Најдобри фотоапарати од Canon за снимање видеоблогови

Снимањето видеоблогови е одличен начин за луѓето вистински да ве запознаат – а за снимање видеоблогови, ви треба фотоапарат за снимање видеоблогови. Без разлика дали сакате да станете влијателна личност со илјадници следбеници на социјалните мрежи или претплатници на YouTube или, пак, само сакате да се забавувате документирајќи го вашето хоби или вашите летни авантури, постојат многу начини да бидете креативни и да го покажете вашето вистинско лице преку видеоблогови. Точно е дека има многу видеоблогери, но пријателските и креативни лица со силна порака секогаш ќе најдат начин да бидат слушнати.

Пораката и стилот зависат од вас, но фотоапаратите за снимање видеоблогови од Canon наведени овде ќе ви овозможат да ги остварите вашите идеи на забавен и едноставен начин, а притоа ќе ви понудат квалитет за снимање и креативна контрола какви што ви се потребни за да создадете совршен видеоблог. Сите овие фотоапарати од Canon за снимање видеоблогови имаат вграден Wi-Fi и Bluetooth за да можете веднаш да ги споделувате вашите видеозаписи и слики, односно да ги пренесете безжично вашите дела во паметен уред и да ги објавите на социјалните медиуми.

Ова се најдобрите фотоапарати од Canon за снимање видеоблогови за лицата што тукушто се впуштаат во светот на снимањето видеоблогови, или лицата кои се подготвени да ги усовршат своите вештини – продолжете да читате за да дознаете зошто.

• Canon PowerShot V10
• Canon PowerShot G7 X Mark III
• Canon EOS R50
• Canon EOS R10
• Canon EOS R7
• Canon EOS RP

Најмалиот фотоапарат за снимање видеоблогови што е лесен за користење од Canon, што се одликува со вграден држач

• Сензор: 13,1 MP CMOS од 1 инч¹
• Систем за AF: континуиран AF со следење на субјектот
• Екран: екран на допир од 5 cm што се закосува
• Стабилизација на слика (во режими за снимање видео): дигитална стабилизација на слика за видео или автоматска нивелација
• Максимална резолуција на видео: 4K (3840 x 2160)
• Звук: вградени стерео микрофони и влез за микрофон
• Држач: вграден држач
• Видео: достапен е вертикален сооднос на слика за видео
• Тежина: 211 g

Поради едноставните контроли, компактниот дизајн и целосно автоматизираните режими на Canon PowerShot V10, лесно е да започнете со снимање видеоблогови, а исто така, тој нуди и рачен режим и голем број напредни креативни функции за моментот кога сте подготвени да направите чекор понатаму. Со мала тежина и компактност поради која лесно го собира во вашиот џеб, ќе ве следи насекаде и ќе биде подготвен за снимање видеоблогови во моментот, или за проследување во живо кога ќе добиете инспирација.

Ако сте почетник во снимањето видеоблогови, можете да го искористите автоматскиот режим за видео, режимот за видео со рамномерност на кожа, или автоматскиот фокус со следење на лице на PowerShot V10. PowerShot V10 може да сними видеозапис со резолуција до 4K UHD со 30 fps и Full HD со 60 fps, а извонредно широкоаголниот објектив од 6,6 mm и f/2,8 (фокусна должина од 19 mm што е еквивалентна на 35 mm) пропушта многу светлина кога снимате во затворена просторија или доцна во текот на денот, а притоа создава мала длабочина на полето. Има екран што се врти нанадвор, така што лесно можете да го проверите кадарот кога снимате видеоблог со фотоапарат, како и вграден стерео микрофон за одличен квалитет на звук и приклучок за микрофон од 3,5 mm ако сакате да користите надворешен микрофон како што е стерео микрофон DM-E100 од Canon.

За разлика од вашиот паметен телефон, PowerShot V10 се одликува со вграден држач што може да се приспособи за снимање од ниска и висока перспектива, без потреба од статив (иако има стандарден приклучок за статив, така што можете да користите статив, ако сакате).

PowerShot V10 е дизајниран за да го направи споделувањето едноставно како и снимањето, со помош на бесплатната апликација Canon Camera Connect на вашиот паметен телефон. Исто така, компатибилен е со Cloud-услугата image.canon, така што можете автоматски да ги вчитате вашите содржини на Cloud и да ги проследите на веб-услуги, како што се Google Drive™ и YouTube.

