Месечината отсекогаш била привлечна глетка за фотографите ширум светот, особено во ретките мигови кога преминува во супермесечина или крвава месечина. Но, не е лесно да се долови нејзината вистинска убавина. Снимањето на светол предмет којшто е многу оддалечен, при слаба осветленост, како и обликувањето на кадри и фокусирањето со голема фокусна должина може да биде доста тешко. Сепак, со правилна опрема за фотографирање и поставки за експозиција, како и внимателно планирање пред да излезете, ќе можете да создадете лунарни фотографии со прекрасни детали, како и амбиентални месечеви пејзажи. Овде, ги споделуваме сите информации коишто ви се потребни за фотографирање на Месечината, со професионални совети за поставките и опремата, како и совети за тоа како да ги добиете најдобрите лунарни слики, од фотографот Mara Leite.
НОЌНО ФОТОГРАФИРАЊЕ
Совети за фотографирање на Месечината: како да фотографирате вонземски слики од ноќното небо
1. Проучете ја Месечината
Месечевата орбита околу Земјата трае 27,322 дена. Овој циклус е поделен на фази: млада месечина, прва фаза на осветлување, прва четвртина, последна фаза на осветлување, полна месечина, прва фаза на затемнување, последна четвртина, последна фаза на затемнување и повторно млада месечина. Секоја фаза ви дава различна перспектива на Месечината, а освен тоа, фазите влијаат и на условите за осветлување, од сјајна полна месечина до млада месечина што едвај се гледа.
Некои моменти во лунарниот календар се навистина посебни. Кога Месечината е поблиску до Земјата, а тоа се совпаѓа со полна месечина - времето во месецот кога Сонцето, Месечината и Земјата се порамнети - добиваме зголемена полна месечина или супермесечина. Крвава месечина - кога обична супермесечина се совпаѓа со целосно затемнување на месечината - е уште поретка. Ова значи дека земјата целосно ја блокира директната сончева светлина и до неа стигнува само прекршената светлина од атмосферата на земјата, поради што месечината се обојува со светло црвена боја.
2. Планирајте однапред
Освен што ќе се забавувате додека ги тестирате способностите на вашиот фотоапарат, фотографирањето на месечината е и одлична прилика да се запознаете со движењата на земјата и нејзиниот сателит. Можеме да одредиме точно кога месечината ќе изгрее, како ќе се движи на небото и каде ќе зајде и тоа за секоја вечер и далеку во иднината. Постојат неколку практични телефонски апликации коишто може да ви помогнат прецизно да ги испланирате аглите. Начелно, полната месечина се појавува точно наспроти сонцето коешто заоѓа.
Земете го предвид времето од денот. Месечината е највпечатлива кога првпат се појавува на хоризонтот - изгревот на месечината. Исто така, ако фотографирате супермесечина, фотографирањето може да е уште повпечатливо. Светлината минува странично низ атмосферата на земјата додека да стигне до вас поради што месечината се обојува со жива црвеникава боја. Тогаш месечината изгледа и најголемо, но ова е илузија бидејќи големината не ѝ се менува во текот на ноќта, туку заоблувањето на атмосферата служи како лупа.
Важно е и да ја проверите временската прогноза пред да излезете. Јасни услови ќе ви обезбедат оптимална видливост. Истражете локации што ќе ви понудат добар поглед на нештата и вклучете визуелно интересни нешта - како возбудлива градска сцена - но, со минимално одвлекување на вниманието. Проверете дали опремата ви е подготвена. Тоа значи дека е целосно наполнета и спакувана. Месечината брзо се движи, поради што не е препорачливо да трчате дома бидејќи сте заборавиле нешто, или ќе ја испуштите!
3. Поставки за фотографирање на месечината
Режимите за автоматска експозиција може да не се соодветни за фотографирање на месечината поради што најдобро е да користите рачна експозиција. Бидејќи интензитетот на сончевата светлина којашто доаѓа до месечината не се менува, можете да го користите едноставното правило за експозиција - „правилото f/11“. Поставете ја решетката на f/11 и усогласете ја брзината на блендата со спротивната вредност за ISO, со што при ISO од 100, ќе се користи 1/100 сек., при ISO од 200, ќе се користи 1/200 сек. итн. Секако, не морате строго да се придржувате до ова правило, туку можете да ја менувате и приспособувате брзината на блендата и решетката околу овие вредности додека не ја добиете посакуваната слика.
4. Најдобра опрема за фотографирање на месечината
Долг објектив е задолжителен за месечеви фотографии снимени одблиску, но не грижете се ако сте почетник. Користењето на брз и скап објектив не е пресудно бидејќи Месечината е доволно светла за да не мора да користите најширока решетка каква што имаат врвните долги објективи. Можете да користите дури и стандарден зум како Canon RF 24-105mm F4-7.1 IS STM или RF-S 18-150mm F3.5-6.3 IS STM – можеби нема да можете да го исполните кадарот, но секогаш можете да го отсечете непотребното од фотографиите. Овде настапуваат фотоапаратите со EOS R-систем, со својата висока резолуција. Canon EOS R8 за целосна слика ви нуди неверојатна острина, дури и при слаба осветленост, а APS-C-сензорите на Canon EOS R10 и EOS R50 им нудат помало видно поле на објективите, што нуди поголем дострел од пошироките објективи.
5. Доближете се
Иако полната месечина лесно нè хипнотизира, ова не е најдобриот момент за фотографирање доколку сакате да снимите релјефни формации на површината, како што се кратерите. За време на полната месечина, сончевата светлина директно ја осветлува месечината и на тој начин елиминира голем дел од сенките слично како што блицот од фотоапаратот го осветлува лицето. Во други делови од месецот, сончевата светлина доаѓа отстрана, со што се создаваат осветлените површини и сенките коишто се потребни за истакнување на контурите и деталите од месечевата површина. Одличен објектив за фотографирање одблиску е RF 100-400mm F5.6-8 IS USM, којшто комбинира долг телефото зум со стабилизација на слика. Дополнително, ако навистина сакате да го исполните кадарот, изберете многу долг објектив, како што е RF 600mm F11 IS STM. Решетката f/11 е совршена за фотографирање на месечината и е компатибилна со „правилото f/11“. Ако сакате да го проширите дострелот на вашите објективи, додатоци за продолжување за објективи како што се додаток за продолжување RF 1,4x и додаток за продолжување RF 2x може да бидат практични.
6. Добијте поширок приказ
Експериментирајте креативно со поширок објектив како Canon RF 14-35mm F4L IS USM. Ова ќе ви овозможи да ја внесете Месечината во постоечки пејзаж. Иако Месечината плени кога се гледа во изолација, внесување на познати знаменитости или одредена градска сцена додава контекст и ви овозможува да создадете интересни композиции. Исто така, ви овозможува да си играте со размерот за да создадете моќни ефекти.
Усовршете ги вашите фотографии од месечината со дополнителните совети и инспирација од професионалниот фотограф Andrew Fusek Peters*.
Напишано од James Paterson, Phil Hall и Rachel Segal Hamilton
* Достапно само на неколку јазици.