ФОТОГРАФИРАЊЕ АВТОПОРТРЕТИ

8 совети за неверојатни автопортрети

Фотографката Amaal Said ги споделува нејзините професионални техники за претворање на обичните автопортрети во креативни автопортрети.
Canon Camera
Автопортретите станаа инстинктивен и креативен начин за снимање на нашите животи, независно дали станува збор за драгоцен момент што треба да се прослави или за форма на самоизразување. Но, како можете да претворите обичен автопортрет во автопортрет со професионален квалитет?

Фотографката за автопортрети и поетеса Amaal Said од Лондон привлече повеќе од 23 илјади следбеници на социјалните медиуми и вели дека нејзините уметнички автопортрети се одличен начин за евидентирање на нејзиното патување - како од личен, така и од фотографски аспект. „Автопортретите отсекогаш биле прозорец кон моето минато“ - вели таа. „Можам да видам како сум се чувствувала во одреден период од мојот живот - и тоа ми се допаѓа, бидејќи со текот на годините сè подобро се фотографирам“.

Тука Amaal ќе ги сподели нејзините професионални техники за создавање автопортрети што ќе сакате да ги споделите, отпечатите и чувате засекогаш. Исто така, таа покажа колку е лесно да се доловат сопствените специјални моменти со тоа што го даде фотоапаратот на сестра ѝ, а потоа ја советуваше неа и мажот ѝ како да постават сцена за неформални автопортрети во паркот.

1. Започнете со автоматски режим и постепено преминувајте на рачен режим

Фотографката и поетеса Amaal Said носи црвена марама на главата. Вазна со црвени цвеќиња што делумно го покрива нејзиното лице.

Повеќето фотоапарати од основна класа имаат режим за портрети - резултатите ќе зависат од фотоапаратот, но сликите не се толку остри за да се добијат меки и мазни текстури на кожата. Снимено со EOS M6 Mark II од Canon и објектив EF-M 32mm f/1.4 STM од Canon со избрани 1/60 сек., f/1,4 и ISO200. © Amaal Said

Автоматскиот режим е одличен избор за почеток, советува Amaal. „Ако сте почетник не треба да се срамите да користите автоматски поставки за вашиот фотоапарат“ - вели таа.

Корисните поставки на фотоапаратот како што се режимите за автопортрети и портрети, кои се вградени во EOS M6 Mark II од Canon и други модели од основна класа како EOS 250D од Canon, помагаат во заматување на заднината, истакнување на тоновите на кожата и омекнување на косата.

Ако сакате поголема контрола врз длабочината на полето, тогаш обидете се да фотографирате во режимот за приоритет на решетката (Av). Овој полуавтоматски режим ви овозможува да ја изберете решетката - големината на отворот на објективот низ кој минува светлина, а помалите вредности на решетката означуваат дека се пропушта повеќе светлина. За да добиете дефокусирана заднина, изберете широка решетка како на пример, f/1,4.

Исто така, со избирање објектив со широка решетка што е дизајниран за портрети ќе може да постигнете уникатен изглед. На Amaal особено ѝ се допадна работењето со објективот EF-M 32mm f/1.4 STM од Canon. „Обожувам заматени заднини, а тие се создаваат со широка решетка. Пропуштањето повеќе светлина помага во изолирањето на субјектот од заднината“ - објаснува таа.

Таа често го користи објективот EF 50mm f/1.8 II од Canon (сега е заменет со новиот EF 50mm f/1.8 STM од Canon) бидејќи сака да снима автопортрети со фокус на нејзиното лице. „Едноставно изгледаат понагласени“ - вели таа. Може да ги прикачите сите објективи од огромните палети EF и EF-S од Canon на фотоапаратот EOS M6 Mark II од Canon со помош на малиот и лесен адаптер за монтирање објективи EF-EOS M од Canon.

2. Локацијата е најважна

Две раце што ги прилагодуваат поставките на задната страна на фотоапаратот EOS M6 Mark II од Canon што е поставен на статив.

