ОСНОВИ ЗА ФОТОГРАФИРАЊЕ

Совети и техники за поуспешно поместување на фотоапаратот при фотографирањето

Усовршете го методот на поместување при фотографирањето и внесете чувство на движење во вашите фотографии.
Canon Camera
Од замрзнување на субјекти коишто се движат брзо на динамична позадина до доловување чувство на движење при снимање на побавни субјекти, со техниката на фотографирање со поместување ќе внесете движење и драматичност во вашите фотографии.

Со техниката на поместување можете да додадете нов елемент во фотографиите со кој било фотоапарат. Не мора секогаш да снимате субјекти коишто се движат со голема брзина. Поместувањето можете да го користите за да им припишете чувство на движење на субјектите коишто се движат релативно бавно бидејќи со заматување на движењето ќе изгледаат како да се движат многу побрзо отколку што реално се движат.

1. Што претставува поместувањето во фотографијата?

A skier speeding down a snowy mountain.
Поместувањето е креативна техника којашто може да создаде чувство на вистинско движење при фотографирањето движење. Ако го замрзнете предметот што се движи брзо со користење на бленда со голема брзина, предметот ќе изгледа како статуа и фотографијата нема да ја отслика драматичноста на моментот. Но ако користите помала брзина на блендата и го движите (или поместувате) фотоапаратот со истата брзина како и предметот, ќе снимите фотографија во којашто предметот што се движи ќе биде остар, а позадината и другите фиксни предмети ќе се заматат рамномерно.

Освен што внесувате чувство на брзина, поместувањето ви овозможува да снимите и поостра слика од предметот што се движи и да го привлечете вниманието на гледачот, како и да прикриете непривлечна позадина. Без разлика која ви е целта, поместувањето е многу корисна вештина, а тајната за совладување на импресивното поместување е во вежбањето. За поместувањето треба да имате добра контрола врз фотоапаратот, а за тоа ви е потребно искуство.

Спортовите во коишто спортистите се движат по патеки се добра прилика за вежбање на техниките на поместување бидејќи атлетичарите, коњите, крос-мотоциклистите или тркачките автомобили поминуваат пред вас при секој круг, со што имате повеќе шанси да ги усовршите вештините. Дома, децата или миленичињата коишто си играат во дворот се одлична можност за снимање на субјекти во движење.

2. Поставки за фотографирање со поместување

Елен трча низ поле, а позадината е заматена со поместување на фотоапаратот.

Благодарение на комбинацијата од бавна бленда и брзо движење на фотоапаратот којшто го следи предметот, техниката на поместување можете да ја користите за фотографирање диви животни за да снимите остри слики од раздвижени животни во коишто ќе доловите чувство на движење. Фотографирано со EOS 350D од Canon (којшто е сега заменет со новиот EOS 850D) со избрани 1/50 сек, f/20 и ISO 100.

Изберете го режимот со приоритет на бленда (Tv) или целосниот рачен режим (M), а потоа изберете брзина на блендата.

Идеалната брзина зависи од повеќе фактори: брзината на движење на субјектот, растојанието помеѓу вас и субјектот, објективот што го користите и интензитетот на ефектот на заматување што сакате да го постигнете. Започнете да снимате со брзина на блендата од околу 1/60 сек и намалувајте ја сè додека не ја усогласите со движењето. За поголемо заматување обидете се со брзина од 1/30 сек или помала, а за помало заматување, со 1/125 сек. Не заборавајте да ја исклучите стабилизацијата на објективот, освен ако не фотографирате со објектив со функција за стабилизација на сликата во режим 2 бидејќи во тој случај треба да ја користите. Во овој режим системот за стабилизација на слика ќе го коригира вертикалното тресење, но не и хоризонталното движење на фотоапаратот додека го следите движењето.

За некои субјекти ќе мора да употребите поголема брзина на блендата за да не се заматат целосно. На пример, за тркачки автомобил најверојатно ќе треба да користите поголема брзина на блендата отколку за велосипедист. Ќе постигнете заматување и со брзина на блендата од 1/200 или 1/400 сек ако субјектот се движи брзо и успеете да го следите додека се движи.

Ако снимате во рачен режим, за да постигнете добра експозиција, ќе треба да ја поставите и решетката. Во режимот за приоритет на бленда (Tv), фотоапаратот автоматски го поставува овој аспект.

Поставете го режимот за погон на режим за континуирано фотографирање. Освен што ќе имате поголеми шанси да го доловите важниот момент, ќе го минимизирате и тресењето на фотоапаратот што настанува при притиснување на копчето за блендата.

3. Планирање и фокусирање на фотографиите со поместување

Жена снимена во скок додека трча по патека за време на трка со пречки со користење на техника за поместување на фотоапаратот.

Спортот е идеална прилика за вежбање на техниките за фотографирање со поместување, без разлика дали субјектот трча или вози на патека. Фотографирано со EOS-1D X Mark II од Canon (којшто е сега заменет со новиот EOS-1D X Mark III од Canon) и објектив EF 400mm f/2.8L IS III USM од Canon, со избрани 1/30 сек, f/8 и ISO 640. © Jaime de Diego

Велосипедист на градска улица со зграда од цигли и пешак во позадината којашто е заматена со поместување на фотоапаратот.

