Дознајте кои се најдобрите печатачи за студенти

Во оваа дигитална ера, најголемиот дел од нашата писмена комуникација е преку текстуални пораки, е-пошта и електронски документи, но сè уште има многу ситуации кога е потребно печатење. Создавањето на печатена копија е евтино и едноставно решение.

Печатачите од Canon се познати по својата економичност, ефикасност и сигурност. Некои се најдобри за текст, додека други се наменети за печатење графика и фотографии, а има и многу модели што се одлични и за двете, дури и ако имате мал буџет.

За студентите, како и потребата понекогаш да се предаде работната задача во печатена форма, има и други помалку очигледни придобивки од печатењето. Создавањето физички белешки за брзо и лесно потсетување може да биде одлична помош при учењето и ревизијата. Дури и кога треба да испратите документи по електронски пат, ако прво ги прочитате во печатена форма може многу полесно да ги забележите грешките, како и да ги одморите очите од постојаното гледање во екранот. За графички и фотографски курсеви, каде што често треба да предавате физички проекти, создавањето отпечатени материјали може навистина да ви помогне да ги прегледате вашите дела и да откриете каде треба да се подобрите.

Ако немате искуство со распоредување проекти за печатење, можете да ја користите и апликацијата Easy-PhotoPrint Editor од Canon која ви овозможува да уредувате фотографии и да креирате колажи, постери и друго со користење на голем број готови шаблони. Софтверот Easy-Layout Editor од Canon ви овозможува да распоредите дури и повеќе датотеки (текстуални документи, табеларни пресметки, PDF-документи, слики итн.) како една датотека и да ги отпечатите заедно на еден лист хартија. Можете да го користите и за да ги изберете деловите од веб-страницата што сакате да ги отпечатите.

Многу колеџи и универзитети сега користат Google Classroom за организирање на задачите - ако и вашиот е еден од нив, можете да го користите печатачот од Canon за да ги отпечатите вашите работни листови преку Cloud. Најавете се на Google Classroom преку екранот на допир на печатачот или апликацијата на вашиот паметен уред за да отворите поединечни часови и да ги отпечатите листовите со задачи поставени од вашите тутори. Откако ќе ја завршите работата, ако вашиот печатач од Canon има вграден скенер можете дури и да ги скенирате завршените страници и да ги испратите, повторно директно преку екранот на печатачот или апликацијата.

Достапен е голем избор на печатачи за сите потреби, но ќе ви дадеме неколку совети за да ви помогнеме да најдете печатач за студенти што совршено одговара на вашите барања и буџет. Продолжете да читате за да го откриете вашиот совршен партнер за печатење.

Ако има една константа во студентскиот живот, тоа е обидот да се врзе крај со крај. За среќа, инк-џет печатачите од Canon се со многу скромна цена во компактниот и стилски облик на серијата PIXMA TS205 од Canon.

Едноставен, практичен и лесен за користење, PIXMA TS205 е и прилично брз печатач што печати црно-бели A4-страници со 7,7 слики/мин. и A4-страници во боја со 4 слики/мин. Исто така може да печати сјајни фотографии од 6x4 инчи без рабови за нешто повеќе од една минута.

Не само што печатачот има пристапна цена, туку и работните трошоци се мали. Потребни се само два картриџа за мастило, еден црн и еден во боја, кои брзо и лесно се заменуваат. Достапни се опции за голема потрошувачка за помали трошоци ако треба да печатите во поголем обем. Со секој пар XL-картриџи може да се отпечатат приближно 400 црно-бели A4-документи или до 300 A4-документи во боја.

Серијата PIXMA TS305 од Canon има опција за поврзување преку Wi-Fi за безжично печатење и е компатибилна со бесплатната апликација Canon PRINT за паметни телефони и таблети којашто ви овозможува едноставно печатење од вашите паметни уреди. Ова значи дека можете и да копирате документи користејќи ја камерата на вашиот паметен уред, иако самиот печатач не вклучува скенер, со помош на функцијата за копирање преку паметен телефон во апликацијата. Можете да ја користите и апликацијата Easy-PhotoPrint Editor од Canon на вашиот уред за да ги уредувате вашите фотографии или да создавате колажи, картички и други персонализирани материјали за печатење.

Серијата PIXMA TS3150 од Canon има вграден скенер за да можете брзо и лесно да ги дигитализирате или да создавате копии од постојните отпечатени слики и документи. Исто така има опција за поврзување преку Wi-Fi и е компатибилна со Apple AirPrint и Mopria™ за Android, така што можете да печатите директно од вашиот уред. Ги користи истите картриџи за мастило како и серијата PIXMA TS205 од Canon и серијата PIXMA TS305 од Canon, со истите опции за голема потрошувачка.

Исто како PIXMA TS3150, така и серијата PIXMA TS3350 има практичен екран од 3,8 cm за следење на статусот на печатачот и може да печати поголеми фотографии без рабови со големина до 7x5 инчи. Може да печати и од Cloud со помош на PIXMA Cloud Link преку апликацијата Canon PRINT.

