КРЕАТИВНО ПЕЧАТЕЊЕ

Покажете го вашиот стил: како да го уредите вашиот простор за да го изразите вашиот карактер

Креаторката на содржини Susannah Arul го искористи печатачот SELPHY Square QX10 од Canon за да го разубави својот стил преку изработка на прекрасни украси за во домот. Тука ќе ги сподели нејзините совети и ќе открие како да го разубавите вашиот ентериер кога ќе го промените вашиот стил.
Слика од печатач SELPHY Square QX10 од Canon, снимена од горна страна, ставен на работна маса и опкружен со мини отпечатени материјали, предмети, мала лампа, вазна со цвеќиња и растение.

Поради динамичниот стил на живеење и сè помалиот буџет со кој располагаме, лесно може да ја занемариме важноста на просторот околу нас. Независно дали станува збор за дневна соба каде што го поминуваме поголемиот дел од слободното време, спална каде што одмараме удобно или соба во универзитетски дом што претставува просторија што можеме да ја наречеме сопствена, нашите опкружувања може силно да влијаат врз нас за да се чувствуваме безбедни, како дома или да си бидеме свои.

Дизајнерката и креаторка на содржини Susannah Arul е некој кој од прва рака ја знае важноста на ставањето личен белег во просторија на брз и евтин начин, без да се доведе во прашање стилот. „Дипломирав неодамна, а во текот на студиите постојано се селев, па потоа се враќав дома, па затоа постојано декорирав и ги менував декорациите во различните простории“ - објаснува таа.

Susannah има диплома за дизајн на текстил од Nottingham Trent University, а во моментот работи како дизајнер за печатена графика. Таа создава декорации за ентериери и содржини за животни стилови што ги објавува на социјалните медиуми, а нејзините видеозаписи на TikTok имаат добиено повеќе од 1,3 милиони допаѓања. Susannah го изработи својот последен проект за декорации за ентериери со помош на SELPHY Square QX10 од Canon. „Овој пренослив печатач ви нуди совршена можност да го приспособите својот простор“ - вели таа. „Посакувам да го имав додека бев на факултет за да ја декорирам просторијата за да наликува на мојот дом“.

SELPHY Square QX10 ѝ овозможи на Susannah да печати слики што ѝ се допаднале, директно од нејзиниот паметен телефон, преку апликацијата Canon SELPHY Photo Layout. Какви резултати ќе добиете? Табла со уметничка визија за претстојната година што ги отсликува нејзиниот живот и стил, а нуди и инспирација. Тука ќе објасни како и вие може да го направите истото.

Изразете го вашиот стил

Зелен SELPHY Square QX10 од Canon печати разнобојна слика. Околу него на работната маса има неколку отпечатени материјали, чашка за пенкала, цвеќиња, три разнобојни кутии и растение во саксија.

SELPHY Square QX10 од Canon има компактна големина - само 14,3 cm на 10,2 cm на 3,1 cm - и е достапен во четири бои: црна, бела, розова и зелена. Печатачот не само што помага во создавањето прекрасни декорации за во домот, туку е и доволно мал за да го ставите во секоја просторија и нуди стил што одговара на сите бои.

Susannah го опишува нејзиниот тековен декор како разновиден, разнобоен и максималистички. „Има многу цвеќиња, текстури и отпечатени уметнички дела, диско топки што светкаат и многу дела што сум ги изработила или нацртала сама“ - вели таа. „Отсекогаш сум мислела дека е важно да се потрудам максимално при декорирањето за да ја направам просторијата да изгледа во мој стил. Но ако вашиот стил е минималистички, тогаш декорирајте по ваша желба.

„Отпечатив неколку слики од моите најсреќни и најгорди моменти од минатата година и ги распоредив на ѕидот во галеријата за да се чувствувам позитивно“ - продолжува таа. „Исто така, отпечатив „естетски“ фотографии од Pinterest и некои фотографии снимени со мојот фотоапарат, со убави бои и текстури што ќе ми помогнат да бидам креативно инспирирана за моите дизајнерски проекти. На овој начин создадов галерија со слики кои не само што ме инспирираат, туку и ја разубавуваат естетиката на мојата просторија.

„Кога ќе добиете инспирација, делувајте колку што е можно побрзо и соберете апсолутно сè што ве радува“ - Susannah ги советува колегите креатори на содржини и дизајнери. „Кога ќе ги споите сите елементи, проектот ќе се реализира“.

„Ќе добиете убави палети на бои и стилови“ - додава Susannah. „Сето тоа може да го отпечатите со помош на печатачот SELPHY Square QX10 од Canon“.

Внесување промени

Слика одблиску од човек кој уредува фотографија во апликацијата Canon SELPHY Photo Layout.

Преземете ја апликацијата Canon SELPHY Photo Layout што е едноставна за користење. Ќе ви овозможи да уредувате распореди и ќе ви понуди избор од шест прекривни слоеви пред да го притиснете копчето за печатење. Освен тоа, може да се поврзе директно со SELPHY Square QX10 од Canon преку Wi-Fi, со што се елиминира потребата од кабли и нередот во вашата просторија.

Човек лепи мини отпечатен материјал на ѕид во крем боја, покрај разнобоен постер. На работната маса пред ѕидот има SELPHY Square QX10 од Canon, а покрај него се ставени предмети и растение во саксија.

SELPHY Square QX10 од Canon ви нуди одличен начин за експериментирање и пронаоѓање на вашиот стил, што потоа може да го менувате штом се променат вашите желби и интереси. „Не се придржувам до некакви стилови за дизајн на ентериер, правила или Фенг шуи“ - вели Susannah. „Само се опкружувам со работите што ги сакам и што ме прават среќна“.

