ФОТОГРАФИРАЊЕ ПРИРОДА

Експериментирање со светлина и сенки: фотографирање природа во црно-бело

Амбасадорката на Canon, Helen Bartlett, објаснува како ги снимила извонредните црно-бели фотографии од природата со нејзиниот PowerShot G7 X Mark III.
Canon Camera
Ве интересира како би изгледал светот во црно-бело? Фотографката на семејни портрети и амбасадорка на Canon, Helen Bartlett, којашто живее во Лондон, фотографира токму во овој стил. Helen е препознатлива по црно-белата фотографија со којашто се занимава уште од почетокот на нејзината кариера во 2003 г. и во којашто ја користи длабочината на светлината и сенките коишто паѓаат на лицата и сцените пред неа.

За време на карантинот во Англија поради Covid-19, Helen го замени фотографирањето семејни портрети со снимање црно-бели фотографии од природа на прошетките околу нејзиниот дом во северен Лондон. Таа ги споделува снимените фотографии коишто претставуваат спој од скриени текстури, листови осветлени одзади, оросени пајажини и драматични шумски силуети во делот Highlights на Instagram, со наслов „Надвор од работно време“. Повеќето се снимени со нејзиниот PowerShot G7 X Mark III од Canon.

Снимањето со компактен фотоапарат ѝ помогна на Helen да го развие стилот и ја инспирираше да примени нови техники. Тука, таа го објаснува еволутивниот тек на процесот и споделува совети за снимање извонредни црно-бели фотографии од природа.

1. Најдете нова перспектива

Црно-бела фотографија од силуети на пет идентични цвеќиња снимени одблиску и наспроти сонцето.

Амбасадорката на Canon, Helen Bartlett, го користеше компактниот PowerShot G7 X Mark III од Canon за снимање на црно-бели фотографии за време на карантинот во Лондон и откри цел нов свет. Фотографирано со PowerShot G7 X Mark III од Canon со избрани 1/800 сек., f/10 и ISO 320. © Helen Bartlett

Покрај придобивките што компактниот фотоапарат им ги нуди на фотографите, како големина, разновидна функционалност и лесно и брзо споделување на фотографиите, тој им овозможува и порелаксирано искуство поради намалениот притисок да се создаде совршената фотографија.

„Отсекогаш сум барала нешто помеѓу телефон и професионален фотоапарат, а EOS-1D X Mark III од Canon не ми го собира в џеб“, вели Helen. „Најчесто фотоапаратот што го користам за работа е преголем за да го носам со себе на прошетка во паркот. Не ми се допаѓаа фотографиите снимени со телефон бидејќи кога ќе ги отворев на компјутер или сакав да ги отпечатам, квалитетот се губеше.“

„Го купив PowerShot G7 X Mark III од Canon за време на карантинот и почнав да го носам со себе на секојдневните прошетки на коишто убаво го проучив.“

„Ме инспирира да фотографирам почесто, да ги гледам нештата од друга перспектива и да бидам посвесна за светот околу мене.“ „Почнав да се опуштам и да не се оптоварувам бидејќи фотографирам за себе, а не за клиентите, па не е важно ако фотографиите не излезат како што сакам. Сега не можам да замислам да не користам компактен фотоапарат.“

PowerShot G7 X Mark III од Canon има голем сензор од тип 1,0 поради што повеќе наликува на DSLR-фотоапарат или фотоапарат без огледало отколку на паметен телефон.

2. Научете колку што можете повеќе за светлината

Црно-бела фотографија од стебленца од див магдонос наспроти темна заднина.

PowerShot G7 X Mark III од Canon има клучна улога во опремата на Helen. „Иако компактен фотоапарат не може да замени врвен DSLR-фотоапарат или фотоапарат без огледало, за мене тој ја претставува совршената златна средина помеѓу професионален фотоапарат и мојот телефон“, вели таа. Фотографирано со PowerShot G7 X Mark III од Canon со избрани 1/500 сек., f/3,2 и ISO 160. © Helen Bartlett

Црно-бела фотографија одблиску од сончева светлина којашто осветлува и засенчува делови од стебленца од трева.

„Меѓу најтешките предизвици за оние што започнуваат да се занимаваат со фотографија е да научат да ја забележуваат светлината“, вели Helen. „Но штом ја забележите и започнете да ја фотографирате, ќе започнете да ѝ обрнувате сѐ поголемо внимание.“ Снимено со PowerShot G7 X Mark III од Canon со избрани 1/2000 сек., f/2,8 и ISO 320. © Helen Bartlett

Ако сакате да фотографирате природа во црно-бела техника, Helen препорачува да научите повеќе за светлината. „Фотографирајте секој ден, без разлика дали сте надвор со фотоапаратот или дома“, вели таа. „Дури и да сте снимиле нешто едноставно, како светлината којашто паѓа на чаша вода во кујната, со следната фотографија, ќе забележите уште повеќе детали.“

Експериментирањето со светлината при фотографирањето во црно-бело создава длабочина и интерес и нуди многу можности за снимање. „Користете го задното осветлување коешто создава одличен ефект во црно-белото фотографирање и слободно играјте си со контрастот и експозицијата", вели Helen. „Можете да ја зголемите експозицијата за да снимите релативно светли тонови, а потоа да ја намалите за да снимите конкретна осветлена површина и да добиете живописни и динамични слики.“

3. Фокусирајте се на содржината на сликата

Црно-бела фотографија од трска снимена одблиску и неколку слични трски заматени во заднина.

