КРЕАТИВНО ПЕЧАТЕЊЕ

Вонземски хартиени модели со вселенски мотиви

Достигнете ги ѕвездите со Canon Creative Park, печатач PIXMA, хартија, ножици и лепак.
Астронаут изработен од хартија поставен на дрвена маса, опкружен со други шаблони на хартиени модели со вселенски мотиви од Canon Creative Park.

Фазите низ кои минуваат децата може да се променат за миг, така што хартиените модели што може да се рециклираат се одличен начин да се истражуваат нови интереси. Достапен како веб-сајт и апликација, Creative Park е извонреден, бесплатен ресурс што нуди илјадници шаблони и идеи за изработување хартиени модели. Постојат огромен број опции од кои вљубениците во вселената може да избираат, погодни за изработувачи од сите возрасти и нивоа на вештини, од едноставен подвижен сончев систем до неверојатно детална реплика на марсовскиот ровер „Curiosity“.

Изработувањето хартиени модели нуди и можност за едуцирање преку активностите и овозможува да се поттикнат младите умови со прашања и да се разгори имагинацијата, така што ќе играте игри со вселенска тематика со недели. Може дури и да ја усогласите вашата сесија на изработување космички модели со претстоен небесен настан, како што е супермесечина, помрачување или метеорски дожд.

Mike и Gen Sidaway и нивните три деца – Chloe, Halle и Luke – сериозно се интересираат за вселената и со нетрпение очекуваа да почнат со изработка на одбрани астрономски дизајни. Погледнете како се снајдоа.

Планирање на вашата меѓупланетарна авантура

Семејство седи покрај масичка за кафе на која е поставен печатач Canon PIXMA и повеќе шаблони на хартиени модели со вселенски мотиви од Creative Park.

„Ова беше прекрасен начин да поминеме време заедно, но мислам и дека беше убаво промислено“, нагласува Gen, која на сликата е прикажана со Mike, Chloe, Halle и Luke. „Мислам дека следно ќе ги пробам шаблоните за колажи, но има и толку многу сезонски украси што сакам да ги изработам“.

Како и повеќето опции за изработување хартиени модели што ќе ги најдете на Creative Park, за вселенските модели нема да ви биде потребна специјална опрема. Едноставно погледнете ги упатствата за секој шаблон што ќе го изберете, бидејќи за некои од шаблоните понекогаш може да биде потребен конец, гумени ластичиња или фломастери. Ова е општ список на опремата што ќе ви биде потребна:

Изберете го вашиот вселенски шаблон

Човек ги прелистува шаблоните со вселенски мотиви во Canon Creative Park на лаптоп. До лаптопот е поставено пакување со фотохартија од Canon, а на полица зад него се поставени печатач Canon PIXMA и астронаут изработен од хартија.

Gen и Mike ги користеа оценките со ѕвездички за секој од шаблоните во Creative Park како водич што ќе им помогне да одлучат кои модели би биле најсоодветни за вештините на нивните деца. „Многу ми се допаѓа огромниот избор на различни шаблони“, вели Gen. „Девојчињата веќе избраа неколку куќички за кукли што сакаат да ги изработат, а на Luke му се допаѓа изгледот на моделите на диносауруси“.

Избирањето дизајн што потоа храбро ќе го истражувате можеби звучи лесно, но може да биде потешко отколку што мислите поради изборот од десетици опции за изработување хартиени модели инспирирани од вселената. Месечината-украс за закачување обоена во живописни бои ќе ги израдува помалите деца, а големиот избор на ракети, како што е Saturn V или комплетот за вселенски брод би требало да ги инспирираат повозрасните умови да учат при изработувањето. Одличен начин да го почнете истражувањето на одредена тема е да разговарате со вашето дете за она што сака да го изработува – од планетите во нашиот сончев систем до начинот на кој функционираат вселенските летала. Може дури и самите да научите нешто!

Секој шаблон за изработка има сопствена оценка со ѕвездички, што го означуваат нивото на тежина, како и информации за приближното време што би било потребно за да се изработи моделот. Семејството Sidaway имаат деца низ целиот возрасен опсег, така што правилниот избор бил многу важен. „Оценките навистина беа корисни“, објаснува Gen. „Creative Park нуди навистина огромен избор, така што тие ни помогнаа да одлучиме што би било најдобро за секое дете. Имаше по нешто за секого“.

Подгответе се за печатење

Рака држи раб на шаблон на Creative Park што излегува од печатач Canon PIXMA до кој се поставени хартиени модели со вселенски мотиви.

„Навистина ме импресионираше колку беше едноставно да се постави Canon PIXMA TS7650i; само го вклучувате и тој самиот буквално ви кажува што да правите“, вели Mike. „Самото печатење беше неверојатно едноставно, без разлика дали ја користевме апликацијата за паметни телефони или компјутерот“.

Кога ќе изберете дизајн, изберете ја опцијата за печатење и по неколку секунди шаблонот ќе биде подготвен. Mike вели дека му се допаднала практичноста на директното печатење од неговиот паметен телефон преку апликацијата Creative Park. „Се обидовме директно да печатиме од апликацијата и од компјутер и откривме дека и двата начини се неверојатно едноставни и интуитивни“, додава тој. „Само следете ги едноставните упатства и оставете печатачот да се погрижи за останатото“.

Шаблоните се печатат за неколку секунди и веднаш се суви на допир благодарение на долготрајното мастило PIXMA на печатачот. „Ми беше многу мило што шаблоните се печатеа толку брзо бидејќи така секое дете имаше нешто со што ќе се занимава“, вели Gen. „Во спротивно можеше да има многу чекање, поради што на децата можеше да им стане здодевно или да отидат да прават нешто друго. Исто така, благодарение на мат фотохартијата од Canon што ја користевме, мастилото убаво се впиваше, така што немаше размачкување“.

