Најдобри објективи од Canon за фотографирање храна

Фотографирањето храна е одличен начин да експериментирате со вашиот фотоапарат од Canon, но не само поради тоа што на крајот од сесијата ќе можете да го изедете субјектот што сте го фотографирале. Внимателно позиционирајте ги состојките, приспособете го осветлувањето и прилагодете ги поставките за да добиете прекрасни фотографии од храна.

Секако, има опрема и предмети што можат да ви помогнат да извлечете максимален квалитет од вашиот фотоапарат. Стативот може да ви помогне кога фотографирате храна од горна страна во формат со хоризонтален распоред, при слаба осветленост или кога фотографирате на екстремно мала оддалеченост, но и објективите од Canon со стабилизација на слика (IS) можат да ви помогнат во вакви ситуации. Ако ја надополните опремата со блиц Speedlite од Canon или друг вид на вештачко осветлување, тогаш ќе добиете повеќе креативни опции за снимање фотографии од храна со професионален изглед.

Купувањето подобар објектив има најголемо влијание врз фотографирањето на храната. Голем број објективи имаат доволно кратко фокусно растојание за да ги доловат малите детали, но само вистински макро објектив може да ви понуди зголемување од најмалку 1x. Тоа значи дека субјектот ќе се сними во сензорот со сооднос од 1:1 или во реална големина кога објективот е поставен на неговиот минимален фокус.

Макро објективот е идеален за откривање на скриените текстури, интересните шеми и дискретните структури на храната што инаку се незабележливи, но тоа не е сè кога станува збор за фотографирањето храна. Тука ќе ги разгледаме најдобрите објективи за фотоапаратите EOS од Canon.

Може да се користи со: фотоапарати со EOS R-систем

Одликувајќи се со видно поле што не е премногу широко ниту премногу тесно, објективот RF 50mm F1.8 STM од Canon е соодветен за различни агли за фотографирање. Овој објектив со максимална решетка f/1,8 ви нуди одлична контрола врз длабочината на полето, овозможувајќи ви да изолирате одредени елементи од вкусните оброци и да создавате заматени и уметнички заднини кога фотографирате фронтално, дијагонално или странично. Исто така, широката решетка пропушта многу светлина за да можете да фотографирате во услови со недоволно осветлување, како ресторани со затемнети светилки.

RF 50mm F1.8 STM е евтин објектив од основна класа кој е дел од палетата на објективи за целосна слика од Canon со EOS R-систем и кој има обложена асферична леќа што нуди острина дури до рабовите на кадарот - ова е многу корисно кога фотографирате слики со исполнет кадар од висока перспектива. Компактен, лесен и моќен додаток во опремата на секој фотограф за храна.

Првиот макро објектив EF-S од Canon што може да создаде слики во реална големина и што е одличен прв избор за фотографите за храна. Тој е мал, лесен, нуди остар приказ и има голема максимална решетка што овозможува полесно позиционирање на субјектот помеѓу прекрасно заматена заднина и предметите во преден план на сликата.

Одликувајќи се со агол на гледање што е еквивалентен на објектив од 96 mm со f/2,8 вграден во фотоапарат за целосна слика, објективот EF-S 60mm f/2.8 Macro USM од Canon ќе ви понуди поголем „дострел“ за да можете да снимате фотографии со исполнет кадар од поголема оддалеченост. Ова не само што значи дека веројатноста да направите сенка врз субјектот е помала, туку ќе можете и полесно да ги изолирате сите вкусни залчиња на чинијата.

Повеќенаменскиот макро објектив RF 35mm F1.8 MACRO IS STM од Canon е дизајниран за фотоапаратите за целосна слика без огледало EOS R од Canon и може да снима широкоаголни слики од маса со храна и слики одблиску со двојно помал сооднос од реалната големина - и сè останато измеѓу.

Тој е доволно мал и лесен за да се користи без статив, а технологијата Dual Sensing за стабилизација на слика со 5 чекори ќе ви помогне да извлечете максимум од импресивната моќ за обработка на објективот.

Како и другите објективи во серијата RF од Canon, така и RF 35mm F1.8 MACRO IS STM од Canon има приспособлив прстен за контрола на предната страна на цилиндарот, на кој може да му доделите важна контрола за фотоапаратот како што е решетката, ISO или компензација на експозицијата. На тој начин ќе можете лесно и прецизно да ја прилагодувате таа поставка со брзо вртење на прстенот. Оваа функција е достапна и при користење објективи EF со фотоапарати EOS R, со помош на Адаптерот за монтирање објективи со контролен прстен EF-EOS R од Canon.

