Canon PIXMA TS6550i: сеопфатен печатач за креативни домови

Juliet Amma е зафатен самохран родител, учителка по наука и ентузијастичен изработувач на модели, а одозгора на тоа, води мал бизнис од својот дом. Магистрирала како фармацевт и работела во таа професија десет години, а потоа станала учителка во 2019 година. Кога започна пандемијата со ковид, таа работеше од дома и го откри изработувањето модели. Ужива во изработувањето модели од винил и хартија, а и го третира тоа како семејна активност со нејзината помлада ќерка која има 9 години.

Со сето тоа, животот на Juliet е исполнет со креативност, а печатењето игра клучна улога во секој аспект - предавање, бизнис, изработување модели и семејни активности. Неодамна се надгради од претходниот печатач од Canon до Canon PIXMA TS6550i, а со нас споделува како го користи печатачот и зошто е неизоставен дел од нејзиниот дом.

Нејзиниот печатач од Canon ѝ го олеснува на Juliet создавањето на забавни и стимулирачки активности за нејзиното семејство. Забавни листови за печатење кои може да се отпечатат се широко достапни на извори како Creative Park од Canon. Изберете еден и отпечатете го директно со апликацијата Canon PRINT на вашиот телефон или таблет-уред. За сликање, Juliet препорачува да користите мат фотохартија – доволно е тешка за да можете да сликате на неа без да ја скинете, а површината со текстура одлично прима бои базирани на вода.

Juliet и ќерка ѝ направија своја боенка, проширувајќи ја идејата за отпечатени листови за активност. Избраа страници за боење со соодветна тема и ги отпечатија на хартија Black Label од Canon, за која Juliet вели дека е одлична за боење бидејќи е поцврста од обична хартија. Благодарение на напредната формула на мастилата од Canon, нема замачкување на печатената страница ако пишувате на неа, ако користите маркери или боите на неа. Таа отпечати насловна страница на сјајна хартија за насловни страници, а потоа ја врза книгата со лента.

„Мислам дека многу деца деновиве се залепени за своите електронски уреди, а ова ги одвојува од екраните“, вели Juliet. „На тој начин можеме да го направиме изработувањето модели забавно. Освен избирање слики и изработување на книгата, можеме и да боиме заедно и да имаме нешто што можеме да го чуваме и да се сеќаваме на него“.

Ваша сопствена боенка е одличен подарок за родендени, Божиќ, за враќање на училиште и за секакви други прилики, вели Juliet. „За родендени на другарчиња, ја прашувам ќерка ми што сакаат и наоѓам страници за боење врз основа на тоа, за да биде персонализирано. Им правам и мала торбичка со подароци и ја ставам персонализираната боенка во неа.

„Мојот љубовен јазик е давање подароци, поради што постојано правам подароци и честитки кои им ги давам на пријателите и најблиските“, објаснува таа.

Како друг пример, Juliet создава и друштвени игри, како „змии и скали“, за семејството и како подароци за другарчињата на ќерка ѝ. Вели дека PIXMA TS6550i е идеален за ова бидејќи може да печати до A4 без рабови. Ја дизајнира таблата за игра самата или наоѓа некоја што ѝ се допаѓа, па ја печати на подебела фотохартија. „Понекогаш користиме парички како жетони за играње или печатам и сечам мали форми и ги пластифицирам за да траат“.

Juliet открива дека настрана прави многу персонализирани подароци, а во таа персонализација често има отпечатен елемент. Може, на пример, да направи картичка за подарок со пари, со нечие лице на неа. Прави и персонализирани маички и друга облека, печатејќи ги дизајните на хартија за пренос и користи пегла за да ги пренесе дизајните на маички, комбинезони за бебиња или џемпери.

Секако, го користи печатачот PIXMA за административната работа која е неизоставен дел од секој мал бизнис, како етикети за адреса, фактури и ливчиња со благодарност. Вклучува и картички за благодарност во секоја нарачка што ја испраќа, кои ги изработува и дизајнира самата на хартија за картички или фотохартија. Нејзиниот PIXMA TS6550i е идеален за печатење на овие нешта.

