КРЕАТИВНО ПЕЧАТЕЊЕ

Отпечатете ја вашата забавна семејна потрага по богатство

Не се досадувајте, откривајте - откријте како може да го користите вашиот печатач PIXMA и малку фантазија за да создадете возбудлива авантура.
Canon Camera
Не треба да патувате далеку од дома за да уживате во забавна авантура. Децата обожаваат да си играат - особено ако постои можност на крајот да добијат некаква награда. Со малку креативност и помош од моделите од хартија во Creative Park, вашиот печатач од Canon и двострана мат фотохартија, лесно може да создадете ваша сопствена мини-игра дома – без разлика дали се работи за мапа за богатство што води до скриени чоколадни златници или мапа за авантури што во себе крие предизвици.

Штом одлучите каде ќе биде локацијата на вашиот предизвик, може да отпечатите мапи за да ги споделувате со семејството и пријателите, а потоа да ги изработите ковчежињата со слатки богатства што ќе ги скриете во градината или во локалниот парк. Тоа е идеална опција за родендени или собири, но е и одличен начин да ги забавувате децата за време на летните празници. Освен тоа, се работи за забавен проект за печатење во кој може да се вклучи целото семејство, а може да се изведе во седум едноставни чекори.

1. Дизајнирајте ја вашата мапа

Две млади девојчиња бојат мапа на маса со печатач PIXMA до нив.

Дозволете им на децата да помогнат при дизајнирањето на мапата. Ако тие се многу млади, користете црно пенкало за да ја создадете контурата, а потоа тие може да ја обојат со фломастери и боички.

Штом одлучите каде ќе се одржи вашата потера по богатство, ќе треба да создадете мапа на областа. Не грижете се дали изгледа премногу автентично, бидејќи ви треба нешто што вашите деца ќе може лесно да го користат. Обидете се да вметнете знаменитости што вашите деца лесно ќе ги препознаат – можеби некој објект во вашата градина или карактеристично дрво во локалниот парк. Не заборавајте да додадете многу бои за мапата да биде привлечна.

2. Копирајте и отпечатете

Млада девојка се навалува преку маса за да ги притисне копчињата на панелот со екран на допир на печатач PIXMA.

Печатачите PIXMA од Canon како што е серијата PIXMA TS8350 се одликуваат со функција за копирање што ви го олеснува изработувањето дупликати од вашата мапа.

Мајка им покажува на нејзините млади ќерки како се печати мапата што ја обоиле.

Ако тоа го претпочитате, може да создадете дигитална верзија на вашата мапа така што ќе притиснете на „Scan“ (Скенирај) наместо на „Copy“ (Копирај). Потоа содржината може да ја префрлите на вашиот компјутер и директно во паметниот телефон со помош на апликацијата Canon PRINT, а потоа и да ја споделите со семејството и пријателите преку е-пошта, за тие да дојдат подготвени да се придружат во авантурата.

Веројатно ќе ви биде потребна повеќе од една мапа, особено ако изработувате мапи за група луѓе. Добрите вести се дека ако користите печатач од Canon како што е серијата PIXMA TS8350 од Canon, лесно може да ја копирате и да ја отпечатите мапата и да изработите толку примероци колку што ви требаат. Едноставно поставете ја мапата на скенерот, вметнете хартија, стиснете „Copy“ (Копирај) на екранот на допир и следете ги упатствата на екранот. Не заборавајте да го изберете точниот вид на медиум во поставките за печатење, ние во овој случај користевме мат фотохартија.

3. Користете ја апликацијата Creative Park

Лице ја користи апликацијата Creative Park на својот телефон за да печати.

Сите шаблони во апликацијата Creative Park доаѓаат со посебна група инструкции што може да ги преземете и отпечатите.

Откако ќе ги отпечатите мапите, време е да ги подготвите ковчежињата со богатство, а нема подобро место на кое ќе ги најдете отколку Creative Park од Canon. Можете да користите верзија за компјутери или, пак, ако сакате извонредна едноставност, наменската апликација Creative Park1 што е достапна во App Store и Google Play. Откако ќе ја преземете, ќе треба да создадете сметка доколку веќе немате, но таа е бесплатна и ви нуди пристап до стотици креативни шаблони и идеи што може да ги отпечатите со вашиот печатач од Canon. За да пронајдете соодветни ковчежиња со богатство, едноставно пребарајте „кутија“ и изберете! За да одговара на нашата избрана тема, користевме голем избор на кутии, вклучувајќи и коцка прошарана со листови и дизајн што одговара на ковчеже за богатство.