Користете го овој објектив со EOS RP од Canon за да ги искористите придобивките што ги нуди функцијата за фокусирање со групирање на фотоапаратот за да внесете ново ниво на острина во вашите фотографии од храна.

Нудејќи зголемување од 1,4x, објективот RF 100mm F2.8L MACRO IS USM ќе ги истакне дури и најситните детали кај големите оброци, а неговата оптика од серија L нуди врвен квалитет на слика. Со максимум 8 чекори за компензација кога е прикачен на фотоапарат со вградена стабилизација на слика (IBIS) како што е EOS R6 од Canon, објективот создава неверојатно остри и рачно снимени слики, дури и при слаба осветленост. Освен тоа, релативно долгата фокусна должина од 100 mm ќе ви овозможи да се оддалечите повеќе за разлика од објективите со пократка фокусна должина. На овој начин ќе можете полесно да поставувате светилки, рефлектори и друга дополнителна опрема, а вашиот објектив нема да се замагли кога ќе фотографирате жешка храна.

RF 100mm F2.8L MACRO IS USM од Canon нуди неверојатно брзо автоматско фокусирање благодарение на брзиот RF-приклучок, како и бесшумен мотор Dual Nano USM кој е идеален за хибридните фотографи за храна што снимаат и видеозаписи. Исто така, опремен е со прстен за контрола на сферичната аберација кој ќе ви овозможи да ги прилагодувате ефектите на дефокусирање и меко фокусирање за да добиете креативни слики од храна.

Објективот RF 85mm F2 MACRO IS STM од Canon е поевтин од сличниот модел со зум од 100 mm и претставува одличен избор за фотографите за храна на кои им треба објектив со краток телефото опсег и функции за макро.

Иако е малку поширок од моделот со 100 mm, овој објектив нуди малку поголема флексибилност за обликување на кадарот во тесен простор. Благодарение на неговиот телефото „опсег“, зголемување од 0,5x и минимално растојание на фокусирање од 35 cm, тој нема проблем да се доближи до субјектите. Објективот има голема максимална решетка од f/2 и хибридна стабилизација на слика со 5 чекори што овозможуваат чисти и остри резултати во секакви услови на осветлување. Исто така, има оптички слој Super Spectra што ги намалува одблесоците и отсјајот - практично во ситуации кога осветлувањето тешко се контролира, на пример, на настани за храна на отворен простор.

Кога станува збор за мали вредности во опсегот за фокусирање, секој милиметар прави значителна разлика. Ако ви треба повеќе простор и движењето ви е ограничено, на пример, кога снимате во мал ресторан или фотографирате многу предмети одозгора во хоризонтален распоред, огромната ширина на RF 16mm F2.8 STM од Canon може да биде разликата помеѓу успешна и неуспешна фотосесија. Дали сте загрижени за изобличувањето со стеснување предизвикано од широката решетка? Не грижете се: сите фотоапарати EOS R од Canon, вклучувајќи ги и EOS R, EOS RP и EOS R6 од Canon, имаат вградена корекција на изобличување со која вашите слики ќе изгледаат природно.

Овој неверојатно компактен објектив, што тежи само 165 g, има минимално фокусно растојание од само 13 cm, што е пократко дури и од некои макро објективи, за да можете да се доближите максимално до деталите. Исто како и другите примарни објективи на листава, така и RF 16mm F2.8 STM има осветлена максимална решетка која нуди флексибилност за длабочината на полето и осветлувањето.

Одликувајќи се со опсег на зумирање од 24 mm до 105 mm, повеќенаменскиот објектив RF 24-105mm F4-7.1 IS STM од Canon е совршен за сите положби од кои ќе фотографирате. Со минимално фокусно растојание од само 13 cm и зголемување од 0,5x при рачно фокусирање на 24 mm, тој ќе им понуди одлични перформанси на фотографите за храна кои сакаат да снимаат вкусни слики одблиску.

Најинтересните карактеристики за RF 24-105mm F4-7.1 IS STM се можеби неверојатно големиот опсег на зумирање и стабилизацијата на слика со 5 чекори кои се вградени во куќиште со должина помала од 9 cm и тежина од само 395 g. Благодарение на овие мали димензии, објективот лесно може да се носи во компактни торби за опрема и овозможува лесно рачно фотографирање со сигурни и остри резултати.



Напишано од Marcus Hawkins