СНИМАЊЕ ВИДЕОБЛОГОВИ

Светот е простран: видеоблогерката за патувања Chloe Gunning го тестираше RF 16mm F2.8 STM од Canon

Дознајте зошто извонредно широкиот и достапен RF-објектив е совршен за снимање видеоблогови за патувања, за време на прошетката на Wanderlust Chloe низ градот.
Canon Camera

Chloe Gunning е една од најдобрите видеоблогерки за патувања во Обединетото Кралство. Таа работела во музичката индустрија за независна радиостаница и зад сцената на ТВ-емисија за таленти, но во 2014 година одлучила дека е време за промена. Оттогаш го истражува светот со својот фотоапарат и создава блогови и видеоблогови под псевдонимот Wanderlust Chloe, споделува приказни, совети и слики од целиот свет.

Досега Chloe го користеше EOS M50 од Canon (сега е заменет со новиот EOS M50 Mark II од Canon). „Секогаш сакав да го користам за мојот блог за патувања“ - вели таа. „Тој е одличен повеќенаменски систем со солиден квалитет и е лесен за користење. Омилена карактеристика ми е неговата компактност за патување, а има и екран што се врти кој е идеален за снимање видеоблогови и автопортрети“.

Пред да сними водич за патување во англискиот град Бристол, Chloe го користеше системот EOS R од Canon. Системот R е дизајниран за креатори кои секогаш бараат нови начини за прикажување на нивните содржини, а на видеоблогерите и инфлуенсерите им нуди пристап до сè поголема палета на висококвалитетни RF-објективи, вклучувајќи го и најновиот член на серијата RF од Canon - RF 16mm F2.8 STM од Canon. Новиот извонредно широк објектив RF може да снима пространи перспективи, има брза максимална решетка од f/2,8 и нуди многубројни креативни можности.

Chloe го сними својот градски видеоблог со EOS R6 од Canon за целосна слика, но RF 16mm F2.8 STM од Canon, кој тежи само 165 g, би бил идеален компактен партнер и за фотоапарати EOS R од основна класа, како што е малиот и лесен EOS RP од Canon.

Извонредно широк приказ

Користењето на RF 16mm F2.8 STM од Canon за снимање видеоблогови нуди многу придобивки. Прво, неговиот извонредно широк приказ овозможува полесно доловување на вашето опкружување кога снимате автопортрети. „Многу сакам да користам извонредно широки објективи за снимање видеоблогови, бидејќи можат да снимат многу голема површина во една слика“ - потврдува Chloe. „Можам визуелно да раскажам одлична приказна кога гледачите гледаат поголем дел од локацијата околу мене за која говорам.

„Беше идеален за сликите што ги снимав за време на патувањето со брод во Бристол“ - објаснува таа. „Имаше неколку моменти кога седев странично на бродот и се снимав како гледам наоколу и говорам. Извонредно широкиот објектив можеше да сними многу голем дел од моите опкружувања, вклучувајќи и цели редови на разнобојни куќи, музејот SS Great Britain и други бродови што минуваа покрај мене“.

Млада жена стои на брод и го држи EOS R6 од Canon со статив со држач, во заднина се гледаат река и куќи.

На Chloe многу ѝ се допадна тоа што можеше да опфати голем дел од сцената во своите снимки. „Мислам дека доживувањето за гледачите е пореално, речиси можат и самите да се замислат во снимките“ - вели таа.

Овој широк приказ е практичен и во ситуации кога работите во релативно тесни простории, на пример, кога снимате видеоблогови од спалната или кујната и не можете физички да се поместите наназад за да добиете поширока перспектива. Широкоаголните објективи, како што е RF 16mm F2.8 STM од Canon, ќе ја опфатат сцената максимално.

Широкоаголните објективи често се прв избор за фотографирање пејзажи, а тоа е аспект што Chloe го истражи кога снимаше панорамски сцени во Бристол. „Фотографирањето од опсерваторијата Клифтон и околу мостот Клифтон беше одлично“ - вели таа. „Можев да снимам слики што го прикажуваат целиот мост, клисурата Авон и целиот град одеднаш. Тоа е масивен приказ и затоа е импресивно што објективот има таква перспектива!“

Практичен дизајн за патувања

Слика на која се гледа грбот и рамото на млада жена која оди низ покриен пазар, се снима себеси со фотоапаратот EOS R6 од Canon.