„На социјалните медиуми, луѓето често се жалат дека црниот текст излегува сив или син на нивните печатачи, но овој печатач печати многу јасен и многу црн текст“. Мастилото со црн пигмент гарантира јасен текст, а Juliet смета дека многу ефикасно користи мастило. „Обично купувам XL-картриџи за мастило“, вели таа, „кои имаат повеќе мастило во картриџот и е поисплатливо“. Понатаму, вели дека PIXMA TS6550i печати документи многу брзо, а автоматската можност за двострано печатење ѝ штеди време и пари.

За печатењето да биде уште подостапно и полесно, можете да се претплатите на PIXMA Print Plan (достапна за одредени модели на печатачи, вклучувајќи го и PIXMA TS6550i во одредени региони) – плаќате фиксна месечна претплата врз основа на бројот на страниците кои ги печатите месечно, а печатачот ги следи нивоата на мастилата и автоматски нарачува соодветни мастила кога тие ќе достигнат ниско ниво. Тие се испорачуваат до вашата врата, а не плаќате ништо дополнително за мастилата или испораката - сѐ е вклучено во месечната претплата, а заштедувате до 50% на трошоците за мастило.¹

Juliet предава хемија и редовно печати прашања за пробни тестови за нејзините ученици и за себе, за да е во тек со знаењето од предметот. Околу домот, сака да печати етикети, често на налепници, за да организира и прави листи со обврски за себе - ѝ причинува поголемо задоволство да прецртува нешта од список, вели таа, од екранот на телефонот.

Печати равенки, текстови на англиски јазик и други нешта за своите ќерки, како и картички за домашна работа и повторување. Често користи потешка хартија како мат фотохартија, а понекогаш и ги пластифицира за да бидат поиздржливи. Тие многу ѝ помагаат на нејзината помлада ќерка при спелување, вели таа: „Ја гледа картичката, ја превртува, го запишува одговорот и проверува дали погодила“.

PIXMA TS6550i е толку разновиден печатач во толку компактно пакување што ги задоволува сите потреби за печатење на Juliet, но не зафаќа многу простор. „Просторот за изработување модели ми е мал“, вели таа. „Сон ми е да имам соба за изработување. Но, ако имате страст за креирање, без оглед на просторот во кој се наоѓате, максимално го искористувате. Печатачот е многу компактен и многу лесен. Мојот претходен печатач беше речиси двојно поголем. За овој печатач не ми треба голем простор. Можам да го ставам каде било. Бидејќи има безжично поврзување, не ни морам да сум во истата просторија за да отпечатам нешто од телефонот или лаптопот“.

Заедничкиот елемент во голем дел од креативните активности на Juliet е вредноста на физичкиот предмет. „Отпечатена фотографија што можете да ја држите во рака е многу поубава од слика на телефон“, вели таа. Кога станува збор за давање подароци, ништо не е подобро од персонализиран подарок како персонализирана картичка за пари или боенка. „Да бидеме искрени, колку семејни фотографии ви се заглавени на телефон и никогаш не ги гледате? Семеен албум со фотографии ги враќа тие спомени и ги претвора во нешто што можете да го држите и чувате“.

Како мајка, Juliet смета дека споделените проекти за печатење се одлична семејна активност. Можете да отпечатите друштвени игри кои можете да ги играте заедно или хартиени играчки и украси за домот кои можете да ги направите заедно. „Како семејство, имате вечери во кои одморате, но не сакате да гледате телевизија или да седите на телефоните. Времето кое го поминувам со моето семејство многу ми значи“.

За Juliet, Canon PIXMA TS6550i е клучен дел од секојдневниот живот и секакви креативни активности, од работа и изработување модели до намалување на времето поминато пред екрани за децата, поддржување на домашната работа и зближување на семејството со споделени активности. „Креативноста е бескрајна“, вели таа, а нејзиниот печатач Canon PIXMA ја реализира.


Напишано од Alex Summersby