ПЕЧАТЕЊЕ

Најдобрите печатачи за дизајнери

Без разлика дали работите дома или во студио, еве како да го изберете совршениот печатач за графички дизајн што ќе одговара на вашите потреби.
PIXMA TR150 од Canon печати слика од мала сина вазна, чија инспирација е позиционирана до него.

Начинот на кој работиме станува сè повеќе флексибилен, па затоа сè поважно е ја опремиме домашната канцеларија или студиото со алатките за графички дизајн потребни за ефикасно извршување на нашите задачи. За оние кои работат во креативните индустрии, особено дизајнерите, печатачот е неопходна алатка. Од професионални распореди до печатење копии што треба да ги одобри клиентот и извршување администраторски задачи, висококвалитетен печатач може да ви заштеди време и да ви помогне да остварите профит. Но, какви карактеристики треба да барате?

Остар текст и детали во дизајнот, рамномерни нијанси, прецизни бои и доследност во печатењето се неопходни предуслови за врвни резултати за клиентите. Разновидните опции се уште еден важен фактор за печатачите. Како дизајнер, може да добивате најразлични задачи, од создавање визит картички и летоци па сè до отпечатени материјали со големина на постери, па затоа печатач што поддржува повеќе видови и големини на медиуми ќе ви понуди повеќе креативни опции и ќе ве поштеди од често одење кај локалните фотокопирници. Сигурноста и едноставното користење се, исто така, важни фактори, но и помошните функции како безжичното поврзување, автоматското снабдување со хартија и големите брзини на печатење.

За да ви помогнеме да одлучите кои професионални опции за печатење се најсоодветни за вашите потреби, го составивме овој водич за технологијата за креативно печатење од Canon. Тој опфаќа преглед на врвните печатачи PIXMA и моделите MAXIFY што нудат намалување на трошоците. Сите тие нудат висококвалитетно печатење, така што ќе може да го пронајдете совршениот производ за вас.

Најдобрите печатачи за графички дизајнери

Деловен леток што излегува од печатач Canon PIXMA.

Canon PIXMA TS7650i се одликува со екран на допир во боја со иновативен интерфејс Switch UI што ви овозможува да ги приспособувате функциите според вашите потреби за да го забрзате вашиот работен процес.

Некои од најновите печатачи PIXMA и MAXIFY од Canon се дизајнирани речиси исклучиво за хибридно работење. Компактноста, лесното поставување, корисните функции и интуитивните контроли се клучни фактори, заедно со ефикасноста во однос на трошоците. Canon PIXMA TS7650i е печатач со поволна цена што е доволно мал за да може да се користи во тесни простори, но сепак се одликува со поголеми глави за печатење од новата генерација за големи брзини на печатење од приближно 15 слики/мин.1 (слики во минута) и 10 слики/мин. за еднобојните документи и документите во боја, како и со подобрена обработка на слика што овозможува максимизирање на квалитетот на печатење.

Едноставно кажано, тој користи само два картриџи за мастило, кои се одликуваат со вградени глави за печатење: картриџ со три бои со мастила базирани на боја за извонредно печатење фотографии, како и црн картриџ базиран на пигмент. Ова е првиот „домашен печатач“ од Canon што се одликува со мастило со црн пигмент отпорен на размачкување, кое овозможува непречено користење маркери за подвлекување. Поволностите од Wi-Fi вклучуваат директно печатење и скенирање кон и од паметни уреди. PIXMA TS7750i има ADF (механизам за автоматско снабдување со документи) за 35 листови за лесно скенирање и копирање повеќе страници.

Двата модели се компатибилни со PIXMA Print Plan од Canon, услуга со претплата што овозможува следење на нивоата на мастилата и достава на нови картриџи до вашиот дом веднаш штом ќе открие дека им преостанува малку мастило, што резултира со намалување на вашите стандардни трошоци за мастило до 50%.2

Како и кај многу други печатачи од Canon, меѓу придружните апликации спаѓаат и Easy-PhotoPrint Editor за уредување фотографии, создавање колажи, постери и друго со помош на бројните шаблони и Canon Easy-Layout Editor за комбинирање, распоредување и печатење повеќе слики. Апликацијата Canon PRINT ви нуди информации во реално време за статусот на вашиот печатач, нивоата на мастилата, овозможува задачи за одржување, а нуди и опции за печатење, скенирање и копирање директно од паметните уреди. Тука е и Canon PosterArtist, која нуди голем број приспособливи шаблони за создавање и печатење разни материјали, од летоци до постери и промотивни материјали.