Фотоапарат со џебна големина од Canon за снимање видеоблогови кога сте во движење

• Сензор: CMOS-сензор 1,0 со подредена структура и 20,1 MP
• Екран: екран на допир од 7,5 cm што се закосува
• Систем за AF: континуиран AF со следење на лице и предмети, AF со 31 точка
• Стабилизација на слика: објектив со поместување со 4 чекори за стабилизација на слика, интелигентна стабилизација на слика со напредна динамична стабилизација на слика по 5 оски и автоматска нивелација
• Максимална резолуција на видео: 4K (3840 x 2160)
• Филтер: вграден ND-филтер
• Видео: достапен е вертикален сооднос на слика за видео

Canon PowerShot G7 X Mark II е компактен фотоапарат со џебна големина и голем сензор со вграден објектив од 24-100 mm (еквивалент) f/1,8-2,8. Комбинацијата на мала тежина и голем сензор го прават одличен избор за видеоблогери и најдобар фотоапарат за правење видеоблогови на YouTube во движење. Можете да го ставите во џеб и да го понесете со вас каде и да одите - одлично ќе се справи во секоја ситуација. Вградениот објектив е неверојатно брз, што значи дека никогаш нема да пропуштите момент, а екранот што се врти овозможува едноставно снимање на автопортрети во движење.

Фотоапаратот Canon PowerShot G7 X Mark III ви нуди огромен фокусен опсег со голем дострел. На пример, на спортски настан можете да ја опфатите целата сцена, а потоа да зумирате до крајот од 100 mm на фокусниот опсег и да го доловите движењето. Потоа одзумирајте, завртете го обратно екранот на допир, притиснете на екранот и снимете ја вашата реакција!

Исто така, фотоапаратот Canon PowerShot G7 X Mark III се одликува со извонреден режим за откривање и следење на лица. Тоа значи дека можете слободно да се движите, да ги дигнете рацете возбудено и да ја покажете вашата реакција на тоа што се случува, без да се грижите дека вашето лице ќе ја изгуби острината.

Фотоапаратот Canon PowerShot G7 X Mark III има извонредни перформанси во сите услови на осветлување, без разлика дали станува збор за силна сончева светлина или спална соба осветлена со лампа, што го прави совршен фотоапарат за патувања.

Ќе можете да снимате неверојатно стабилни видеозаписи при максимално зумирање, дури и кога се поместувате или кога сте во движење, благодарение на напредната динамичка стабилизација на слика со 5 оски која го спречува тресењето на фотоапаратот.

Лесен фотоапарат за снимање 4K-видеоблогови од Canon со заменливи објективи за снимање во домот или во движење

• Сензор: CMOS во APS-C-формат од 24,2 MP
• Систем за AF: Dual Pixel CMOS AF II со откривање на око/лице и AF со следење (луѓе, животни и возила)
• Екран: LCD-екран на допир од 7,5 cm со променлив агол и 1,62 милиони точки
• Максимална резолуција на видео: 4K (3840 x 2160); 6K (прекумерно семплирање)
• Систем за објективи: објективи RF и RF-S; објективи EF и EF-S преку адаптери за монтирање објективи
• Визир: OLED-електронски визир во боја (EVF) со 2,36 милиони точки
• Звук: вградени стерео микрофони; влез за микрофон
• Режим со тајмер за видео: 2 секунди, 10 секунди, далечинска контрола
• Видео: достапен е вертикален сооднос на слика за видео
• Тежина: 375 g

Со APS-C-сензорот од 24,2 MP, EOS R50 е доволно моќен за да создаде висококвалитетни содржини со 4K-резолуција без отсекување во домот, а притоа е доволно лесен за снимање видеоблогови во движење. Благодарение на компактниот дизајн, екранот на допир со променлив агол кој може целосно да се заврти и интуитивните контроли, EOS R50 е лесен за користење во која било ситуација за која е потребна вашата инспирација.

Подготвени сте да направите еден чекор понатаму? EOS R50 се одликува со најновиот систем за интелигентен автоматски фокус од Canon, со следење на око, лице, глава и тело при снимање видео, како и наменски режим за демо за производи што гарантира дека фокусот се префрлува сигурно меѓу вас и производите што ги изложувате.

