БРЗИНА НА БЛЕНДАТА
Еден од начините за прилагодување на целосната експозиција на сликата е менување на брзината на блендата на вашиот фотоапарат. Промените можат да се искористат и на креативен начин, овозможувајќи ви да го контролирате нивото (или отсуството) на заматување во вашите слики.
Овде ви нудиме пет совети што ќе ви помогнат да ја совладате брзината на блендата и да преземете поголема контрола врз начинот на кој фотографирате движења, без разлика дали фотографирате училиштен спортски ден со фотоапарат без огледало EOS M или моторни спортови со EOS DSLR.
Повеќето фотоапарати EOS имаат режим за специјални сцени „Спорт“ што автоматски ќе ги прилагоди поставките за експозиција и фокусирање на фотоапаратот за да фотографирате субјекти во движење. На тој начин ќе добиете одлични резултати, но може и да преземете поголема контрола доколку сакате да бидете креативни, да создадете одреден ефект или да се прилагодите според специфични околности, како на пример, кога фотографирате рачно некој субјект што се движи брзо од голема оддалеченост.
За директна контрола на брзината на блендата, поставете го фотоапаратот во режим за приоритет на блендата (или Tv, што значи вредност за време). Потоа може да ја поставите брзината на блендата со ротирање на главното вртливо копче на фотоапаратот или преку екранот на допир што е составен дел на многубројни EOS-фотоапарати, вклучувајќи ги и EOS M6 Mark II од Canon и EOS 90D од Canon. Вашиот фотоапарат автоматски ќе го прилагоди отворот на блендата за да создаде стандардна експозиција. Максималната брзина на блендата кај фотоапаратите EOS изнесува или 1/4000 сек. или 1/8000 сек., а најбавната брзина на блендата што може да се постави автоматски изнесува 30 секунди.
Треба да земете предвид две работи кога ја избирате брзината на блендата: дали брзината е доволно голема за да се избегне заматување предизвикано од движењето на фотоапаратот при рачно фотографирање - познато и како „тресење на фотоапаратот“ - и колку брзо се движи субјектот.
Брзината на блендата што е потребна за да ги избегнете ефектите од тресењето на фотоапаратот зависи од повеќе фактори, вклучувајќи и дали користите објектив со вградена стабилизација на слика (IS) и колку е ветровито времето. Но сепак, најважниот фактор е фокусната должина на објективот. Колку повеќе зумирате, толку позабележително станува тресењето.
Општо правило за елиминирање на овој проблем е да се обидете да користите брзина на блендата што ќе биде еквивалентна на ефикасната фокусна должина или поголема брзина. На пример, за објектив од 50 mm треба да користите брзина од 1/50 сек. или поголема, а за објектив од 200 mm треба да користите брзина од 1/200 сек. или поголема. Потоа треба да ја земете предвид и брзината на субјектот - продолжете да читате!
Брзината на блендата што е потребна за да го замрзне субјектот во движење зависи од тоа колку субјектот е оддалечен од фотоапаратот, правецот во кој се движи и неговата брзина, но најверојатно ќе ви треба поголема брзина на блендата отколку што мислите. Со брзина на блендата од 1/250 сек. може да замрзнете субјект што се движи бавно, како некој човек кој пешачи, но за да замрзнете човек кој трча, тогаш ќе ви треба брзина на блендата од 1/500 до 1/1000 сек. Ќе бидете приморани да ја зголемите брзината до 1/1000 или дури 1/4000 сек. за да добиете остри фотографии од побрзи субјекти како птици во лет или брзи автомобили.
Споредете ги овие слики од мотор во движење. Ќе забележите дека моторот и возачот се заматени со брзина на блендата од 1/200 сек. и ќе добиете општ впечаток на движење без никакви детали, а со брзината од 1/1000 сек. сите детали се остри и движењето е замрзнато.
Бидете подготвени да ја зголемите вредноста на ISO за да можете да користите поголеми брзини на блендата, особено кога фотографирате спорт и диви животни.
Лошата страна на замрзнувањето на движењата е тоа што се добива впечаток дека нема движење. Сликите од субјектите во движење најчесто изгледаат подинамични ако субјектот е остро фокусиран, а заднината заматена. За да го постигнете овој ефект, проверете дали брзината на блендата е доволно мала за да добиете заматување, а потоа движете го фотоапаратот заедно со субјектот, со истата брзина со која што се движи субјектот. Тоа се нарекува поместување.
