EOS R5 може да снима видеоснимки во форматот 8K DCI RAW на CFexpress-картичка, користејќи ја целосната ширина на сензорот за целосна слика, за да добиете видеозаписи што изгледаат како филмови. Достапно е и фокусирање со следење за да добиете видеоматеријали што ќе изгледаат како да се снимени со холивудски буџет.

Освен тоа што нуди реалистичен квалитет на слика, 8K-резолуцијата им овозможува на уредниците да ги отсекуваат снимените материјали и да добијат конечни резултати со 4K-резолуција.

EOS R5 нуди повеќе опции за снимање со 8K-резолуција:
RAW со 12 бита,
• ProRes RAW со 10 бита преку Atomos Ninja V+
MP4/H.265 со 10 бита и 4:2:2
MP4/H.265 со 8 бита и 4:2:0

Со избор на соодноси на слика DCI или UHD, методи на компресија ALL-I или IPB и опциите Canon Log, Canon Log 3 или HDR PQ. Брзина на кадри од 23,98p, 24p, 25p или 29,97p ќе ви помогнат да го постигнете саканиот изглед или чувството. Видеоснимки во 8K-резолуција може да снимате и на брзи SD-картички (v90) доколку користите компресија IPB.

Форматот 8K RAW нуди највисоко ниво на квалитет на слика и флексибилност: снимајте со четири пати поголема резолуција од 4K и менувајте параметри како баланс на белата боја откако ќе ги снимите материјалите, со помош на софтверот Canon Cinema RAW Development или вашата омилена апликација за нелинеарно уредување.* Форматот 8K RAW е достапен во стандардна или компресирана верзија, за да снимате мали датотеки за видео со флексибилноста што ја нуди RAW.

Исто така, може да снимате фотографии од видеоснимките со 8K-резолуција, како и JPEG-датотеки со 35 мегапиксели (или HEIF-датотеки ако видеоснимките се снимени со HDR PQ), што е идеално во ситуации во кои ќе треба да испорачате и видеоснимки и фотографии за истиот настан.

*Компатибилноста и достапноста се различни за секој производител на софтвер

Покрај неговите револуционерни можности за снимање во 8K, EOS R5 им овозможува на видеографите да снимаат и во форматите 4K DCI (целосна слика) и 4K UHD со стапка на слики до 120p (119,88 fps) и 4:2:2/10 бита за да добијат извонредно рамномерни забавени движења со неверојатно висока резолуција. Со брзина на кадри до 59,94 fps имате избор да ја користите целосната ширина на сензорот на фотоапаратот или да користите отсекување од 1,6x, што има слична големина на форматот Super 35 mm.

За оние на кои им е потребен највисок 4K-квалитет, режимот 4K HQ на EOS R5 репродуцира неверојатни детали со стапка на слики до 30p со прекумерно семплирање на материјалите снимени со 8K-резолуција. Резултатите треба да ги видиме за да се увериме дека се вистински.

Редизајнираното мени на режимот за видео нуди пристап до многубројните опции за резолуција, стапка на слики итн. што ги нуди EOS R5, овозможувајќи полесно пронаоѓање на комбинацијата на поставки што ја барате.

Редизајнираното мени на режимот за видео нуди пристап до многубројните опции за резолуција, брзина на кадри итн. што ги нуди EOS R5, овозможувајќи полесно пронаоѓање на комбинацијата на поставки што ја барате.

Нашиот подобрен систем Dual Pixel CMOS AF II овозможува рамномерно и прецизно континуирано фокусирање во сите режими за снимање, а функциите како тие за откривање лице и очи го прават фотоапаратот идеален за документарни филмови и снимање во движење. Тој може да препознава и мачки, кучиња и птици и може лесно да ги следи низ кадарот. Ефектите со промени на фокусот, што го насочуваат вниманието на публиката од едно на друго место, се лесни за создавање – треба само да го допрете екранот на допир на фотоапаратот EOS R5 и тој рамномерно ќе го промени фокусот со брзина што однапред ќе ја одредите.

