СЕМЕЈНО ФОТОГРАФИРАЊЕ

Снимајте спонтани семејни моменти со PowerShot PX

Без разлика дали станува збор за семејството, пријателите или домашните миленичиња, снимајте прекрасни секојдневни моменти на едноставен начин со PowerShot PX од Canon.
Жена и нејзините три деца стојат околу сад за мешање во кујната и подготвуваат нешто за печење. PowerShot PX ставен врз куп книги и насочен кон нив.

Снимањето радосни моменти од секојдневниот семеен живот не може да биде полесно со новиот PowerShot PX од Canon. PowerShot PX е доволно паметен за да ги препознава лицата автоматски, а работи и со гласовни команди, па затоа е совршен семеен фотограф кој секогаш е подготвен да фотографира и секогаш е присутен во срцето на домот.

Креаторката на дигитални содржини и фотографка Eimear Varian Barry, чии фотографии од нејзиниот живот и нејзиното семејство добија приближно 97.000 следбеници на Instagram, е самохран родител и најчесто стои зад фотоапаратот.

Но, благодарение на PowerShot PX од Canon, Eimear повеќе не мора да биде изоставена од кадарот. Користејќи го овој паметен фотоапарат со автоматски режими за препознавање и фотографирање, Eimear доби сопствен семеен фотограф кој ги снима моментите кои навидум изгледаат незначајни, но подоцна сфаќате дека се специјални.

Документирајте ги секојдневните моменти без напор

Семејство седи на ќебе за пикник на отворено, јадат овошје. PowerShot PX од Canon е ставен на корпа за пикник и е насочен кон нив.

PowerShot PX од Canon користи технологија за препознавање сцени што е доволно паметна за да ги препознае лицата на луѓето и да одлучи кој кадар ќе изгледа најдобро, а притоа автоматски се врти, закосува и зумира за да создаде совршен спомен - сето ова без да станете од вашето место. Практичното користење на PowerShot PX е тоа што го прави совршен семеен придружник, дури и во најбројните домаќинства. „Апликацијата и гласовното препознавање се генијални“ - вели Eimear, која како самохран родител честопати има премногу обврски.

„Мислам дека е неверојатно тоа што PowerShot PX од Canon доловува моменти кои мислиме дека не би биле соодветни за прекрасни слики“ - вели Eimear. „Такви слики, на пример, од децата кои бојат слики на пултот за појадок додека ја полнам машината за садови. Знам дека ќе ги погледнам тие слики по 20 години и ќе си помислам „Ова беа убави времиња“. Тоа што се снимени вака природно е неверојатно“.

Едноставниот процес на фотографирање со овој фотоапарат се должи на паметните функции и технологијата за препознавање сцени што се развивани многу години. Штом го вклучите и го ставите на некоја површина, PowerShot PX ќе ја активира функцијата за препознавање лица и автоматски ќе почне да пребарува субјекти, а потоа ќе го прилагоди кадарот за да сними слики во чиј кадар ќе бидат опфатени сите. Тој ќе сними многу слики, а потоа апликацијата ќе ви ги препорача најдобрите. Препознава лица кои често се присутни и нуди фотографирање со приоритет за луѓето кои ви се важни.

Затоа, кога готвите, кога разговарате на масата во кујната, кога уживате во семејна роденденска забава или кога им помагате на децата во домашните задачи, PowerShot PX може да ви помогне да ги доловите изразите на лицата и убавината на обичното без да помислите на тоа.

За Eimear, едноставните моменти како играње со кучето или читање приказни на креветот се моментите што ѝ се драгоцени и сака да ги споделува. „Добро е да се зачуваат таквите моменти, особено без да вложувате напор“ - вели таа.

Ваш личен дигитален фотограф

Жена и младо момче со возбуда гледаат во PowerShot PX од Canon, ставен врз куп книги.

„Отсекогаш ги гледав книгите за фотографија на татко ми - тој е уметник - и сите книги за фотографија што ги имам дома се книги за фоторепортерство. Кога бев мала, животот го гледав во форми и светлина“ - вели Eimear, која често ужива да биде пред фотоапаратот кога станува збор за интимни семејни моменти.

Девојка клечи покрај ниска маса и си игра со играчки, PowerShot PX од Canon е ставен пред неа. Нејзината мајка го гледа приказот во живо од фотоапаратот преку нејзиниот телефон, а на екранот се прикажува фотографијата и прилагодувањата што таа ги врши.

„Како фотограф, навикната сум да ги документирам ситуациите на работа. Тоа ми е работа, да доловувам моменти, но повеќето од нив се исценирани. Мојата друга страна обожува да документира реални моменти, за да можеме во иднина да ги погледнеме тие моменти и да кажеме: ‚Ова изгледа толку реално‘“.

