ФОТОГРАФИРАЊЕ ДВИЖЕЊА

Подобрете ги вашите вештини на фотографирање движење со блицовите Speedlite

Едноставното трепкање на светлина од блицот Speedlite на Canon може да ви отвори целосно нов свет на иновативни техники за фотографирање движење. Откријте како да го извлечете максимумот од ова практично парче опрема.
Canon Camera

Фотографирањето со блиц може да изгледа како тешка задача, но во суштина, блицот е многу едноставно парче опрема. Неговата цел е да истакне одредени делови од фотографијата со внесување на светлина во вистинскиот момент. Во одредени случаи може да имате потреба од блиц бидејќи фотографирате во темни услови, но во други, можете да го користите во комбинација со амбиентална светлина за да постигнете специфичен ефект. Блицот Speedlite отвора голем број на креативни можности, особено при фотографирањето движење и спорт. Можете да го замрзнете движењето, да го заматите, па дури и да ги доловите двата ефекта во една фотографија.

Ако досега не сте користеле блиц или, пак, барате нови начини за надградување на креативните техники за осветлување , еве неколку совети како да го користите Speedlite за снимање неверојатни фотографии од акциони спортови.

1. Замрзнете го движењето со брза синхронизација

Максималната брзина на блендата кај многу фотоапарати е ограничена на 1/200 сек кога се користи блиц, што може да е многу бавно за да може да се замрзнат субјектите што се движат брзо. И покрај тоа, ако фотоапаратот и блицот се компатибилни, како EOS RP од Canon и Speedlite 600EX II-RT од Canon коишто се користат тука, можете да снимате во режим на брза синхронизација (HSS). Ова овозможува користење на многу поголема брзина за блендата.

За да снимите луѓе коишто се движат со нормална брзина, доволно е да користите брзина за блендата од 1/250 сек, додека ако субјектот се движи малку побрзо, како некој што трча или вози скејтборд, подобро е да користите брзина од 1/1000 сек со цел да го снимите дејството без заматување. Проблемот при користењето на режимот HSS е што блицот мора да активира серија незабележително брзи пулсирања за да се усогласи со двете завеси од блендата на нашиот фотоапарат, што значи дека максималната јачина на блицот се намалува со зголемувањето на брзината на блендата. И покрај тоа, HSS е незаменлив за осветлување на субјектот кога фотографирате движење.

2. Внесете длабочина со употреба на надворешен блиц

За да го користите блицот одделно од фотоапаратот, можете да користите безжичен прекинувач за блиц, како Speedlite-предавателот ST-E3-RTод Canon и Speedlite-предавателот ST-E3-RT (вер. 2) од Canon. Откако ќе го поставите Speedlite на држач или статив, поставете го блицот во режим TTL во којшто се врши автоматско усогласување на јачината на блицот со експозицијата, или, пак, поставете го во рачен режим, а потоа снимете пробни фотографии за да ја постигнете потребната јачина на блицот за вашиот субјект.

3. Намалете ја експозицијата на амбиенталната светлина за да го истакнете субјектот

Маж фотографира жена којашто изведува движење со скејтборд, а скејтбордот се превртува додека таа скока.

При снимање со намалена експозиција во услови на амбиентална светлина се создава темна и меланхолична атмосфера во којашто субјектот јасно се гледа штом се осветли од Speedlite.

Кога го комбинирате блицот со дневна светлина, можете да експериментирате со соодносот помеѓу двата извори на светлина. На пример, можете намерно да употребите недоволна експозиција за опкружувањето осветлено со дневна светлина и да користите блиц за експозиција и изолирање на субјектот. За да го постигнете ова, немојте да го вклучувате блицот и поставете рачна експозиција којашто ја намалува експозицијата на амбиенталната светлина за да добиете мрачна и меланхолична атмосфера. Вклучете го блицот и поставете го во рачен режим.

