СТАТИЈА СО НОВОСТИ

#FreeYourStory: уникатна перспектива

Креативност, впечаток и моќ за раскажување приказни - победничките слики од натпреварот чија цел беше да се пронајде новата генерација на визуелни раскажувачи на приказни.
Canon Camera
Креативност, впечаток и моќ за раскажување приказни - тоа сакаат да го постигнат сите фотографи со нивните слики. Способноста за прикажување уникатна перспектива е карактеристика на одличните фотографи, а токму тоа сакаше да го открие Canon преку хаш-ознаката #FreeYourStory и натпреварот поврзан со неа.

За да учествуваат во натпреварот #FreeYourStory, младите фотографи требаше да испратат фотографии за две категории - автопортрет во огледало и изнудена перспектива - што ќе ги оценува жири од независни судии кои ќе бараат слики што се истакнуваат од другите. Судиите на натпреварот разгледаа стотици слики пред да одлучат кои ќе бидат победничките слики и кои слики ќе добијат пофалба, а сите тие се прикажани подолу. Исто така, ќе ја дознаете приказната за сите победници на #FreeYourStory и ќе добиете мислења од судиите: амбасадорката на Canon и специјалист за портрети Wanda Martin, амбасадорката на Canon, фоторепортерка и режисерка за документарни филмови Ulla Lohmann и фотографот за патувања, режисер и инфлуенсер Michael Gray.

Победник во категоријата за автопортрет во огледало

Црно-бела слика од дете чиј одраз во прозорецот изгледа како дел од куклите изложени зад прозорецот.

Karolina Dworzynska од Полска ја снимила фотографијата при посета на село од бајките со нејзиното семејство. Таа имала само една прилика да ја сними сликата пред нејзината ќерка да се помести. © Karolina Dworzynska

„Не ми се веруваше дека победив во оваа категорија“ - вели Karolina Dworzynska. „Немав освоено ништо во животот и ова беше првиот натпревар во фотографирање на кој се пријавив“.

„Сакам да фотографирам деца бидејќи нивните реакции секогаш се оригинални и на нивните лица можете секогаш да им ги видите чувствата. Мојата цел е да замрзнам некој момент од животот на моите деца, за тие да можат во иднина да видат како изгледало нивното детство и повторно да уживаат во тие моменти. За жал, јас не можам да го искусам тоа бидејќи имам само неколку фотографии од моето детство. Можеби затоа фотографирањето ми е толку важно“.

Опишана од судиите како „разиграна“ и „изненадувачка“, победничката црно-бела слика на Karolina била снимена за време на семејна посета на некое село од бајките, каде што имало мали куќи со аниматронски ликови. „Застанавме за да ја слушнеме приказната за Пепелашка и тогаш го забележав нејзиниот одраз на прозорецот. Изгледаше како да е дел од бајката, а јас ја искористив таа прилика за да снимам фотографија. Се обидов да снимам уште една фотографија, но ѝ здодеа и побегна. Моментот помина. Имав само една прилика и ја искористив“.
Црно-бела слика од жена со испружена рака, со нејзин одраз во огледало.

Оваа слика од Daria Liushnevska од Полска освои второ место во категоријата за автопортрет во огледало. © Daria Liushnevska

Автопортрет од маж кој клечи на карпа, со одраз во хексагонални очила за сонце.

Оваа слика од Dominique De Laender, уште еден второпласиран натпреварувач, прикажува маж кој клечи со неговата опрема од Canon, со одраз во очила за сонце. © Dominique De Laender

Што велат професионалците...

Интересниот пристап на Karolina кон темата автопортрет во огледало ги импресионираше судиите. „Автопортретот во огледало е еден од најстарите и најпопуларните стилови на снимање автопортрети - гледаме стотици такви примери секојдневно на социјалните медиуми“ - вели амбасадорката на Canon и специјалистот за портрети Wanda Martin. „Експериментирав со автопортретите за време на карантинот и со нетрпение чекав да видам како другите пристапиле кон оваа тема.

„Добивме многу интересни и креативни визуелни решенија. Нашиот победник е прекрасна црно-бела слика, на која одразот од детето се спојува со универзумот на куклите. Не може дури ни да ги разликувате двата света и ни се допадна како оптичката илузија создава нова реалност“.

И другите судии се сложија. „Морав да погледнам двапати“ - вели амбасадорката на Canon, фоторепортерка и режисерка за документарни филмови Ulla Lohmann. „Имаше елемент на изненадување, со одразите на малото дете и фотографот - како комбинација од старо и ново. Колку повеќе гледате, толку поинтересно станува“.

