6 причини зошто ви треба печатач MegaTank

Печатачите MegaTank од серијата PIXMA G на Canon користат вградени резервоари за мастило што се дополнуваат со шишиња со мастило за огромен обем на печатење наместо со стандардни картриџи. Еден комплет шишиња со мастило овозможува печатење на илјадници страници, што значи дека со нив ќе печатите со месеци, а може и со години. Тие се многу практични и поевтини за користење отколку стандардните печатачи, па затоа се совршени за користење во домот, канцеларијата и за потребите на студентите.

Достапни се повеќе модели на печатачи MegaTank за да можете да изберете соодветен модел според вашите потреби и вашиот буџет. Сите печатачи нудат висока ефикасност, но ако брзината на печатење ви е приоритет, тогаш изберете ги најбрзите модели PIXMA G3460 и PIXMA G2460 од серијата MegaTank за да заштедите време. PIXMA G3460 има вграден Wi-Fi, исто како и PIXMA G3420 со поддршка за Cloud, за да ви овозможат да печатите од паметни уреди кога сте во движење.

PIXMA G2420, PIXMA G2460, PIXMA G3420 и PIXMA G3460 се повеќефункционални 3-во-1 печатачи што овозможуваат печатење, копирање и скенирање. Но, ако сакате да ги искористите само придобивките за долготрајно намалување на трошоците што ги нуди печатачот MegaTank, тогаш основниот модел PIXMA G1420 ќе ви обезбеди самостојно решение за печатење без функции за скенирање и копирање.

Независно дали барате повеќенаменски печатач што е едноставен за користење за вашето семејство, сигурен уред со кој ќе ги исполните роковите за факултетските задачи или решение за печатење во голем обем со мали трошоци за вашата компанија, ние ќе ви дадеме шест причини зошто треба да набавите печатач MegaTank.

Основните модели на печатачи MegaTank (PIXMA G3460, G2460, G3420, G2420, G1420) можат да отпечатат најмногу 7.600^1,2 страници со едно шише со црно мастило во економичен режим или најмногу 7.700¹ страници со комплетот бои. Овие печатачи MegaTank нудат и капацитет за снабдување со хартија од задната страна од 100 листови за да трошите повеќе време за работа и помалку време за дополнување на залихите на печатачот.

Ако често имате потреба од печатење големи количини, тогаш со избирање на печатачите PIXMA G5040, G6040 или G7040 од Canon ќе добиете максимален капацитет за печатење до 8.300³ страници во економичен режим со црното мастило, како и автоматско двострано печатење и голем капацитет за снабдување со хартија од предната и задната страна од вкупно 350 листови обична хартија за навистина продуктивните опкружувања.

Значителното намалување на трошоците и зголемувањето на продуктивноста што ги нудат печатачите MegaTank од Canon не предизвикуваат намалување на квалитетот на печатење. Печатачите MegaTank создаваат богати бои со мастилата базирани на боја, а наменското црно мастило со пигмент овозможува печатење документи со извонредна острина. Дури и ситниот текст и белите знаци наспроти заднини во боја ќе имаат висок степен на острина.

Дополнувањето на резервоарите со мастило на печатачите MegaTank е едноставен процес што сите можат да го направат во домот или во канцеларијата. Вградените резервоари со мастило се јасно видливи од предната страна на печатачот, за да можете лесно да ги следите нивоата на мастилата. Кога ќе треба да дополните мастило, подигнете ги капачињата во различна боја што се отвораат лесно и вметнете ги врвовите на шишињата со мастило за да го вбризгате мастилото во резервоарите.

Дизајнот за лесно стискање на шишињата со мастило од Canon придонесува за чист и брз процес на дополнување. Исто така, влезните отвори на резервоарите со мастило на печатачите MegaTank имаат уникатна форма. Влезните отвори соодветствуваат на млазниците во вид на клуч кај новодизајнираните шишиња со мастила, со што се елиминира ризикот од случајно вбризгување на погрешно мастило во погрешен резервоар. Специјално дизајнираните шишиња, исто така, автоматски престануваат да се празнат штом ги наполните резервоарите.

PIXMA G3460 и PIXMA G2460 од Canon нудат брзина на печатење од 10,8⁴ слики/мин. (ipm) за црно-бели документи и 6,0⁴ слики/мин. за материјали во боја. Тие се одличен избор за исполнување кратки рокови.

За уште поитни задачи ви го препорачуваме печатачот 4-во-1 PIXMA G7040 што нуди брзина до 13⁴ слики/мин. за печатење со црно мастило и брзина до 6,8⁴ слики/мин. за печатење во боја, а опремен е и со механизам за автоматско снабдување со документи за 35 листови што ќе им ја олесни работата на корисниците кои треба да копираат и скенираат документи со повеќе страници.

