EOS C70 ОД CANON

Импресивен квалитет на слика

4K DGO-сензорот Super 35 mm во EOS C70 ја користи нашата иновативна технологија за двојно засилен излезен сигнал, што за прв пат се вгради во C300 Mk III, и создава слика со извонредна острина и квалитет при слаба осветленост, како и динамички опсег со повеќе од 16 чекори.

Импресивен квалитет на слика

EOS C70, главен уред

Сензор за двојно засилен излезен сигнал што нуди повеќе

Кај DGO-сензорот, сите пиксели ја вчитуваат сликата со две различни нивоа на засилување, едно високо и едно ниско ниво, кои потоа се спојуваат за да се добие една слика. Вчитувањето со поголемо засилување е оптимизирано за снимање јасни детали во темните зони, а вчитувањето со помало засилување е оптимизирано за снимање детали во светлите зони. Потоа, кога ќе се спојат со прецизност на ниво на пиксели, деталите и квалитетите од осветлените и темните зони ќе се задржат и подобрат, а фотоапаратот ќе може да постигне импресивен динамички опсег до 16+ чекори.

За разлика од двојниот опсег на ISO, придобивките од функционирањето на DGO со поширок опсег на ISO опфаќаат максимално зголемување на динамичкиот опсег и квалитетот на сликата, независно од опкружувањето во кое снимате.

Новиот DGO-сензор е компатибилен и со Dual Pixel AF, што на корисникот му овозможува поголема слобода за да ги сними саканите слики.

DGO-сензор, голем динамички опсег

Поддршка за HDR-снимање

Добијте динамички опсег со повеќе од 16 чекори кога снимате со Canon Log 2, со слични карактеристики на филм, и максимална флексибилност за градација и детали во сенките.

Canon Log 3 нуди извонреден динамички опсег, а воедно и поефикасни процеси на градација и минимален шум во сенките.

Исто така, EOS C70 се одликува со Hybrid Log-Gamma (HLG) и Perceptual Quantization (PQ) за моментално внатрешно снимање HDR-содржини без градација.

Технологија за природни и реални бои

Системот Cinema EOS на Canon е препознатлив по неговата технологија за бои што создава топли и природни тонови на кожата и органски бои. EOS C70 нуди и многубројни поставки за матрица на бои што одговараат на други видови и модели на камери.

EOS C70, репродукција на органски бои

Поддршка за LUT

Покрај вградените табели за Cinema EOS на Canon, може да увезувате приспособени 3D LUT-датотеки за внатрешно снимање, за да добиете уште поефикасни работни процеси со бои.

EOS C70, снимање видео преку LCD-екранот, маж покрај езеро

РАЗГОВАРАЈТЕ СО НАШИОТ ТИМ

Дали сакате да ве контактира претставник на Canon?

Пополнете го краткиот формулар за да побарате да ве контактира специјалист за производи од Canon.

Слични написи

  • Планински велосипедист изведува трик во воздух на сонце. Сликата е сликана одоздола со црвени афиони и треви на ридот

    СТАТИЈА

    Снимање во 8K и во 4K со прекумерно семплирање со EOS R5 од Canon

    Во првите сесии за снимање со EOS R5 од Canon, Martin Bissig и Ivan D’Antonio открија како неговите функции за 8K го намалуваат времето на снимање и ги зголемуваат креативните опции.

  • Film making, EOS C70

    СТАТИЈА

    Жена во областа на снимање: навлегување во бизнисот

    Врвни женски сниматели откриваат како успеале во филмскиот бизнис и нудат совети за жените кои сакаат да го следат нивниот пример.