Паметни начини на кои може да го користите безжичниот печатач

На секој дом му треба печатач. Независно дали работите далечински, управувате со мала компанија или студирате од дома, животот е полесен ако имате сигурен безжичен печатач.

Најдобрите печатачи за домашни канцеларии се флексибилни. Печатењето, скенирањето и копирањето се дел од секојдневната работа за моќните уреди во хибридните работни места, но тие треба да бидат подготвени и за најразлични потреби во секојдневниот живот. Веројатноста е голема да бидат користени за секакви задачи, почнувајќи од печатење семејни фотографии и поштенски етикети од паметен телефон, па сè до скенирање сертификати од семејното дрво и создавање честитки.

Но, тоа не значи дека печатачите треба да бидат големи функционални кутии. На пример, погледнете го Canon PIXMA TS7550i. Овој безжичен печатач има елегантен и компактен дизајн, кој лесно може да се постави на тесни полици или мали работни маси. Сите фахови за хартија се достапни од предната страна, што значи дека може да го ставите на тесно место без да оставате дополнителен простор за ракување со хартијата. Но, не е важен само изгледот - тој нуди големи брзини за печатење во боја и црно-бел формат и неверојатно остар текст, благодарение на употребата на мастило со црн пигмент.

Безжичните печатачи од Canon се лесни за поставување и лесни за користење. Со опциите за поврзување преку Wi-Fi и апликациите како што е апликацијата Canon PRINT, може да ги контролирате функциите на печатачот преку вашиот паметен телефон или таблет-уред - но повеќе информации за тоа подоцна. Поставувањето е едноставно со помош на апликацијата за паметни телефони или со онлајн водичот за поддршка од Canon - треба само да го пронајдете бројот на моделот на вашиот печатач и да ги следите чекорите во водичот.

Во денешните паметни домови, сите уреди се поврзани - паметни телефони, таблет-уреди, лаптопи, паметни телевизори и многу повеќе - и вашиот печатач треба да биде дел од таа група. Поврзете печатач со Wi-Fi од Canon во вашата домашна мрежа и ќе може да печатите сè што ви е потребно од секоја соба. Печатењето од паметен телефон не е веќе новитет, туку новиот стандард, а со помош на апликациите за печатачи од Canon ќе може да печатите или скенирате директно од вашиот телефон или таблет-уред - и многу повеќе. Со Cloud Link од Canon може да праќате скенирани содржини кон, или да печатите од, популарните Cloud-услуги како Dropbox, Google Drive и Microsoft OneDrive.¹ Исто така, може да ги печатите омилените фотографии директно од социјалните мрежи како Facebook и Instagram.

Ако работењето од дома е дел од вашите потреби, тогаш печатачите со Wi-Fi лесно ќе ги задоволат и вашите потреби за печатење од домашната канцеларија. Освен тоа што е корисен за печатење писма и етикети за секојдневни потреби, печатачот може да ви помогне и да бидете попродуктивни и ефективни. Со читање на отпечатен материјал помала е веројатноста вниманието да ви го одвлечат известувања на екранот или дојдовни е-пораки. Исто така, не треба да заборавите дека на вашите очи им требаат чести паузи за одмор од екранот. Нудејќи поголеми брзини на печатење и врвен квалитет на печатење, печатачите Canon PIXMA TS7550i, TS6550i и TS4150i ќе ви помогнат и за важните документи за работа и за семејните проекти.

Серијата PIXMA G3470 (погледнете го видеото погоре) поддржува Wi-Fi и е идеална за паметни домови, а нуди комбинација од печатење, скенирање и фотокопирање со резервоари за мастило со голем капацитет, со кои може да отпечатите до 6.000 црно-бели документи и 7.700 документи во боја.² Системот MegaTank од Canon овозможува и лесно дополнување мастило, со практични и високоефикасни шишиња со мастило кои не создаваат неред. PIXMA G4470 има автоматски механизам за снабдување со документи за скенирање и фотокопирање повеќе страници без напор.