EOS R50 снима 4K-видеозаписи, добиени со прекумерно семплирање на 6K-сензорот за максимален квалитет, како и Full HD 120 fps за филмски ефекти со забавено движење. Можете да снимате содржини подготвени за социјалните мрежи благодарение на вертикалниот формат на снимање 9:16 и поврзување со Wi-Fi на EOS R50. Освен повеќефункционалниот приклучок за напојување на дополнителна опрема, EOS R50 се одликува со микро-HDMI и стерео приклучок од 3,5 mm за поврзување на дополнителна опрема, како монитори и микрофони.

Најдобриот фотоапарат за снимање видеоблогови од Canon наменет за повремени креатори на содржини за социјалните медиуми

• Сензор: APS-C-формат од 24,2 MP
• Систем за AF: Dual Pixel CMOS AF со следење очи, лице, животни и возила
• Екран: LCD-екран на допир од 7,6 cm со променлив агол и 1,04 милиони точки
• Максимална резолуција на видео: 4K (3840 x 2160); 6K (прекумерно семплирање)
• Систем за објективи: RF-S-објективи; RF-објективи (со фактор на отсекување од 1,6x); EF-објективи и EF-S-објективи преку адаптери за монтирање објективи
• Визир: електронски визир (EVF) со 2,36 милиони точки и зголемување од 0,95x
• Звук: вграден микрофон со внатрешно намалување на шум; влез за микрофон
• Режим со тајмер за видео: 2 секунди, 10 секунди, далечинска контрола
• Видео: достапен е вертикален сооднос на слика за видео
• Тежина: 429 g

Независно дали сте напреден видеограф со сè поголем број на следбеници на социјалните медиуми или почетник на кој му е потребен најдобриот фотоапарат за видеоблогови со кој ќе ја започне својата кариера на YouTube, Canon EOS R10 е идеален избор. Како основен модел со достапна цена што ќе ви овозможи да го користите системот EOS R без огледало од Canon, EOS R10 ви нуди пристап до професионалниот RF-приклучок за објективи од Canon за да добиете неверојатно брз автоматски фокус користејќи ги беспрекорните RF-S-објективи. Тука спаѓа евтиниот и компактен Canon RF-S 18-45mm F4.5-6.3 IS STM - идеален објектив за општа намена со кој може да започнете да го користите системот без огледало.

Интелигентниот AF со длабоко учење од Canon му овозможува на EOS R10 беспрекорно следење на лицата и очите низ 100% од кадарот², па затоа, без оглед на условите на осветлување, секогаш ќе бидете во центарот на вниманието. За да бидете сигурни дека вашите домашни миленичиња ќе бидат во кадарот, EOS R10 може да следи и животни.

Неговиот APS-C-сензор од 24,2 MP ви го нуди потребниот квалитет со кој вашите содржини ќе изгледаат неверојатно, нудејќи 4K-резолуција со максимум 60p без ограничување на времето на снимање. Ако сакате да снимате забавени филмски движења, EOS R10 нуди снимање 120 fps во Full HD, а неговите режими за вертикално снимање создаваат видеоматеријали соодветни за социјалните медиуми како Instagram Stories и TikTok.

EOS R10 е дизајниран земајќи ги предвид видеоблогерите кои снимаат рачно. Се одликува со екран на допир со променлив агол што овозможува поразновидна примена и можност да се гледате додека снимате, за да можете да снимате видеоблогови со испружена рака во текот на целиот ден. Впарете го со лесниот и компактен Canon RF 16mm F2.8 STM - одличен објектив за видеоблогери-почетници - за да добиете остри и јасни широкоаголни слики. Имајте предвид дека ако користите RF-објектив дизајниран за фотоапарат за целосна слика со фотоапарат со APS-C-сензор, тогаш ќе го зголемите дострелот на објективот за фактор од 1,6x, што значи дека субјектот ќе исполни поголем дел од кадарот.

Во минатото, дури и за некои од најдобрите фотоапарати за видеоблогови наменети за јутубери и креатори на содржини беа потребни надворешни микрофони. Меѓутоа, EOS R10 има вграден микрофон што автоматски го намалува внатрешниот шум на фотоапаратот за да обезбеди јасен звук, што е идеално за брзо снимање видеоблогови во движење.