„Досега не сме виделе такво искористување на одрази“ - додава фотографот за патувања, режисер и инфлуенсер Michael Gray. „Навистина ни се допадна прецизноста на начинот на кој детето се усогласува со куклите по висина. Тоа за момент ги збуни судиите и ги натера да се двоумат што се случува - токму тоа нè возбуди“.
Црно-бела слика од повеќе слики на кои е снимено истото лице што се рефлектира во огледало.

Второпласираниот JoJanni Cosico од Обединетите Арапски Емирати користел огледала за да долови повеќе слики од неговото лице. © JoJanni Cosico

Црно-бел автопортрет од жена која гледа во објективот и држи фотоапарат до лицето.

Постандарден автопортрет од второпласираниот Sepiso Dean Mwamelo од Обединетото Кралство, но слика што остава силен впечаток. © Sepiso Dean Mwamelo

Како да снимите автопортрет во вашето огледало

Сликата на Karolina покажува колку е лесно да се извлече максимум од секојдневните прилики за фотографирање, штом ја разбудите креативноста. Колкумина од нас минуваат покрај прозорците на продавниците, на пример, и го пропуштаат потенцијалот за одлична снимка? Од технички аспект, многу лесно може да снимите ваква слика - треба да го опфатите одразот на субјектот наспроти потемен дел од сцената и да го фокусирате одразот наместо заднината со фотоапаратот. Предизвикот е во пронаоѓањето интересен субјект.

Не треба да планирате сесија за фотографирање или да носите тежок фотоапарат: носете го компактниот инстант фотоапарат Zoemini S од Canon во џеб за да можете да фотографирате спонтано и да доловувате и печатите слики во движење. Тоа е одличен начин да ги снимите краткотрајните семејни моменти, а вграденото огледало на фотоапаратот ќе ви го олесни снимањето групни автопортрети.

Црно-белиот формат што го применила Karolina за нејзината слика ги спојува двата света од двете страни на стаклото, подобрувајќи ја оптичката илузија. Обидете се да примените филтер за вашите слики во боја пред да ги споделите на интернет или да ги отпечатите. Преземете ја апликацијата Canon Mini Print во вашиот мобилен уред од App Store и Google Play и ќе можете да користите филтри што се во тренд, рамки и изобличувања со кои ќе создавате уникатни слики, а потоа ќе можете да ги отпечатите со Zoemini S од Canon. За повеќе информации погледнете го каналот #FreeYourStory.

Победник во категоријата за изнудена перспектива

Мало момче носи капа и очила за сонце и аплаудира додека турските борбени авиони F-16 прават демонстрација, оставајќи траги од црвен и бел чад на небото.

Аголот и композицијата на ова слика му помогна на Muhammet да победи во категоријата за изнудена перспектива. © Muhammet Samet Yılmaz

Muhammet Samet Ylmaz е избран како победник во категоријата за изнудена перспектива #FreeYourStory, со оваа прекрасна слика од турски борбени пилоти на F-16 кои ги покажуваат нивните вештини. „Здогледав момче кое со гордост ја гледаше изведбата и веднаш ми дојде идеја да ја доловам сликата. Брзо избрав добар агол и го притиснав копчето за блендата“.

Muhammet сака да патува и секогаш носи фотоапарат со себе. Поради тоа, тој може веднаш да ги искористи приликите за фотографирање, што е многу практично кога станува збор за случајно фотографирање со изнудена перспектива. „Кога дознав дека сум победил, многу бев среќен. На почетокот не ми се веруваше, па затоа ја прочитав е-пораката повеќе пати“ - вели тој.

Што велат професионалците...

„Јас и моите колеги судии бевме воодушевени од личниот елемент на нашиот победник во категоријата за изнудена перспектива“ - вели Wanda. „Исто како и победникот во категоријата за автопортрет во огледало, така и ова е невообичаена семејна слика, но многу вешто е прикажана визуелно“.

„Ова е слика во која сите можат да се препознаат“ - додава Ulla. „Според мене техниката беше само дел од целината и затоа барав елемент на изненадување и раскажување приказна, а оваа слика го нуди токму тоа.

„Ја искористив темата за изнудена перспектива за да ги предизвикам учесниците на една од моите работилници и ги охрабрувам сите кои го читаат овој текст да се обидат да фотографираат на оваа тема и на темата за автопортрет во огледало и да си даваат предизвици поради кои ќе мораат да размислуваат поинаку кога ќе фотографираат“.

