ОСНОВИ ЗА ФОТОГРАФИРАЊЕ

Водич за спојување фотографии со различен фокус наменет за почетници

Откријте ги функциите во фотоапаратите со EOS R-систем што го поедноставуваат спојувањето фотографии со различен фокус, со совети од макро фотографот Matt Doogue.
Целосно обработена група од 100 слики што прикажуваат слика одблиску од пердув на паун, фотографиран од Matt Doogue со функцијата за фокусирање со групирање и за одредување на длабочината во самиот фотоапарат Canon EOS R10.

Спојувањето фотографии со различен фокус е метод на фотографирање при кој снимате повеќе снимки при малку различни фокусни растојанија („групирање“), а потоа ги спојувате или „групирате“ во единечна слика, за поголем дел од субјектот или сцената да е во фокус. Можете да ги комбинирате сликите со софтвер за уредување или со алатките за спојување фотографии со различен фокус во самиот фотоапарат во фотоапаратите од Canon.

Кога снимате многу блиску до вашиот субјект, обично користите широка решетка (мал f-број) за да пропуштите колку што е можно повеќе светлина. Меѓутоа, ова ви дава многу мала длабочина на поле, што значи дека голем дел од субјектот или сцената е надвор од фокусот. Спојувањето фотографии со различен фокус може да открие многу скриена убавина и сложени детали во макро фотографирањето, но, исто така е и идеално за пејзажи кога сакате сеопфатна острина во сцената.

Со повеќе од една деценија искуство во фотографирање за природни публикации, професионалниот макро фотограф Matt Doogue е експерт за рачно спојување фотографии со различен фокус. Меѓутоа, револуционерните функции во фотоапаратите без огледало со EOS R-систем може да ви помогнат да го постигнете истиот резултат без никакво уредување. Користење на вградените функции за фокусирање со групирање и спојување на Canon EOS R7 и EOS R10, можно е да добиете неверојатни слики одблиску со минимален напор.

Избирање на најдобрата опрема за макро за почетници е важно за спојување фотографии со различен фокус, но ви требаат и практични начини за користење. Во овој водич, откријте како Matt користи спојување фотографии со различен фокус за неверојатни снимки од природата - рачно и во самиот фотоапарат. Со неколку совети за тоа како да фотографирате макро и најновите производи во палетата на Canon EOS R, и вие наскоро ќе снимате моќни и неверојатно остри фотографии.

Фокусирање со групирање

Слика од екранот што го прикажува менито за фокусирање со групирање на фотоапарат од Canon со овозможена функција „Фокусирање со групирање“.

Овозможете ја функцијата за фокусирање со групирање од менито на вашиот фотоапарат и поставете го бројот на сликите што треба да се снимат. Вредноста на промената на фокусот може да се зголеми кога субјектот е подалеку од фотоапаратот или кога работите со помали решетки. За макро субјекти и пошироки решетки, изберете помала промена на фокус.

Фотографот Matt Doogue клечи зад статив за да фотографира мост со функцијата за фокусирање со групирање на Canon EOS R7.

„За да се уверите дека вашите серии слики се совршено порамнети, неопходно е да користите издржлив статив за да спречите движење на фотоапаратот меѓу снимките“, советува Matt. Тој советува да снимите помалку слики за пејзажи отколку за ситни макро субјекти.

Без оглед на методот што го користите да ги споите вашите слики, првата фаза на процесот е да снимите серија слики со различни поставки за фокус за да ја доловите целосната длабочина на поле на субјектот што го фотографирате. Ова се вика фокусирање со групирање, а речиси секој фотоапарат со EOS R-систем од Canon има функција што го автоматизира процесот, снимајќи серија фотографии со зголемување на фокусното растојание од снимка до снимка, што потоа можете да ги комбинирате.

„Функцијата за групирање функционира од најблиската фокусна точка на вашиот субјект“, објаснува Matt. „Автоматски го менува фокусното растојание на објективот, снимајќи при секое зголемување што сте го избрале во менито, намалувајќи ја сцената“.

Слика од мост чијшто само прв дел е во фокус, фотографиран од Matt Doogue со функцијата за фокусирање со групирање на Canon EOS R7.

Снимка од серијата со фокусирање со групирање на Matt, само сидрото во предниот план е во фокус. За да се уверите дека вредноста на решетката останува константна за секоја слика во серијата, користете го режимот за приоритет на решетката (Av) или режим за рачна експозиција. Фотографирано со Canon EOS R7 и објектив Canon RF 24mm F1.8 MACRO IS STM со избрани 1/400 сек., f/5,6 и ISO 100. © Matt Doogue

„Споена“ фотографија, составена од серија слики снимени при различни поставки за фокусирање, прикажувајќи ја целата сцена во фокус, фотографирано од Matt Doogue со Canon EOS R7.

