Повторно во училиште: 5 начини да се организирате со отпечатени материјали

Секоја година истото. Се чини дека летниот распуст ќе трае цела вечност, давајќи ви многу време да ги завршите досадните организациски задачи кои навидум никогаш не се завршуваат за време на понапорните месеци - налепници со имиња за на униформи, календар со распореди, складиште за скапоцени творби.

Но, постојат спортските кампови, одморите во странство и еднодневните патувања на море, и така, пред да трепнете, време е да се вратите во училиште. Мама Elisha, пред ќерка ѝ India да тргне во училиште, навреме дозна дека оваа година може да биде поинаква. Серијата практични печатачи и хартиени производи од Canon нуди многу решенија, од етикети до магнети што можете да ги отпечатите, за да можете да се организирате пред да заѕвони училишното ѕвонче - и целото семејство може да се вклучи.

Ќе ви треба:

• Печатач од Canon што одлично работи со креативни апликации и хартија. Овде го користевме печатачот од серијата PIXMA TS7450 на Canon и компактниот SELPHY CP1500 од Canon, бидејќи двата модели нудат безжично и професионално креативно печатење во различни големини.
• Апликација за креативно печатење. Апликацијата SELPHY Photo Layout од Canon за палетата SELPHY нуди голем број распореди и опции за персонализација. Апликацијата Easy-PhotoPrint Editor им нуди огромен избор на готови шаблони за фотографии на корисниците на PIXMA, додека апликацијата Canon Creative Park содржи стотици креативни дизајни.
• Креативна хартија за печатачи. За SELPHY CP1500, изберете различни големини со или без самолеплива задна страна. Хартијата за пренос на слики врз ткаенини со пеглање од Canon (за светли или темни ткаенини), магнетната фотохартија од Canon и мат фотохартијата им нудат повеќе креативни опции на корисниците на PIXMA.

Да бидеме реални, училишните торби, маички и прибори многу личат едни на други, па затоа, зошто да не додадете мотиви изработени по желба за да му помогнете на вашето дете лесно да ја најде својата опрема на крајот од денот?

Creative Park, бесплатниот софтвер со ресурси од Canon, нуди многу забавни шаблони што можете да ги симнете и отпечатите со печатач PIXMA од Canon на пренос на слики врз материјали со пеглање со големина А4, достапни за светла или темна ткаенина. И децата можат да се вклучат со тоа што ќе изберат дизајн што соодветствува со нивниот карактер - можеби преку комбинирање на нивните иницијали со омилено животно како кит или папагал. India се реши за дизајн на топка за кошарка и нејзините иницијали за да ја приспособи својата торба.

Штом ги отпечатите, внимателно исечете ги дизајните со ножици, а потоа следете го лесно разбирливиот водич што се испорачува со хартијата за пренос за да ги испеглате на вашите ткаенини.

Прочитајте повеќе за користење на хартија за пренос на слики врз материјали со пеглање од Canon во нашиот напис за приспособување на вашата гардероба со печатење врз текстилни материјали.

Деновиве, многу училишта ги замолуваат децата да носат свои шишиња за вода секој ден. Но, поради дизајните на еднорози, диносауруси и популарни ликови од цртани филмови, лесно е да се измешаат, нешто што Elisha и India брзо ќе го откријат.

Употребете го компактниот печатач SELPHY CP1500 од Canon за да создадете свои приспособени етикети за шишиња, кутии за ужинка и футроли за очила со налепниците SELPHY од Canon. Апликацијата SELPHY Photo Layout од Canon има опција за распоредување етикети што ви овозможува да изберете фотографија од камерата на вашиот телефон и да ја приспособите со текст, печати и бои. Исто така има и опција за мини етикети што ви овозможува да отпечатите осум помали слики - идентични или различни - на еден лист.

Метална кутија за ужинка? Нема проблем - едноставно употребете го вашиот печатач PIXMA од Canon за да ги отпечатите вашите етикети на магнетна фотохартија од Canon како замена. Налепниците ќе се залепат за површината и можете да ги отстраните кога треба да ја миете кутијата.