Кога фокусирате рачно, EOS R5 нуди многубројни алатки што ќе ви помогнат да добиете врвна острина и прецизност. Функцијата за издвојување со фокусот ги обележува рабовите на предметите што се во фокус со боја по ваш избор, а Dual Pixel Focus Guide користи графички индикатор за да прикаже дали фокусот е пред/зад субјектот и свети во зелена боја кога фокусот е правилен.

Истиот систем за интелигентна стабилизација на слика што ги заштитува фотографиите од тресењето на фотоапаратот функционира и кога EOS R5 снима видео за да ги намали ефектите од ненамерните движења на фотоапаратот. Во комбинација со системот за електронска и дигитална стабилизација на слика за видео,* што ги подобрува перформансите, снимените материјали се одлични и изгледаат како да се снимени со ротирачки механизам за стабилизација.

*Системот за дигитална стабилизација на слика за видео не е достапен при снимање во форматот 8K RAW

Исто како што резолуцијата 8K открива врвни детали и острина, така фотографирањето за забрзано прикажување може да открие детали од движењата што се случуваат во потполно нова димензија. Спојте ги овие две опции и ќе добиете прекрасна глетка - рај за очите.

EOS R5 значително го олеснува снимањето на таквите видеозаписи за забрзано прикажување и висока резолуција, што може да се снимат и во 4K-резолуција, бидејќи видеозаписот се создава во самиот фотоапарат. Времето помеѓу снимање на секоја слика може да се избере, а може да изберете и дали експозицијата ќе остане иста како на почетокот на серијата слики или ќе се одредува за секоја слика.

Може да користите надворешни снимачи со EOS R5 благодарение на неговиот чист излезен HDMI-сигнал во 4K/60p. Всушност, видеозаписите може истовремено да ги снимате внатрешно и надворешно заради правење резервни копии и безгрижно работење. Ако го користите со надворешниот снимач Atomos Ninja V+, ќе можете да снимате во форматот ProRes RAW со 10 бита и резолуција 8k со 30p или, пак, во форматот ProRes RAW со 12 бита и резолуција 5K со 60p, со фактор на отсекување од 1,6x. Ако го користите со снимачот Atomos Ninja V или Atomos Shogun 7, може да снимате надворешно во форматот ProRes RAW со резолуција 5K со 30p и фактор на отсекување од 1,6x.

EOS R5 сега ги поддржува објективите со зум Cinema EOS со вградени серво мотори. Контролирајте го зумот со допирање едно копче на фотоапаратот, што е одлично за снимање документарци или природонаучни проекти во кои окото мора да ви биде залепено за субјектот.

EOS R5 е дизајниран за инстинктивно и природно чувство при снимањето за да можете да се концентрирате на субјектот и вашата креативна замисла. Екранот со променлив агол може да се оддалечи од фотоапаратот и да ротира за 270˚, овозможувајќи удобно фотографирање од тешки агли. Прекумерната експозиција може да се означи со маркери во вид на црно-бели ленти што ќе ве предупредат кога површините се премногу осветлени.

EOS R5 нуди врвна класа на автоматско фокусирање и опции за снимање видеоснимки со висока резолуција и голема стапка на слики користејќи ја максималната ширина на сензорот за целосна слика со големи бит-стапки. Оваа комбинација на функции несомнено ќе создаде значителна количина на топлина, поради што ќе се ограничи времето на снимање. Подолу се дадени приближните времиња на снимање за достапните резолуции и стапки на слики во опкружувања со температура од 23°C / 73°F, кога уредот не бил користен непосредно пред вклучувањето.

Ако фотоапаратот ја достигне температурната граница, ви препорачуваме да го исклучите фотоапаратот за да овозможите дисипација на топлината.
Подолу се наведени приближните времиња на обновување во опкружувања со температура од 23°C / 73°F, но тие зависат од повеќе фактори како што е амбиенталната температура, континуираната употреба на фотоапаратот и избраната резолуција за снимање. Времето потребно за да добиете максимално време за снимање ќе се разликува во зависност од амбиенталната температура.