Изберете го најдобриот печатач за во домот што соодветствува на вашите потреби

Избирањето на најдобриот печатач за вашите потреби може да е тешко. Некои од нас печатат само повремено, а други може да се дел од динамично семејство што сака да се потпре на печатач за сѐ, од едноставни документи во црно-бело и боја, до домашни задачи и хибридно работење од домашна канцеларија, до изработување модели, хобија и печатење сјајни фотографии.

Безжичните печатачи сѐ безмалку неопходни, давајќи ви опција за скенирање и печатење преку лаптопи, паметни телефони и таблет-уреди. Можноста за скенирање и печатење директно од Cloud стана исто толку важна, одржувајќи темпо со зголемувањето на хибридното работење.

Уште едно нешто што треба да го имате предвид е тоа што инк-џет печатачите што користат картриџи може да се поекономични за повремено печатење, а печатачите MegaTank со нивните шишиња мастило што се дополнува неизмерно ќе ги намали целокупните трошоци за користење за печатење поголеми количини.

Продолжете да читате за да дознаете кои печатачи од Canon може да бидат најдобриот избор за вас.

• Најдобар печатач за општо печатење во домот
• Најдобар печатач за мали канцеларии
• Најдобар печатач за семејства и студенти
• Најдобар печатач за печатење фотографии
• Најдобар печатач за изработка на макети и модели

Повеќенаменски печатач за деца, студенти и општи животни потреби на семејството што има достапна цена и е едноставен за користење. За почеток, печатачот од серијата PIXMA TS3450 на Canon е екстремно лесен за поставување и користење, а користи само два картриџи за мастило FINE (црна боја и комплет од три бои), со опција за користење картриџи со голем капацитет заради уште поголема ефикасност во однос на трошоците.

Серијата PIXMA TS3450 е компактен и лесен печатач со вграден скенер за скенирање и копирање. Освен висококвалитетни документи, тој може да печати фотографии без рабови со големина од 6x4 инчи, 5x5 инчи и 7x5 инчи. Исто така, има вградена опција за поврзување преку Wi-Fi, за да можете да печатите насекаде во домот преку вашиот компјутер, паметен телефон или таблет-уред.

Подобрувајќи ги перформансите, разновидноста и леснината на користење, PIXMA TS7650i има компактен дизајн што соодветствува на домашното опкружување, како и многу корисни функции и придобивки за продуктивност. Картриџи за печатење од нова генерација со вградени глави за печатење овозможуваат големи брзини на печатење од околу 15 слики/мин. (слики во минута) за црно-бели документи, како и 10 слики/мин. за документи во боја. Исто така, се одликува со црно мастило со пигмент со нова формула, поради што е првиот печатач за во домот од Canon со еквивалентна издржливост на црн текст како деловните печатачи од Canon. Копирањето со еден допир е исто така брзо и можете да скенирате директно на паметен телефон или таблет-уред со QR-код што е прикажан на екранот на допир. PIXMA TS7750i додава автоматски механизам за снабдување со документи за полесно скенирање и копирање документи со повеќе страници. Дополнително, со едноставниот интерфејс Switch UI, лесно можете да се префрлувате меѓу различни задачи за животен стил, учење и работење.

Ако печатите многу во домот, наместо да купувате и менувате картриџи за мастило, постои алтернатива што ќе ви заштеди време и пари. Палетата на печатачи MegaTank со резервоари за мастило што се дополнуваат од Canon користат резервоари за мастило со голем капацитет наместо картриџи, што собираат доволно мастило за печатење максимум 6.000 црно-бели A4-листови или 7.700 страници во боја.²

Малку се поскапи однапред од некои печатачи што користат картриџи, но работните трошоци се многу помали. Дополнувањето на резервоарите за мастило, во зависност од потребата, е брзо, лесно и без неред. Мастилото се дополнува од шишиња што не треба да се стискаат, туку самата гравитација го движи мастилото, а шишињата имаат и отвори во различни форми за да се елиминира ризикот од ставање погрешна боја во погрешен резервоар.