Amaal ја советуваше сестра ѝ како да го користи EOS M6 Mark II од Canon за да сними неформален автопортрет во локалниот парк. © Amaal Said

Портрет од маж кој стои во парк опкружен со есенски лисја.

Без разлика дали сте надвор во парк со многу лисја или работите во импровизирано студио, вашата заднина може да го подобри амбиентот на вашите конечни слики. Снимено со EOS M6 Mark II од Canon и објектив EF-M 32mm f/1.4 STM од Canon со избрани 1/200 сек., f/1,6 и ISO100. © Amaal Said

„Треба да знаете каква заднина сакате, а пронаоѓањето на вистинската локација е најважна за поставување на амбиентот“ - вели Amaal. „Обожувам да снимам портрети во паркови бидејќи можам да снимам многу слики во различни сцени. Многу е важно да најдете некое потивко место за да не ви пречат други луѓе додека фотографирате“.

Опкружувањето може да го подобри амбиентот на автопортретите, но понекогаш и белото платно може да ви помогне, вели таа. „Имам бел ѕид во спалната соба, па најчесто го користам како заднина кога носам разнобојна облека за да се истакнам. Но, вие можеби имате место во градината или друг дел од куќата каде што може да поставите статив. Многу е важно заднината да не биде исполнета со премногу движења или предмети“.

3. Експериментирајте со светлината и кадарот

Портрет одблиску од жена со црвена марама на главата која држи цвеќе блиску до нејзиното лице.

Amaal често сака да ги снима своите автопортрети наспроти обична бела заднина за да нема ништо што ќе ви го одвлече вниманието во кадарот и за да може да се позиционира подалеку од центарот на кадарот. Исто така, таа препорачува да оставите доволно простор околу вашето лице за да можете да експериментирате при отсекувањето на сликата. Снимено со EOS M6 Mark II од Canon и објектив EF-M 32mm f/1.4 STM од Canon со избрани 1/160 сек., f/1,4 и ISO200. © Amaal Said

„Многу ги сакам топлите тонови на златниот час“ - вели Amaal, односно периодот околу изгрејсонцето или зајдисонцето. „Помеката светлина на сонцето секогаш е одлична. Препорачливо е да не фотографирате при силна сончева светлина бидејќи таа создава многу сенки. Сум фотографирала и на облачни денови и сè било во ред - само треба да ги прилагодите поставките според светлината“.

Кога станува збор за обликување на кадарот, Amaal препорачува да се отстранат сите пречки од кадарот. „Прилагодувајте ги поставките додека работите и експериментирајте во позирањето под различни агли“ - вели таа. „Фотографијата целосно ќе се промени ако се поместите од центарот, па може да експериментирате со тоа“.

Исто така, оставањето повеќе простор околу вашата слика овозможува дополнителни опции при отсекувањето заради компатибилност со Instagram. „Моите автопортрети вообичаено ги фотографирам во хоризонтален режим бидејќи сакам да имам повеќе простор од двете страни за да можам да експериментирам“ - додава таа.

4. Визуелизирајте во боја

Повеќеслоен портрет од Amaal Said со розова марама на главата, која гледа во две насоки.

Експериментирањето со бои и ткаенини е одличен начин за снимање прекрасни портрети - Amaal избра палета на нежни розови и виолетови нијанси за портрет со повеќе експозиции. Снимено со EOS M6 Mark II од Canon, адаптер за монтирање објективи EF-EOS M од Canon и објектив EF 50mm f/1.8 II од Canon со избрани f/1,8, 1/30 сек. и ISO600. © Amaal Said

Експериментирањето со боите може да ви помогне во изразување на вашиот карактер. „Секогаш започнувам со тоа како се чувствувам, а потоа воведувам промени“ - објаснува Amaal. „Понекогаш сакам нешто амбиентално па се облекувам соодветно за тоа или, пак, може да ми се допадне некој кармин што сакам да го искористам кога ќе снимам автопортрет.

