Создајте го вашето прво портфолио со фотографии

Отпечатено портфолио е совршен начин да ги изложите вашите фотографии, без оглед на тоа дали учествувате во натпревар во фотографирање, му приоѓате на учител или ментор, или само сакате да се претставите себеси и вашите дела на други луѓе. Но, како да започнете кога сакате да создадете фотографско портфолио?

Фотографот за природа и амбасадорот на Canon Marina Cano редовно патува во Африка, како и Јужна и Централна Америка за фотосесии, но започна со фотографирање животни во природниот парк Кабарцено, најголемиот во Европа, кој се наоѓа блиску до нејзиниот дом во Сантандер во северна Шпанија. Во текот на три години, таа изгради портфолио од фотографии кои ги претвори во својата прва книга.

Врз основа на нејзиното искуство тогаш и сега, како популарен професионален фотограф, следат совети од Marina за тоа како да изградите успешно портфолио со фотографии.

Најчестата грешка што ја прават луѓето е тоа што не се доволно пребирливи, вели Marina. „Анализирајте ги вашите фотографии и бидете многу строги. Вклучете ги само најдобрите од најдобрите. Не ставајте две слични слики, на пример, само бидејќи ви се допаѓаат и двете. Морате да изберете.“ Вклучете најмногу 15-20 слики за почеток, но квалитетот е поважен од количината.

Најефективните портфолија со фотографии не претставуваат само збирки, туку серии од слики, вели Marina. „Мислам дека раскажувањето приказна е едно од најважните нешта. Да се претстави нешто што ги плени гледачите и ги води низ приказна со различни елементи.“ Во случајот на Marina, ова типично вклучува и некои слики од пејзажи што ја воспоставуваат сцената и им даваат контекст на нејзините фотографии од диви животни.

Со своето фотографирање диви животни, Marina ја доловува драмата и емоциите меѓу животните.

„Воспоставување емоционална врска, тоа ми е најважно.“ Тоа исто така го претставува клучниот фактор кој го бара додека склопува портфолио. На тој начин гледачите ќе ги запомнат вашите дела, вели таа, без оглед на тоа дали се уредници на слики или судии на натпревар.

Колку често треба да го ажурирате портфолиото со фотографии? „Веднаш штом ќе создадете нови дела“, вели Marina. „За мене, тоа е секогаш кога ќе се вратам од патување. Бирам можеби една или две слики од илјадниците што сум ги снимила. Човек постојано расте и учи, поради што може да прави поубави дела.“ Доброто портфолио ги одразува вашите тековни најдобри фотографии.

Ако правите фотографии за клиенти, се обидувате да откриете што навистина бараат и да се приближите до нивните очекувања. Но, дури и тогаш, нагласува Marina, треба да му останете верни на вашиот стил.

„Тоа е клучно“, вели таа. „Не обидувајте се да ги задоволите сите“.

Целта на портфолиото не е да демонстрирате дека можете да произведете комерцијални фотографии за различни спецификации на клиенти. Напротив, целта е да се претставите себеси.

Иако Marina препорачува да изберете фотографии кои ќе остават најголем впечаток, вели дека е вредно да се слушнат туѓите мислења.

„Како фотографи, ние понекогаш сме премногу блиску до нашите дела“, вели таа. „Интересно е кога некој ги набљудува вашите дела со свежи очи“.

Затоа, барајте коментари од пријатели, колеги, како и од сите што ќе го видат вашето портфолио и земете го тоа предвид кога ги прегледувате и освежувате ставките во него.

Можеби имате инк-џет печатач кој го користите за општо печатење во домот или во канцеларијата, или за проекти како колажи, честитки и календари. Ова речиси сигурно ќе произведе отпечатени фотографии со добар квалитет, но за најдобар впечаток, вреди да се земе предвид еден од најдобрите печатачи за печатење фотографии од Canon.