Идеалниот фотоапарат за снимање видеоблогови од Canon за креатори на дигитални содржини и ентузијасти на кои им се потребни професионални функции

• Сензор: APS-C-формат од 32,5 MP
• Систем за AF: Dual Pixel CMOS AF со следење очи, лице, животни и возила
• Вградена стабилизација на слика (IBIS): да
• Екран: LCD-екран на допир од 7,6 cm со променлив агол и 1,62 милиони точки
• Максимална резолуција на видео: 4K (3840 x 2160); 7K (прекумерно семплирање)
• Складирање: два отвори за SD-картички
• Визир: EVF со 2,36 милиони точки со зголемување од 1,15x
• Систем за објективи: RF-S-објективи; RF-објективи (со фактор на отсекување од 1,6x); EF-објективи и EF-S-објективи преку адаптери за монтирање објективи
• Звук: вграден микрофон со внатрешно намалување на шум; влез за микрофон
• Режим со тајмер за видео: 2 секунди, 10 секунди, далечинска контрола
• Видеоснимки: достапен е вертикален сооднос на слика за видео
• Тежина: 539 g

Ако сте искусен креатор на дигитални содржини или само сакате да ги подобрите содржините за вашиот видеоблог, тогаш APS-C-фотоапаратите со систем EOS R и професионален квалитет како што е Canon EOS R7 се совршен избор за вас. Комбинирајќи го својот сензор од 32,5 MP со приклучок за RF-објективи, што нуди пристап до палетата на професионални RF-објективи од Canon, или објективите EF-S и EF што веќе ги имате, EOS R7 ќе ги збогати вашите содржини со остра слика и професионален изглед за да изгледаат најдобро на YouTube или Instagram. Опремен со истиот интелигентен автоматски фокус како и EOS R10, EOS R7 користи 527 AF-зони (651 за фотографии) за следење субјекти, лица и очи низ 100% од кадарот², за да овозможи остра слика во секоја секунда од вашите видеосодржини.

Наменет за независни креатори на содржини кои сакаат да бидат подготвени за иднината, EOS R7 снима видеозаписи со 4K-резолуција и 60p и 7K-резолуција со прекумерно семплирање и 30p, обезбедувајќи неверојатни детали при намалување на резолуцијата до 4K. Со внатрешното снимање со Canon Log 3, добивате огромна флексибилност во обработката по снимањето.

EOS R7 има вградена стабилизација на слика со 5 оски и е дизајниран за стабилно рачно снимање, дури и во услови со минимално осветлување и објективи без стабилизација на слика. Ако го комбинирате со RF-објектив со стабилизација на слика, како што е повеќенаменскиот Canon RF 35mm F1.8 MACRO IS STM, што нуди комбинација од широк агол на гледање и светла максимална решетка, EOS R7 нуди стабилизација на слика со максимум 7 чекори³ за да снимате јасни содржини без тресење, дури и ако снимате додека пешачите.

Исто така, EOS R7 е отпорен на прав и вода и има два отвори за картички со опција за истовремено снимање за да имате резервна копија од сите ваши видеоснимки. Сите овие функции го прават EOS R7 идеален за авантуристички креатори на содржини кои никогаш не знаат во какви услови може да снимаат.

Исто како EOS R10, така и EOS R7 има LCD-екран на допир со променлив агол за рачно снимање видеоблогови, како и вграден микрофон со опција за намалување на внатрешниот шум, кој снима звук што одговара на квалитетот на вашите видеоснимки.

Моќен фотоапарат за целосна слика без огледало наменет за видеоблогери кои сакат нови креативни можности

• Сензор: CMOS за целосна слика од 26,2 MP
• Систем за AF: Dual Pixel CMOS AF со следење лица и очи и способност за откривање дури до EV -5
• Екран: LCD-екран на допир од 7,5 cm со променлив агол и 1,04 милиони точки
• Максимална резолуција на видео: 4K (3840 x 2160)
• Систем за објективи: професионални RF-објективи од Canon; RF-S-објективи; EF-објективи и EF-S-објективи преку адаптери за монтирање објективи
• Визир: OLED EVF во боја со 2,36 милиони точки
• Звук: вградени стерео микрофони; влез за микрофон
• Режим со тајмер за видео: 2 секунди, 10 секунди, далечинска контрола
• Видео: достапен е вертикален сооднос на слика за видео
• Тежина: 485 g

Фотоапаратите за целосна слика, како што е Canon EOS RP, нудат одличен начин за проширување на вашите креативни хоризонти штом стекнете малку искуство. Неговиот голем и многу чувствителен сензор од 35 mm нуди подобри перформанси во лоши и променливи услови на осветлување, а ви нуди и поголема контрола врз длабочината на полето, што го подобрува прилагодувањето на амбиентот и атмосферата на вашите содржини.