Професионалците не се единствените што може да уживаат во придобивките од користењето безжичен печатач во домот. Услугата Cloud Link на Canon нуди поддршка и за Google Classroom¹, што значи дека е корисна и за ученици и студенти. Google Classroom е наменет да ја олесни комуникацијата помеѓу професорите и студентите. Користењето на Cloud Link со Google Classroom им овозможува на студентите да печатат листи од предметите кои ги студираат и да печатат задачи директно од екранот на печатачот или од нивниот паметен уред преку апликацијата Canon PRINT. Дополнителна придобивка за професорите е тоа што може лесно да ги печатат списоците на ученици во класовите.

Ако сте студент кој е навикнат да користи паметни звучници, како Alexa³ или Google Home¹, за да го контролира осветлувањето, телевизорите или собната температура со гласовни команди, тогаш ќе се воодушевите од палетата на безжични печатачи од Canon кои се компатибилни со гласовна контрола. Може да им кажете да печатат содржини како листови со линии, листови со петолиние, страници за боење и многу повеќе. Треба само да кажете: „Alexa, ask Canon printer to print a checklist“,⁴ и тоа е сè. Не треба да бидете во истата соба со печатачот - може да бидете во кујната и да подготвувате појадок, да ги миете забите во бањата или да лежите во кревет...

Пронајдете повеќе информации за печатење преку гласовни команди со помош на Alexa и со помош на Google Home.

Ако сакате најголема практичност, разновидност, ефикасност и креативност, Canon нуди многубројни бесплатни апликации и софтвери кои ќе ви обезбедат подобро безжично печатење. Со апликацијата Canon PRINT може да печатите, копирате и скенирате безжично од паметните уреди, како и да ги менувате поставките за печатење, да вршите рутинско одржување, да ги проверувате нивоата на мастилата и да нарачувате нови мастила без напор. Исто така, може да се претплатите на услугата PIXMA Print Plan (достапна за одредени модели на печатачи во одредени региони) - плаќате фиксна месечна претплата врз основа на бројот на страниците кои ги печатите месечно, а печатачот ги следи нивоата на мастилата и автоматски нарачува соодветни мастила кога тие ќе достигнат ниско ниво, а ќе ви бидат испорачани до вашата врата.

Како што веќе видовме, апликациите од Canon за печатење од мобилни уреди овозможуваат полесно печатење - директно од вашиот телефон кон безжичниот печатач. Кога работите од дома или на терен, ако ја користите апликацијата Canon PRINT со услугата Cloud Link на Canon, ќе можете да се поврзете безжично со печатачот во канцеларијата за да ги споделувате документите со другите членови од персоналот. Исто така, ќе можете далечински да ги скенирате документите со помош на камерата на вашиот паметен телефон и потоа да ги отпечатите во канцеларијата или, пак, да ги скенирате документите преку печатачот и да ги испратите кон паметен телефон. Може да работите и на двата начини.

Заради поголема креативност, апликацијата Easy-PhotoPrint Editor ви нуди опција да ги претворите дигиталните фотографии во стилски отпечатени материјали и уникатни подароци, користејќи шаблони за календари, картички, постери и многу повеќе.

Тука е и онлајн услугата PosterArtist за создавање сопствени постери, реклами и летоци. MegaTank-печатачите MAXIFY GX3040 и MAXIFY GX4040 се особено добри за оваа намена, бидејќи имаат рамен влезен фах на задната страна што овозможува создавање реклами со должина до 1,2 m и печатење врз картонски медиуми со дебелина до 0,7 mm.

Наменет за компјутери со Windows, софтверот Easy-Layout Editor е практичен модул за драјверите на печатачот што нуди прегледување содржини на екранот заради подобро распоредување и печатење повеќе слики. Дури и ако не сакате да преземате апликации, печатачите од Canon што се компатибилни со Chromebooks, Apple AirPrint и Mopria^® за Android ви овозможуваат да ги поврзете и да печатите безжично преку вградените протоколи за печатење на вашиот паметен телефон и таблет-уред.

Заклучокот е дека печатачите со Wi-Fi и апликациите од Canon се создадени да работат заедно беспрекорно. Од физичките контролни панели на печатачите до функциите и интерфејсите на апликациите - сè е дизајнирано да биде лесно и интуитивно за користење, а притоа да ви обезбеди слобода за извршување најразлични задачи за скенирање и печатење на најбрз и најлесен можен начин. Со Canon како ваш партнер, безжичното печатење е најлесно.