Canon lens selector compatibility hero

Компатибилност со објективи

Има три различни типови на објективи за фотоапаратите од Canon со заменливи објективи, а тие се EF, EF-S и EF-M. Кога се работи за објективи, треба да изберете објектив кој ќе функционира со вашиот фотоапарат.

Дали е компатибилен?

Најлесниот начин за да дознаете кои објективи ги прифаќа вашиот фотоапарат е да ги погледнете индикаторите на приклучокот за објективот на предниот дел од фотоапаратот.

Canon 5DS compatibility

Едноставно отстранете го објективот од фотоапаратот со притиснување на копчето за ослободување на објективот и вртење на објективот во спротивен правец од стрелките на часовникот.

Ако видите црвен круг на приклучокот за објектив, тогаш вашиот фотоапарат прифаќа EF објективи.

Ако видите црвен круг и бел квадрат, тогаш прифатливи се и EF-S објективите.

Canon 80D compatibility

Ако видите бел круг, тоа значи дека прифаќа само EF-M објективи.

Canon M3 compatibility

Кои типови на објективи се достапни?

EF

Првиот систем на EOS фотоапарат бил изработен во 1987. Негов централен дел бил приклучокот за EF објективи, поврзувајќи ги објективите со куќиштето на фотоапаратот на целосно електронски начин за првпат. Освен физичкото поврзување помеѓу овие две компоненти, целата комуникација е електронска, овозможувајќи прецизен пренос на податоци во реално време. Canon стана првиот којшто изгради мотор кој го придвижува фокусот во секој објектив, наместо користењето на мотор во куќиштето на фотоапаратот. Дури и со постојаниот развој на системите за фокусирање, технологиите за оптичка стабилизација, специјалните елементи на објективот и заштитата од временски услови, оригиналниот дизајн на EF приклучокот останува непроменет. Сите EF објективи се компатибилни со секој произведен EOS фотоапарат, вклучувајќи ја и новата серија EOS M кога се користи со EF кон EOS M адаптер за монтирање.

EF 24-70 lens compatibility

EF-S

EF–S објективите се специјално дизајнирани за EOS DSLR моделите со покомпактен сензор – што ги прави лесни, разновидни и исклучително преносливи. Со EF–S опсегот, инженерите на Canon ја искористија предноста на големината на APS–C сензорот за да произведат објективи кои не само што се полесни и помали, туку на фотографите им нудат и многу поголем избор на широки агли. Сопствениците на фотоапарати со EF–S приклучок имаат пристап со целосната понуда на лесни објективи од 16mm до 400mm (35mm еквивалент).

EF-S 18-135 lens compatibility

EF-M

Објективите со EF-M приклучок беа претставени со оригиналната EOS M палета на фотоапарати во 2012. Со поголема компактност од палетите EF и EF-S, тие се дизајнирани исклучиво за користење со EOS M фотоапаратите. Со широк опсег од исклучително широк, до телефото и макро, тие се доволно преносливи за да ги понесете насекаде и се одличен избор за оние со покреативен пристап кон секојдневното фотографирање.

EF-M 15-45 lens compatibility
Canon browse by lens type

Пребарувајте по тип на објектив

ПРЕБАРУВАЊЕ