„Сакам бои. Ги внесувам во моите автопортрети главно преку мојата шамија и мојот кармин, но тоа може да го направите на многу други начини. Експериментирајте со прикачување текстилни материјали на ѕидот или префрлете ги преку некој висок предмет. Бои може да внесете и со цвеќиња.

„Планирањето на боите однапред е секогаш одличен начин за да се осигурите дека ќе добиете одличен автопортрет. Размислете дали боите што ги носите одговараат во однос на заднината - или не ве истакнуваат доволно од заднината. Боите се особено важни за автопортрети на свадби или веридби бидејќи со партнерот сакате да бидете главни елементи во сликата“.

5. Научете да се опуштите

Автопортрет од фотографката и поетеса Amaal Said со розова марама на главата. Нејзиното лице се рефлектира во мало и кружно огледало што го држи во раце.

Држењето мало огледало блиску до вашето лице е нешто што може да го држите во раце и ќе ви овозможи да експериментирате со креативни кадри. Снимено со EOS M6 Mark II од Canon и објектив EF-M 32mm f/1.4 STM од Canon со избрани 1/80 сек., f/1,4 и ISO320. © Amaal Said

„Доброто кај автопортретите е тоа што нема никој зад фотоапаратот кој ќе го гледа вашето лице одблиску“ - вели Amaal, која додава дека реквизитите како цвеќиња и огледала можат да им помогнат на луѓето да се чувствуваат спокојно пред објективот и да им овозможат опции за креативни експерименти.

„Луѓето вообичаено велат дека не знаат што да прават со рацете и тоа е сосема нормално. Затоа им препорачувам да држат нешто на почетокот.“ Можеби ќе се чувствувате посмирено ако носите елегантни обетки или голем ѓердан бидејќи ќе можете да ги држите со рацете.

6. Користете статив и тајмер

Маж и жена стојат во шума, снимени преку екранот на допир на EOS M6 Mark II од Canon што е поставен на статив.

Amaal ја советуваше својата сестра да го постави EOS M6 Mark II од Canon на статив и да го користи екранот на допир што се врти за да го обликува кадарот на нејзините слики. © Amaal Said

Маж и жена стојат во шума, опкружени со есенски лисја од некое дрво.

Таа им препорача и да користат тајмер за да имаат неколку секунди да застанат во соодветна положба и да се подготват. Снимено со EOS M6 Mark II од Canon и објектив EF-M 32mm f/1.4 STM од Canon со избрани 1/200 сек., f/1,6 и ISO100. © Amaal Said

Amaal го користеше лесниот и компактен EOS M6 Mark II од Canon со 32,5 MP, екран на допир што се врти за 180° и вграден Wi-Fi за снимање на нејзините автопортрети и ви препорачува да го поставите на статив и да ја користите функцијата за тајмер.

EOS M6 Mark II од Canon е одличен фотоапарат со кој може да експериментирате, а поставувањето на тајмерот е многу лесно“ - објаснува таа. „Може да изберете тајмер од 2 или 10 секунди, но јас избирам 10 секунди за тајмерот бидејќи сакам да имам доволно време за да се подготвам“ - додава таа.

Вртењето на екранот кон вас е многу практичен начин за да го обликувате кадарот на вашата слика додека стоите пред фотоапаратот.

7. Снимајте портрети далечински

Рака што го прилагодува екранот што се врти на EOS M6 Mark II од Canon поставен на статив.

Екранот на вртење на EOS M6 Mark II од Canon ви овозможува да го обликувате кадарот на вашите слики од сите агли или да го завртите екранот кон вас додека стоите пред фотоапаратот. © Amaal Said

Жена која се смее со затворени очи пред фотоапаратот. Црвените цвеќиња што ги држи делумно го покриваат нејзиното лице.