„Споена“ фотографија, составена од серија слики снимени од Matt при различни поставки за фокусирање, прикажувајќи ја целата сцена во фокус. Фотографирано со Canon EOS R7 и објектив Canon RF 24mm F1.8 MACRO IS STM со избрани 1/400 сек., f/5,6 и ISO 100. © Matt Doogue

Треба да проверите дали вашиот објектив е поставен на режим за автоматски фокус (AF) – за објективи без преклопник за AF/MF, поставете го режимот за AF во менито на фотоапаратот. Користење широкоаголен објектив значи дека можете да исечете до крајната слика за да се уверите дека целиот субјект ќе остане во сликата.

Matt смета дека менито за фокусирање со групирање е многу лесно за поставување и користење. „Откако ќе направите неколку групи, ќе ви стане јасно што прави секоја опција“, вели тој.

Кога сте подготвени, едноставно притиснете го копчето за блендата за да започнете да фотографирате. Бројач во горниот агол на LCD-екранот го назначува бројот на преостанати фотографии.

Спојување фотографии со различен фокус во самиот фотоапарат

Слика од екранот што го прикажува менито за фокусирање со групирање на фотоапарат од Canon со овозможена функција „Фокусирање со групирање“.

Фотоапарати како Canon EOS R7 и EOS R10 имаат функција за спојување повеќе длабочини на поле во менито за фокусирање со групирање што ви овозможува да ги комбинирате вашите снимени слики како еден JPEG при зачувување на поединечните изворни слики.

Слика од екран што го прикажува менито за фокусирање со групирање на фотоапарат од Canon со овозможена функција „Спојување повеќе длабочини на поле“.

Кога е овозможена функцијата за спојување повеќе длабочини на поле, можете да ја користите функцијата за отсекување на длабочина за автоматски да ја исечете сликата.

Canon EOS R7 и EOS R10 го поедноставуваат процесот со групирање на вашата секвенца фотографии автоматски во самиот фотоапарат, што ја отстранува потребата за обработување на компјутер. „Можноста за произведување композитна слика во фотоапаратот е револуционерна“, вели Matt. „Поединечните слики се зачувуваат заедно со слика со споени повеќе длабочини на поле, поради што резултатот се појавува веднаш. Меѓутоа, како што фотоапаратот ги задржува поединечните слики од серијата, можете самите да ги обработите или да ги користите индивидуално“.

Спојувањето во самиот фотоапарат е достапно со сите режими на експозиција на EOS R7. „Би предложил да користите рачен режим (M), бидејќи ова ви дава целосна контрола над фотоапаратот, како и крајниот изглед на сликата“, вели Matt. „Ќе ви треба поголема брзина на бленда за да избегнете тресење на фотоапаратот кога снимате рачно, што можете да го избегнете ако поставите поголема вредност на ISO и поширока решетка“.

Добра идеја е да направите пробна снимка, за да се уверите дека сте задоволни со поставките, а и стабилноста на фотоапаратот е важна. „Речиси секогаш користам статив со внатрешно спојување бидејќи сакам да го намалам моето влијание на движењето на сликите“, објаснува Matt. Меѓутоа, ова не е идеално за живи субјекти. „Во такви ситуации, поголема брзина на бленда и поголеми вредности на ISO спречуваат несакано движење од фотографот“, вели тој. Вградената стабилизација на слика на EOS R7 му дава дополнителна слобода на Matt за рачно фотографирање.

Слика одблиску од прашникот на цвет создадена од 100 слики, подредени со функциите на EOS R10 за фокусирање со групирање и за одредување на длабочината. Фотографирано од Matt Doogue.

Matt го сними овој прашник на цвет со функцијата за спојување на Canon EOS R10. Препорачува да снимате повеќе слики за макро фотографирање наместо за пејзажи - оваа слика е создадена од 100 слики. Фотографирано со Canon EOS R10 и објектив Canon RF 100mm F2.8L MACRO IS USM со избрани 1/80 сек., f/4 и ISO 200. © Matt Doogue

Целосно обработена група од 150 фотографии што прикажуваат ситно зрнце сол, фотографирано со Canon EOS R7 со објектив Canon RF 100mm F2.8L MACRO IS USM од Matt Doogue.

Оваа композитна слика од зрнце сол е составена од 150 слики обработени внатрешно во EOS R7. „Нема потреба да се комбинира сликата во софтвер за обработка по снимањето, што заштедува многу време“, вели Matt. „Не можам ниту да замислам колку време би ми требало да обработам група од 150 слики на мојот компјутер“. Фотографирано со Canon EOS R7 и објектив Canon RF 100mm F2.8L MACRO IS USM со избрани 1/30 сек., f/7,1 и ISO 320. © Matt Doogue

Бројот на слики што треба да ги снимите зависи од субјектот, но, со спојувањето во самиот фотоапарат, Matt можеше да комбинира стотици слики за субјекти мали како зрнце сол. „За спојување пејзажи, нормално е да користите помала решетка или поголема длабочина на поле за да не мора да снимите толку многу слики - особено бидејќи снимате поголеми фокусни површини во исто време“, вели тој. Тој додава и дека, при макро фотографирање, премала длабочина на поле при спојување може да доведе до распрскување на светлината - оптички ефект што го ограничува квалитетот на вашите слики - и губење светлина.

