основа што ќе ја прикачите со завртки за држачот за светло или основата на стативот.

Чекор 3 - Активирање на блицот

A photographer takes a photo of a dog illuminated from the other side by a spotlight tube.
Не заборавајте да го тестирате вашиот нов рефлектор со неколку тест слики за да се уверите дека функционира по ваша желба.

Блицот Speedlite треба да се активира далечински со помош на втор сличен блиц Speedlite што ќе биде прикачен на фотоапаратот или со помош на уред за безжично активирање. Исто така, повеќето модели на фотоапарати од Canon ви овозможуваат да контролирате компатибилни блицови Speedlite преку блицот што е вграден во самиот фотоапарат - не само за активирање на блицот Speedlite, туку и за поставување на неговата јачина. Снимете неколку тест фотографии за да проверите дали блицот се активира.

Чекор 4 - Позиционирање на рефлекторот

A photographer, standing next to a spotlight tube on a tripod, attracts the attention of a dog.
Позиционирајте го вашиот рефлектор странично во однос на субјектот и снимете неколку тест слики. Светлината од рефлекторот има мал дијаметар, па можеби ќе треба да го прилагодите за да ја пронајдете соодветната положба.
Закачете заднина - платно или завеса - со контрастна боја за да го истакнете вашиот субјект.

Ако сакате да добиете задното осветлување, тогаш позиционирајте го вашиот Speedlite странично зад субјектот, насочен наназад кон субјектот и фотоапаратот. Бидејќи зракот светлина има мал дијаметар, многу е важно да го одредите аголот правилно. Препорачливо е да ја користите функцијата за моделирање на светлината кај блицот Speedlite (притиснете го и задржете го копчето за тест), а може да ја користите и апликацијата Canon Camera Connect за да снимите неколку тест слики далечински преку вашиот паметен телефон додека ја прилагодувате положбата на блицот. Фотографирајте го вашиот субјект наспроти обична заднина - завеса или платно е одличен избор - и изберете контрастна боја за да го истакнете субјектот.

Чекор 5 - Поставете ја експозицијата

The settings display on the back of a Speedlite.
Снимете неколку тест слики и прилагодете ги поставките на вашиот фотоапарат за да го добиете саканиот резултат.

Ова е добра почетна точка за вашата експозиција: поставете го фотоапаратот во режим за рачна експозиција, поставете го ISO на 100, брзина на бленда од 1/200 сек. и решетка f/8. Потоа, поставете го блицот во рачен режим и намалете ја јачината на 1/32. Снимете тест слика. Ако е премногу осветлена или темна, тогаш намалете ја или зголемете ја јачината на блицот сè додека не добиете соодветно осветлување. Позиционирајте го субјектот странично за да добиете прекрасна слика во профил, а потоа започнете да фотографирате.

3. Направете си мека подлога

Не секогаш може да користите статив кога фотографирате макро, особено во ниски положби до подот, но домашно направената мека подлога може да го стабилизира вашиот фотоапарат и да ви помогне да добиете подобри резултати.

Ви треба:

  • Еден пар панталони
  • Игла и конец или машина за шиење
  • Ќеса со леќа / ориз или слична сушена храна
Меката подлога е практична во многу ситуации за фотографирање. Може да го ставите објективот врз неа за да снимате постабилни слики, да го ставите фотоапаратот врз неа наместо на подот кога фотографирате од низок агол, а може да ја ставите и на прозорецот од автомобилот за да го скриете фотоапаратот при фотографирање птици. Меката подлога може да ја направите многу лесно од стари панталони, игла и конец (или уште подобро, со помош на машина за шиење) и ќесе со леќа или слична сушена храна.

Чекор 1 - Исечете ја ногавицата

A man using scissors to cut one leg off a pair of trousers. A man's hands using a sewing machine to sew up the opening of a trouser leg.
Исечете ногавица од стари панталони со помош на ножици - ви треба должина од приближно 30 cm.
Зашијте го отворот на едната страна со машина за шиење или рачно со игла и конец.

Земете стари панталони и исечете една од ногавиците. Исечената ногавица треба да биде долга приближно 30 cm. Потоа земете игла и конец (или машина за шиење) и зашијте го отворот од едната страна. Зашијте ја и втората страна, но оставете мал отвор од неколку сантиметри.

