КРЕАТИВНО ПЕЧАТЕЊЕ

Експериментирање со храна: како Paperboyo продолжува со популарноста

Rich McCor, креативниот ум зад Paperboyo на Instagram, говори за неговата страст за правење модели од хартија и објаснува како го користел SELPHY Square QX10 од Canon за да создаде неверојатна уметност со храна.
Лимон што лебди во воздухот над илустрирана слика од тенисер што се подготвува да сервира. Се добива ефект дека играчот се подготвува да го удри лимонот.

„Причината поради која ја сакам својата работа е тоа што патот до неа го минав следејќи ги само работите што ме интересираа“ - објаснува Rich McCor. „За мене, тоа беше начинот на кој го доловувам светот околу мене - поинаков и покреативен начин каков што немав видено дотогаш, а притоа имав можност да го истражувам мојот роден град Лондон“.

За Rich, британскиот уметник зад популарниот Paperboyo на Instagram, комбинирањето на неговото хоби за фотографирање со изработката на модели од хартија првично беше начин за создавање оригинални содржини што му ја разбудија неговата фантазија. Едни од најдобрите негови дела се делата во кои држи отсечена црна хартија покрај знаменитостите во Лондон за да создаде интересни илузии.

„Тоа беше времето на стапчиња за автопортрети и период кога Instagram почна да се претвора во стандарден извор на информации“ - вели Rich. „Мојата намера беше да избегнувам клишеа и да создадам препознатлив стил, па затоа експериментирав со различни верзии на модели од хартија“.

По повеќе од половина деценија, работата на Rich се претвори од хоби во одлична кариера. Тој објави книга насловена „Around the World in Cut-Outs“, во соработка со познати брендови како Disney® и води стил на живот што, пред 2020 година, му овозможи да патува низ целиот свет.

Навраќајќи се на својот успех, Rich вели: „Тоа што започна како мало хоби во попладневните часови и за време на викендот прерасна во кариера што ми овозможи да патувам низ целиот свет и да заработувам забавувајќи се“.

Креативност со SELPHY Square QX10 од Canon

Печатачот SELPHY Square QX10 од Canon опкружен со отпечатени материјали и рачно направен концепт за уметност.

„Веднаш одлучив да не го гледам SELPHY Square QX10 од Canon само како печатач, бидејќи тоа е очигледно и никому не треба да му се каже дека може да печати прекрасни слики“ - вели креативниот фотограф Rich McCor, познат и под името Paperboyo.

SELPHY Square QX10 од Canon печати разнобојна слика од млада девојка со розова коса и гума за џвакање на нејзиното лице.

SELPHY Square QX10 од Canon е безжичен и пренослив и може да печати висококвалитетни слики за неколку секунди.

Сега, со приближно половина милион следбеници на Instagram, Rich ги издигнува своите пронајдоци на повисоко ниво. Неговиот најнов проект му овозможи да ја изрази својата креативност со помош на SELPHY Square QX10 од Canon, вметнувајќи ликови од цртаните филмови во тема за храна - збогатени со голема доза на оригиналност карактеристична за Paperboyo.

Rich знаеше дека SELPHY Square QX10 од Canon може да создава живописни фотографии, но сакаше да ги тестира своите вештини за илустрирање со цел да ги нагласи боите. Rich ги илустрираше своите анимации со Adobe® Photoshop®, а потоа им додаде стандардна заднина за фотографии, ги извезе во својот паметен телефон и ги отпечати далечински со помош на апликацијата SELPHY Photo Layout.

Експериментирање со креативна инспирација

A tomato is suspended in the air in front of an illustrated print of a boxer. The effect makes it look as if the boxer's left glove is reaching out of the picture.

„Ограничувањата во 2020 година поттикнаа присилна еволуција на мојата работа и опкружувањата во кои ги создавам сликите“ - вели Rich. Охрабрен да пронајде начини за тестирање на својата креативност, тој се фокусираше на неговото домашно опкружување. „Наместо да создавам слики со знаменитости и пејзажи, сега експериментирам на даската за сецкање во кујната или на мојата работна маса. Моите дизајни постепено станаа посложени - неизбежно беше да ги подобрам силуетите и да ги применам моите вештини за илустрирање за да внесам бои и повеќе детали во моите ликови“.

Наведувајќи пример за лимон како замена за тениско топче и домат како замена за ракавица за боксување во две од неговите последни кратки анимации, Rich вели: „кога добив предизвик да направам креативен проект со храна, јас веднаш си го интерпретирав тоа како „експериментирање со храна“, а тоа ме асоцираше на спорт и почнав да размислувам како да ја искористам храната како замена за спортска опрема“.

