Гледање на тоа што не се гледа: фотографирање на квир заедницата

Осаменоста и потребата за припадност се емоции што повеќето луѓе ги искусуваат во текот на нивните животи, а справувањето со нив може да биде тешко. Во денешно време, застапеноста и видливоста се поважни од кога било досега, а притоа, да се видите во туѓо дело може да ве усреќи и да ви донесе чувство на олеснување бидејќи сте препознаени како личноста што навистина сте.

Фотографирањето може да игра значителна улога во истакнувањето на разновидноста, а небинарниот, квир и аутистичен фотограф Louis Painter, што ги користи заменките тие/нив, доловува портрети што имаат чувство на човечност и ранливост, а притоа задржуваат филмски квалитет. Во еден кадар, сликите спојуваат впечатлив идентитет и длабоки емоции.

„Постои одреден вид осаменост што ја искусуваат квир луѓето“, објаснува Louis, што живее во Бирмингем, ОК. „Квир фотографирањето ми е сѐ. Бидејќи и јас сум квир, сакам тоа да се прикаже низ моите дела. Во овој проект станува збор за тоа како јас се чувствувам повеќе како јас околу луѓе што се декларираат како квир и моите пријатели - нешто со кое и други квир луѓе може да се поистоветуваат“.

Што е мотивацијата на Louis и колку далеку дотуркале за време на својата авантура во квир фотографирањето?

Louis порано беше сликар, но реши да студира фотографија на универзитет поради инспирација од пријател, а сега, редовно ги објавуваат своите уникатни филмски фотографии на TikTok и други платформи на социјални медиуми, собирајќи илјадници прегледи.

„Многу ми се допаѓа техничкиот дел од фотографирањето, како што е брзината на блендата и различните фокусни должини“, вели Louis. „Со текот на времето, дознав повеќе и за историјата. Станав опседнат и гледав видеа на YouTube по цел ден“.

Знаејќи дека нивниот стил на фотографирање е уникатна категорија, Louis го смисли проектот за квир фотографирање во текот на првиот семестар од третата година. „Малиот број фотографи што спаѓаат во оваа категорија не вклопија емоции, поради што смислив да го комбинирам емоционалниот дел од себеси со филмска естетика, а потоа почнав да објавувам на TikTok, каде што други квир луѓе ми пружија многу љубов“, вели Louis.

Louis вели дека нивните следбеници често ги користат зборовите „филмски, квир, наративно и фантазија“ за да ја опишат нивната работа, а црпи инспирација од фотографи чиишто фотографии се исто така драматични. Наведувајќи ги Sarah Bahbah и Gregory Crewdson како влијанија, Louis вели дека нивните слики раскажуваат приказни таму каде што зборовите не можат.

На почетокот од проектот, Louis ги замоли нивните пријатели да позираат, но откако постави неколку огласи онлајн, доби многу одговори од квир луѓе. „Намерно не најмив професионални модели“, вели Louis. „Ми се допаѓа идејата да користам вистински луѓе што искажуваат искрени емоции“.

Кога станува збор за режирање на моделите, Louis претпочита да види како ќе се одвива сесијата. „Мошне импулсивно фотографирам. Формулирам мал илустриран приказ, но ако видам убава локација што не беше дел од планот, ќе кажам ‘Сакам да одам таму‘. Мислам дека суштината на фотографирањето е да се препуштите и да одржувате отворен ум“.

Louis им дава идеја на моделите и им дозволува да ја протолкуваат како што сакаат. „Ги замолувам да размислуваат за своето детство или за дефинирачки момент од нивните животи“, објаснува Louis. „Кога ќе влезат во таа состојба, можам да се фокусирам на композицијата и боите. Приближно 40% се должи на моите насоки, а 60% на личноста што ја фотографирам. Сакам на моите модели да им е пријатно, бидејќи само тогаш навистина можете да бидете свои и да ги откриете своите внатрешни чувства“.

Louis често фотографира во променливи услови, почнувајќи од улички со слабо осветлување и летниковци, поради што мора брзо да размислува за максимално да ги искористи сесиите. Louis започна да фотографира со Canon EOS 6D Mark II што го позајми од универзитетот, како и голем избор на објективи од серијата Canon L, но се префрли на фотоапаратот без огледало за целосна слика Canon EOS RP, во комбинација со адаптерот за монтирање објективи EF-EOS R од Canon, за да може да продолжи да користи објективи со EF-приклучок.

Компактниот EOS RP овозможува снимање во движење за Louis, а продолжената AF-површина веднаш се фокусира на субјектот и одржува острина на портретите. „Имало моменти во кои ми се посреќило во снимката бидејќи беше во фокус од првиот обид“, вели Louis.

Louis вели дека екран на допир е од клучно значење. „Не сакам да гледам низ визирот; претпочитам да гледам директно во моделот за да воспоставам врска со него“, вели Louis. „Сакам да гледаат во мене, не во фотоапаратот, а EOS RP ми го овозможува токму тоа. Можам само да го допрам екранот и не морам да се грижам дека ќе ја изгубам емоцијата во снимката“.

При сесии на отворено со многу ветер, Louis ја научи важноста на стабилизацијата на слика и често го користи објективот Canon EF 24mm f/2.8 IS USM за да постигне снимки без тресење. Благодарение на снимањето со широкоаголен објектив, Louis е во можност да вклопи поголем дел од заднината во сликата и да прикаже колку му е пријатно на субјектот во опкружувањето. „Ми се допаѓа можноста за доловување на тоа чувство на осаменост што го создава опкружувањето“, додава Louis.

Louis го користи и објективот Canon EF 50mm f/1.2L USM – нивната омилена фокусна должина – што може да долови остри детали, дури и во темни услови.

RF 24mm F1.8 MACRO IS STM и RF 50mm F1.2L USM би биле еквивалентни објективи RF.

Louis има големи амбиции и се надева дека ќе продолжи да ја фотографира квир заедницата, да ја прошири својата мрежа и да пронајде уште уникатни приказни и искуства. „Сакав да истражам емоции како квир радост уште откако дипломирав“, вели Louis. „Исто така, сакам да фотографирам луѓе со различни сексуални ориентации и родови - сакам да фотографирам квир луѓе со друга расна припадност, лица што се назначени со машки пол при раѓање и многу други. Тоа е следниот чекор“.

Се надеваат дека еден ден, нивните фотографии ќе бидат отпечатени, можеби во форма на украсна книга за на масичка за кафе. „Тоа би бил добар начин да се заврши проектот“, вели Louis. „Сѐ уште сум далеку од тоа да го постигнам, но секој ден снимам нови фотографии и работам на проектот“.

Демонстрирајќи ја моќта на фотографирањето, портретите на Louis им даваат на знаење на луѓето дека не се сами, а притоа покажуваат како една слика може да покаже мноштво емоции кои тешко се искажуваат со зборови.


Напишано од Nikita Achanta