Чекор 2 - Ставете ја сушената храна

Red lentils being poured into the opening at the top of a cut-off trouser leg.
Наполнете ја меката подлога со сушени зрна или ориз речиси целосно.

Земете ќесе со леќа или слична сушена храна, како што е оризот, и ставете ја низ отворот (може да користите инка - направете инка од лист од A4-хартија доколку е потребно). Полнете сè додека торбата не се наполни речиси целосно, а потоа повторно земете игла и конец и зашијте го отворот за да ја задржите храната во торбата. Вашата домашно направена мека подлога е подготвена за користење.

Чекор 3 - Стабилизирајте го објективот

A photographer resting his lens on a beanbag on a garden chair, shooting purple flowers.
Домашно направената мека подлога е идеална за стабилизирање долги објективи и за спречување на тресењето на фотоапаратот.

Меката подлога е одлична за стабилизирање на долгите објективи. Не само што долгите објективи се тешки за држење дури и краток период, туку колку е подолга фокусната должина, толку е потесен аголот на гледање, што значи дека и малите движења ќе бидат премногу забележливи. Вашата мека подлога ќе ви помогне да го елиминирате тресењето кога фотографирате со поголеми фокусни должини. Ако вашиот објектив има стабилизација на слика, исто како и објективот EF 70-200mm f/2.8L IS III USM од Canon тука, тогаш најдобро е да ја вклучите кога фотографирате рачно.

Чекор 4 - Користете го фотоапаратот ниско до подот

A Canon EOS 250D with a Canon EF 70-200mm f/2.8L IS III USM lens rests on a homemade beanbag.
Фотографирањето од ниски агли може да биде напорно, но вашата мека подлога е идеално перниче што може да се обликува.

Ако го ставите фотоапаратот ниско до подот ќе добиете невообичаена перспектива, но од толку ниски агли е тешко да се фотографира. Вашата домашно направена мека подлога ќе ви помогне да го позиционирате објективот кога го обликувате кадарот и ќе ви овозможи да добиете идеален агол. Многу практични се и фотоапаратите со екран на вртење како што е EOS 250D од Canon, бидејќи обликувањето на кадарот е тешко преку визирот при толку низок агол. Може да ја користите и апликацијата Canon Camera Connect за да го контролирате фотоапаратот далечински преку вашиот телефон.

Чекор 5 - Следете субјекти во движење

Меката подлога ќе ви овозможи да ги следите движењата на пчелите…
…а воедно и ќе го стабилизира вашиот фотоапарат.

Следењето субјекти во движење е напорно со долг објектив, особено малите диви животни во градината како што се пчелите. Вашата мека подлога ќе го стабилизира фотоапаратот без да го фиксира во една положба, а тоа ќе ви помогне да фотографирате стабилно и воедно да имате слобода за да ги следите движењата. Исто така, многу е важно да го активирате автоматскиот фокус за субјектите кои се движат. Следењето на субјектот со прегледување во живо кај EOS 250D од Canon го олеснува фокусирањето на пчелите тука.

Напишано од James Paterson

Слични написи
Tulips in a garden framed by trails of light.

ФОТОГРАФИРАЊЕ ВО ГРАДИНА

Бидете креативни во вашата градина: 3 техники што треба да ги пробате

Забавни проекти што може да ги правите дома, почнувајќи од боење со светлина па сè до фотографирање ѕвезди.

A woman standing in front of shuttered windows touches a paper star hanging from the ceiling.

ФОТОГРАФИРАЊЕ ВО ЗАТВОРЕНИ ПРОСТОРИИ

Три идеи за фотографирање во затворени простории со кои ќе работите креативно во домот

Научете да ракувате со вашиот фотоапарат и дознајте како да снимате филмски портрети, макро фотографии и видеоснимки со забрзани движења.

A woman using a EOS 850D to photograph a wooden vase on a table, lit by an LED light.

ФОТОГРАФИРАЊЕ ПРОИЗВОДИ

Како подобро да фотографирате производи

Дознајте како Sophie Sellu, наградена сопственичка на мала компанија, го искористи фотографирањето производи во нејзина корист.

Слични статии

Get Inspired е најголемиот извор на практични совети за фотографирање, водичи за купување и информативни интервјуа - сè што ви е потребно за да го пронајдете најдобриот фотоапарат или најдобриот печатач и да ја реализирате вашата следна креативна идеја.

Назад до сите совети и техники