ОПРЕМА

4 причини зошто вистински фотоапарат може да ви помогне да снимите подобри фотографии

Значајните прилики заслужуваат да бидат запомнети со прекрасни фотографии и видеозаписи. Поради едноставното користење и неверојатниот квалитет на слика, EOS R100 ќе ги прикаже вашите специјални моменти во најдобро светло.
Фотоапарат Canon EOS R100 стои врз албум со фотографии на дрвена маса, опколен со семејни фотографии.

Без оглед на тоа дали сте возбудени за собир со семејството и пријателите, значаен роденден или првите чекори на вашето дете, некои прилики заслужуваат повеќе од слика снимена со паметен телефон.

Сигурно не сакате да го поминете времето грижејќи се за тоа како да снимите слика или видеозапис со одличен квалитет. Фотоапарат како што е Canon EOS R100 ја врши тешката работа за вас со автоматизираните функции, креативните филтри и практичен режим за креативна помош, за да можете да се концентрирате на настанот што сакате да го доловите и да бидете сигурни дека ќе добиете фантастични резултати.

Тоа е идеално решение за сите што ја сакаат практичноста што ја нуди паметен телефон, како и извонредниот квалитет на слика и креативната флексибилност што ја обезбедува наменски фотоапарат. Ова се најдобрите причини поради кои што треба да се надградите кон вистински фотоапарат за да ги доловите спомените кои вреди да се запомнат.

1. Импресивен квалитет на слика

Личност поставува фотоапарат Canon EOS R100 на статив со држач од Canon за да фотографира дете со роденденска торта.

Canon EOS R100 е идеален за доловување на приликите кои многу ви значат, а притоа, ви ја обезбедува острата резолуција и неверојатните детали што ви се потребни за големи и висококвалитетни отпечатени материјали. © Gary Morrisroe

Насмеано семејство собрано околу торта за 65-ти роденден со запалени свеќички, фотографирано со Canon EOS R100.

Поголемиот сензор овозможува подобро фотографирање при слаба осветленост. Фотографирано со Canon EOS R100 и објектив Canon RF 16mm F2.8 STM со избрани 1/64 сек., f/3,5 и ISO 1600. © Gary Morrisroe

На крај, квалитетот на сликата е најважен. APS-C-сензорот со 24,1 MP во Canon EOS R100 е многу поголем од сензорот во камерата на паметен телефон, произведувајќи поостри слики со помалку шум, а притоа, ви обезбедува многу детали за да можете да отсекувате или да правите големи отпечатени материјали од вашите фотографии.

Дополнителната светлина што се собира од поголемиот сензор обезбедува слики со повисок квалитет кога фотографирате при слаба осветленост. Исто така, ви обезбедува поголема контрола над длабочината на полето (колкав дел од сцената е во остар фокус) и ви овозможува да фотографирате вистински ефект на дефокусирање (заматување на заднината).

Телефонските камери можат дигитално да го симулираат ефектот на мала длабочина на полето, но пресметувањето често се мачи со сложени сцени, заматувајќи прамени коса или рабовите на очила заедно со заднината. Од чудни силуети, до заматени детали, сензорите на паметните телефони не можат да се натпреваруваат со поголемиот сензор во срцето на EOS R100.

Како фотоапарат со заменлив објектив, EOS R100 е компатибилен со обемната палета на објективи RF и RF-S од Canon, вклучувајќи и опции од основна класа за портрети. Оптичкиот зум, којшто го користи објективот за физички да ја зголеми сликата, наместо да ја зголеми електронски, ќе ви обезбеди многу поквалитетни слики кога сакате да се доближите на настани како што се венчавки, матурски вечери или спортски натпревари.

2. Корисни технички и автоматски режими

Личност држи фотоапарат Canon EOS R100 за да фотографира двајца членови на семејството што се гледаат одзади.

Режимот за креативна помош од Canon ви овозможува да правите брзи приспособувања на заматувањето на заднината, светлината и контрастот, со едноставно поместување на лизгач. © Gary Morrisroe

Иако наменски фотоапарат ви нуди повеќе контрола, понекогаш е добро технологијата да преземе, а, доколку сакате целосно да се внесете во моментот, автоматските режими му овозможуваат на EOS R100 да ја врши тешката работа за вас.

Режимите за специјални сцени вклучуваат вертикална, хоризонтална и ноќна сцена, а има и Бесшумен режим за фотографирање бебиња што спијат или училишни претстави. Исто така, можете да користите креативни филтри за да им дадете различен изглед на вашите фотографии, вклучувајќи и црно-бело, „рибино око“ и минијатурни ефекти.

За да снимите подобри фотографии EOS R100 се одликува и со приказ на мрежа и електронски либели за совршена композиција, како и режим за креативна помош со голем избор на ефекти, филтри и алатки за приспособување на боите за да ги уредите фотографиите според вашиот стил и да добиете одлични резултати без да совладувате сложени поставки на фотоапаратот.

Доколку сакате да научите повеќе за фотографирањето, EOS R100 е првиот фотоапарат од системот EOS R што го има белото мени со водичот за режими и водичот за функции што прикажува корисни информации за избраниот режим или функција.