За секојдневно печатење ви ги препорачуваме моделите PIXMA G3420, PIXMA G2420 и PIXMA G1420 што нудат брзини до 9,1⁴ слики/мин. за печатење со црно мастило и брзини до 5⁴ слики/мин. за печатење во боја и овозможуваат брза обработка на документи.

Исто така, основните модели на печатачи MegaTank се дизајнирани да го намалат времето на неактивност. Се испорачуваат со картриџ за одржување што лесно се заменува и ја намалува потребата за праќање на вашиот печатач на сервис. Употребата на картриџот за одржување може да ја следите преку драјверот на печатачот што е инсталиран во вашиот компјутер или лаптоп или преку апликацијата Canon PRINT (PIXMA G3420 и PIXMA G3460) или екранот на печатачот (сите модели освен PIXMA G1420). Печатачот ќе ве извести ако настане проблем при одржувањето, што значи дека сите грешки можат лесно да се отстранат.

PIXMA G3420 и PIXMA G3460 од Canon, ако и многу други модели од палетата MegaTank, имаат вграден Wi-Fi. Копчето за директно безжично поврзување го олеснува поврзувањето и подготовката за печатење преку компјутер или мобилен уред, со допирање едно копче. PIXMA G5040, G6040, G7040, GM4040 и GM2040 имаат и приклучок за етернет наменет за мрежни опкружувања во кои е потребна брза, стабилна и сигурна врска.

Ако работите на терен и треба да споделите некои документи со колегите во канцеларијата или, пак, ако ви треба отпечатена копија од материјалите за учење за онлајн курс, тогаш може да пристапите до PIXMA-печатач со Wi-Fi преку интернет користејќи компјутер или паметен уред и да печатите директно од популарните услуги основани врз Cloud како што се Google Drive, Google Classroom, Dropbox, Evernote и многу други.

Контролата врз сите ваши потреби за печатење и одржување преку вашиот паметен телефон не може да биде полесна благодарение на апликацијата Canon PRINT, но достапни се и други апликации од Canon што нудат многубројни начини за да бидете креативни во домот. Апликацијата Creative Park⁵ ви нуди сè, почнувајќи од макети од хартија и приспособливи дизајни за честитки до украси за забава и 3D-модели, а апликацијата Easy-PhotoPrint Editor ви овозможува да ги претворите омилените фотографии во стилски отпечатени материјали или уникатни подароци, а нуди и шаблони за календари, картички, постери и многу повеќе.

Не сакате да преземете апликации? Печатачите MegaTank се компатибилни со Apple AirPrint и Mopria за Android, па корисниците поврзани на истата мрежа на која е поврзан нивниот печатач ќе можат лесно да се поврзат и да печатат преку нивните паметни уреди и нивните вградени протоколи за печатење.

Печатачите MegaTank можат континуирано да печатат висококвалитетни документи и прекрасни фотографии без рабови⁶ со големина до A4, но имаат и многу поразновидна намена. Палетата поддржува огромен избор на големини и видови на медиуми, што е идеално за деловна администрација и многу повеќе, како создавање налепници за обележување и визит картички со мат хартија и двострана мат хартија. PIXMA G3460, G2460, G3420, G2420 и G1420 можат да печатат и промотивни ленти со должина до 1,2 метри. Кога станува збор за печатење во домот, печатачите MegaTank можат да ја направат домашната задача интересна и да ви понудат семејна забава со часови со самолепливата фотохартија и магнетната фотохартија. Фотографиите може да ги печатите врз сјајни и полусјајни фотохартии, а може да печатите и на хартија за пренос на слики врз материјали со пеглање.

Повеќето печатачи⁷ MegaTank од Canon имаат дволиниски LCD-екран што прикажува повеќе детали за поставките на печатачот. Не само што екранот овозможува полесно следење на статусот на печатачот, поставките за безжично поврзување и прилагодување на опциите за печатење директно на печатачот, туку може да ги проверувате и сите потреби за одржување, како што е чистењето на главата за печатење. Исто така, екранот овозможува едноставно отстранување на грешките преку прикажување јасни инструкции или кодови што се објаснети во прирачникот за корисници заради полесно решавање на проблемите.

Печатачите MegaTank имаат функција за автоматско исклучување заради заштеда на енергија кога не се користат и функција за автоматско вклучување што ќе ви овозможи да почнете да печатите без потреба да го притиснувате копчето за вклучување. Сето ова ја зголемува нивната практичност, особено ако треба да печатите документи далечински преку модел со Wi-Fi и поддршка за Cloud.

Напишано од Marcus Hawkins