Никогаш не пропуштајте момент со овие најисплатливи објективи за фотографирање движења

Фотографирањето движења се однесува на фотографирање субјекти во движење, почнувајќи од миленичиња до птици во лет, од спортови до игри со топка. Бидејќи субјектот се движи со одредена брзина, може да биде тешко да ја снимите фотографијата на која се надевате, но преку користење на фотоапаратите и објективите кои се најпогодни за фотографирање движења, ќе си дадете огромна предност.

Воглавно, фотоапаратите што се најпогодни за фотографирање движења имаат напреден систем за автоматско фокусирање со многу AF-точки што ви помагаат прецизно и континуирано да следите субјекти, дури и кога се движат хаотично. Исто така, би требало да имаат брза максимална стапка на слики во режим за континуирано фотографирање, со голем капацитет на меѓумеморија за да можете да снимите поголема серија фотографии.

Во групата на идеални фотоапарати за фотографирање движења се вбројуваат EOS R6 и EOS R7 од Canon. И двата модели се карактеризираат со чувствителен и интелигентен автоматски фокус што се основа врз вештачка интелигенција со длабоко учење за следење птици, животни, луѓе, па дури и возила, а имаат и неверојатно брзи стапки на слики.

При фотографирање субјекти во движење, брзината е клучна, а екстремно брзата комуникација меѓу RF-објективите од Canon и фотоапаратите EOS R нуди многу придобивки, како што се брзината и прецизноста на следењето на автоматскиот фокус, воедно со подобрена оптичка стабилизација на слика (IS). Оптичката стабилизација на слика е мошне корисна при фотографирање со големи фокусни должини бидејќи ризикот од заматени слики поради тресење на фотоапаратот станува значително поголем. Оптичката стабилизација на слика соработува со вградената стабилизација на слика (IBIS) во самиот фотоапарат за да го спречи тресењето на фотоапаратот и да го минимизира заматувањето.

Фотографите за движења имаат за цел да му го привлечат вниманието на гледачот кон своите слики, за да му пренесат какво е искуството да се биде покрај теренот или тркачката патека, па затоа објектив со голема фокусна должина ќе ви овозможи да го исполните кадарот со вашиот субјект. Телефото објективите или објективите со извонреден телефото зум најчесто се најдобрата опција доколку фотографирате од далеку, но истото може да го постигнете и со стандардните објективи со зум доколку знаете дека ќе можете да се приближите до случувањата.

Професионален спортски фотограф најверојатно ќе користи големи спортски објективи со врвни спецификации, вклучувајќи и професионален објектив со зум и извонредни телефото објективи. Но, Canon нуди и телефото објективи од основна класа што можат да доловат движења и да обезбедат неверојатно остра и квалитетна слика. Овие се најдобрите опции кои одговараат на широк опсег на буџети.

Кога фотографирате субјекти во движење, движењето може да биде одблиску: деца или миленичиња кои си играат во градина, фотографирање движења во скејт парк, дури и стоење покрај патека на трка со мотоцикли. Во вакви ситуации, не ви е потребен голем дострел со телефото објектив, туку мал и лесен објектив би бил попрактичен.

RF 24-105mm F4-7.1 IS STM од Canon, како компатибилен објектив за целосна слика со зум, е особено компактен, има должина помала од 9 cm и тежина од само 395 g. Лесен е за складирање и ви нуди слобода да го следите движењето колку сакате, без да ви тежи. Брзиот автоматски фокус е потпомогнат од рамномерен и тивок STM-мотор, а оптичката стабилизација на слика со 5 чекори ви овозможува да користите релативно мали брзини на блендата (на пример, при поместување на фотоапаратот со главниот субјект) без ризик од заматување на фотографиите поради тресење на фотоапаратот.

Чест проблем при фотографирањето субјекти во движење е тоа што не знаете точно каде нешто ќе се случи. На пример, додека стоите покрај гол на аматерски фудбалски натпревар, во еден момент ќе се обидувате да фотографирате како некој фудбалер се обидува да блокира друг, а во следниот момент ќе се обидувате да снимите случка до голот. Менувањето помеѓу телефото и широкоаголни објективи може да биде причината поради која ќе ги пропуштите важните моменти.

Поради огромниот опсег на зумирање до 10х на RF 24-240mm F4-6.3 IS USM од Canon, тој е идеален за вакво фотографирање бидејќи нуди секакви резултати, почнувајќи од широкоаголни фотографии па сè до моќен телефото зум. Ако го користите овој објектив за целосна слика со EOS R7 од Canon, кој има помал APS-C-сензор, ќе го зголемите тој дострел и ќе добиете еквивалентен приказ како со објектив со зум од 38.4-384 mm на фотоапарат за целосна слика.