Ако вашиот фотоапарат нема екран на допир што се врти, тогаш може да се обидете да го прилагодите фокусот додека држите некаков предмет пред објективот, а потоа да застанете на истата положба како тој предмет. Снимено со EOS M6 Mark II од Canon и објектив EF-M 32mm f/1.4 STM од Canon со избрани 1/160 сек., f/1,4 и ISO250. © Amaal Said

Апликацијата Canon Camera Connect ви овозможува да поврзете фотоапарат со Wi-Fi од Canon со уред од Apple или уред со Android за да фотографирате далечински. Можноста за користење на вашиот паметен телефон за да ја видите сликата и да ја активирате блендата овозможува многу полесно снимање на неверојатно остри портрети. „Ако не сакате да се враќате до фотоапаратот за да проверувате дали вашите слики се во фокус, тогаш апликацијата Camera Connect ќе ви го олесни животот“ - вели Amaal. „Многу е практичен и кога ја менувате положбата“.

Екранот на допир што се врти на EOS M6 Mark II од Canon е практичен и за проверување дали лицата се во фокус. „Можноста за вртење на екранот за да видите како изгледате е неверојатна - и заштедува многу време“ - вели Amaal.

Amaal сака нејзините слики да бидат многу остри и исполнети со бои, па затоа користи мешавина од повеќе методи за да добие остар фокус. „Еден од методите што ги користев во минатото, кога немав фотоапарат со екран на вртење или функција за далечинско фотографирање, беше да држам некој предмет пред фотоапаратот - најчесто цвеќе - да го фокусирам и потоа да застанам во истата положба“ - вели таа. Исто така, сакам да ја користам функцијата за автоматско фокусирање со следење на лицето, но таа не е секогаш соодветна ако имате предмети во преден план“.

8. Уредувајте и печатете автопортрети со професионален изглед

Ако ги прилагодите поставките за да фотографирате во двата формати RAW и JPEG истовремено, тогаш ќе имате повеќе опции при уредувањето на вашите фотографии. Користете го бесплатниот софтвер за уредување Digital Photo Professional (DPP) од Canon за да ги подобрите вашите RAW-слики, со помош на алатките за прилагодување на балансот на белата боја, заситеноста, експозицијата и многу повеќе.

„Не треба да бидете професионалец за да ги уредувате вашите слики“ - вели Amaal. „Најважниот фактор за мене е експозицијата, бидејќи понекогаш сликата не е толку светла колку што би сакала. Експериментирам со контрастот и сенките за да го добијам изгледот што го сакам, а сакам да видам и каков ефект има ротирањето на сликата кога ја уредувам. Голем љубител сум и на црно-белите портрети“.

Откако ќе завршите со уредувањето, може да ги отпечатите фотографиите директно од вашиот телефон преку компактниот SELPHY Square QX10 од Canon. Тој е совршен за колажи, табли со белешки, албуми и нуди брз и забавен начин за зачувување на вашите омилени автопортрети. Ако сакате да печатите со професионален квалитет, тогаш користете печатач од серијата PIXMA G на Canon за да внесете реалистичност во вашите слики.


Напишано од Lorna Dockerill

Слични производи

Слични написи

  • A Speedlite on a tripod with a cardboard box mounted in front of it, throwing gentle light on a boy.

    ПРОЕКТИ

    3 додатоци за фотографирање што можете сами да ги направите

    Направете сопствен придушен рефлектор, долгнавест рефлектор за фокусирана светлина и мека подлога за да го стабилизирате вашиот фотоапарат.

  • A woman gathers a blanket close to her.

    ПОРТРЕТИ

    Како да користите објектив за портрети

    Погледнете како објективот за портрети може да ги подобри вашите фотографии и како да го користите.

  • Bokeh photography tips

    ОСНОВИ ЗА ФОТОГРАФИРАЊЕ

    Совети за фотографирање со ефекти на дефокусирање

    Следете ги овие најдобри совети за да внесете нова динамика во вашите фотографии.

  • Повеќе траги од светлина во различни бои околу манекенка со рацете ставени на колкови, наспроти црна заднина.

    ФОТОГРАФИРАЊЕ ПОРТРЕТИ

    Снимајте апстрактни портрети

    Експериментирајте со повеќе експозиции, боење со светлина, играње со сенки и многу повеќе.