„Кај црно-белата фотографија отсекогаш ме привлекувала едноставноста“, вели Helen. „Ми се допаѓа апстрактноста и што те поттикнува да се задлабочиш во формите и текстурите“. Снимено со PowerShot G7 X Mark III од Canon со избрани 1/400 сек., f/2,8 и ISO 640. © Helen Bartlett

Црно-бела фотографија од три високи дрва со многу лисја во шума.

Еден од омилените аспекти на PowerShot G7 X Mark III од Canon за Helen е неговата практична големина. „Важно ми е да можам да го носам в џеб“, вели Helen. Фотографирано со PowerShot G7 X Mark III од Canon со избрани 1/800 сек., f/2,8 и ISO 400. © Helen Bartlett

Црно-белата техника ѝ овозможува на Helen да се фокусира на субјектот во кадарот и да ги исфрли сите непотребни бои или елементи, што е уште една добра причина за да се обидете да снимате урбана природа без боја.

„Фотоапаратот користи брза, максимална решетка од f/1,8 и нуди можност за поврзување преку Wi-Fi, па можам веднаш да ја испратам сликата што ми се допаѓа на телефонот и да ја обработам“, продолжува. „Не морам да седнам на компјутер кога не сум на работа.“

Повеќенаменскиот објектив, режимот за макро и опциите за поврзување преку Wi-Fi се само дел од функциите на коишто Helen се потпира кај нејзиниот PowerShot G7 X Mark III од Canon. „Многу сум задоволна од големината и тежината, како и исклучителната флексибилност“, вели Helen, којашто снима во црно-бел режим и ја доловува светлината во една боја. „Функцијата макро е многу корисна и за снимање дрвја, цвеќиња и диви животни.“

„Мојот свет е еднобоен и уживам во него“, вели Helen. „Фокусот на сликите во боја е често на боите, но црно-белите слики се фокусираат на субјектот, без разлика дали е тоа човек, зграда или дрво. Покрај тоа, кога снимате надвор или во парк, ги отстранувате и светлите пречки од заднината. Отсекогаш сум сакала да фотографирам во црно-бело бидејќи во природата сѐ е премногу зелено.“

4. Експериментирајте со различни техники

Патека низ шума опколена со снежни дрва во црно-бела фотографија.

„Експериментирајте со поставките на вашиот PowerShot G7 X Mark III, па дури и со опциите што не планирате да ги користите“, препорачува Helen. „Снимајте со вградениот блиц од различни агли или со користење на опцијата за макро фотографирање. Експериментирајте за да видите како ќе изгледа светлината.“ Снимено со PowerShot G7 X Mark III од Canon со избрани 1/500 сек., f/2,8 и ISO 400. © Helen Bartlett

Црно-бела фотографија од пајакова мрежа којашто блеска со утринска роса, фотографирана одблиску.

„Ако планирате да ги објавувате фотографиите на социјалните медиуми, важно е фотоапаратот да има вградена Wi-Fi-врска“, вели Helen. „Ќе можете да испраќате фотографии на вашиот телефон брзо и лесно.“ Снимено со PowerShot G7 X Mark III од Canon со избрани 1/2000 сек., f/3,5 и ISO 800. © Helen Bartlett

Благодарение на компактниот фотоапарат, Helen користи повеќе техники и ѝ пристапува на фотографијата од нова перспектива. „Имам многу простор за експериментирање“, вели Helen. „На пример, ретко фотографирам со блиц, но кога врнеше снег за Божиќ, снимив многу фотографии со вградениот блиц на PowerShot G7 X Mark III од Canon.“

„Интересно ми е да снимам од различни агли, на пример да клекнам и да снимам низ тревата, што е особено лесно со екранот со можност за закосување од 180 степени. Покрај тоа, PowerShot G7 X Mark III од Canon е опремен со автоматски режим (A), режим за приоритет на решетка (Av) и целосен рачен режим (M), што значи дека на почетниците им нуди голема флексибилност при учењето и напредувањето, како и функции за контрола коишто се лесни за употреба. Фотоапаратот е опремен и со режим P (Програмиран автоматски) – режим за фотографирање којшто се наоѓа помеѓу автоматскиот и рачниот режим, интелигентен автоматски режим, како и голем број креативни режими за сцени коишто им овозможуваат на почетниците да снимаат одлични фотографии без да имаат големо техничко познавање.