Покрај тоа што објективот го следи движењето со својот голем опсег на зумирање, тој исто така има неверојатно брз систем со нано USM-мотори за автоматски фокус и стабилизација на слика со 5 чекори, уредно спакувани во компактно и лесно куќиште.

Иако понекогаш движењата се случуваат во близина, најчесто ќе фотографирате оддалеку. Ова особено се однесува на настани со публика, од атлетика до моторни спортови. Изоставајќи ги широкоаголните и стандардните фокусни должини, може да изберете објектив што нуди единствено перформанси за телефото.

Неверојатно компактниот RF 70-200mm F4L IS USM од Canon докажува дека телефото објективите не мора да бидат големи и тешки. Благодарение на дизајнот на вовлекување, кога е вовлечен е помал од 12 cm за лесно складирање, а тежи само 695 g и покрај тоа што има издржлив квалитет и заштита од лоши временски услови како серијата L.

Брзата решетка од f/4 која останува постојана низ целиот опсег на зумирање и неверојатно брзиот автоматски фокус со два Nano USM-мотори се меѓу најистакнатите карактеристики.

Најчесто, при фотографирање спорт и диви животни, не може да се приближите толку колку што би сакале. Дури и објектив со зум од 70-200 mm или објективот RF 24-240mm F4-6.3 IS USM од Canon може да нема доволен телефото дострел. Потребен ви е извонреден телефото објектив за да ја покриете далечината.

RF 100-400mm F5.6-8 IS USM од Canon ви дава двојно поголем телефото опсег од објектив со зум од 70-200 mm, а сепак е компактен и многу лесен, со тежина од само 635 g. Секогаш постои ризик од намалена острина поради тресење на фотоапаратот при телефото фокусни должини, но стабилизацијата на слика овозможува остри рачно снимени фотографии и јасни видеоснимки. Неверојатно брзиот нано USM-мотор за автоматско фокусирање е неверојатно способен да следи движења, а ако 400 mm сè уште не ви нудат доволно голем дострел, објективот е компатибилен со додатокот за продолжување RF 1,4x и додатокот за продолжување RF 2x од Canon.

Телефото објективите и објективите со извонреден телефото зум ви овозможуваат разновидност при прилагодување на видното поле кога сте ограничени на една положба за снимање, како кога сте дел од публиката на спортски настан или кога се криете при фотографирање диви животни. Во други прилики, потребен ви е колку што е можно поголем телефото опсег, а тогаш опсегот на зумот станува бескорисен. Типично сценарио е снимање птици во лет или диви животни во далечина.

Револуционерниот RF 600mm F11 IS STM од Canon претставува идеална алатка за да ја завршите потребната работа. Благодарение на вовлекувачкиот дизајн, должината при носење му е помала од 27 cm и тежи само 930 g. Практичен е дури и за долги периоди на рачно фотографирање, во кои оптичката стабилизација на слика со 5 чекори помага при обезбедување доследна острина. Доколку ви треба поголем дострел, користете го RF 800mm F11 IS STM од Canon, а и двата објективи можат да се користат со додатокот за продолжување RF 1,4x и додатокот за продолжување RF 2x од Canon.

Ако треба да го замрзнете движењето на многу брзи субјекти, тоа може да го постигнете само со големи брзини на блендата. За моментално замрзнување на брзите движења ви требаат брзини на блендата поголеми од 1/2000 сек. Доколку немате силно природно светло, ова може да претставува проблем. Едно решение е да ги зголемите поставките на ISO на вашиот фотоапарат, но тогаш постои ризик од зрнести фотографии поради појава на шум во сликата и губење детали.

Доколку можете да си го дозволите, RF 70-200mm F2.8L IS USM од Canon е најдоброто решение. Неговата постојана решетка од f/2,8 нуди голема брзина на блендата дури и при слабо осветлување, низ целиот опсег на зумирање. Уште една предност е тоа што може да го изолирате главниот субјект во сцената преку заматување на заднината.

Моделите што ги дискутиравме овде се совршени за фотографирање движења бидејќи се лесни, едноставно се ракуваат и одговараат на широк опсег на буџети. Затоа, независно дали планирате да стоите покрај теренот на аматерски фудбалски натпревар или да фотографирате спортист кој брзо трча по патека, во понудените опции сигурно има објектив што ќе одговара на вашите потреби. Сè што останува е да излезете, да се обидете да фотографирате и да ги откриете сите можности.



Напишано од Matthew Richards