Склопување на шаблоните

Мајка му помага на својот син да користи ножици за да исече шаблон од хартиен модел со вселенски мотиви од Canon Creative Park.

Од сечење и обележување на рабовите до превиткување и лепење, секој член на семејството беше вклучен во изработката на хартиените модели со вселенски мотиви.

Две деца седат покрај маса, едното држи брошура со факти за сонцето, а другото држи составен шаблон на хартиен модел од Creative Park.

Сонцето е оддалечено 149 милиони километри од Земјата – ова е само еден од многуте факти поврзани со вселената што децата од семејството Sidaway го научија додека ги изработуваа своите модели.

Откако ќе го отпечатите шаблонот, време е за сечење и превиткување. Може да користите ножици или скалпел и даска за сечење за понапредните шаблони. Запомнете да ги обележите линиите по превиткувањето за да бидете сигурни дека шаблоните ќе ја задржат својата форма и следете го списокот со упатства што ве водат чекор по чекор, со кои се испорачуваат повеќето шаблони. „Разгледајте ги шаблоните и однапред определете кој ќе ја добие која задача“, вели Mike.

Gen додава: „мој најдобар совет е да користите старо пенкало на кое му снемало мастило и линијар за да ги обележите деловите. Тоа не ја пробива хартијата до крај, но сепак прави доволно длабоко втиснување – и запомнете да го направите ова пред лепењето“.

Може да користите PVA, пиштол за лепак, самолепливи точки, еколошка алтернатива или дури и леплива лента за да ги споите шаблоните – од лепакот што ќе го користите може да зависи и дали вашите креации ќе може да се рециклираат. Можно е да треба привремено да прицврстите одредени шаблони со спојувалки или патенти додека да се исушат за да ја задржат својата форма. Gen препорачува да користите лепак што брзо се суши, па дури и тенка двострана леплива лента за да го забрзате процесот на лепење.

За да ја зголемите самодовербата на вашето дете, дозволете му независно да се справува со задачите додека заеднички изработувате други модели како вежба за зближување на семејството. Тоа е стратегијата што ја користеа Mike и Gen, а нивната ќерка Chloe вели дека навистина ѝ се допаднала. „Учевме за вселената во училиште, но изработувањето на моделот на структурата на сонцето со мајка ми ме научи некои работи што не ги знаев. Многу беше убаво што поминавме заедничко време како семејство правејќи нешто креативно“.

Освен моделот на сонцето и неговата придружна брошура со факти, Chloe и Gen работеа и на посложениот астронаут, а Mike им помогна на Halle и Luke со диорамите на Марс и на месечината. „Помладите уживаа во сечењето и лепењето, но мислам дека најмногу им се допадна играњето со астронаутот во диорамите откако сѐ беше изработено“, вели Mike.

Впуштете се во игра

Човек поставува на полица сонце изработено од хартија, изработено од шаблон на Creative Park.

„Многу сум изненадена, но и среќна поради тоа што толку многу уживавме во изработувањето на овие образовни и забавни хартиени модели заедно како семејство“, вели Gen. „Децата уште си играат со нив, но и уште зборуваат за тоа колку уживале да ги изработуваат“.

Дете поставува астронаут изработен од хартија во месечева диорама изработена со помош на Creative Park.

Изработувањето шаблони на хартиени модели од Creative Park не само што е забавно и исполнува, туку овозможува и повеќепати да се игра со моделите. Halle и Luke со часови се преправаа дека астронаутот истражува нови планети.

Откако ќе завршите со изработката и откако ќе се исуши лепакот, седнете, восхитувајте се на вашите ракотворби и вселенската авантура може да започне. „Многу се забавувавме при играњето со нашиот космонаут“, воодушевено вели средното дете Halle. „Се преправаме дека оди на авантури низ целата куќа и скока од планета на планета. Многу ми се допаѓа колку многу детали има и како може да му ги мрдате рацете и нозете“. Luke, најмладото дете, вели: „обожавам да правам да лета низ воздухот“.

Покрај играњето со новите вселенски модели, Gen вели дека тие ќе бидат и одлични додатоци во детските соби. „Диорамите изгледаат неверојатно впечатливо на нивните полици, а освен тоа, со нив може и постојано да си играат“. Да не го спомнуваме тоа што е нежен, опиплив спомен на убавото време поминато со семејството.

Затоа, следниот пат кога вашето дете ќе погледне во пространото ноќно небо и ќе ве праша што има таму, користете ја Creative Park за да ја поттикнете неговата жед за знаење и да ја разбудите неговата имагинација. Можеби ќе бидете инспирирани да го отпечатите тоа што сте го виделе преку телескоп или да ја фотографирате планетата, ѕвездата или сателитот за да видите како се споредуваат. Погледнете на нашата страница на Pinterest за повеќе инспирација за изработување хартиени модели и не заборавајте да ги споделите вашите вселенски креации со хаш-ознаката #MadeWithPixma.

Напишано од Natalie Denton

Слични производи

  • PIXMA TS7650i

    Печатачи за во домот

    PIXMA TS7650i

    Брз, висококвалитетен печатач што беспрекорно се вклопува во вашиот дом благодарение на неговата компактна големина и едноставното користење.
  • Инк-џет печатачи

    Matte Photo Paper MP-101

    Мат фотохартијата овозможува печатење на висококвалитетни фотографии, графика и текст со мат завршна обработка. Исто така, може да се користи за покреативна намена, како на пр., за честитки, изложби и модели од хартија.
  • Слични написи