Најдобри печатачи за графички дизајн за големи проекти

Печатач од серијата PIXMA TS9550 на Canon ставен на маса, покрај лаптоп, тетратка, фотографии и моливи.

Печатачот од серијата PIXMA TS9550 на Canon може да печати материјали во A3-формат без рабови, а сепак не е многу поголем од стандарден печатач за A4-формати. © Natasha Alipour

Прикажана е женска рака која превртува лист хартија за да ги покаже можностите за двострано печатење на серијата Canon PIXMA TS9550.

Автоматското двострано печатење и ADF (механизам за автоматско снабдување со документи) за 20 листови се само две од многуте функции што ги нуди серијата Canon PIXMA TS9550. © Natasha Alipour

Сè-во-едно печатачот од серијата PIXMA TS9550 на Canon зазема речиси ист простор како и печатач за A4-формати, но може да печати A3-формати без рабови и нуди многубројни функции што на дизајнерите им овозможуваат да бидат попродуктивни додека работат. LCD-екранот на допир од 10,8 cm го олеснува прилагодувањето на поставките за печатење, а автоматското двострано печатење и ADF (механизам за автоматско снабдување со документи) за 20 листови A4-хартија ја намалуваат потребата за дополнување хартија. Овој модел нуди и многу опции за поврзување, со опции и за етернет и за безжични мрежи, како и поддршка за AirPrint (iOS), Mopria (Android) и апликацијата Canon PRINT, за да можете да печатите, скенирате и копирате идеи и инспирации директно од вашиот паметен уред.

Секако, најголемиот тест за печатачите е нивниот квалитет на печатење, а серијата Canon PIXMA TS9550 користи пет посебни картриџи за мастило ChromaLife100, вклучувајќи и мастило со црн пигмент за остар текст, како и четири поединечни мастила CMYK базирани на боја, со што овозможува создавање детални отпечатени материјали со век на траење до 100 години доколку се чуваат во албум3 Таа поддржува и голем број креативни медиуми, вклучувајќи сјајна хартија, мат хартија и хартија за фина уметност и дискови врз кои може да се печати. За намалување на работните трошоци, покрај стандардните опции, достапни се и XL-картриџи за голема потрошувачка. Таа е компатибилна и со услугата за автоматско испорачување на мастило од Canon. Претплатете се на оваа услуга и ќе добивате картриџи за замена на вашата адреса секогаш кога количината на мастило ќе се намали и повеќе не мора да се грижите дали ќе ви снема мастило додека печатите важен проект.

Ако немате потреба од печатач со вграден скенер, размислете за Canon PIXMA iX6850. Со слична компактност, овој печатач за формати A3+ ја користи истата комбинација од пет мастила базирани на пигмент и на боја, а печатачот за формати A3+ PIXMA iP8750 со шест мастила се одликува со дополнително сиво мастило базирано на боја, со што нуди поширока палета на бои и дополнително го подобрува квалитетот на печатењето во црно-бел формат.

Најдобри печатачи за ниски работни трошоци

Печатач Canon PIXMA G6040 што печати слика од лого

Canon PIXMA G6040 може да печати максимум 18.0004 страници со само три шишиња со црно мастило, поради што е паметен избор за корисници со ограничен буџет. © Jake Baggaley

Човек седи на мала маса и работи на лаптоп. На масата зад лаптопот е поставен печатач Canon PIXMA.

Поедноставениот Canon PIXMA GX1040 е дизајниран да се вклопи во домашните канцеларии, благодарение на тоа што е многу компактен печатач MegaTank. Како и со другите печатачи од Canon со мастила што се дополнуваат, шишињата со мастило имаат уникатни приклучоци, така што секоја боја може да се тури само во соодветниот резервоар. Вградениот вентил спречува преполнување и потенцијални истурања.

