Снимање документарци: водич во чекори за снимање како професионалец

Сите имаат приказна што сакаат да ја раскажат - а има ли подобар начин да ја споделите својата отколку со висококвалитетен документарен видеозапис снимен со фотоапарат EOS од Canon? Амбасадорот на Canon и наградуван снимател и фотограф, Joel Santos, обожува да открива интересни приказни и да ги претвора во видеозаписи. Тој има снимено и режирано повеќе од 50 документарци на телевизија, како во Португалија, така и низ целиот свет. Тука ќе ги сподели неговите најдобри совети за ентузијасти кои сакаат да снимаат сопствени документарци.

Најлесниот начин да започнете да снимате документарци е да раскажете приказна што ќе биде блиску до вашиот дом и вашето срце. Joel ви препорачува да разговарате со членови од вашето пошироко семејство и да ги прашате за нивното минато. „Ако разговарате со постаро лице, прашајте ги каква била ситуацијата кога биле на ваша возраст или, пак, за некоја нивна авантура“ - вели тој. „Може да разговарате и со некој кој живее во поинаква урбана или рурална средина од вашата“. Со оглед на тоа што животот на сите ни беше многу поинаков последнава година, може да создадете потресна приказна.

„Мора да пронајдете нешто што ќе ја разбуди вашата љубопитност и ќе ве заинтересира да откриете повеќе. Штом се случи тоа, ќе добиете приказна за раскажување. Ми се допаѓа идејата за создавање документарци врз основа на искуствата на пријателите и семејството. Некои велат дека документарците не треба да бидат од лични искуства, но јас би ги прашал: зошто не? Ако сте цврсто убедени за нешто што ве претставува како личност, тогаш дефинитивно има основа за создавање документарец“.

Локацијата и осветлувањето се темели на сите документарци, но не ви треба егзотична локација за да раскажете некоја приказна. „Не е важно да имате разнобојна заднина бидејќи секоја приказна е поврзана со местото на кое се одвива“ - објаснува Joel. „Снимате документарен видеозапис, па затоа е многу важно реално да го прикажете местото каде што се одвива приказната, независно дали тоа е нечиј дом или канцеларија.

„Исто како и кај фотографиите, сè треба да биде добро позиционирано во сцената“ - додава тој. „Дали боите се добри? Дали од нечија глава излегува бандера? Иако не сте активно вклучени во создавањето на сцената на приказната кога снимате документарци, мора да можете да го обликувате кадарот на снимките на најдобар можен начин. Кога ќе ги споите сите елементи во сцената, дали се ефикасни?“

Според Joel, светлината е најважната состојка на која треба да внимавате кога снимате видео, исто како и кога снимате фотографии. „Светлината е таа која ќе ги обликува вашиот субјект, вашата локација и сè што е дел од нив. Сето тоа ќе се соедини во волшебниот правоаголник на екранот што ќе им го привлече вниманието на гледачите и ќе ги заинтересира да гледаат“.

Но, запомнете дека може да снимате живописни слики каде и да сте, независно каква опрема имате. Може да користите природна светлина, да го осветлите субјектот одзади или да создадете длабоки сенки за уште поголемо чувство на мистериозност.

Најважно за ефикасното раскажување приказни е секогаш да размислувате како ќе изгледаат снимките кога ќе ги споите. Тоа лесно се вежба, дури и ако допрва започнувате да снимате документарци во вашиот дом. „Ви треба добра снимка што ќе прикаже каде ќе се одвиваат случувањата“ - вели Joel. „Потоа мора да го претставите субјектот - снимка од лицето, половина тело, цело тело, лицето што се наоѓа блиску до субјектот во опкружувањето, а потоа да преминете на акција и реакција прикажувајќи ги рацете и гестикулациите. Додека снимате, размислувајте како ќе правите транзиција помеѓу различните сцени во процесот на уредување. Мора да размислувате и за континуитетот - можно е да снимите различни снимки што ќе ги распоредите секвенцијално во документарниот видеозапис“.

„На сите добри приказни им треба кулминација. Документарците имаат најсилен ефект кога ќе завршат со решение што им нуди чувство на награденост на гледачите. Ова е поинаков процес од снимањето видеозаписи за Instagram. Документарците не треба да ги снимате за да добивате „допаѓања“. Треба да имате репортерски дух и реално да ги прикажете субјектот и локацијата“.

Joel верува дека ако допрва почнувате да снимате документарни видеозаписи, треба да бидете колку што е можно пооригинални. „Дури и ако самата приказна не е оригинална, начинот на кој ја перципирате ќе биде уникатен. Концентрирајте се на тоа и бидете оригинални, наместо да се обидувате да копирате туѓ стил.

„Се исплати и ако навлезете длабоко во приказната. Дали има нешто посебно кај субјектот кој го снимате? Тоа се тие елементи со кои документарецот ќе се издвои од останатите, па затоа треба да бидете отворени, да комуницирате со вашиот субјект и да откриете што е специјално кај нив“.

И движењето е важен фактор според Joel. „Ако имате статична сцена без движења, гледачите брзо ќе изгубат интерес. Треба да пренесете чувство на напредок, чувство на изминување време и движење нанапред.

„Секогаш е добро да користите различни агли. Искористете ја максимално вашата фантазија. Не стојте само на едно место, туку движете се слободно додека снимате“ - продолжува тој. „Ако во сцената има двајца луѓе, менувањето на положбата од која снимате може да ви помогне да ги снимите и акцијата и реакцијата, но и да ги истакнете разликите во перспективата“. Најновите фотоапарати од Canon имаат многу ефикасна електронска стабилизација на слика за снимање видео, па затоа нема потреба да користите статив за да го елиминирате тресењето на фотоапаратот.