Canon imagePROGRAF PRO-300 е економичен печатач за печатење во A3-формат и поголемо, кој вклучува напредни професионални функции, вклучувајќи ја и истата технологија за мастило со пигмент која се користи во печатачите за големи формати од Canon. Ова значи дека испорачува неверојатен квалитет на печатење црно-бели и фотографии во боја на сјајни фотохартии, фотохартии со отсјај и мат фотохартии, како и медиуми за фина уметност.

Од вас зависи изборот на хартија за вашето портфолио, но обична канцелариска хартија нема да ги изложи вашите фотографии во најдобро светло. Погледнете го нашиот водич за најдобрите хартии за печатење фотографии и изберете медиуми кои ќе се совпаѓаат со вашите субјекти и стил на фотографирање. Размислете и за најефикасниот начин да го претставите вашето портфолио - ќе оставите попрофесионален впечаток ако ги соберете вашите отпечатени фотографии во папка за презентирање, достапна по поволни цени од продавници за канцелариски и ликовни материјали.

Фотографиите на Marina се често црно-бели. „Создава драма и безвременско чувство - фотографија може да е снимена пред 40 или 50 години, или вчера“, објаснува Marina. „Црно-белото фотографирање одлично се совпаѓа со амбиентот кој сакам да го создадам при моето работење.“ Произведување одлични црно-бели отпечатени фотографии е форма на уметност сама по себе, но без оглед на тоа дали печатите во црно-бело или во боја, треба да сте сигурни дека отпечатеното добро се совпаѓа со тоа што го гледате на екранот. За да ги гарантирате овие резултати, паметно е да усвоите работен процес со управување со бои и да го калибрирате мониторот.

Има широк опсег на софтвер кој можете да го користите за печатење. За портфолио, најдобро е да ги одржувате нештата едноставни и да им овозможите на вашите фотографии да се истакнат. Не претерувајте со сложени распореди - држете се до една фотографија по страница освен ако немате добра причина да не го правите тоа - и избегнувајте филтри и специјални ефекти (освен, се разбира, ако се обидувате да ги прикажете вашите вештини во овие делови).

За професионална завршна обработка и поголема контрола над процесот, добра стратегија е да го користите софтверот и работните процеси кои ги користат професионалците. Уредувајте и оптимизирајте ги вашите фотографии за печатење со вашиот претпочитан софтвер за уредување, без оглед на тоа дали е Adobe Photoshop*¹ или Digital Photo Professional (DPP) од Canon. За да го добиете најдоброто од вашиот печатач, хартија и мастила од Canon, користете го професионалниот софтвер од Canon Professional Print and Layout (PPL) за да управувате со процесот на печатење - ова функционира и како самостојна апликација и како дополнителна компонента за Photoshop или DPP.

За доследна прецизност на боите, PLL и друг софтвер може да печатат со ICC-профили, кои ги приспособуваат поставките на печатачот на компатибилни печатачи за да соодветствуваат со специфичната хартија која сте ја избрале. За да ја намалите потрошувачката на хартија и мастило, PPL ви овозможува софтверско пробно печатење на екранот - со калибриран монитор, тоа може точно да прикаже како ќе изгледа отпечатениот материјал. Можете да ја користите и паметната функција Печатење шаблони на PPL, која печати тестер на хартијата што ќе ја изберете кој содржи серија мали сликички од вашата слика, секоја со различен степен на осветленост, балансот на боите и поставките за контраст. Изберете која верзија е најдобра за печатење во целосна големина.

Печатењето не е мистериозна уметност или нешто одделно од фотографирањето. „Фотографирањето е креативно патување, од одење некаде и снимање фотографија до печатењето“, вели Marina. „Ве советувам да научите уредување и печатење, а воедно и целиот креативен процес“.

Најважно, Marina советува:

„Не брзајте. Прво создајте добра серија фотографии, а потоа, од неа создајте портфолио кое го одразува вашиот стил. Бидете многу строги и фокусирајте се на тоа да оставите голем впечаток и емоции.“

Напишано од Alex Summersby