Со ова се согласи и Mike: „Се надевав дека некој ќе размислува поинаку од стандардното, особено земајќи ја предвид целава ситуација во која се наоѓа светот денес. Добивме многу фотографии што луѓето ги снимиле во своите градини, а тоа е доказ дека можеме да бидеме креативни насекаде.

„Тоа што ни се допадна и кај двете победнички слики е тоа што ги опфатиле сите потребни елементи - приказната и емоциите што се доловени во сликата со изнудена перспектива навистина ни остави впечаток кога ја гледавме“.
Силуета од маж кој изгледа дека го допира зајдисонцето со прст.

Оваа силуета, снимена од Fattih Ekmen кој освои второ место во категоријата за изнудена перспектива, внесува нова димензија на интерес во зајдисонцето. © Fattih Ekmen.

Жена во спортска облека која изгледа дека се качува по сина карпа, снимена одозгора.

Второпласираната натпреварувачка Angelika Arkuszynska избра да фотографира одозгора надолу, создавајќи илузија дека нејзиниот субјект се качува по вертикален ѕид. © Angelika Arkuszynska

Како да снимате слики со изнудена перспектива

Кога станува збор за изнудената перспектива, поважно е да ги пронајдете вистинскиот субјект и најдобриот агол под кој ќе подредите сè при фотографирањето отколку да бидете вешти со контролите на фотоапаратот. Подгответе се да клекнете или да легнете на земја или, пак, да фотографирате од висок агол за да создадете убедлив резултат.

Едноставните идеи најчесто се и најдобри, па затоа штом забележите прилика, пронајдете начини за да ги изоставите деловите од сцената што не придонесуваат за вашата приказна. Експериментирајте со размерот: ако сакате да направите малиот субјект да изгледа голем во однос на деталите во заднината, тогаш ќе треба да се доближите со широкоаголен објектив или, пак, да се оддалечите и да зумирате. Може дури и вие да бидете во кадарот - испружете ја вашата рака пред фотоапаратот за да се добие илузија дека ги допирате предметите во далечина.

Зошто не ја пробате оваа техника и при снимање видео? Преносливиот IVY REC од Canon снима Full HD-видеоснимки и фотографии со 13 MP, нудејќи ви ги најдобрите придобивки од двата света. Има штипка за закачување и отпорен е на удари* и на вода** за да можете да се забавувате кога фотографирате со изнудена перспектива на плажата или во скејт-паркот.

Ако сакате да ги споделите вашите слики и видеоснимки со изнудена перспектива на Instagram, не заборавајте да напишете #FreeYourStory - навистина би сакале да ги видиме вашите резултати!


Напишано од Marcus Hawkins


*Отпорност на паѓање од висина до 6,6 ft./ 2 m. Методите за тестирање за отпорност при удар важат само за овој производ и не гарантираат дека нема да настане оштетување или дефект кај производот.
**Водоотпорен до 30 мин. на длабочина до 2 m или 6,6 ft. Тестиран само во слатка вода. Доколку го изложите на солена вода, ви препорачуваме веднаш да го исплакнете со слатка вода.

Слични написи

  • ПРЕНОСЛИВИ ФОТОАПАРАТИ

    Запознајте се со IVY REC од Canon

    Фотографирајте случувања во движење со достапниот и преносливиот фотоапарат што може да го закачите на вашата облека

  • Мачка и коала отпечатени со печатачот PIXMA TS5350

    ПЕЧАТЕЊЕ И ИЗРАБОТКА НА МОДЕЛИ

    Забавувајте се и создавајте со @paperboyo

    Дознајте како може да ги искористите различните медиуми за да ја зголемите креативноста.

  • Бидете креативни со преносливите печатачи

    ИНСТАНТ ФОТОАПАРАТИ

    Бидете креативни со преносливите печатачи

    Joel Thorpe, инфлуенсерот на Instagram, објаснува зошто го користи Zoemini S од Canon за додавање отпечатени материјали во неговите слики.

  • Zoemini C и Canon Zoemini S од Canon на маса и тетратка на која се прикачени неколку слики.

    ИНСТАНТ ФОТОАПАРАТИ

    Бидете креативни со палетата Zoemini од Canon

    Ослободете ја вашата креативност во движење со инстант фотоапарат и џебен печатач.