Печатачите од палетата Canon PIXMA G2470 се брзи и печатат 11 црно-бели слики/мин. (слики во минута) и 6 слики/мин. во боја. Canon PIXMA G1430 е печатач со една функција, Canon PIXMA G2470 има вграден скенер, а серијата Canon PIXMA G3470 има и скенер и опција за поврзување преку Wi-Fi. Canon PIXMA G4470, пак, има механизам за автоматско снабдување со документи за 35 листови и функција за директен факс.

Многу луѓе работат од дома барем некој период од денот и им треба печатач што е повеќе ориентиран за деловно работење и може да извршува повеќе задачи истовремено. Палетата MAXIFY од Canon, дизајнирана за брзо и висококвалитетно печатење документи, е идеално решение и одличен избор за мали канцеларии. Печатачите од палетата Canon MAXIFY GX се MegaTank-модели што генерираат уште помали работни трошоци поради тоа што можат да печатат повеќе страници во боја.

Canon MAXIFY GX3040 е паметен избор за вашиот буџет. Ова е брз 3-во-1 печатач што е идеален за канцелариски документи и може да печати црно-бели страници со брзина до 19 слики/мин. и страници во боја со брзина до 13 слики/мин. Следете го статусот на задачите за печатење, извршувајте самостојни задачи за копирање и проверувајте го статусот на печатачот преку LCD-екран од 3,4 cm и едноставниот интерфејс со копчиња. Тој има влезна касета за 250 листови на предната страна, дополнителен механизам за снабдување за 100 листови на задната страна и рамен фах за подебели медиуми. Исто така, нуди автоматско двострано печатење и поврзување преку Wi-Fi.

Canon MAXIFY GX4040 ви го нуди сето ова и многу повеќе, со екран на допир во боја од 6,9 cm и механизам за автоматско снабдување со документи за 35 листови за да ви овозможи лесно скенирање и копирање документи со повеќе страници. Исто така, нуди самостојни функции за факс и опција за поврзување преку етернет заради лесно мрежно работење, како и поврзување преку Wi-Fi и USB.

Кога просторот ви е ограничен, Canon MAXIFY GX1040 е паметен избор. Иако е релативно компактен и лесен, овој печатач има многу функции и е дизајниран специфично за да ги задоволи и надмине потребите на хибридните работници. Можете да назначите комплицирани, но често повторливи задачи на приспособливиот екран на допир, што овозможува беспрекорна интеграција меѓу работењето од дома или во канцеларија. MAXIFY GX1040 целосно се ракува од предната страна, поради што може да се користи во мали простори или потпрен до ѕид или орман. Имајќи го деловното работење предвид, квалитетот на печатењето е многу висок и особено издржлив, а формулата на четирите мастила со пигмент е отпорна на размачкување и овозможува употреба на надвлекувачи. MAXIFY GX2040 додава и ADF и факс, за скенирање, копирање и испраќање документи со повеќе страници по факс.

Ако ви треба висококвалитетно печатење, и тоа во голем обем, тогаш одличен избор ќе биде врвна опција како Canon MAXIFY GX6140 или MAXIFY GX7140. И двата модели нудат едноставно печатење, скенирање и фотокопирање, а опремени се со екрани на допир во боја од 6,9 cm што можат да се вртат и механизми за автоматско снабдување со документи за 50 листови. Исто така, MAXIFY GX7140 има дополнителен влезен фах што придонесува за вкупен влезен капацитет до 600 листови, а нуди и функции за директно праќање факс и двострано скенирање.

Ако имате деца на училишна возраст во семејството, тогаш ќе ви треба печатач што е лесен за користење за да ги печатите секојдневните задачи, но и печатач што нуди многу креативни опции. За студенти и помали деца, како и за останатите членови на семејството, вградениот скенер ќе им овозможи лесно копирање на документите и креативните идеи, а ќе им овозможи и да ги вчитуваат на мобилни уреди или на Cloud доколку е потребно.

