Најдобрите печатачи за дизајнери

Начинот на кој работиме станува сè повеќе флексибилен, па затоа сè поважно е ја опремиме домашната канцеларија или студиото со алатките потребни за ефикасно извршување на нашите задачи. За оние кои работат во креативните индустрии, особено дизајнерите, печатачот е неопходна алатка. Од професионални распореди до печатење копии што треба да ги одобри клиентот и извршување администраторски задачи, висококвалитетен печатач може да ви заштеди време и да ви помогне да остварите профит. Но, какви карактеристики треба да барате?

Остар текст и детали во дизајнот, рамномерни нијанси, прецизни бои и доследност во печатењето се неопходни предуслови за врвни резултати за клиентите. Разновидните опции се уште еден важен фактор за печатачите. Како дизајнер, може да добивате најразлични задачи, од создавање визит картички и летоци па сè до отпечатени материјали со големина на постери, па затоа печатач што поддржува повеќе видови и големини на медиуми ќе ви понуди повеќе креативни опции и ќе ве поштеди од често одење кај локалните фотокопирници. Сигурноста и едноставното користење се, исто така, важни фактори, но и помошните функции како безжичното поврзување, автоматското снабдување со хартија и големите брзини на печатење.

За да ви помогнеме да одлучите кој е најдобриот печатач за вашите дизајнерски потреби, составивме избор на соодветни печатачи PIXMA од Canon што треба да ги разгледате.

Сè-во-едно печатачот од серијата PIXMA TS9550 на Canon зазема речиси ист простор како и печатач за A4-формати, но може да печати A3-формати без рабови и нуди многубројни функции што на дизајнерите им овозможуваат да бидат попродуктивни додека работат. LCD-екранот на допир од 10,8 cm го олеснува прилагодувањето на поставките за печатење, а автоматското двострано печатење и ADF (механизам за автоматско снабдување со документи) за 20 листови A4-хартија ја намалуваат потребата за дополнување хартија. Овој модел нуди и многу опции за поврзување, со опции и за етернет и за безжични мрежи, како и поддршка за AirPrint (iOS), Mopria (Android) и апликацијата Canon PRINT, за да можете да печатите, скенирате и копирате идеи и инспирации директно од вашиот паметен уред.

Секако, најголемиот тест за печатачите е нивниот квалитет на печатење, а серијата PIXMA TS9550 користи пет посебни картриџи за мастило ChromaLife100, вклучувајќи и мастило со црн пигмент за остар текст, за да може да создава детални отпечатени материјали со век на траење до 100 години доколку се чуваат во албум¹. Серијата PIXMA TS9550 поддржува и голем број креативни медиуми, вклучувајќи хартија за висока резолуција од Canon, магнетна фотохартија и хартија за картички од 12x12 инчи.

За графичките дизајнери кои немаат потреба за печатење материјали поголеми од A4, сè-во-едно печатачот од серијата PIXMA TS8350 на Canon изгледа подеднакво убаво како и материјалите што ги печати. Елегантниот дизајн ќе им го разубави работниот простор на дизајнерите и ќе им понуди повисоко ниво на перформанси за печатење, благодарение на системот со шест поединечни мастила што ја намалуваат зрнестата текстура.

За дизајнерите кои сакаат да печатат голем обем на пробни копии, палетата на печатачи MegaTank од серијата PIXMA G на Canon е многу практична опција. PIXMA G6040 од Canon има четири резервоари за мастило што се дополнуваат и се наменети за печатење големи количини, а може да отпечати максимум 18.000² страници со три шишиња со црно мастило или 7.700² страници со комплет мастила во боја. Исто така, има капацитет за 350 листови обична хартија и нуди автоматско двострано печатење, што ја намалува потребата за дополнување на PIXMA G6040 со хартија и мастило, за да имате повеќе време за креативниот дел од работата.

Технологијата на главата за печатење кај PIXMA G6040 создава остри и детални отпечатени материјали, а овозможува и печатење без рабови со големина од 89x89 mm па сè до A4. Исто така, овој модел е три-во-едно и нуди разновидни опции, опремен е со копир и скенер за A4-формати за да ви овозможи да увезувате уметнички дела и други изворни материјали во проектот за дизајн без потреба од дополнителен хардвер. PIXMA G6040 нуди поддршка и за Cloud, за да можете да печатите дизајн од секоја локација со помош на компатибилни услуги, како што се Google Drive и Dropbox.

Независно дали сте графички дизајнер кој сака да печати пробни копии и да ги презентира на клиенти додека патува или работи далечински - или, пак, само сакате да ослободите малку простор во домашната канцеларија, елегантниот и лесен печатач Canon PIXMA TR150 е одличен избор. Овој пренослив печатач може да печати документи и фотографии без рабови со големина до A4 и може да се напојува преку струен приклучок или преку изборна батерија, што го прави одлично преносливо решение.

PIXMA TR150 користи систем со хибридни мастила, вклучувајќи мастило со црн пигмент и мастила базирани на боја за да печатите материјали со живописни бои. Тој нуди и големи брзини на печатење до 5,5 слики/мин.³ (слики во минута) во боја и 9 слики/мин.³ во црно-бел формат.

Сите приклучоци и кабли се ставени на една страна од печатачот, за да можете лесно да го поставите во тесен простор, а нуди поддршка и за Wi-Fi од 2,4 GHz и 5 GHz⁴, како и поддршка за Wi-Fi Direct за да можете да печатите безжично без пристап до рутер за интернет. Опремен е дури и со OLED-екран од 1,44 инчи преку кој може директно да го проверувате статусот на врската, да пристапите до поставките и нивоата на мастилата.

Ако вашите потреби за печатење во движење не се толку обемни, тогаш изберете го компактниот и практичен печатач Canon SELPHY Square QX10 што создава живописни слики од 68x68 mm со простор за текст каде што може да додавате забелешки или коментари, што е идеално за изработка на проектна табла. Во практичните функции спаѓа полнење преку USB и поврзување преку Wi-Fi, а комплетите за дополнување хартија и мастило за SELPHY ќе ви овозможат да ги замените и двете залихи во еден чекор.

Напишано од Marcus Hawkins