Уметност во понеделник, игри во вторник, наука во среда. Доволно е тешко да следите сè што децата и тинејџерите во вашиот дом треба да запомнат за разните лекции што ги учат во текот на неделата, а тоа е пред да стигнете до воншколските клубови и активности, од пливање до пеење, од флејта до школа за шумарство.

Печатењето на распоредите на вашите деца и закачување на табла со белешки или на фрижидерот на сите ви овозможува да видите што треба децата да носат со себе секој ден. Веќе нема потреба од трчање на рецепција за да оставите пар заборавени чевли за фудбал.

Исто така, можете да отпечатите календари преку апликацијата Easy-PhotoPrint Editor во која можете да додадете роденденски прослави, дружења или други претстојни семејни настани, како и да забележите кој ги носи децата на училиште и кој ги враќа од училиште на кој било ден.

Децата често се враќаат дома натоварени со рачно направени творби. Можеби сакате да ги ставите тие творби во кутии во поткровјето - налепници со името на вашето детенце или особено сладок портрет од нив, нивната возраст или годината ќе ви бидат корисни за да можете да ги организирате и полесно да ги најдете кога децата ќе бидат малку повозрасни и ќе посакате да се потсетите на вашите спомени.

Пред да ги ставите во ризница за чување, зошто да не ги фотографирате вашите омилени творби и да ги отпечатите користејќи ја палетата фотохартии од Canon, како што тоа го направи Elisha, претворајќи ги во долготрајни и висококвалитетни отпечатени материјали? (Ако вашиот печатач има скенер, тогаш можете да го скенирате цртежот и да го отпечатите.) Потоа можете да ги ставите во рамка и да ги закачите во собите на вашите деца, или да ги подарите на баба и дедо.

Дури би можеле некои да ги отпечатите на магнетна фотохартија од Canon за да ги закачите на фрижидерот, со што не мора да се грижите дека оригиналот ќе се извалка или скине. Поради големината на хартијата, што е само 10 х 15 cm, ќе можете да изложите голем број уметнички дела наеднаш.

Младите можат да ја користат апликацијата SELPHY Photo Layout за да дизајнираат и печатат свои обележувачи за да не заборават на која страница застанале во учебникот што го читаат во тој момент.

Одберете ја опцијата Распоред за обележувачи и големина на поштенска картичка (100 х 148 mm) и потоа одберете дали сакате вашите одбрани слики - сè од вашите омилени животни до мини отпечатени материјали од вашите одмори - порамнети на горниот или долниот дел од обележувачот.

Корисниците на PIXMA можат да најдат однапред дизајнирани обележувачи со разни животни на веб-страницата на Creative Park. Дури има и слатки опции во форма на куќи.

Едноставно печатете и сечете со печатачите SELPHY и PIXMA.

Опцијата Распоред за обележувачи во апликацијата SELPHY Photo Layout е исто така практична за печатење фотографии за документи за автобуски картички или членски картички од библиотека.

Со печатач и хартија од Canon, овие задачи не мораат да бидат здодевни. Изберете проект и претворете го во забавна и креативна активност за творење во која целото семејство може да се вклучи на дождливо попладне.


<sup>* Компатибилност со хартија за пренос на слики врз светли материјали со пеглање LF-101: PRO-100/PRO-100S, серија TS (освен серијата TS31xx/серијата TS20x), серијата TR (освен серијата TR45xx), серијата MG77xx/серијата MG75xx/серијата MG68xx/серијата MG67xx/серијата MG57xx/серијата MG56xx/серијата MG36xx, серијата iX68xx

Компатибилност со хартија за пренос на слики врз темни материјали со пеглање DF-101: PRO-100/PRO-100S, серијата TS (освен серијата TS31xx/серијата TS20x), серијата TR (освен серијата TR45xx), серијата G (освен серијата GM40xx/серијата GM20xx), серијата MG77xx/серијата MG75xx/серијата MG67xx, серијата iP87xx/серијата iX68xx</sup>


Напишано од Rachel Segal Hamilton