Евтината серија Canon PIXMA TR4650 се испорачува со механизам за автоматско снабдување со документи за 20 листови заради поедноставно скенирање и копирање, а нуди и функции за автоматско двострано печатење. Компатибилен е со XL-картриџите за голем обем на печатење што заштедуваат пари - идеално за студенти со ограничен буџет кои имаат потреба од печатење големи количини, на пример, печатење на нивната дисертација.

Ако сакате уште помали работни трошоци, тогаш врвните модели Canon PIXMA G3460 и Canon PIXMA G2470 ќе ви ги понудат предностите што ги нуди системот со резервоари за мастило што се дополнуваат Canon MegaTank, како и голем капацитет за мастило за ефикасно печатење и пократко време на неактивност.

Ако сте студент по фотографија или ентузијаст за фотографии, тогаш нема ништо подобро од тоа да ги гледате вашите фотографии отпечатени на хартија наместо да ги гледате на екран. Отпечатените фотографии ги зачувуваат специјалните пригоди и спомени во трајна форма, а можат да се искористат и како одлични подароци за пријателите и саканите. Дури и ако сакате да печатите фотографии само повремено, печатачите што печатат врз сјајна хартија ви нудат многу побрзи резултати отколку да нарачувате отпечатени фотографии преку интернет, а добивате и многу поголема креативна контрола врз процесот.

Ако сакате да ги искористите придобивките што ги нуди MegaTank за значително намалување на вкупните трошоци за печатење фотографии, 3-во-1 печатачот Canon PIXMA G640 користи поголем опсег на шест мастила базирани на боја за да обезбеди поголем опсег на бои и тонови. Еден комплет мастила е доволен за печатење до 3.800 фотографии во боја со големина од 6x4 инчи и фотолабораториски квалитет, како и фотографии без рабови со големина до A4. Ако печатите документи, тогаш еден комплет мастила е доволен за максимум 3.700 црно-бели A4-страници или максимум 8.000 A4-страници во боја.³

Ако сакате да печатите фотографии со големи димензии и материјали со големина A3+ (33x43 cm) без рабови што ќе ги изложувате и продавате на саеми и во галерии, тогаш моделот Canon PIXMA PRO-200 ќе ви понуди ненадминат квалитет за печатење фотографии врз сјајна фотохартија или фотохартија со текстура, благодарение на неговите осум мастила базирани на боја. Ако треба да печатите врз мат фотохартија и медиуми за фина уметност, Canon imagePROGRAF PRO-300 е професионален печатач за фотографии во A3+-формат што е водечки во својата класа и користи 10 мастила базирани на пигмент за да обезбеди бои со врвен интензитет и реалност. И двата печатачи за фотографии можат да печатат реклами и панорамски материјали со максимална должина од 99 cm.

Печатачите од Canon нудат креативна забава за сите возрасти, почнувајќи од детски проекти па сè до приспособени честитки, покани за забава, картички за заблагодарување и многу повеќе.

Серијата Canon PIXMA TS5350a и серијата Canon PIXMA TS7450 се идеални за уметнички проекти и нудат опции за печатење врз различни медиуми, почнувајќи од магнетна хартија до двострана мат фотохартија. Истото важи и за PIXMA TS7650i и PIXMA TS7750i, коишто комбинираат мастило со црн пигмент и три цијан, магента и жолти мастила базирани на боја што се отпорни на размачкување.

Како опција од врвна класа, моделот Canon PIXMA G640 со шест мастила базирани на боја и систем со резервоари што се дополнуваат MegaTank е подеднакво соодветен за печатење уметнички материјали и модели од хартија и за печатење фотографии со врвен квалитет.

Палетата на инк-џет печатачи од Canon нуди по нешто за секого. Независно дали сте млади или се чувствувате млади, студент, посветен родител или професионалец кој работи напорно, ќе пронајдете печатач од Canon што ќе биде совршен за вашите потреби.

За повеќе помош во одлучувањето кои печатачи ќе одговараат за вашите потреби, може да ја искористите и алатката за избирање печатач од Canon.


Напишано од Matthew Richards и Alex Summersby