Создадете сопствен стил со инстант фотоапаратите: најдобрите совети на инфлуенсерот

„Најважно е да создадете доследен изглед и да се надевате дека луѓето ќе почнат да го препознаваат како ваш стил“ - вели Joel. Но, доследноста не значи да се плашите да прифатите нови техники. „Јас сè уште се обидувам да воведам оригинални концепти во мојата работа за да се издвојам од стандардното“ - вели тој. Разновидноста на Zoemini S од Canon му овозможи на Joel да проба повеќе нови и креативни техники. „Со овој уред го имате светот на дланка“ - вели тој.

„Верувам дека спомените траат подолго во физичка форма, па затоа почнав да експериментирам и да додавам отпечатени материјали што ги држам со рака во фотографиите, за да внесам чувство на носталгија. Ова е одличен начин да внесете дополнително ниво на креативност што на публиката ќе ѝ понуди нешто поинакво што ќе им го привлече вниманието“.

Треба да ја следите вашата замисла, додава Joel, не само да го фотографирате тоа што мислите дека ќе ѝ се допадне на вашата публика. „Секогаш е добро да добиете позитивно мислење на социјалните медиуми и да дознаете какви фотографии им се допаѓаат на вашите следбеници“ - вели тој. „Но, мислам дека треба да го земете предвид она што вие сакате да го создадете. Многу е лесно да станете дел од многубројните стандардни фотографи доколку се придржувате до тоа што го работат тие. Сè додека ја одржувате вашата оригиналност и не отстапувате од тоа што сакате да го правите, другото само ќе си дојде“.

Кадарот е најважен

Joel го обликува кадарот на овие слики земајќи ги предвид отпечатените материјали и вообичаено фотографира со мала длабочина на полето (мала зона во фокус), така што отпечатените материјали во центарот на сликата ќе бидат во фокус, а заднината ќе биде заматена. „Печатам некој материјал, го поставувам централно и повторно фотографирам со мојот EOS-1D X Mark II од Canon [сега е заменет со новиот EOS-1D X Mark III од Canon]. Гледачите ја препознаваат локацијата поради сличноста помеѓу отпечатениот материјал и заднината“ - објаснува Joel.

„Најважно е сликата да изгледа добро. Со дигиталните фотоапарати може да фотографирате непрекинато, но затоа мора да се погрижите за отпечатениот материјал да биде доволно добар за да можете да го искористите.

„Навистина сум импресиониран од Zoemini S од Canon“ - додава Joel. „Боите изгледаат реално, независно дали фотографирате непосредно по залезот на сонцето или при силна сончева светлина, што секогаш е предизвик за одредување правилна експозиција при фотографирањето. Визирот може лесно да го користите за да го обликувате кадарот на сликите - а композицијата е главниот фактор што мора да прилагодам соодветно за да го добијам посакуваниот краен концепт и да го усогласам изгледот на отпечатениот материјал со заднината“.

Експериментирајте со приспособувањето

Joel ја користи апликацијата Canon Mini Print на својот паметен телефон што е поврзан со Zoemini S од Canon преку Bluetooth, за да создава уште поуникатни слики, да додава рамки, филтри, текст и цртежи. Ако сака да сними слика од тешко достапен агол, тој го позиционира Zoemini S од Canon и ги користи опциите за тајмер и далечинско активирање на блендата што ги нуди апликацијата за да ја сними саканата слика.

Joel ви препорачува да експериментирате со Zoemini S од Canon сè додека не добиете резултат што ќе ви се допадне. „Може да отсечете квадратна површина од отпечатениот материјал, при што ќе се добие поинаков елемент во целото искуство. Може да користите и прстенест блиц што е одличен за внатрешна употреба“ - вели тој. „Кога станува збор за ваков вид на креативен стил, достапни се многу разновидни опции. Може да направите многу доколку размислувате радикално. Треба само да излезете, да истражувате, да снимите неколку фотографии и да видите што ќе се случи“. 

Напишано од Tamzin Wilks