И покрај тоа што Eimear имала фотоапарат во рацете уште од детството и сака нејзиниот профил на Instagram да изгледа поорганизиран, таа објаснува дека во домот е добро да се создаваат слики од секојдневието што не се дел од фотосесии.

„Мислам дека PowerShot PX е одличен фотоапарат за таквите спомени. На пример, јас сум дома со децата преку целата недела. Самохран родител сум. Нема кој да сними слика од мене со децата како печеме или како се забавуваме во градината зад куќата, бидејќи јас сум секогаш зад фотоапаратот“.

Тука ми помага можноста за ракување на PowerShot PX од Canon без да ги користам рацете, благодарение на гласовните команди, како и неговата можност за обликување на кадарот и самостојно снимање фотографии и видеоснимки преку објективот со оптички зум до 3x што може да се врти и закосува. Исто така, тој ги избира најдобрите фотографии и видеоснимки и автоматски ги организира, овозможувајќи ви непрекинато уживање во драгоцените моменти во животот.

„Гласовното препознавање е неверојатно бидејќи ако сте во дневната соба и си помислите „Сакам да го паметам овој момент засекогаш“, тогаш тој ќе ви го овозможи тоа“ - вели Eimear. „Чувствувам исто задоволство кога ги гледам и неочекуваните фотографии и исценираните слики“.

Ако сакате да ја преземете улогата на фотограф, тогаш може лесно да го контролирате фотоапаратот преку апликација за паметни телефони со која може да фотографирате и да ги гледате снимените видеоснимки и слики.

Ставете го во центарот на домот

Членови од семејството седат и стојат покрај пулт за појадок, мешаат состојки за печење во сад.

„Снимивме слики како печеме“ - вели Eimear. „Навикнати сме на совршени фотографии од нашиот живот и навистина ми се допаѓа тоа што Canon го создаде овој производ, бидејќи според мене, најдобрите фотографии се оние кои најприродно го прикажуваат секојдневниот живот“.

Компактниот и приспособлив дизајн на PowerShot PX од Canon му овозможува да се вклопи во вашиот дом беспрекорно.

Според Eimear, нејзиниот пулт за појадок е идеално место на кое може да го ставите PowerShot PX бидејќи тука се одвива поголемиот дел од семејниот живот. „Сакам да стои во кујната бидејќи има отворен дизајн, а пултот за појадок е централниот дел на долниот кат“ - вели таа.

„Кога подготвувам вечера и децата бојат на пултот за појадок - оние моменти кога ги извршувам секојдневните обврски како мајка. Не се гламурозни, но нема нешто што ми значи повеќе. Слика на која влегувам во просторијата со испраните алишта додека пишуваат домашна е визуелен пример за мојот секојдневен живот како мајка. Тоа се моментите што сакам да ги запомнам“ - вели таа.

Сите знаеме дека животот не се одвива зад фотоапаратот, туку пред него. Но, како ќе одлучите да ги запомните оние моменти што го дефинираат вашиот живот? За родителите како Eimear, PowerShot PX може да биде извонредна алатка за документирање на луѓето кои ги сакаме, сега и во иднина.

„Невозможно е да ги запомните сите моменти од вашиот живот. Искрено, не се ни сеќавам кога бев трудна. Знам дека звучи лудо, но тоа е вистината! Кога ќе ги погледнеме тие фотографии, си помислуваме „Се сеќаваш на ова? Потполно заборавив“. Затоа мислам дека е прекрасна идеја да се доловат таквите спомени и тоа на природен начин. Неверојатно“.


Напишано од Lorna Dockerill

Слични производи

Слични статии

  • Три мали деца седат заедно на кревет и гледаат отпечатени семејни фотографии.

    КРЕАТИВНО ПЕЧАТЕЊЕ

    Отпечатете ја животната приказна на вашето семејство

    Печатете и изработувајте модели од слики од драгоцените спомени на семејството.

  • Две силуети од деца со шума во заднина, а ниското сонце ѕирка низ дрвјата.

    СЕМЕЈНО ФОТОГРАФИРАЊЕ

    11 совети за семејно фотографирање

    Дознајте совети за фотографирање прекрасни семејни портрети од амбасадорката на Canon Helen Bartlett.

  • Млада девојка со капа седи со родителите во шума, сите тројца гледаат нешто што е надвор од кадарот, а таткото користи PowerShot ZOOM од Canon.

    ПРЕНОСЛИВИ ФОТОАПАРАТИ

    Гледајте подалеку: PowerShot ZOOM

    Дознајте зошто овој компактен фотоапарат со џебна големина е идеален за семејни авантури.

  • Групен портрет од невеста и девериците како позираат покрај свадбена торта на неколку ката.

    ФОТОГРАФИРАЊЕ ПОРТРЕТИ

    Фотографирање групни портрети

    Четири амбасадори на Canon ги споделуваат своите совети за снимање неверојатни групни фотографии.