EOS R5 и EOS R6 од Canon имаат стабилизација на сензорот што помага во компензацијата на сите движења во внатрешноста на фотоапаратот. Објективите со зум, исто така, можат да бидат моќни алатки за менување на фокусната должина при снимањето, како и објективите со вградена стабилизација на слика и STM што ви овозможуваат да се фокусирате на снимањето видеозаписи во речиси потполна тишина.

„Честото менување на положбата од која снимате може да внесе чувство на ритам“ - додава Joel. „Без промени во аголот на гледање, документарниот видеозапис нема да биде толку богат. Снимањето е исто како готвењето - понекогаш треба да измешате неколку работи“.

„Фотоапаратите од Canon како што е мојот EOS R5 од Canon, како и поевтините модели EOS M50 Mark II од Canon, EOS 850D од Canon и EOS RP од Canon, имаат Dual Pixel CMOS AF што функционира одлично при снимање видео, а овозможува и рамномерна транзиција од една во друга површина во кадарот. Тие нудат и Servo AF за видео што овозможува континуирано следење на субјектите во движење во кадарот“.

Меѓутоа, Joel нагласува дека сите техники што ги примените ќе ја подобрат вашата приказна. „Никогаш не применувајте техника само за да кажете дека сте ја примениле. Ако сакате да им го привлечете вниманието на гледачите кон одредена точка, фокусирањето е еден од најважните фактори. Ако снимате рибар, тогаш фокусирајте ја рибата во мрежата, а потоа пренесете го фокусната точка врз лицето на рибарот за да ја прикажете неговата реакција“.

Доколку сте почетник, Joel ви препорачува да ја усовршите употребата на решетката за да може да создавате различни филмски ефекти. „Освен светлината и експозицијата, решетката ја контролира и длабочината на полето. Широките решетки [мали нумерички вредности за f] ќе ви помогнат да го насочите вниманието врз субјектот со тоа што ќе ја дефокусирате заднината“ - објаснува тој. „Тесните решетки ви нудат поголема длабочина на поле, што е одлично за ситуации во кои сакате да добиете иста острина и за блиските и за далечните предмети.

„Кога станува збор за брзини на блендата, идеалната брзина вообичаено е инверзна вредност од стапката на слики помножена со два. Затоа, ако снимате со 25 слики во секунда, најдобро е да изберете брзина на блендата од 1/50. Ако користите поголема брзина на блендата, движењето на предметите ќе изгледа испрекинато наместо рамномерно. Ако снимате при силна светлина ќе треба да изберете доволно бавна брзина на блендата со решетката што сакате да ја користите и да ставите ND-филтер (неутрална густина) на објективот. Бавна брзина на блендата може да користите и во темни услови бидејќи се зголемува заматувањето на движењата и ја елиминирате потребата од користење висока вредност за ISO што може да го намали квалитетот на сликата“.

• Снимките со интересен вовед го привлекуваат вниманието и се поврзуваат со локацијата во која се снимени. Тука, Joel го поставува фотоапаратот на хаубата од неговиот автомобил и ја користи бесплатната апликација Canon Camera Connect на својот паметен телефон како далечински управувач, за да ги воведе гледачите во сцената. Следниот чекор е да го претставите најважниот човек кој ќе биде субјектот на филмот и да го воведете во локацијата.
• Кога снимате луѓе во движење, автоматскиот фокус со откривање лице ќе ви помогне да ги снимате со остар фокус додека се движат и да го насочите вниманието кон нив. Користете голема брзина за Servo AF за да можете да ги следите движењата. Спротивното важи кога треба да ја менувате фокусната точка од една во друга површина во сцената, што може да се истакне со користење помала длабочина на поле, односно заматување на заднината. Овој пат, преминете на помала брзина за Servo AF за да добиете рамномерна транзиција.
• Не претпоставувајте дека мора да има движење во снимката само поради тоа што снимате видео. За да го задржите вниманието на гледачите кога снимате статички предмети, направете движење со закосување или хоризонтално поместување. Можете дури и да ги комбинирате повеќе закосувања и хоризонтални поместување за да создадете интересен ефект со ротирачки движења.
• Во сцените со голем контраст постои ризик од избледување на светлите тонови и претворање на темните сенки во црна боја. Користете ја опцијата за снимање HDR (голем динамички опсег) на Canon за да добиете побалансирана експозиција за да ги зачувате високите тонови и да ги збогатите сенките. Друг добар трик е да користите филтер за кружно поларизирање. Тој може да ги отстрани несаканите одблесоци и да ги подобри боите, а намалувањето на светлината што се пропушта низ филтерот ви овозможува да користите пошироки решетки и ја елиминира потребата од премногу големи брзини на блендата.
• И конечно, не ограничувајте се со исполнување на кадарот со глави кои зборуваат. Исто како и за другите филмови, така и за добрите документарци се потребни напредок и ритам. Променете ја вашата положба за да снимате од различни агли или искористете ја максимално на дигитална стабилизација на слика за видео што ја нуди Canon за да го минимизирате тресењето на фотоапаратот при рачно снимање. Тоа ви нуди слобода за движење кога снимате, наместо да стоите само на едно место. Процесот не завршува со снимањето - креативното уредување и начинот на кој преминувате од една кон друга снимка можат да внесат дополнително ниво на драма и интерес.

Имајте ги предвид овие совети кога ќе сакате да раскажете некоја интересна приказна со вашиот фотоапарат и за многу кратко време ќе станете професионален снимател на документарци.

*Достапно само на неколку јазици.



Напишано од Matthew Richards