Брзината на блендата што ќе ви биде потребна ќе зависи од тоа колку брзо се движи субјектот и колкаво ниво на заматување сакате да добиете. За да имате поголема шанса за остро фокусирање на субјектот, поставете го режимот за AF во AI Servo или Servo, бидејќи на тој начин фотоапаратот континуирано ќе ги прилагодува поставките за да го задржи фокусот врз субјектот што се движи. Објективите со вградена оптичка стабилизација на слика ќе вршат компензација за секое „вертикално“ тресење на фотоапаратот додека го поместувате фотоапаратот хоризонтално и обратно. Ако вашиот објектив има преклопник за IS-режим, тогаш поставете го преклопникот во положбата 2 за фотографирање со поместување - на овој начин ќе се стабилизираат вертикалните движења, но ќе се создава заматување поради хоризонталното движење.
Користете релативно долга експозиција - на пример, подолга и од една секунда - за намерно да ја заматите сликата. Меѓутоа, на овој начин може да предизвикате прекумерна експозиција на сликата, а за да го избегнете тоа треба да користите помал отвор на блендата (поголем f-број, како f/16 или f/22), помала вредност за ISO или ND-филтер за да го ограничите количеството светлина што влегува во фотоапаратот. Сега ќе можете или да го поместувате фотоапаратот за време на експозицијата (што ќе ја замати целата фотографија) или да користите статив за да го фиксирате фотоапаратот и да ги заматите само подвижните делови на сликата. Пробајте ја втората техника за да добиете помеки бранови и помеко течење на водата во некој пејзаж или за да ги заматите возилата што се движат и толпите луѓе во некоја градска сцена.
За експозиции подолги од 30 секунди треба да го користите режимот Сијалица. Некои фотоапарати од Canon имаат опција „B“ на вртливото копче за режими, а кај некои треба да го изберете режимот „M“ (Рачно) за да се прикаже режимот „СИЈАЛИЦА“ во листата со брзини на блендата. Употребата на далечински тајмер или жичен далечински управувач е многу корисна бидејќи го елиминира ризикот од потреси предизвикани од притиснување на копчето за блендата. Може да ја користите и апликацијата Canon Camera Connect за да го контролирате вашиот фотоапарат далечински преку паметен телефон.
Напишано од Marcus Hawkins
Максимално опремен DSLR-фотоапарат што овозможува доближување до целта, побрзо фотографирање и снимање извонредни слики со 32,5 мегапиксели.
Пренослив и моќен фотоапарат без огледало со резолуција од 32,5 мегапиксели и брзина на континуирано фотографирање до 14 fps.
Зачекорете во иднината со иновативната технологија на овој модерен и компактен фотоапарат без огледало што нуди разни опции за поврзување.
Најлесниот DSLR-фотоапарат во светот со подвижен екран*, опремен со DIGIC 8 од Canon и функции за снимање 4K-видео и креативна помош.
Комбинација од DSLR-квалитетот и практичноста на паметните телефони во паметно куќиште кое може да го понесете каде и да одите. Снимањето извонредни фотографии никогаш не било полесно и позабавно.
Get Inspired е најголемиот извор на практични совети за фотографирање, водичи за купување и информативни интервјуа - сè што ви е потребно за да го пронајдете најдобриот фотоапарат или најдобриот печатач и да ја реализирате вашата следна креативна идеја.
Назад до сите совети и техникиФОТОГРАФИРАЊЕ ДВИЖЕЊА
Ако субјектот во фотографијата со брзи движења е замрзнат, брзината и драматичноста може да не се забележат. Поместувањето претставува едноставен начин да се врати возбудата. Еве како да го направите тоа.
ФОТОГРАФИРАЊЕ СПОРТ
Можете да снимате одлични фотографии во локални паркови, патеки, терени или дури и на големи настани. Еве неколку врвни совети за фотографирање спорт.
ФОТОГРАФИРАЊЕ ДВИЖЕЊА
За да снимате фотографии со движења треба да направите избор помеѓу замрзнување на движењето ИЛИ да дозволите креативното заматување да ја прикаже идејата за движење на вашите фотографии. Туторот за Canon, Brian Worley, ги споделува неговите совети за снимање движења.