Основни совети за фотографирање производи за вашите мали компании

Никогаш досега не било толку лесно да започнете бизнис од дома. Развојот и сè поголемата популарност на купувањето од интернет значи дека може да допрете до потрошувачите без потреба од физичка продавница. И иако ова се многу добри вести за луѓето кои сакаат да го претворат своето хоби во кариера, станува сè потешко да бидат забележани.

Во преполниот пазар, вашите фотографии од производи мора да бидат уникатни. „Ова е еден од најважните фактори“ - вели Sophie Sellu, која рачно резба предмети од одржливо и преработено дрво за нејзината компанија Grain and Knot. „Instagram е еден од главните начини на кои ја рекламирам мојата работа и ако сликите не се добри, тие нема да им го привлечат вниманието на луѓето“.

Откако ќе инвестирате време и труд за да создадете нешто специјално, ќе сакате правилно да ги фотографирате вашите производи.

Следете ги овие основни совети за фотографирање производи и откријте како да добиете најдобри можности за успешен развој на вашата компанија.

Користењето статив ќе ви помогне да добивате доследна заднина за вашите слики. „Кога фотографирам само еден производ, сè подготвувам однапред“ - вели Sophie. „Кога користам статив можам да снимам слики со ист кадар и со иста заднина“.

Тоа значи дека може да се фокусирате на позиционирањето на производот и прилагодувањето на светлината. Исто така, ви овозможува лесно прегледување на сликите преку LCD-екранот на фотоапаратот и прилагодување во зависност од потребите. Стативите помагаат во елиминирање на ризикот од тресење на фотоапаратот што може да ги уништи вашите слики - особено ако ја користите апликацијата Canon Camera Connect за далечинско активирање на блендата.

Кога фотографирате производи за вашиот веб-сајт или социјални платформи, треба да размислите какви реквизити ќе користите.

„Сакам сè да изгледа едноставно. Постојано мислам на ризикот од пренатрупани сцени“ - вели Sophie. „Честопати започнувам со само еден предмет, а потоа одлучувам дали ќе додадам или одземам нешто, наместо да ставам сè одеднаш“. Едноставните сцени не го одвлекуваат вниманието од производот.

Ако сакате чиста заднина, тогаш земете предвид да купите шатор за осветлување или направете си сами од картон на кој ќе му направите дупки и што ќе го обложите со памучен материјал одвнатре. Штом набавите шатор, сè што треба да направите е да го ставите производот во шаторот, а белото платно/ткаенина што се протега околу кадарот ќе ви помогне да добиете фотографии без сенки. Започнете со бела заднина за да го истакнете вашиот производ, а потоа променете ја бојата на заднината со обична картичка во боја за да го разубавите вашиот дизајн.

За да ги истакнете деталите и квалитетот на вашите производи, неопходно ви е добро осветлување. Не треба да инвестирате во скапо осветлување - природната светлина од некој голем прозорец може да создаде прекрасни ефекти бидејќи воглавно е мека и дифузирана.

За да започнете, ставете го производот покрај прозорецот и поставете го кадарот. Ако некоја страна на производот е премногу темна, тогаш додадете рефлектор или големо парче картон во бела боја за да одбиете мал дел од светлината што навлегува низ прозорецот врз производот што го фотографирате.

Во некои случаи може да ви треба и вештачко осветлување. Иако може да бидете во искушение да употребите столна ламба за да го осветлите вашиот производ, најдобро е да не го правите тоа. Тоа не се препорачува бидејќи температурата на боите на двата светлосни извори ќе биде различна - светлината од столната ламба ќе биде пожолта од природната светлина, поради што тешко ќе можете да го прилагодите балансот на белата боја во конечната слика.

Многу подобро е да користите блиц Speedlite, како Speedlite 430EX III-RT од Canon кој генерира светлина чија температура на бои е слична со дневната светлина и нема да влијае врз балансот на белата боја. Монтирањето голем придушен рефлектор на блиц Speedlite што е поставен подалеку може да ви помогне да добиете одлични резултати.

Ако немате доволно простор или сакате нешто поедноставно, LED-светилките за на работната маса се одлична алтернатива. Кога избирате LED-светилка, проверете дали може да ја поставите температурата на боите на приближно 5.600K (Kelvin), што значи дека топлината на светлината ќе одговара на природната дневна светлина. Исто така, треба да изберете LED-светилка со висока вредност на CRI (Colour Rendering Index) - 95 е најдобрата вредност, а сите помали вредности ќе влијаат негативно врз изгледот на боите во вашите слики.

Не сакате заднината да изгледа подоминантна од субјектот, па затоа обидете се да користите брза решетка за да ја намалите длабочината на полето и да дефокусирате поголем дел од сцената.

Ова може да го постигнете со фотографирање во режимот за приоритет на решетката - изберете Av и користете ја најшироката достапна решетка. Ако користите објектив од 18-55 mm со EOS 850D, тогаш најверојатно ќе треба да изберете f/5,6 и 55 mm.

Фотографирањето со оваа решетка ќе ви овозможи да ја заматите заднината, но за навистина да ги истакнете вашите производи можеби ќе треба да користите „брз“ примарен објектив како што се EF 50mm f/1.8 STM или RF 50mm f/1.8 STM, доколку користите фотоапарат со системот EOS R. Иако мал дел од вашиот производ може да не биде во фокус кога фотографирате со најширока решетка, можноста за фотографирање со вредност до f/1,8 значи дека може да добиете прекрасно дефокусирање на заднината и да го истакнете вашиот производ.

Кога станува збор за фотографирањето производи, не треба да заборавите дека не треба да брзате. На почетокот, Sophie изјави дека тоа е тешка задача бидејќи има огромно значење. „Но, потоа сфатив дека треба да им покажам на луѓето што работам и заклучив дека времето поминато во фотографирање на производите е подеднакво важно како и времето поминато во нивната изработка“.

Следете ја авантурата на Sophie на нејзиниот профил на Instagram @grainandknot.


Напишано од Phil Hall