Две раце држат отпечатена слика од витез и отпечатена слика од змеј, од две страни на шолја за кафе. Пената на кафето изгледа како змејот да блуе оган.

Печатете директно од вашиот паметен телефон преку SELPHY Square QX10 од Canon - квадратните отпечатени материјали со простор за текст имаа идеална големина за да може Rich да ги вклопи во своите интересни слики со храна.

Инспирација за овој предизвик добив и во форма на балон од гума за џвакање што пука на лицето на субјектот и во форма на споредба помеѓу формата на кафето и пламенот, што подоцна беше ставена покрај отпечатена слика од змеј и витез со живописни бои и квадратна форма од 68 mm. „Користам нешто препознатливо и го збогатувам со креативност за да го изненадам гледачот“ - вели тој. „Преминав на анимации и го променив опкружувањето, но концептот за креативна трансформација секогаш е основа на мојата работа“.

Во бесконечна потрага по идеи

Разнобојна слика од млада девојка која носи црвена капа за бејзбол и прави розово балонче од гума за џвакање.

Причината за континуираната популарност на Paperboyo според Rich е безрезервното експериментирање.

Разнобојна слика од млада девојка со црвена капа за бејзбол, чие лице е прекриено со розова гума за џвакање.

„Транзицијата со гума за џвакање беше само добро темпиран момент“ - објаснува Rich. „Сакав да направам видео што ќе ја импресионира публиката, но тоа да биде нешто што може секој да го направи“.

Rich знае дека треба да продолжи да експериментира со нови работи за да го задржи успехот што го постигна со Paperboyo, дури и ако направи грешки во меѓувреме. „Мислам дека е важно за надежните уметници и креатори на содржини да знаат дека ќе имаат многу неуспеси, грешки и лоши дела што ќе придонесат за да успеат“ - вели тој. „За секоја добра идеја што сум ја смислил, имав по најмалку 10 лоши идеи што морав да ги разработам за да ја добијам потребната инспирација што ќе ме одведе до подобра идеја“.

Страста за неговата уметност му помага и да го полни својот профил со фотографии што публиката ги обожува и сака да ги купи во отпечатена форма. „Често ме прашуваат „Како да успеам на Instagram?“, но јас мислам дека тоа е погрешно прашање. Треба да прашаат „Како да пронајдам нешто што сакам да го работам?“, бидејќи токму на тој начин успеав во ова.

„Тешко е да се направи транзиција од мало хоби, каде што сите успеси и неуспеси се ваши, во кариера каде што мора да дозволите туѓите мислења да ги формираат содржините“ - дополнува Rich. „Го задржав вниманието на публиката бидејќи успеав да еволуирам и да пронајдам нови насоки во кои можам да напредувам, но сето тоа се должи на мојата љубов кон работата и желбата за пронаоѓање и создавање уникатни содржини“.


Напишано од Lorna Dockerill

Слични производи

Слични написи

  • Жена печати слика на SELPHY Square QX10 од Canon. На бирото пред неа се наоѓа вертикално поставена инспиративна табла со слики од облека.

    КРЕАТИВНО ПЕЧАТЕЊЕ

    Отпечатете инстант инспиративна табла

    Подобрете ги вашите креативни проекти и дознајте како да направите инспиративна табла.

  • Мачка и коала отпечатени со печатачот PIXMA TS5350

    ПЕЧАТЕЊЕ И ИЗРАБОТКА НА МОДЕЛИ

    Забавувајте се и создавајте со @paperboyo

    Дознајте како може да ги искористите различните медиуми за да ја зголемите креативноста.

  • Познатиот пекар Matt Adlard фотографира чоколаден десерт со EOS M50 Mark II од Canon.

    ФОТОГРАФИРАЊЕ ХРАНА

    Рецепт за успех: ви го претставуваме EOS M50 Mark II од Canon

    Самоукиот пекар и ѕвезда на социјалните медиуми Matt Adlard пробува да го користи EOS M50 Mark II.

  • Чај што прска нагоре во воздухот од висока шолја со текстура ставена врз чинија.

    ФОТОГРАФИРАЊЕ ХРАНА

    Како да станете инфлуенсер за храна

    Совети за фотографирање храна од Yasmin AlBatoul, инфлуенсерка на Instagram и амбасадорка на Canon.