За дизајнерите кои имаат потреба од креативни решенија за печатење за да печатат голем обем на пробни копии, палетата на печатачи Canon PIXMA G со резервоари за мастило MegaTank е многу практична опција. Canon PIXMA G6040 има четири резервоари за мастило што се дополнуваат и се наменети за печатење големи количини, а може да отпечати максимум 18.0004 страници со три шишиња со црно мастило или 7.700 страници со комплет мастила во боја. Исто така, има капацитет за 350 листови обична хартија и нуди автоматско двострано печатење, што ја намалува потребата за дополнување на PIXMA G6040 со хартија и мастило, за да имате повеќе време за креативниот дел од работата.

Технологијата на главата за печатење кај PIXMA G6040 создава остри и детални отпечатени материјали, а овозможува и печатење без рабови со големина од 89x89 mm па сè до A4. Исто така, овој модел е три-во-едно и нуди разновидни опции, опремен е со копир и скенер за A4-формати за да ви овозможи да увезувате уметнички дела и други изворни материјали во проектот за дизајн без потреба од дополнителен хардвер. PIXMA G6040 нуди поддршка и за Cloud, за да можете да печатите дизајн од секоја локација со помош на компатибилни услуги, како што се Google Drive и Dropbox.

За дополнително намалување на работните трошоци, повеќефункционалниот 3-во-1 печатач MAXIFY GX3040 MegaTank ви нуди најдобар сооднос на трошоци по страница и вкупни трошоци за користење во својата класа. Тој може да отпечати 6.0004 црно-бели страници или до 14.000 страници во боја од еден комплет шишиња со мастило базирано на боја, а во економичниот режим бројките достигнуваат 9.000 и 21.000 страници. MAXIFY GX4040 додава ADF за 35 листови и интерфејс со екран на допир во боја, а и двата нудат печатење со голема брзина од 18 слики/мин. За црно-бело печатење и 13ipm слики/мин. за печатење во боја. Уште една поволност од овие печатачи е тоа што се одликуваат со дополнителен, трет механизам за снабдување со хартија на задната страна. Дизајнот со хоризонтално поставување на фахот за рачно полнење овозможува печатење на картички со дебелина од 0,7 mm и создавање промотивни материјали со должина до 1,2 метри.

Ако барате особено компактен 3-во-1 печатач MegaTank, MAXIFY GX1040 е дизајниран за хибридно работење и се одликува со приспособлив интерфејс со екран на допир во боја што овозможува беспрекорна интеграција за дизајнерите кои работат во својот дом. Тој има доволен капацитет за да отпечати 3.0004 црно-бели страници или до 3.000 страници во боја од еден комплет шишиња со мастило, а како и PIXMA G6040, сите негови мастила базирани на боја се многу отпорни на размачкување или користење маркери за подвлекување, како за еднобојните, така и за документите во боја. Canon MAXIFY GX2040 додава ADF за 35 листови.

Најдобри печатачи за дизајнери во движење

Маж седи на маса и разгледува слика што ја отпечатил печатачот Canon PIXMA TR150.

Canon PIXMA TR150 брзо печати материјали со живописни бои благодарение на неговиот систем со хибридни мастила и големата брзина на печатење до 5,5 слики/мин. © Jake Baggaley

Човек држи печатач Canon SELPHY Square QX10 додека печати лого за проект.

Доволно мал за да го понесете секаде, Canon SELPHY Square QX10 го напојува батерија на полнење и е идеален за работа на далечни локации без пристап до струјно напојување.

Независно дали сте графички дизајнер кој сака да печати пробни копии и да ги презентира на клиенти додека патува или работи далечински - или, пак, само сакате да ослободите малку простор во домашната канцеларија, елегантниот и лесен печатач Canon PIXMA TR150 е одличен избор. Овој пренослив печатач може да печати документи и фотографии без рабови со големина до A4 и може да се напојува преку струен приклучок или преку изборна батерија, што го прави одлично преносливо решение.