4. Отпечатете ги вашите модели од хартија

Две млади девојки нетрпеливо се навалуваат за да видат како печатач PIXMA од Canon печати дизајн за хартиена кутија.

Печатачите PIXMA од Canon со своето едноставно поврзување неверојатно го олеснуваат печатењето од апликацијата Creative Park.

Благодарение на можноста за безжично поврзување на печатачите од Canon, како оние од серијата PIXMA TS8350, можете лесно да ги печатите избраните шаблони директно од апликацијата. Ќе видите икона со печатач во долниот лев агол на екранот, допрете ја и апликацијата Canon PRINT ќе ве води низ процесот на печатење, од изборот на големина на хартија до видот на медиум што ќе го користите. Откако ќе ги завршите чекорите, апликацијата Creative Park безжично ќе ги испрати информациите до печатачот и тој ќе почне да печати.

5. Изработете ги ковчежињата со богатство

Човек со ножици сече кутија со дизајн со лисја.

Ковчежињата и кутиите од Creative Park може да ги склопите брзо и лесно благодарение на инструкциите што се едноставни за следење.

Мајка и нејзините млади ќерки преклопуваат и лепат хартиени кутии.

Откако ќе завршите со сечењето, може да ги вклучите и децата во преклопувањето и лепењето, што ќе биде забавна активност за изработка на модели пред авантурата на отворено.

Откако ќе ги отпечатите дизајните за ковчежињата со богатство, време е за малку забава при нивното составување. Прво треба да ги отсечете – нешто што треба да го направи родителот, но ако имате ножички соодветни за деца, слободно дајте им на вашите малечки да се обидат. Некои дизајни функционираат со едноставно преклопување, а за други ќе биде потребно да користите малку лепак, а за повеќето ќе бидат потребни само неколку преклопувања за да го добиете ковчежето. Запомнете дека апликацијата Creative Park нуди едноставни упатства „чекор по чекор“ што може да ги следите.

6. Додајте ги наградите и скријте ги ковчежињата со богатство

Чоколадни златници ставени во хартиена кутија. До кутијата има шарена, рачно нацртана мапа.

Откако ќе ги изработите, зошто да не ги наполните ковчежињата со богатство со мали изненадувања? Тоа ќе биде прекрасна награда по авантурата на отворено.

Рачно изработена хартиена кутија со дизајн со лисја поставена до саксии со растенија во градина.

Откако ќе ги изработите ковчежињата со богатство, време е да ги скриете во градината – запомнете да ги поставите на длабочина што е на дофат на малите рачиња.

Ковчежињата со богатство се изработени, а вашите деца веројатно потскокнуваат од возбуда – време е да ги наполните и да ги сокриете во градината или во локалниот парк, па потрагата по богатство може да започне. Обидете се да го направите ова без малите очиња да ве следат низ градината и да видат каде ги поставувате. Откако сите ковчежиња ќе бидат на своето место, означете каде е скриено богатството на мапата.

7. Нека започне потрагата по богатство!

Мајка и нејзините млади ќерки гледаат во мапа за богатство во голема градина.

Ова е забавниот дел! Гледајте како вашите деца ги следат мапите што сте ги изработиле за да ги пронајдат ковчежињата и богатствата во нив.

Младо девојче посегнува во саксија со растение за да извади хартиено ковчеже со богатство.

Ете така, сега имате возбудлива активност што може да ви го разубави денот и да ги извади децата на свеж воздух.

Земете ги мапите и помогнете им на децата при нивната потрага по ковчежињата и кутиите со богатство. Не заборавајте да го понесете вашиот фотоапарат од Canon за да снимите фотографии за паметење што подоцна може да ги споделувате!
Напишано од Phil Hall
  1. За повеќе информации за поддржаните инк-џет печатачи од Canon, погледнете на оваа веб-страница.

Слични производи

Слични написи