Ако немате фотоапарат со вградена функција за спојување фотографии со различен фокус, можете да ги комбинирате вашите слики со софтвер како бесплатната апликација од Canon Digital Photo Professional (DPP), којашто има наменска алатка за спојување повеќе длабочини на поле. „DPP ги порамнува и спојува најострите делови на секоја слика за да создаде конечна слика со проширена длабочина на поле“, вели Matt.

Digital Photo Professional

Спојување фотографии со различен фокус во DPP

Сопствениците на фотоапарати со EOS R-систем може бесплатно да го преземат DPP од Canon. Следува како да се користи за да создадете слика со спојување повеќе длабочини на поле.

Спојување со рачно фокусирање

И покрај технологијата што заштедува време во Canon EOS R7 и EOS R10, Matt верува дека спојувањето со рачно фокусирање е сѐ уште корисно. „Традиционалниот метод за спојување фотографии со различен фокус е најтежок, но остава повеќе простор за креативност и е достапен за секого“, вели тој. „Исто така, имате поголема слобода при изборот за осветлување, бидејќи некои од вградените функции не функционираат со блиц“.

Ако вашиот фотоапарат од Canon не нуди фокусирање со групирање или спојување во самиот фотоапарат, лесно е да пробате рачно спојување фотографии со различен фокус. „Принципите се исти, освен тоа што корисникот мора да ја сними секоја слика и да ја обработи во композитна споена слика“, објаснува Matt. Рачната експозиција и фокусот се клучни. „Исклучете го автоматскиот фокус (AF) и рачно фокусирајте се на најблиската точка на вашиот субјект“, вели тој. „Користете го режимот за прегледување во живо на вашиот фотоапарат за да зумирате кон субјектот и да гарантирате прецизно фокусирање ако е тоа можно“.

Избор за осветлување

Слика одблиску од камен што прикажува различни форми на живот, како габи и мов, фотографирана од Matt Doogue на Canon EOS R10.

Matt реши да фотографира камен за да ги демонстрира способностите на EOS R10 за фотографирање при слаба осветленост и спојување во самиот апарат. „На камењата често живеат многу животни форми, како габи, мов и лишаи“, вели тој. Оваа слика е само еден кадар во процесот. Фотографирано со Canon EOS R10 и објектив Canon RF 100mm F2.8L MACRO IS USM со избрани 1/100 сек., f/5 и ISO 500. © Matt Doogue

Целосно обработена група од неколку слики од камен со габи и мов, снимена од Matt Doogue со Canon EOS R10, обработена во фотоапаратот.

Matt се потпре на природната светлина за оваа живописна макро фотографија. „Ова е резултат од целосна серија, внатрешно обработена во EOS R10“, вели тој. Фотографирано со Canon EOS R10 и објектив Canon RF 100mm F2.8L MACRO IS USM со избрани 1/100 сек., f/5 и ISO 500. © Matt Doogue

Осветлувањето е важно, без оглед на тоа кој метод решите да го користите за спојување фотографии со различен фокус. Ако немате доволно светлина, брзината на блендата ќе биде премногу мала за да ги замрзне движењата, но ако имате премногу светлина, резултатот може да биде непријатен. Matt смета дека „природната светлина го задржува прелевањето и боите на субјектот, што понекогаш може да изгледаат безживотно поради вештачки извори на светлина“.

Matt додава надворешно осветлување ако дневната светлина не е соодветна. „Постојаните светла (LED) се достапни, лесни и може да се постават секаде околу вашиот субјект, што води до подинамични агли“, вели тој.

Поставките за спојување што ги користи Matt не менуваат многу, но тој ја приспособува решетката врз основа на големината на субјектот, бројот на потребни групи и зголемувањето. „Моите вредности на ISO се обично околу 320 кога користам блиц, а мојата брзина на бленда е околу 1/160 сек.,“ вели тој.

Менито за фокусирање со групирање на Canon го олеснува снимањето повеќе слики, а револуционерната вградена алатка за спојување повеќе длабочини на поле во Canon EOS R10 и EOS R7 го поедноставува процесот, што ви заштедува време со тоа што ја отстранува потребата за обработка по снимањето и ви овозможува да се фокусирате на покреативни одлуки како композиција и експозиција. Рачното фокусирање сѐ уште претставува одличен пристап кога ви треба најмногу контрола.

Matt верува дека, без оглед на методот, спојувањето фотографии со различен фокус прави секојдневието да изгледа величествено. „Спојувањето фотографии со различен фокус ги трансформира обичните нешта во неверојатни“, вели тој. Од макро до пејзажи, алатките за спојување фотографии со различен фокус од Canon се лесни за користење и ќе ви овозможат да доловите неверојатни слики што се одликуваат со неверојатна острина низ целата површина.


Напишано од Lauren Scott и Andrea Ball

Слични производи

Слични статии