Благодарение на екранот на допир со променлив агол, сензорот за целосна слика, можноста за снимање видео со 4K/60p, стабилизацијата на слика што е водечка во нејзината класа и компактниот дизајн, EOS R6 од Canon е фотоапарат за снимање видеоблогови што е практичен за патувања и може да снима видеоснимки и фотографии од светска класа. „Ги користев стативот со држач HG-100TBR од Canon и стерео микрофонот DM E-100 за да добијам систем за лесно снимање видеоблогови додека се движам низ градот“ - вели Chloe. „Воглавно, повеќето поставки на фотоапаратот беа оставени на автоматски“.

Млада жена седи на маса, се смее и држи сендвич со разни зеленчуци блиску до фотоапаратот кој е поставен на стативот со држач HG-100TBR од Canon врз маса, во форма на мини статив.

Стативот со држач HG-100TBR од Canon може да се користи на два начина, како ергономски држач за една рака со вградени контроли за далечинска контрола на фотоапаратот и како статив што нуди стабилност кога треба и двете раце да ви бидат слободни. Тој има држач за прикачување надворешни микрофони како што е стерео микрофонот DM-E100 од Canon.

За сесијата во Бристол, Chloe го опреми својот EOS R6 со стативот со држач HG-100TBR од Canon за да може полесно да се снима со една рака, а тој може и да се преклопи и да се претвори во стабилен мини статив.

RF 16mm F2.8 STM од Canon е опремен со речиси бесшумен чекорен мотор (STM) за автоматско фокусирање, поради што е одлична опција кога сакате да снимате видео со фотоапаратот или да снимате амбиентални звуци. За да добие најдобар можен квалитет на звук при снимањето, Chloe го приклучи компактниот стерео микрофон DM-E100 од Canon во приклучокот за блиц на фотоапаратот. Овој микрофон може да се поврзе преку приклучокот за звук од 3,5 mm на фотоапаратот, а доколку е потребно, може да се прикачи и на држачот со статив HG-100TBR што има наменски држач за микрофон, овозможувајќи ви да приклучите друга дополнителна опрема во приклучокот за блиц на фотоапаратот.

Дури и во комбинација со EOS R6 за целосна слика, Chloe се увери дека системот со лесниот RF 16mm F2.8 STM од Canon беше многу лесен за ракување. „Се изненадив кога видов многу слични функции како на мојот EOS M50 во однос на системот“ - додаде таа. „Лесно ги наоѓав потребните поставки во менијата бидејќи беа дизајнирани на сличен начин“.

Во однос на функциите, Chloe вели дека EOS R6 бил „одлично подобрување од тоа што била навикната да користи досега“. Сите фотоапарати EOS R од Canon нудат многу придобивки поради широкиот приклучок RF за објективи кој овозможува побрза комуникација помеѓу фотоапаратот и објективот, го минимизира тресењето на фотоапаратот и нуди повеќе креативни можности. Новата генерација на објективи RF нуди и подобри перформанси при слаба осветленост и напредни функции за автоматско фокусирање, а тоа значи дека ќе можете да снимате прекрасни содржини на сите локации и во секое време од денот или ноќта.

Брз и повеќенаменски

Млада жена стои пред градска сцена и се снима себеси со EOS R6 од Canon и објектив RF 16mm F2.8 STM од Canon.

„Користев две опции: снимање со 30 fps и снимање со 60 fps, со 4K-резолуција и за двете опции“ - објаснува Chloe. „Сакав сите придружни снимки да имаат филмски изглед, а знаев дека со 60 fps ќе можам да ги забавам снимките за да создадам многу убав ефект“.

Млада жена стои пред широк приказ на длабока клисура низ која се простира мост.

Chloe максимално ја искористи широкоаголната перспектива на објективот RF 16mm F2.8 STM од Canon за да сними прекрасни панорами од познатиот мост во Клифтон и клисурата Авон. Снимено со EOS R6 од Canon и објектив RF 16mm F2.8 STM од Canon.