Направете неколку пробни снимки за да ја прецизирате потребната јачина на блицот за она што го фотографирате. За да се придуши силната дневна светлина на овој начин, потребно е да користите голема јачина за блицот, поради што ве советуваме да започнете да снимате со максимална јачина од 1/1, а потоа да ја намалите ако ви изгледа дека е преголема. Покрај промената на јачината на блицот, можеме да ја прилагодиме и јачината на светлината со приближување или оддалечување од субјектот. На овој начин, Speedlite ни овозможува да го осветлиме субјектот со сноп мистична светлина.

4. Поставете го блицот на синхронизација со задна завеса за да додадете траги

Со активирање на блицот при долга експозиција, можете да создадете динамична мешавина од заматување и острина. Движењето низ кадарот создава заматување, а краткиот блиц го замрзнува субјектот во момент којшто трае само дел од секундата во рамки на избраната експозиција. Можете да изберете да го активирате блицот на почетокот или на крајот од експозицијата. Најчесто, најдобро е да го поставите блицот во режим на задна завеса за да се активира на крајот. На овој начин, заматувањето ќе создаде трага зад субјектот. За да го користите режимот на задна завеса, притиснете го копчето за синхронизација на вашиот Speedlite од Canon додека да се покаже иконата со три стрелки.

5. Користете блиц при фотографирањето со поместување за да доловите остри субјекти

Со поместување на фотоапаратот заедно со субјектот можете да добиете извонредна комбинација од заматување и острина. Ако го погодите вистинскиот момент, субјектот ќе биде остар, а сè околу него ќе се замати. Поместувањето можете да го направите и без блиц, но со блицот ќе добиете поостар и попрецизно дефиниран субјект. Поставете го блицот на режим за синхронизација со задна завеса, а потоа користете режим за приоритет на бленда и поставете ја брзината за блендата на околу 1/30 сек (или поголема за субјекти коишто се движат побрзо, како автомобили). Кога ќе бидете подготвени, поместувајте го фотоапаратот во насока на движењето. Можеби ќе треба да се обидете повеќепати додека да добиете остар субјект, но вреди да се потрудите бидејќи на крајот ќе успеете да доловите чувство на брзина и движење.

6. Користете пулсирачки блиц за создавање споени фотографии

Режимот MULTI е креативна поставка на Speedlite во којашто се активираат последователни брзи пулсирања. Кога се користи заедно со долга експозиција, можете да го снимите субјектот во неколку положби низ фотографијата. Проблематичниот дел, како и кај двојната експозиција, е преклопувањето и мешањето на посветлите области. Затоа најдобро е да ги фотографирате субјектите на темна позадина или навечер и да ги доловите како се движат од едната до другата страна.

Откако ќе ги усовршите овие техники, побарајте дополнителна инспирација од професионалниот фотограф на адреналински спортови и амбасадор на Canon, Lorenz Holder, и дознајте ги неговите професионални совети1 за користење блиц за фотографирање движење или следете го професионалниот фотограф на движење, Dave Mackison којшто снима со Speedlite EL-12.

Напишано од James Paterson

  1. Достапно само на англиски јазик.
  2. Достапно само на одредени јазици.

Слични производи

Слични статии

  • ФОТОГРАФИРАЊЕ ДВИЖЕЊА

    Доловување движење со фотографии

    Научете како да снимите движење и како да внесете чувство на движење во вашите слики.

  • ОСНОВИ ЗА ФОТОГРАФИРАЊЕ

    Фотографирање со поместување за почетници

    Научете како да го користите поместувањето за да снимите подобри фотографии од движење со помош на следните врвни совети.

  • ФОТОГРАФИРАЊЕ ДВИЖЕЊА

    Најдобри објективи за фотографирање движења

    Нашиот водич за најдобри објективи за фотографирање движења.

  • ОСНОВИ ЗА ФОТОГРАФИРАЊЕ

    Совети за брзината на блендата

    Усовршете ја брзината на блендата со нашиот водич за почетници и снимајте подобри слики од движења.