PIXMA TR150 користи систем со хибридни мастила, вклучувајќи мастило со црн пигмент и мастила базирани на боја за да печатите материјали со живописни бои. Тој нуди и големи брзини на печатење до 5,5 слики/мин.1 (слики во минута) во боја и 9 слики/мин. во црно-бел формат. Исто така, компатибилен е со пликови и специјална хартија, вклучувајќи хартија за висока резолуција, мат фотохартија и двострана мат хартија од Canon.

Сите приклучоци и кабли се ставени на една страна од печатачот, за да можете лесно да го поставите во тесен простор, а нуди поддршка и за Wi-Fi од 2,4 GHz и 5 GHz5, како и поддршка за Wi-Fi Direct за да можете да печатите безжично без пристап до рутер за интернет. Опремен е дури и со OLED-екран од 1,44 инчи преку кој може директно да го проверувате статусот на врската, да пристапите до поставките и нивоата на мастилата.

Ако вашите потреби за печатење во движење не се толку обемни, печатачот со батерија на полнење Canon SELPHY Square QX10 нуди живописни слики од 68x68 mm со простор за текст каде што може да додавате забелешки или коментари, што е идеално за изработка на проектна табла.


Напишано од Marcus Hawkins и Matthew Richards

  1. Брзините на печатење документи се просечни вредности добиени од ESAT за тестот за категорија канцеларии за зададениот едностран режим, ISO/IEC 24734. Брзината за печатење на фотографии се заснова на зададените поставки со употреба на ISO/JIS-SCID N2 на фотохартија Plus Glossy II и не го зема предвид времето за обработка на податоците на компјутерот.
  2. Услугата PIXMA Print Plan е достапна само за жителите на Австрија, Белгија, Данска, Финска, Франција, Германија, Италија, Норвешка, Холандија, Шпанија, Шведска, Швајцарија, Република Ирска и Обединетото Кралство.
  3. Во фотохартиите што се компатибилни со ChromaLife 100 спаѓаат фотохартијата Pro Platinum, фотохартијата Plus Glossy II, фотохартијата Plus Semi-Gloss и фотохартијата Glossy. Врз основа на забрзано тестирање од Canon во темна просторија за складирање со контролирана температура, влажност и гасови, симулирајќи простор за складирање во албум со пластични прегради за слики. Canon не дава гаранција за долготрајноста на отпечатените материјали; резултатите може да бидат различни во зависност од отпечатената слика, времето на сушење, условите за складирање/изложување и други фактори во опкружувањето.
  4. Потрошувачката на страници претставува вредност што е пресметана врз основа на посебен метод за тестирање на Canon, користејќи ја симулацијата за континуирано печатење и табелата ISO/IEC 24712 со резервни шишиња со мастило по почетното поставување.
  5. Поддршката за 5 GHz може да не биде достапна во вашиот регион.

Слични производи

Слични статии

  • Лаптоп стои отворен на биро со софтверот Canon Easy-PhotoPrint на екранот, хартија од Canon од левата страна и печатач од Canon од десната страна.

    ПЕЧАТЕЊЕ

    Најсоодветната апликација за печатење од Canon за вас

    Бидете креативни и организирани со апликациите за печатење од Canon – има апликација што соодветствува на секој проект.

  • Жена седи на биро и користи надвлекувач на отпечатен материјал. Покрај неа има печатач Canon MAXIFY, а низ големиот прозорец пред неа се гледа градина.

    ПЕЧАТЕЊЕ

    Најдобрите печатачи за домашни канцеларии

    Работењето од дома е беспрекорно со печатачите Canon PIXMA и MAXIFY.

  • Човек ја користи апликацијата Easy-PhotoPrint Editor на таблет-уред за безжично да отпечати слика од семејство, користејќи печатач PIXMA од Canon на работна маса.

    ПЕЧАТЕЊЕ

    Како се користи безжичен печатач

    Паметни начини на кои може да извлечете максимум од вашиот безжичен печатач.

  • Објаснување на видовите на хартија

    ПЕЧАТЕЊЕ И ИЗРАБОТКА НА МОДЕЛИ

    Објаснување на видовите на хартија

    Истражете ги различните видови на хартии од Canon со овој практичен водич за купување.