Најдобриот стана уште подобар - ви го претставуваме EOS‑1D X Mark III
Canon Inc. го претставува следниот чекор во професионалните перформанси и квалитет за DSLR
Убавината на совршенството. Ви го претставуваме EOS-1D X Mark III
Canon Inc. го објави развојот на EOS-1D X Mark III, наследникот на најдобриот професионален DSLR-фотоапарат EOS-1D X Mark II што го користат фотографи за спорт и диви животни низ целиот свет.
Регистрирајте ја вашата заинтересираност за EOS-1D X Mark III
Бидете првите кои ќе добиваат новости за EOS-1D X Mark III, понуди од Canon, совети и водичи, најнови вести и покани за локални настани.
Нова ера на брзина и прецизност на автоматското фокусирање
EOS-1D X Mark III е опремен со потполно нов AF-сензор со 28 пати поголема резолуција од неговиот претходник и користи напредни алгоритми за AF со технологија за длабоко учење за да ви обезбеди ненадминато следење со фокусот во секоја прилика. Режимите за прегледување во живо и снимање видеозаписи ги искористуваат придобивките што ги нуди Dual Pixel CMOS AF што покрива приближно 90x100 проценти од сензорот со 525 AF-површини. Благодарение на AF со поширок опсег на вредности за EV, фокусирањето никогаш не било толку прецизно и повеќенаменско.
Прекрасни фотографии и видеоснимки
Благодарение на новиот CMOS-сензор од Canon и новиот моќен DIGIC-процесор, квалитетот на сликата се подобрува дури и при големи вредности на ISO, а достапни се и опции за снимање 4K-видеозаписи со 60p и снимање RAW-видеозаписи или 10-битни видеозаписи со Canon Log што се зачувуваат на CFexpress-картички. Новиот и осветлен визир ќе ви овозможи да го следите вашиот субјект во реално време без доцнење.
Комуникација со фотоапаратот со голема брзина
Брзата испорака на снимените содржини е следниот важен чекор за професионалците. Затоа EOS-1D X Mark III е опремен со Wi-Fi, Bluetooth со мала потрошувачка на енергија и GPS за непречена комуникација. Одликувајќи се со двојно поголема брзина на пренос од EOS-1D X Mark II преку вградениот приклучок за етернет или преку изборниот WFT-E9, како и со подобрен кориснички интерфејс за поедноставно и поинтуитивно ракување, новиот EOS-1D X Mark III е дизајниран да ја заврши работата со најголема брзина досега.
Секогаш подготвен за акција, независно од ситуацијата
EOS-1D X Mark III е значително надграден за да обезбеди врвни перформанси - тој не само што нуди неверојатна стапка на слики од 16 fps преку оптичкиот визир, туку и 20 fps преку механичката или електронската бленда во режим за прегледување во живо со континуирани AE и AF. Фотоапаратот е дизајниран за врвни перформанси во сите области, со значително поголема издржливост на батеријата LP-E19, нови осветлени копчиња и потполно нов начин на контрола за избор на AF-точки во самото копче AF-ON, покрај повеќенаменскиот контролер. Куќиште е изработено од магнезиумска легура и има заштита од лоши временски услови.