Како што создавате нови спомени и добивате нови идеи, SELPHY Square QX10 од Canon ќе ви го олесни менувањето на искористените слики во зависност од расположението или периодот на годината. Може да започнете со позитивност и инспирација, исто како Susannah, а потоа да преминете на енергична летна атмосфера проследена со топли и носталгични ноти со доаѓањето на зимските месеци. Внатрешната батерија на SELPHY Square QX10 од Canon може да печати 20 страници со едно полнење, што значи дека создавањето сопствени декорации со SELPHY Square QX10 од Canon е брз и евтин начин да го разубавите вашиот простор, без да патувате далеку за да купувате и без да инвестирате премногу финансии.

„Навистина ми се допаѓа тоа што печатачот е лесен за користење и тоа што може да реагирате веднаш кога ќе добиете инспирација и да создадете сè што ќе посакате“ - вели Susannah.

Апликацијата Canon SELPHY Photo Layout нуди и многубројни начини за приспособување на вашите креации, како печати, рамки, текст, преклопувачки елементи и распореди. SELPHY Square QX10 ќе ви овозможи да печатите фотографии со рамки во кои може да внесувате текст, за да добиете фотографии со специјален изглед што ќе ги чувате засекогаш. „Внесував текст врз сликите за да ги обележам среќните моменти, како и печати за да додадам интересни елементи во сликите. На неколку слики го напишав и датумот“ - вели Susannah.

Споделување на авантурата

Ѕид прекриен со уметнички постери, мини отпечатени материјали од луѓе кои уживаат и инспиративни поштенски картички.

Инспирација може да добиете во секое време, па затоа бидете отворени за нови креативни влијанија“ - советува Susannah. „Тоа може да бидат слики што ги гледате на социјалните медиуми и ги зачувувате, случајно пронајдена поштенска картичка со прекрасна слика или палета на бои што ќе ве инспирира“ - вели таа.

Заедно, печатачот SELPHY Square QX10 од Canon и апликацијата Canon SELPHY Photo Layout, нудат голем потенцијал за создавање содржини за социјалните медиуми, а тоа е одлична комбинација за проектот на Susannah. „Мислам дека печатачот е совршена алатка за разубавување на социјалните медиуми“ - вели таа. „Наместо да собирам инспиративни слики на виртуелна табла, може да направите вистинска табла. Потоа можам да ја споделувам инспирацијата со моите следбеници, а прекрасните колажи што ги создадов во мојата просторија се доказ дека уредот е совршен и за печатење во секое време“.

Сите печатачи SELPHY Square QX10 се испорачуваат со пакување квадратна фотохартија XS-20L од Canon што е самолеплива на задната страна и ви овозможува лесно да закачувате слики на ѕидови, лаптоп компјутери или таблет-уреди, но и лесно да ги отстранувате кога ќе сакате да промените нешто или кога ќе добиете нова инспирација што сакате да ја споделите со вашите следбеници, исто како што направи и Susannah во своето видео на TikTok. „Аспектот со лепењето го прави целиот процес уште полесен и ви овозможува да ги изложите фотографиите веднаш“ - вели таа.

Крајниот резултат

Розово огледало прекриено со мини отпечатени материјали, потпрено врз ѕид во крем боја што, исто така, е прекриен со отпечатени материјали, како и неколку постери со светли бои.

„Како дизајнер, секогаш собирам мали нешта што ме инспирираат и овој проект беше совршена можност за да ги соберам, отпечатам и изложам сите на едно место“ - вели Susannah.

Зелен печатач Canon SELPHY Square QX10 ставен на работна маса пред лампа и огледало. Ѕидот на него е прекриен со разнобојни постери и отпечатени материјали.

Canon SELPHY Square QX10 печати живописни слики со големина од 68x68 mm врз висококвалитетна фотохартија со заштитен водоотпорен слој и рамки на кои може да внесете текст.

„Конечното дело изгледа како дел од мебелот - боите, отпечатените материјали и „максималистичкиот“ дизајн совршено ја надополнуваат мојата просторија. Ми се допаѓа тоа што може да се користи и како табла со уметничка визија и како декоративно уметничко дело“ - вели Susannah. „Избрав просторија што знаев дека ќе ја користам секој ден. Ѕидот на галеријата ја опкружува мојата работна маса - местото каде што работам како дизајнер, креатор на содржини за социјални медиуми и каде што се подготвувам секое утро. Сликите се протегаат на ѕидот и околу огледалото на мојата маса за шминкање, па ако не се чувствувам најсигурно или мотивирано, тогаш ги гледам сликите од претходната година во кои се доловени моите најгорди моменти. Секој ден кога седам на мојата маса добивам инспирација, независно што правам“.

Забавната и стилска табла со уметничка визија на Susannah прекрасно се вклопува во постоечкиот декор и не само што ја инспирира неа, туку ги инспирира и нејзините следбеници. Независно дали сте професионален дизајнер или почетник кој бара лесен начин за истражување на својата уметничка страна, со опција да прави промени кога ќе добие нови идеи, SELPHY Square QX10 од Canon нуди одличен начин да ја откриете и веднаш да ја прикажете вашата креативност.

Kat Halstead

Слични производи

  • Печатачи за во домот

    SELPHY SQUARE QX10

    Чувајте ги вашите специјални спомени како прекрасни отпечатени материјали што може безжично да ги отпечатите каде и да сте.
  • Печатачи за во домот

    SELPHY CP1500

    Печатете материјали со извонредни бои и голема издржливост за само неколку секунди со овој практичен и компактен печатач за фотографии.

Слични статии