EOS R8 Mark II е идеален фотоапарат од Canon за патувања. Компактен, лесен и стабилизиран, овој фотоапарат е лесен за рачно користење долги временски периоди. Стабилизацијата на сликата на фотоапаратот работи заедно со објективите IS од Canon за да овозможи уште поголема заштита од тресењето на фотоапаратот, така што ќе може да снимате поостри слики во движење: независно дали фотографирате историски градби во градови, прекрасни глетки на одмор или луѓе што ги запознавате на патување со автомобил.

Да, EOS R8 Mark II е одличен повеќенаменски уред за фотографирање пејзажи, како и за фотографирање при патувања, фотографирање диви животни и фотографирање портрети. Неговиот сензор за целосна слика овозможува да се доловат размерот и деталите на широките сцени, од планински пејзажи до прекрасни морски пејзажи. Како мал фотоапарат без огледало од Canon, тој е лесен за носење до видиковци и далечни локации, додека стабилизацијата на сликата ви овозможува рачно да снимите поостри слики при фотографирање на изгрејсонце и зајдисонце или во други услови со слаба осветленост.

EOS R8 Mark II не нуди само формат за целосна слика со неверојатен квалитет, туку е создаден и за брзина - овозможувајќи ви брзо да реагирате кога фотографирате движења. Тој се одликува со напредна технологија за автоматско фокусирање што обично ја имаат професионалните фотоапарати без огледало од Canon, вклучувајќи и интелигентно откривање субјекти што препознава луѓе, животни и возила и ги следи со подобрена постојаност - фокусот на фотоапаратот постојано ќе биде заклучен дури и ако се моментално прекриени.

Пред-континуираното снимање за фотографии и пред-снимањето за видео се особено корисни при фотографирање субјекти што се движат брзо, бидејќи EOS R8 Mark II започнува да снима уште пред целосно да го притиснете копчето за активирање на блендата или за снимање.

Со овозможено пред-континуирано фотографирање, можете да снимате слики околу половина секунда пред да снимите кадар - овозможувајќи ви избор од 20 слики при снимање со 40 fps2. Исто така, зголемената меѓумеморија поддржува најмногу 73 RAW-датотеки (над 30 % повеќе од EOS R8) или 190 JPEG-слики (речиси 60 % повеќе од EOS R8) во една серија.

Ова ги зголемува шансите да го доловите одлучувачкиот момент при фотографирање непредвидливи движења - од средби со диви животни на сафари до други неповторливи моменти при патувањата што може да исчезнат за миг.

Фотоапаратите со сензор за целосна слика нудат импресивен квалитет на слика, особено кога фотографирате при слаба светлина. Ако фотографирате настан во затворен простор или туристичка дестинација по зајдисонце, тие може да создадат појасни слики со помалку видлив шум и поширок динамички опсег што овозможува да се задржат деталите и на темните и на светлите површини од сцената.

Тие овозможуваат полесно постигнување мала длабочина на полето, овозможувајќи му на субјектот да се издвои наспроти рамномерно заматена заднина. Ова е особено ефективна техника за портрети, слики одблиску и други слики на кои сакате да го привлечете вниманието кон специфични детали во сцената.

Особено важно е што фотоапаратите со сензор за целосна слика ви овозможуваат да фотографирате пошироки перспективи. Фотоапаратите со APS-C-сензор снимаат помала површина од сликата што ја проектира објективот, па затоа сликата опфаќа помал дел од сцената. Иако ова може да биде предност при фотографирање птици и други далечни субјекти, фотоапаратите со сензор за целосна слика ви овозможуваат да опфатите пространи пејзажи, висока архитектура и пространи ентериери без да треба да се оддалечувате.

Да, EOS R8 Mark II има нов дизајн што го комбинира едноставното ракување во стил на EOS со подобрен распоред на контролите и интелигентна автоматизација, овозможувајќи ви да се фокусирате на најважното: субјектот, приказната и креативната замисла. Како што се зголемува вашата самодоверба, можете лесно да преминувате од целосно автоматски во целосно рачен режим.

Подобрувањата во дизајнот вклучуваат повеќенаменски контролор што ви овозможува полесно да ракувате со фотоапаратот - како брзо поместување на AF-точката до друг субјект во сцената или движење низ менијата на фотоапаратот за да промените поставка.

Интелигентните функции вклучуваат Приоритет за регистрирање луѓе. Ова ви овозможува да регистрирате најмногу 10 луѓе во фотоапаратот (со дополнителни 10 групи од по 10 луѓе зачувани на мемориската картичка) и да ги подредите по важност, така што фотоапаратот автоматски ќе ги следи и ќе ги фокусира.