За да дознаете повеќе за функциите на вашиот фотоапарат и како да ги користите, преземете ја апликацијата Canon Photo Companion.
Црно-бела фотографија од бранче што се шири во езерце, а над него распрскани, смрзнати капки вода во воздухот.

„Ако излезете надвор да фотографирате и не се оптоварувате што фотографирате, по неколку недели ќе заклучите дека ве привлекуваат слични нешта“, вели Helen. Фотографирано со PowerShot G7 X Mark III од Canon со избрани 1/1600 сек., f/2,8 и ISO 3200. © Helen Bartlett

Црно-бела фотографија снимена одблиску на којашто детално се доловени тенките ливчиња на растение коешто наликува на папрат.

Helen ја опишува својата техника на фотографирање природа со компактен фотоапарат како „фотографско скицирање“ и ја користи за да ги усоврши професионалните вештини, но истовремено и да се забавува. Фотографирано со PowerShot G7 X Mark III од Canon со избрани 1/640 сек., f/2,8 и ISO 200. © Helen Bartlett

„Фотографско скицирање“ е експериментална техника којашто е инспирирана од уметници и којашто Helen ја користи за да ја набљудува природата. Таа сними дури и видеоприказ на YouTube за оваа техника за да ја прикаже моќта на забавниот метод на снимање, којшто е побрз и ослободен од притисок.

„Идејата за фотографско скицирање до некаде потекна од братучед ми којшто е исто така уметник“, објаснува Helen. „Кога уметниците изработуваат уметничко дело, тие често ги скицираат идеите или деталите коишто сакаат да ги вметнат во делото. Братучед ми ова го нарекува прошетка на моливот. Сакав да се обидам ова да го применам и во фотографијата.“

„На пример, можам да најдам нови, добри перспективи во паркот и да ги употребам при фотографирањето портрети. Можам да експериментирам и со техниката на снимање шари во вирови којашто ја имам забележано на Instagram за да го откријам методот на снимање и како да ги постигнам најдобрите резултати.
Црно-бела фотографија од сенка на дрво којашто паѓа на камен ѕид.

„Самиот наслов го опишува концептот на проектот „Надвор од работно време“, а тоа се сликите коишто ги снимам кога не работам“, вели Helen. Фотографирано со PowerShot G7 X Mark III од Canon со избрани 1/125 сек., f/5 и ISO 125. © Helen Bartlett

Сонцето свети на небото со расфрлани облаци и ги осветлува големите силуети на дрва во овој црно-бел пејзаж.

„Не планирав ‘Надвор од работно време’ да биде личен проект, ама на крајот така излезе“, вели Helen. „Таму си ги чувам мислите коишто ги изразувам со мојот фотоапарат.“ Снимено со PowerShot G7 X Mark III од Canon со избрани 1/2000 сек., f/10 и ISO 125. © Helen Bartlett

„Ако фотографирате во еднолично осветлен парк, ќе ви треба светлина за да истакнете одредени делови од сликата“, вели Helen. „Снимајте предмети коишто светлината ги осветлува странично, ги обликува и им дава драматичност. Снимајте на почетокот или на крајот од денот кога опкружувањето е осветлено со слаба светлина. Колку почесто фотографирате на овој начин, ќе забележувате сѐ повеќе детали и ќе ви станува сѐ поинтересно.“

Со текот на времето ќе изградите и свој стил којшто можеби ќе прерасне и во личен проект како серијата фотографии „Надвор од работно време“ на Helen. „Вашите интереси ќе ви дадат насока што да фотографирате, а со почесто фотографирање, ќе забележувате сѐ повеќе теми“, вели таа. „Не размислувајте премногу, излезете и забавувајте се.“


Напишано од Lorna Dockerill

Слични производи

Слични статии

  • Две силуети од деца со шума во заднина, а ниското сонце ѕирка низ дрвјата.

    СЕМЕЈНО ФОТОГРАФИРАЊЕ

    11 совети за семејно фотографирање

    Дознајте совети за фотографирање прекрасни семејни портрети од амбасадорката на Canon Helen Bartlett.

  • ОТВОРЕН ПРОСТОР

    Како Munro Moonwalker снима планински пејзажи

    Од шарени макро-снимки до магливите планински врвови, еве како Alan Rowan го користи PowerShot SX740 HS од Canon за да ја добие совршената слика во природа.

  • ФОТОГРАФИРАЊЕ ДИВИ ЖИВОТНИ

    Нескротен по природа

    Пет причини поради кои PowerShot SX740 HS е совршен за фотографирање диви животни.

  • Црно-бела слика одблиску од мајка која бакнува бебе кое спие потпрено до нејзиното рамо.

    МАКРО ФОТОГРАФИРАЊЕ

    Задлабочете се во деталите со макро

    Четири креативни совети за вовед во макро фотографирањето, со користење обични предмети за да добиете извонредни слики.