3. Неверојатно остар фокус и видеоснимки со забавени движења

Насмеано дете вози трицикл меѓу неговите насмеани баба и дедо кои седат покрај базен на отворено. Фотографирано со Canon EOS R100.

Поради процесорот DIGIC 8 од Canon, EOS R100 постигнува сѐ, почнувајќи од снимање видеозаписи во 4K-квалитет, до секвенцијално фотографирање со брзина до 6,5 fps и многу повеќе. Фотографирано со Canon EOS R100 и објектив Canon RF 50mm F1.8 STM со избрани 1/1300 сек., f/3,5 и ISO 400. © Gary Morrisroe

Пар дланки држат фотоапарат Canon EOS R100 што се фокусира на дете додека оди кон него.

Кога режимот за откривање на лице и следење е избран, фотоапаратот автоматски ќе се фокусира на окото што е најблиску до фотоапаратот. Со систем за AF што може да открие и следи луѓе толку лесно, слободно можете да фотографирате, знаејќи дека никогаш нема да испуштите прилика за фокусирање во клучен момент. © Gary Morrisroe

Процесорот DIGIC 8 од Canon напојува голем број од импресивните функции на EOS R100. Технологијата Dual Pixel CMOS AF овозможува неверојатно остар фокус, а AF со откривање на очи и режимите за откривање лице и следење можат интелигентно да откријат лице, или окото што е најблиску до фотоапаратот и да го заклучите фокусот за помалку од една секунда. EOS R100 може да го стори сето тоа во нивоа на светлина до -4 EV – ниво на ноќ осветлена со месечина.

Покрај можноста за снимање 4K-видеозаписи, EOS R100 може да сними Full HD-материјал со 60 fps (HD со 120 fps). Поради способноста да снимате при овие повисоки стапки на слики, можете да ги забавите снимените содржини за да создадете видеоснимки со забавени движења што ги означуваат специјалните моменти.

4. Поврзување преку паметен телефон и Cloud

Силуета држи фотоапарат Canon EOS R100 покрај паметен телефон, се прикажува истата слика на екранот на фотоапаратот и апликацијата Canon Camera Connect на телефонот.

Поради апликацијата Canon Camera Connect, лесно е да се префрлуваат фотографии и видеозаписи на паметен телефон или таблет-уред за споделување со семејството и пријателите.

Кога првично ќе го добиете фотоапаратот, преземете ја апликацијата Canon Photo Companion, што ќе ве води низ поставувањето на фотоапаратот, како и неговите функции и функционалности.

Убавината на Canon EOS R100 лежи во тоа што може да работи во симбиоза со вашиот паметен телефон, овозможувајќи ви максимално да ги искористите најдобрите страни на двата уреди. Можете да снимате слики и видеозаписи што изгледаат попрофесионално со EOS R100, а потоа, искористете ја бесплатната апликација Canon Camera Connect за да ги преземете на вашиот паметен телефон и да ги споделите со семејството и пријателите, или на социјалните медиуми.

Canon Camera Connect ви овозможува и далечинска контрола над EOS R100 преку вашиот паметен телефон, што е практично кога сакате да соберете луѓе за групна фотографија.

EOS R100 е компатибилен со платформата за веб-складирање од Canon, image.canon – вградената Wi-Fi-врска на фотоапаратот значи дека можете да ги вчитате вашите слики во Cloud за безбедно складирање и споделување на социјалните медиуми.

Со тежина од само 356 g, Canon EOS R100 е еден од најлесните фотоапарати со заменлив објектив што постои – лесен е да го земете и да одите, а притоа, доволно е мал за да го носите насекаде. Едноставен и интуитивен за користење, тој е моќен чекор подалеку од паметен телефон, овозможувајќи ви да снимате совршени моменти од животот во извонреден квалитет. Затоа, кога сакате да доловите специјални спомени, фотографирајте наместо да сликате.


Напишано од Jeff Meyer и Sarah Bakkland

Слични производи

Слични статии

  • Личност држи фотоапарат Canon EOS R100 за да фотографира двајца членови на семејството што се гледаат одзади.

    ОСНОВИ ЗА ФОТОГРАФИРАЊЕ

    Како да почнете да фотографирате

    Дали сакате да преминете од паметен телефон на фотоапарат? Нашиот водич за фотографирање за почетници ви нуди сè што ви е потребно за да започнете.

  • Три објективи RF од Canon – RF 35mm F1.8 MACRO IS STM, RF 50mm F1.8 STM и RF 85mm F2 MACRO IS STM – поставени на дрвена површина, а зад нив има портокалов ѕид.

    ОСНОВИ ЗА ФОТОГРАФИРАЊЕ

    Како да изберете објектив

    Сѐ што треба да знаете за објективи, почнувајќи од видови на објективи до функции што треба да ги барате.

  • RF 135mm F1.8L IS USM

    ОСНОВИ ЗА ФОТОГРАФИРАЊЕ

    Како да создадете прекрасно заматување

    Следете ги овие совети и трикови за да добиете прекрасно заматување на вашите заднини.

  • ОСНОВИ

    Фотографирање слики за печатење

    Седум одлични совети за овековечување на спомените преку печатење.