Откријте како да извлечете максимум од PowerShot PX од Canon

Користењето на PowerShot PX од Canon е исто како да имате сопствен фотограф и видеограф. Независно дали организирате забава или ја користите како веб-камера, компактната PTZ-камера (поместување, закосување, зумирање) ги снима моментите автоматски. Ставете ја на рамна површина или на статив и вклучете ја, а таа штом препознае лице, ќе почне самостојно да снима фотографии и видеоснимки на интелигентен начин. Се напојува преку батерија, а нејзиниот објектив има одличен опсег на поместување, закосување и зумирање.

На тој начин вие можете слободно да уживате во моментите - да не спомнеме дека може и да учествувате во случувањата - без обврска да бидете фотограф или снимател. Исто така, нема потреба да ги разгледувате фотографиите и видеоснимките со часови за да ги изберете тие што ви се допаѓаат најмногу. Сите содржини во мемориската картичка на PowerShot PX се прикажуваат на апликацијата Connect за мини PTZ-камери инсталирана во вашиот паметен телефон, за да можете рачно да ги изберете омилените содржини и да ги префрлите или споделите на социјалните медиуми. Исто така, камерата е доволно паметна за да ви ги препорача најдобрите слики и видеоснимки, а тоа ви заштедува време и напор.

Погледнете го видеото подолу за да дознаете повеќе информации за поставувањето и користењето на PowerShot PX од Canon.

Камерата PowerShot PX од Canon нуди многу повеќе од само практичност, па затоа треба да ги знаете нејзините силни страни.

Еве неколку начини на кои вие и вашите сакани може да извлечете максимум од специјалните вештини на оваа камера, како и совети за максимално искористување на нејзините функции во секоја ситуација.

Дали планирате забава? Камерата PowerShot PX од Canon е идеална за документирање социјални настани и семејни собири. Стапчето за автопортрети се издолжува неколку метри од корисникот, но PowerShot PX може да се стави многу подалеку за да ја долови целата сцена.

Поставете ја камерата PowerShot PX пред да пристигнат гостите, а притоа позиционирајте ја на ниво на очите, на рамна и стабилна површина од каде што ќе може да надгледува каде ќе се собираат луѓето, погрижете се сцената да биде добро осветлена и уверете се дека нема пречки во лакот на поместување на камерата.

Потоа оставете ја камерата да се погрижи за сè. Користејќи технологија за препознавање лица, камерата ќе се поместува, закосува и зумира за да долови најдобри композиции, ќе ги снима гостите во групи и автоматски ќе го коригира изобличувањето во сликите.

Дали сакате повеќе контрола? Апликацијата Connect за мини PTZ-камери ви овозможува да ја поставите камерата да приоритизира одредени лица, како човекот за кого ја организирате забавата, а потоа да ги подреди сликите по субјект.

Не треба да се грижите дека нема да имате доволно мемориски простор. Ако microSD-картичката на камерата се наполни, достапна е опција за автоматско бришење слики што ќе ви овозможи да продолжите со фотографирањето. Прво ќе се избришат најстарите слики, но опцијата нема да ги отстрани вашите омилени слики.

Ако сте успешен пекар, уметник или некој креативец кој сака подобар начин за документирање на своите достигнувања, тогаш PowerShot PX од Canon е решението за тоа.

Нејзините автономни функции за снимање ја прават идеална камера за снимање кога вашите раце се зафатени или извалкани - ако месите тесто за торта или држите четка и палета во рацете, последното нешто за кое треба да се грижите е ракувањето со камерата. Благодарение на гласовните команди, режисерот ќе бидете вие: изговорете „Hello, Pixie“ за да ја активирате камерата, „Start recording“ за да почнете да снимате видео или „Take a picture“ за да снимите фотографија, а потоа изговорете „Stop“ за да го прекинете автоматското снимање*.

Ако сте надежни ѕвезди на социјалните медиуми кои сакаат да објавуваат видеозаписи со минимален напор, тогаш PowerShot PX од Canon може да биде решението за брз успех на социјалните канали како што е YouTube.

Ако ја користите опцијата за автоматско снимање на камерата, нејзините функции за поместување, закосување и зумирање може да внесат прекрасни ефекти во вашите видеозаписи. Во зависност од условите, камерата автоматски ќе снима широкоаголни кадри, кадри од повеќе субјекти (ќе опфаќа луѓе кои стојат блиску еден до друг - идеално кога настапувате со еден или двајца пријатели) или, пак, само ќе го прилагодува зумот и кадарот (ќе го поместува кадарот за да опфати луѓе што не се гледаат на сликата).

Ако сакате да фотографирате далечински, тогаш со надградба на фирмверот, што може да се преземе преку апликацијата Connect за мини PTZ-камери, ќе добиете функција за помош при следење која ќе ви овозможи да снимате субјект во движење, дури и кога субјектот не гледа кон камерата. Снимањето може да го активирате преку екранот за снимање на апликацијата или со доделување на функцијата за снимање на копчето за безжична комуникација на камерата.

Малите димензии и тежина на камерата PowerShot PX ви овозможуваат да ја поставите речиси на секоја локација. За да добиете добар агол треба да користите статив. На долната страна на камерата има стандарден приклучок за статив, за да можете да ја поставите камерата во совршена положба и да бидете сигурни дека ќе биде стабилна и ќе ги долови вашите скокови и трикови.

Фиксните веб-камери пред кои треба да се седите без да се поместите во текот на целиот состанок се тековниот (и релативно здодевен) стандард, но со додавање на PowerShot PX од Canon во вашиот систем за работење од дома ќе внесете нова динамичка димензија во виртуелните состаноци и презентации на интернет. Работејќи без кабли преку Wi-Fi и Wireless Webcam Utility за мини PTZ-камери од Canon (достапна бесплатно за компјутери со Windows 10), камерата PowerShot PX ќе ги примени своите функции за следење за да ве придружува додека се движите низ вашата домашна канцеларија. Благодарение на оваа нова слобода, вашите колеги на работните маси брзо ќе почнат да ви завидуваат.

Независно дали планирате некаков собир за пријателите и семејството, сакате да снимате динамички видеозаписи за вашите социјални канали или само сакате да ги подобрите работните состаноци, малата и паметна камера PowerShot PX од Canon ќе се погрижи за сè.



Напишано од Sam Kielsden