Chloe сними различни видеоснимки со фотоапаратот, како и многу дополнителни снимки за да ја раскаже приказната на денот. „Бристол е убав град за вакви снимања бидејќи располага со различни локации како крајбрежје, разнобојна улична уметност, преполни пазари, места за продажба на храна и секако препознатливите места за набљудување на клисурата околу Клифтон. Сакав да создадам видеоблог што ќе биде одличен вовед за сите кои за прв пат го посетуваат градот“.

Некои простории во кои фотографираше Chloe беа релативно темни, но брзата максимална решетка на RF 16mm F2.8 STM од Canon, заедно со врвните перформанси при слаба осветленост на EOS R6 ѝ понудија повеќе опции. „Можноста за снимање со f/2,8 резултираше со посветли и поостри видеоснимки со помалку шум. Тоа ми помогна и при снимањето одредени слики во текот на денот. Помалото присуство на шум во фотографиите ми го олеснува животот кога станува збор за уредување“.

Млада жена го насочува фотоапаратот EOS R6 од Canon со објектив RF 16mm F2.8 STM од Canon кон растение во продавница.

За да создаде чисти композиции во преполните пазари и продавници во Бристол, Chloe често избираше да фокусира детали. Можноста на објективот RF 16mm F2.8 STM од Canon да фокусира на растојание од дури 13 cm ѝ понуди многу повеќе креативни опции.

Млада жена, фотографирана одзади, го насочува фотоапаратот EOS R6 од Canon кон пулт со разнобојни салати во чинии.

Тенкиот и достапен објектив RF 16mm F2.8 STM од Canon нуди неверојатен квалитет со широко видно поле.

RF 16mm F2.8 STM може да фокусира на растојание до 13 cm - ова е функција што може да понуди разновидни опции при снимањето видеоблогови. „Иако објективот е многу широк, ми се допаѓа тоа што може да фокусира толку блиску“ - додава Chloe. „Тоа ми помогна кога снимав во пазарот St Nicholas во Бристол, бидејќи сакав одблиску да ја доловам храната што беше за продажба. Со овој објектив можев да снимам детали како текстурата и живописноста на салатата од моркови. Многу беше практично и брзото поместувањето на фокусот од преден план во заднина, без загуби во квалитетот“.

Квалитетот на сликата, секако, е најважен. Тоа е нешто што ќе ви помогне да ги подобрите вашите видеоснимки и фотографии во однос на огромната количина на содржини снимени со телефон. Одликувајќи се со девет елементи на објективот, вклучувајќи асферична леќа за остри слики со контраст, RF 16mm F2.8 STM од Canon внесува живописни бои во локациите, независно дали ги снимате разнобојните улици во Бристол или прекрасните плажи во Сардинија. Користете го со EOS R6 или со EOS RP од Canon и ќе добиете совршен систем со кој ќе можете да зачекорите во светот на висококвалитетните видеоблогови за патувања.



Напишано од Marcus Hawkins

Слични производи

  • Широкоаголен објектив

    Canon RF 16mm F2.8 STM

    Компактен, достапен и извонредно широкоаголен објектив за целосна слика со фокусна должина од 16 mm што е наменет за серијата EOS R и дизајниран за видеоблогери и креатори на креативни содржини.

  • Фотоапарати без огледало

    EOS R6

    Без разлика што фотографирате и како фотографирате, EOS R6 ќе ви овозможи да бидете креативни на начини што никогаш досега не сте знаеле дека постојат.

  • Фотоапарати без огледало

    EOS RP

    Мал, лесен и интуитивен фотоапарат без огледало за целосна слика што е дизајниран за секојдневно фотографирање и фотографирање при патувања.

  • Аудио

    Стерео микрофон DM-E100

    Снимајте одличен звук без напор со мал стерео микрофон што се приклучува едноставно и секогаш е подготвен за снимање.

  • Статив

    Статив со држач HG-100TBR

    Фотографирајте подолго со поголема стабилност и креативна флексибилност благодарение на овој уникатен статив со држач и отстранлив далечински управувач.

  • Фотоапарати без огледало

    EOS M50 Mark II

    Создадете висококвалитетна содржина за вашата публика и внесете го својот креативен стил во сликите, видеоснимките или проследувањето во живо.

Слични статии