EOS RP е опремен со сите алатки што ќе ви бидат потребни за да ги надминете своите граници, меѓу кои и интелигентниот систем за AF на Canon кој открива и следи лица и очи, а заедно со напредните RF-објективи со брз фокус ќе снимате елегантни и остри содржини, со резолуции до 4K. Ова куќиште е совршено за прикачување брзи, достапни и извонредно широкоаголни RF-објективи како што е Canon RF 16mm F2.8 STM кој е дизајниран за видеоблогери и креатори на креативни содржини.

Исто така, одличен избор е и лесниот RF 24mm F1.8 MACRO IS STM со функција за половично макро која снима прекрасно заматени заднини, како и повеќенаменскиот RF 15-30mm F4.5-6.3 IS STM со рамномерен, тивок и извонредно широк зум. И двата објективи се опремени со вградена стабилизација на слика за стабилно рачно снимање видео.

EOS RP го има истиот интуитивен кориснички интерфејс и истиот распоред на менијата како и сите други дигитални фотоапарати од Canon. Достапни се 23 приспособени функции што можат да се доделат на неговите функциски копчиња, а апликацијата Canon Photo Companion ќе ви објасни што можат да направат функциите на вашиот фотоапарат. Освен тоа, сите професионални функции на фотоапаратот се вградени во мало и лесно куќиште, што значи дека EOS RP може да се користи за рачно снимање содржини во текот на целиот ден.

• Canon RF 16mm F2.8 STM
• Canon RF 24mm F1.8 MACRO IS STM
• Canon RF 15-30mm F4.5-6.3 IS STM
• Canon RF-S 18-45mm F4.5-6.3 IS STM

Доколку изберете еден од наведените фотоапарати со променливи објективи овде, има многу објективи од Canon што се одлични за снимање видеоблогови и нудат комбинација од широко видно поле и неверојатен квалитет на слика. Извонредно широкоаголниот објектив Canon RF 16mm F2.8 STM е одличен прв објектив за почетници кои снимаат видеоблогови, бидејќи им нуди врвни креативни можности на креаторите на содржини кои сакаат да снимаат слики од ентериери и пространи слики. Од друга страна, пак, RF 24mm F1.8 MACRO IS STM нуди комбинација од широки агли на гледање со светла максимална решетка и внатрешна стабилизација, а RF 15-30mm F4.5-6.3 IS STM нуди повеќенаменски фокусен опсег што ќе ги задоволи вашите потреби, почнувајќи од извонредно широки агли за рачно снимање видеоблогови па сè до потесни агли кога ви треба поголем дострел. Компактниот и лесен објектив Canon RF-S 18-45mm F4.5-6.3 IS STM што се вовлекува, исто така, е идеален избор за повеќедневни патувања.

Како дел од целосната палета на фотоапарати за снимање видеоблогови од Canon, фотоапаратите овде се соодветни за сите што тукушто започнуваат да снимаат видеоблогови или што сакаат да направат чекор понатаму, вклучувајќи го и наменскиот, сѐ-во-едно PowerShot V10 што е лесен за користење, сѐ до повеќенаменските фотоапарати со променливи објективи како што е EOS R50 и други.

Сакате да го однесете снимањето видеоблогови на уште повисоко ниво? Дознајте за првото искуство со снимање видео со Canon EOS R8 за целосна слика⁴ на креаторката на содржини Alexandra Andreeva, како и за начинот на којшто таа го употреби фотоапаратот за да создаде видеохаику⁴. Ако сакате да навлезете во светот на сеопфатна видеопродукција, погледнете го и нашиот водич за најдобрите фотоапарати и објективи за снимање видеозаписи за YouTube⁴.

Напишано од Jeff Meyer и Peter Wolinski