Од дигитално во аналогно: печатење налепници за скејтборд и минифотографии во скејт-парк

Има посебна енергија околу скејт-парковите. Тие обично се украсени со неверојатно креативни графити, а скејтбордите имаат разнобојни дизајни и налепници. Скејтерите сакаат да ги украсуваат своите штици со уникатни, персонализирани графики. „Културата има толку многу преклопувања со музиката, модата, дизајнот и сите видови креативни умови“, вели професионалната скејтерка Helena Long. А, што би се вклопило поприродно во овој креативен свет од Canon Zoemini 2? Тоа е безжичен пренослив печатач што може да го ставите во џеб и да го понесете во скејт-паркот, а потоа да отпечатите минифотографии со самолеплива задна страна што се отпорни на вода и гребење и се подготвени за моментална употреба.

Токму тоа го направи и Helena.

„Секогаш сум фотографирала и сум водела споменари и дневници, документирајќи ги моите патувања“, вели таа. „Исто така и налепници. Секој скејтер обожава налепници. Затоа многу уживав правејќи свои налепници и печатејќи ги“.

За Helena, можноста за печатење фотографии на лице место не беше само начин да се овековечи одреден трик, туку и доловување на возбудата од постигнувањето на пријателите. Таа се обиде да избере слики на кои може да се препознае личноста, но и да се види за кој трик станува збор - барем ако имате некакво познавање од скејтбординг.

Освен сликите од движења, Helena отпечати исто толку слики од луѓе, локации и настани што се случиле. Таа им подарува отпечатени фотографии на пријателите како спомен од некој посебен ден – и признава дека обично печати копија и за себе, за да може и таа да го овековечи тој момент.

Изборот на вистинската композиција не e секогаш лесен. „Сакате да доловите сѐ – личноста, по можност нејзиното лице, а потоа и нејзиниот скејтборд“, вели таа. „Не сакате да отсечете ниедна нога, рака или движење. Има уметност во тоа“.

Секако, со Canon Zoemini 2 и апликацијата Canon Mini Print, не мора однапред да доловите совршена снимка за да добиете прекрасна отпечатена фотографија.

„Користењето е поедноставно од кога било“, објаснува Helena. „Инсталирајте ја апликацијата на телефонот и таа се поврзува со печатачот преку Bluetooth“. Може да ги уредувате сликите, да ги отсекувате и да додавате брановидни линии, печати и смешни цртежи, како и рамки, филтри и ефекти пред да ги отпечатите. Исто така е забавно да гледате како апликацијата го прикажува напредокот на печатењето додека физички излегува фотографијата.

„Печатењето трае помалку од една минута, а налепниците може да ги користите веднаш и да ги залепите каде сакате. Јас ги залепив на мојот скејтборд, велосипед, тефтер и на задната страна од футролата на телефонот“.

Печатачот Canon Zoemini 2 работи на батерија, па може да се користи секаде и не се потребни картриџи за мастило – користи хартија ZINK¹ за печатење без мастило и може да печати минифотографии со големина од 2x3 инчи или однапред исечени кружни налепници од 1,3 инчи, двете со самолеплива задна страна. Отпечатените материјали се потполно суви веднаш штом ќе излезат од печатачот и се отпорни на вода и отпечатоци од прсти.

„На почетокот се плашев да не ги размачкам отпечатените материјали, особено ако рацете ми се валкани од возење скејтборд“, признава Helena. „Но, сè беше во ред. И можете веднаш да цртате врз нив“.

Helena откри дека материјалите што ги отпечати со Canon Zoemini 2 се совршени за креативно водење дневници и споменари. Таа користеше фломастери или маркери во боја за да нацрта шаблони на страницата пред да ги залепи отпечатените материјали, а потоа црташе врз нив. Пенкалата, па дури и боите, нема да ја пробијат ниту да ја уништат фотографијата.

Со нејзиното искуство во илустрација, Helena гледа голем потенцијал за користење на отпечатените материјали. Може да ставите две слики на еден отпечатен материјал, како колаж. Таа уживаше да ја користи оваа опција за да спои работи што се случиле истиот ден или биле поврзани една со друга, како знаменитост или споменик што потсетува на местото што го посетила, заедно со нешто што се случило таму. „Така споив неколку спомени од еден посебен ден“.

Освен однапред исечената кружна хартија, „има и различни форми кои потоа може да ги исечете – си размислував дека би можела да ги искористам за честитки и слични работи“. Апликацијата е навистина лесна за користење и има голем број опции за создавање различни работи.

„Всушност, викендов имав роденден, па си направив персонализирана налепница и ја залепив од внатрешната страна на честитката“. Лесно е да ги персонализирате за пријатели бидејќи може да напишете пораки како „Среќен роденден“ на неа, па така може да биде и честитка сама по себе.

„Можете да печатите и етикети за да означите сè. Мојот партнер се пресели во нов стан и мораше да го стави своето име на поштенското сандаче, па направив персонализирана налепница со неговото име. Мислам дека тоа е најинтересната мала етикета за поштенско сандаче“.

„Многу патувам и секогаш се трудам да носам што е можно помалку багаж“, вели Helena. „Но, во исто време сакам да собирам работи и да донесам сувенири. Ова е толку компактен мал печатач. Го собира дури и во џеб. Големината му е како на пренослив полнач или речиси како мојот телефон, така што многу лесно може да го носам секаде.

„Со нетрпение чекам да го понесам на патувањата за скејтбординг, да им поделам налепници на пријателите и да водам мал дневник со спомени од патувањата, на кои ќе може да се потсетам во иднина“.

Helena гледа посебна вредност во враќањето на дигиталните слики во аналогниот свет. „Во скејтбордингот и во фотографирањето, од голема важност е да имате физички предмет. Мислам дека денес премногу луѓе се постојано онлајн и го губат контактот со физичкиот аспект, како држењето книга, списание или отпечатен материјал во рака, па дури и врамувањето фотографии на ѕид. Сметам дека е навистина важно спомените да бидат отпечатени“.

„Со ваква мала технологија што толку го олеснува целиот процес, се надевам дека и идните генерации сè уште ќе сакаат да собираат и создаваат работи и да водат свој мал споменар. Овие работи се важни за да не биде сè само на екран“.

На локалниот скејт-парк, Helena им покажа на пријателите што прави со Canon Zoemini 2. „Некои од нив што имаат деца рекоа: 'Еј, ќерка ми ќе се воодушеви од ова!' А, јас им реков: 'Знам, сите го сакаме ова!' Дефинитивно би го обожавале сите. Но, мислам дека особено кај скејтбордингот сè уште ја има онаа огромна детска енергија - можеби пораснавме, но сè уште сакаме да си играме. А, ова беше баш забавно!“

Подготвени сте за нов споменар или за персонализирање на скејтбордот? Разгледајте го џебниот печатач Canon Zoemini 2 за кој не е потребно мастило и започнете да ги пренесувате вашите дигитални фотографии во реалниот свет, каде и да одите.



Напишано од Alex Summersby