Со совладување на техниката на поместување ќе снимате извонредни фотографии дури и од денски сцени во коишто субјектите ќе изгледаат остро и како да се движат брзо. Фотографирано со PowerShot G1 X Mark III од Canon со избрани15 mm, 1/20 сек, f/10 и ISO 100.

Позадината на вашата фотографија треба да биде заматена, што значи дека одредени делови ќе бидат помалку значајни. Од друга страна, целокупните бои играат важна улога во фотографијата бидејќи го обликуваат кадарот за вашиот субјект. Обидете се да најдете позадина којашто ќе биде во контраст со субјектот за да може полесно да го истакне и да овозможи создавање на заматени ленти при снимањето. Снимете неколку пробни фотографии без субјектот за да видите дали постои можност да направите добра фотографија. Хоризонталните линии, како на пример ограда или работ на патот, ќе внесат структура во фотографијата и пореално чувство на брзина. Ако снимате во услови со слабо осветлување, заматените светла од позадината ќе внесат драматичност во фотографиите.

За да го спречите фотоапаратот да го промени фокусот за време на поместувањето, следете го субјектот со користење на автоматскиот фокус во режимот AI Servo AF. Во зависност од тоа колку сте оддалечени од дејството, можеби ќе треба да експериментирате за да утврдите дали ќе постигнете подобри резултати со AF во една точка или со AF на зона.

4. Подобрете ја техниката на поместување

Мал автомобил се движи по пат и поминува покрај згради коишто се заматени со поместување на фотоапаратот.

Техниката на поместување на фотоапаратот ќе ви помогне да ја доловите атмосферата на брз град и ќе внесе реално чувство на луѓе или возила коишто се движат брзо. Фотографирано со PowerShot G9 X Mark II од Canon со избрани 1/15 сек, f/7,1 и ISO 125.

Кафеаво куче трча низ поле, а позадината е заматена со поместување на фотоапаратот.

Одличната техника на поместување ви овозможува да снимите движење и истовремено да ја доловите возбудата во моментот, а можете да ја користите за снимање на вашите деца додека играат фудбал во дворот или вашето куче додека трча низ паркот. Прочитајте повеќе совети за снимање движење. Фотографирано со EOS 7D од Canon (којшто е сега заменет со новиот EOS 7D Mark II од Canon) со избрани 1/160 сек, f/5,6 и ISO 160. © Hoi Ling Mak

  1. Застанете пред избраната позадина со стапалата во ширина на рамената за да заземете стабилна положба. При поместувањето треба да се движи само горниот дел од телото, па додека го следите дејството виткајте се само во делот на половината.
  2. Во режимот на континуирано фотографирање, притиснете го копчето за блендата кога субјектот е сѐ уште оддалечен од саканата точка и продолжете да снимате додека не ја помине.
  3. Следете го вашиот објект со рамномерно движење, но не само додека фотографирате. Следете го пред да започнете да го фотографирате, додека фотографирате и откако ќе завршите, а притоа обидете се да се стабилизирате вие и фотоапаратот најмногу што можете, како и да ги минимизирате вертикалните движења и движењата на закосување. За подобри резултати, ви препорачуваме да го користите визирот (ако имате визир на фотоапаратот) наместо LCD-екранот.

Не грижете се ако првите слики не ви излезат добро бидејќи поместувањето се усовршува со вежбање. Ќе го совладате преку снимање многу фотографии и анализирање на причините зошто некои изгледаат подобро од останатите. На пример, можеби користите погрешна брзина за блендата или субјектот е премногу заматен. Потоа ќе примените сè што сте научиле на следните фотографии.

Секако, ако субјектот е совршено фокусиран и позадината е рамномерно заматена, успешно сте ја совладале техниката. Фотографирањето со поместување е многу забавно и сигурно ќе сакате да се обидете повторно.

A man cycling down a street with the lights around him blurred.
Откако ќе ја усовршите техниката на поместување преку ден, експериментирајте навечер со внесување траги од светлина во вашите фотографии со поместување.


Напишано од Marcus Hawkins

Слични производи

Слични статии

  • Траги од светлина од автобус замрзнати во даден момент на прометна улица во Мадрид, Шпанија.

    ФОТОГРАФИРАЊЕ ДВИЖЕЊА

    Доловување движење со фотографии

    Научете како да снимите движење и како да внесете чувство на движење во вашите слики.

  • БРЗИНА НА БЛЕНДАТА

    Совладајте ја брзината на блендата

    Овие 5 основни совети ќе ви помогнат да ја усовршите брзината на блендата за да фотографирате субјекти во движење и да го подобрите начинот на кој фотографирате движења.

  • ФОТОГРАФИРАЊЕ НА ОТВОРЕНО

    5 најдобри совети за доловување надворешни активности

    Дознајте како да снимате покреативни слики со движења од секојдневните авантури со советите од професионалниот фотограф Tom Bing.

  • ФОТОГРАФИРАЊЕ СПОРТ

    Фотографирање спорт „насочи и фотографирај“

    Професионалниот фотограф Molly Darlington истражува како може да ги фотографирате големите спортски настани со џебен фотоапарат.