Canon EOS R5 C

КАМЕРА ЗА 8K-ВИДЕОЗАПИСИ

Филмски 8K-видеозаписи во формат на целосна слика

Снимете неверојатни детали со мал шум благодарение на сензорот за целосна слика којшто снима 8K-видеозаписи со брзина до 30 fps (или 60 fps со надворешно напојување со енергија), 4K-содржина со прекумерно семплирање/Full HD-содржина и прекрасна 4K-содржина со забавени движења со брзина до 120 fps.

ХИБРИДНИ УРЕДИ

Неверојатни фотографии со 45 мегапиксели

EOS R5 C нуди најнапредни перформанси за фотографирање коишто овозможуваат исклучителна јасност, мал шум и широк динамички опсег, брзина на секвенцијално фотографирање до 20 fps и висока чувствителност на ISO со вредности до 51.200.

RF-ПРИКЛУЧОК ОД CANON

Флексибилност на објективите благодарение на RF-приклучокот

Благодарение на RF-приклучокот, EOS R5 C е компатибилна со широка палета на оптика, вклучувајќи ги најнапредните RF-објективи, како и EF-објективите или објективите за снимање коишто се прикачуваат преку адаптерите за монтирање објективи EF-EOS R. Напредната електронска стабилизација на слика со пет оски помага во снимањето рамномерни и стабилни видеозаписи.

AF НА ОЧИ ВО РЕАЛНО ВРЕМЕ

Брзо, прецизно и сигурно фокусирање

Искусете ја напредната технологија Dual Pixel CMOS AF од Canon со AF на очи и EOS iTR AF X за прецизно следење на фокусот, дури и кога субјектот не гледа во камерата. Иновативниот водич за фокусирање со технологија Dual Pixel помага во постигнувањето кристално јасна снимка при рачното фокусирање.

CINEMA RAW LIGHT

Голем избор на формати и алатки за професионално снимање

Изберете формат од големата понуда на формати за снимање, вклучувајќи ги и трите опции за Cinema RAW Light, како и XF-AVC и MP4. Снимете проширен динамички опсег во режимите Canon Log 3, PQ и HLG додека истовремено ги користите професионалните алатки како следењето бранови форми и лажните бои.

МАЛА КАМЕРА

Компактен и лесен дизајн со активно ладење

EOS R5 C е најкомпактната и најлесната камера Cinema EOS којашто вклучува OLED-визир, светол подвижен LED-екран и 13 копчиња на коишто корисникот може да им додели функции. Новиот активен вентилатор овозможува долго време на снимање, а телото изработено од легура на магнезиум обезбедува професионална издржливост.

СНИМАЊЕ

Напредно поврзување

Опремен со повеќефункционалниот приклучок за дополнителна опрема, EOS R5 C овозможува опции за влез за XLR/стереомикрофон, како и посебни приклучоци за временски кодови, микрофон од 3,5 mm, слушалки, микро-HDMI, синхронизација на блиц, USB-C, како и обемна поддршка за апликации, со што е подготвен да се справи со сите предизвици.

Canon има за цел да постигне нула нето емисии на CO2 од своите деловни активности до 2050 година

Оваа цел ќе ја постигнеме со просечна годишна стапка на подобрување од 3% на индексот за подобрување на емисиите на CO2 по производ. Доколку ја одржуваме стапката на подобрување, тоа би значело приближно 50% намалување на нивоата од 2008 година до 2030 година. Ова е во согласност со нивото на намалување утврдено со Парискиот договор.

Ќе продолжиме да ја ревидираме целта од долгорочна перспектива како начин на проверка на нашиот придонес за реализација на општество со мало ниво на емисии на јаглероден диоксид.