Фотоапарати и објективи за фотографирање портрети во секоја прилика

Благодарение на функциите за следење лица и AF на очи, EOS RP од Canon ќе ги задржи вашите сакани во извонредно остар фокус, што е идеално за снимање групни портрети и на најбројните семејства. Неговиот CMOS-сензор за целосна слика нуди и големо видно поле, кое е идеално за обликувањето на кадарот на групните фотографии, а ви нуди и голем степен на контрола врз длабочината на полето за уметнички поединечни портрети. Семејните фотографи може да го користат и режимот за сцени за групни фотографии, каде што EOS RP автоматски ја приспособува длабочината на полето за сите да бидат во фокусот, без разлика дали се во преден план или во заднината.

Кога семејната прослава ќе биде во полн замав, комбинирајте го вашиот EOS RP со RF 24mm F1.8 MACRO IS STM од Canon. Овој објектив е доволно мал за да не го привлекува вниманието врз вас и ви овозможува да доловите искрени моменти, а светлата максимална решетка f/1.8 ќе ви помогне да снимите одлични фотографии дури и при услови на слаба осветленост. Неговата широка фокусна должина од 24 mm е идеална да опфатите цела династија во кадарот, без изобличувањето на извонредно широкоаголните објективи. Ако претпочитате снимки одблиску, неговите функции за макро ви овозможуваат да ги доловите и најситните детали.

Ако сакате сосема искрени слики, PowerShot PX од Canon е фантастичен избор. Ако го поставите дискретно врз маса или работна површина во близина на семејството, овој паметен фотоапарат ќе снима фотографии во стилот на документарните филмови од секојдневните активности без да го нарушува моментот, благодарение на паметното следење на објектите и обликувањето на фотографиите. Може да ги прегледувате сликите снимени со фотоапаратот така што безжично ќе се поврзете со апликацијата Canon Connect за мини PTZ-камери, која дури и ќе ви ги препорачува најдобрите фотографии. PowerShot PX од Canon може и да снима кратки видеоснимки во Full HD, кои исто така може да се префрлуваат преку апликацијата.

Ако сакате да направите портретите за мода и убавина да се истакнуваат на социјалните мрежи, EOS R од Canon се одликува со CMOS-сензор со 30,3 MP што испорачува слики во висока резолуција, и овозможува снимање на сите детали со неверојатна острина. Благодарение на автоматското фокусирање до -6EV што го нуди големиот и извонредно чувствителен сензор за целосна слика, EOS R нуди одлични перформанси и во најтешките услови на осветлување, од студиото до улицата, без разлика каде и кога ќе ве одведе фотосесијата.

Објективот RF 85mm F2 MACRO IS STM од Canon е идеален за портрети за мода и убавина. Благодарение на широката решетка f/2 и телефото компресијата на оддалеченоста, овој објектив нуди заднини со меки бои и посилен ефект на заматување, што на портретите им дава елеганција и ги издвојува објектите од нивното опкружување. Телефото објективите како овој нудат и многу мало изобличување, со што овозможуваат снимање прекрасни портрети, особено од лица. Ако сакате снимки одблиску од раце или црти на лицата, RF 85mm F2 MACRO IS STM може да одговори и на тие потреби, благодарение на макро зголемувањето од 0,5x. Освен тоа, ако решите да излезете на улица навечер за да фотографирате, може да го оставите стативот дома благодарение на стабилизацијата на слика со 5 чекори.

Иако вашите миленичиња најчесто денот може да го минуваат во спиење, неизбежно е дека во моментот кога ќе се обидете да ги фотографирате, тие одеднаш ќе почнат да се движат како да ги бркате. Токму затоа EOS R7 од Canon е идеалниот фотоапарат за фотографирање домашни миленичиња. Создаден за фотографирање диви животни, EOS R7 се одликува со неверојатно брзо секвенцијално фотографирање со брзина до 30 fps и електронска бленда со брзина до 1/16.000 што ќе ви овозможи да ги доловите случувањата без разлика колку брзо се движат животните. Благодарение на функцијата за откривање животни и AF со следење, вашиот објект ќе биде во остар фокус без разлика каде ќе отиде во кадарот, а стабилизацијата на слика со 8 чекори (во зависност од прикачениот објектив) ви нуди фотографии без заматување, дури и при рачно фотографирање. Благодарение на поврзувањето преку Wi-Fi и Bluetooth, EOS R7 може беспрекорно да се впари со апликацијата Canon Camera Connect, така што ќе може далечински да ја активирате блендата додека го забавувате вашето милениче и го насочувате во вистинската насока.

Вградената стабилизација на слика (IBIS) во EOS R7 се комбинира со оптичката IS во објективот RF 15-30mm F4.5-6.3 IS STM од Canon за да испорача до 7 чекори на стабилизација, што ви овозможува да фотографирате рачно или со мали брзини на блендата во слаба осветленост, без да се грижите за заматувањето. Сето ова се испорачува во компактен објектив кој, со тежина од 390 g, е доволно лесен да ги олесни и најдолгите фотосесии со миленичињата. Благодарение на APS-C-сензорот во EOS R7, овој објектив создава видно поле еквивалентно на објектив од 24-48 mm на фотоапарат за целосна слика и нуди разновиден опсег на зумирање и неверојатно корисна флексибилност при непредвидливите фотосесии со миленичињата.

За непредвидливата природа на портретите во различни опкружувања е потребен колку што е можно поразновиден фотоапарат. EOS R6 од Canon се одликува со куќиште со заштита од временските услови и е дизајниран да може да го понесете секаде каде што треба да фотографирате. Неговата вградена стабилизација на слика (IBIS) нуди до 8 чекори на стабилизација за јасни слики без заматување кога фотографирате рачно, а неговиот голем сензор за целосна слика со извонредна чувствителност на светлина и широк опсег на ISO овозможуваат снимање совршено осветлени портрети во непредвидливи и неповолни услови на осветленост. Освен тоа, благодарение на напредните функции за откривање и следење на очи, како и автоматското фокусирање до -6,5 EV, со EOS R6 објектите ќе бидат во фокусот во секое време. Благодарение на секвенцијалното фотографирање со брзина до 20 fps, никогаш нема да пропуштите природен израз, без разлика колку краткотраен.

Истите карактеристики што го прават RF 24mm F1.8 MACRO IS STM од Canon соодветен за семејни портрети го прават и добар избор за портрети во различни опкружувања. Со тежина од само 270 g, може да го понесете секаде, а неговата оптичка IS со 5 чекори и широката максимална решетка се дизајнирани да ви помогнат да ја изразите вашата креативност без разлика на условите на осветлување, со што ви овозможуваат да снимате интересни фотографии од целото тело исполнети со контекст. Фокусната должина овозможува овој објектив да биде и фантастичен објектив за снимање видеоблогови.

Без разлика што фотографирате, од мачки до братучеди, мајки до модели, кога го имате вистинскиот фотоапарат и објектив од Canon покрај себе, подготвени сте.


Напишано од Peter Wolinski