Студентските домови обично не се многу пространи, така што често се претпочитаат лесни печатачи со мали димензии. Студентските печатачи од Canon што ги споменавме досега се со големина од приближно 426x255x131 mm и тежина од 2,5 kg за уреди наменети само за печатење и 435x316x145 mm и 3,9 kg за повеќефункционални уреди. Тие заземаат многу мал простор и лесно можете да ги преместите од едно место на друго по потреба.

Предноста на поврзувањето преку Wi-Fi што го имаат повеќето печатачи од Canon е тоа што можете да го поставите печатачот на погодно место, наместо да биде поврзан со компјутер. Исто така, практично е да можете да печатите од секоја локација со помош на вашиот лаптоп или телефон, без да треба физички да го поврзете со печатачот преку кабел. На пример, можете да испратите задача за печатење од лаптопот до печатачот дури и пред да станете од кревет наутро и да ја земете од излезниот фах кога ќе бидете подготвени.

Компактната серија PIXMA TS305 од Canon има само 430x282x143 mm, тежи 2,9 kg и печати A4-документи во целосна големина до 7,7 слики/мин. за црно-бело печатење и 4 слики/мин. за печатење во боја. Исто така може да печати сјајни фотографии од 6x4 инчи без рабови за само 65 секунди.

Серијата PIXMA TS5350a од Canon нуди уште подобри перформанси, овозможувајќи ви да ја зголемите продуктивноста. Има опција за поврзување преку Wi-Fi и е директно компатибилен со Apple AirPrint, Mopria™ за Android и PIXMA Cloud Link од Canon. Содржи и скенер со повисока резолуција што овозможува доловување и копирање на неверојатно јасни детали при скенирање документи или фотографии и други слики. Овој печатач е и побрз, печатејќи црно-бели А4-документи до 13 слики/мин. и А4-документи во боја до 6,8 слики/мин. Печати и сјајни фотографии без рабови со големина до А4 и фотографии од 6x4 инчи без рабови за само 43 секунди.

Серијата PIXMA TS5350a располага и со касета за A4-формат со полнење од предна страна и заден фах за снабдување со хартија што поддржува различни големини на хартија до А4-формат. Тоа е навистина корисна функција ако сакате да печатите уметнички дела и фотографии, како и документи, бидејќи можете да ја користите предната касета за обична хартија и можете да вметнете специјални медиуми или фотохартија во задниот фах по потреба. Уште една предност во поглед на заштедувањето пари и еколошката прифатливост е тоа што печатачот има функција за автоматско двострано печатење, за автоматско печатење на двострани документи без да треба рачно да ги превртувате страниците.

Сите печатачи за студенти што ги споменавме имаат многу пристапни цени со прилично конкурентни работни трошоци. За да го избегнете ризикот да ви се потроши мастилото кога најмногу ви е потребно, печатачите од Canon ве информираат кога се намалува нивото на наполнетост и овозможуваат интуитивен и лесен процес на повторна нарачка. Менувањето на картриџите за мастило е брз и лесен процес што трае само неколку секунди.

Иако картриџите за мастило се практични, сепак тие се помалку економични ако треба редовно да печатите голем обем на страници. Печатачите MegaTank од Canon нудат економична и поодржлива алтернатива што може значително да ги намали работните трошоци.

Наместо картриџи за мастило, печатачите MegaTank имаат резервоари за мастило што можете да ги дополните со оригинални шишиња со мастила од Canon кои се многу поевтини од картриџите. Шишињата кои не се стискаат се дизајнирани за лесно дополнување што не создава неред, а за секоја боја има млазница со уникатен облик поради што е невозможно да ставите погрешно мастило во погрешен резервоар.

PIXMA G3420 од Canon е повеќефункционален печатач MegaTank со стандардните функции за печатење, скенирање и копирање, како и опции за поврзување преку Wi-Fi и со Cloud. Се испорачува со доволно мастило за печатење до 6.000 црно-бели страници (повеќе од 7.600 во економичен режим) или до 7.700 страници во боја.

Ако ги сакате сите овие предности, но не ви треба поврзување преку Wi-Fi, PIXMA G2420 од Canon има уште попристапна цена и исти мали работни трошоци. Освен тоа, овие два модела може да печатат дури и ленти во боја со должина до 1,2 метри, само на обична хартија.

За да останете чекор понапред во динамичниот студентски живот, одлично е да можете да печатите што сакате, секогаш кога ќе посакате, наместо да зависите од други луѓе или услуги да ја завршат работата за вас. Палетата на печатачи PIXMA од Canon со поволна цена ви нуди најдобро, практично, брзо и едноставно печатење, со најголема сигурност и доследност. Повеќето од нив имаат опција за поврзување преку Wi-Fi, во комбинација со апликации за вашите паметни уреди, со што нудат уште поголема практичност и разновидни опции во вашето студентско искуство со печатењето.



Напишано од Matthew Richards