Two cross-country skiers travel along the narrow spine of a mountain, using their poles.

Фотографирање движења

„Возбуден сум како да имам 16 години.“ Richard Walch за неговата страст за фотографирање зимски спортови

Фотографот за зимски спортови Richard Walch е подеднакво среќен и кога виси од хеликоптер и кога внимателно се спушта по патека за скијање, што резултира со снимање на возбудливи и воодушевувачки моменти. Неговата страст кон фотографијата започнала додека се занимавал со сноубординг со неговите пријатели и сè уште има ист интензитет како и кога имал 16 години, кога за прв пат во весник била објавена негова слика.

Овде го открива неговиот креативен пристап, приказната што се крие зад неговата најдобра слика и каде наоѓа инспирација.

Фотографирате професионално уште на возраст од 16 години. Како ја откривте страста за фотографирање?

„Мојата страст кон фотографијата се разбуди во една среќна околност кога ме запишаа во ново училиште со професионална темна просторија за развивање слики. Таму поминував многу време, што лошо се отслика врз моите оценки, а сепак многу добро врз моето фотографирање. Започнав со EOS-1N од Canon и успеав да стигнам до EOS-1D X Mark II од Canon. Притоа сите викенди ги поминував во бордање по снег на планина. Првичниот план ми беше да станам спонзориран сноубордер, но реално не бев доволно добар. Затоа си реков, „Ако не можам да добијам спонзори, тогаш со фотоапаратот ќе ги фотографирам моите пријатели кои се навистина добри сноубордери.““

Што е најтешкото кога фотографирате зимски спортови?

„Најважно е да се организирате и да се подготвите за фотографирањето. Јас немам обука за фотограф, туку ги направив сите грешки што може да постојат и се трудев да не ги повторам. Една од најтешките работи за совладување беше кога отпатував во Whistler, Canada, откако завршив училиште. Фотографирав со филм цела недела, појдов во фотолабораторија во Ванкувер и ставив 10 филма на масата, а кога ми ги вратија видов дека имаа три чекори помала експозиција бидејќи по грешка сум избрал -3 на фотоапаратот. Сите одлични слики се уништија бидејќи беа потемни за три чекори. Бидејќи користев аналоген филм, не беше можно да ги поправам. Тоа никогаш не смее да се повтори.“

Како изгледа организирањето?

„Најмногу внимавам на начинот на кој ќе пристигнам на дестинацијата, безбедни услови за работа, како да ја поставам опремата за фотографирање. Мора да бидете свесни за опкружувањето околу вас кога работите на отворен простор или на планина, па дури и кога снимате автопортрет. Бидете внимателни, разгледајте што треба да работите и потоа земете го фотоапаратот и фотографирајте.“

"Јас немам обука за фотограф, туку ги направив сите грешки што може да постојат и се трудев да не ги повторам."

Сигурно работите на некои интересни локации. Може ли да ни кажете за највозбудливиот зимски спорт што сте го фотографирале?

„Од моментот кога почнав да фотографирам зимски спортови и да бордам по снег, мојот сон беше да отидам во Алјаска. Но, не може само да отидете во Алјаска и да се снајдете - мора да бидете дел од одличен тим. Тргнав со најдобрите скијачи во Европа, група наречена Legs of Steel. Отидовме на скијање со хеликоптер во Хајнс - најдоброто место за бесплатно скијање во Алјаска. Снегот се лепи на овие вертикални ѕидови [на сликата подолу], така што може да скијате по стрмнина каква што нема на ниту едно друго место во светот. Притисокот е екстремно висок, бидејќи спортистите инвестираат од 10.000€ до 15.000€ за да се спуштат од шест до десет пати, па затоа кога сте во хеликоптерот и фотографирате од отворената врата, мора да бидете сигурни дека ќе снимите одлични слики. Сè заврши добро - сите правеа акробации и никој не се повреди.“

Слични написи
A snowboarder in red trousers walks through the snow, carrying his board, with his back to the photographer.

ОТВОРЕН ПРОСТОР

Совети за фотографирање зимски спортови

Професионалниот спортски фотограф Richard Walch ги споделува своите професионални совети за прекрасни зимски фотографии, почнувајќи од избор на фотоапарат па сè до најдобри подесувања.

Two young men dressed in black leap around on a rooftop between Turkish domes with stone lanterns on top.

АКЦИЈА

Како да фотографирате паркур: најдобрите совети на Samo Vidic

Амбасадорот на Canon објаснува како да ја пренесете возбудата и акцијата на урбаните акциони спортови.

Alan Rowan holds a Canon SX740 HS camera, with a lake and hills in the background.

ОТВОРЕН ПРОСТОР

Како Munroe Moonwalker снима планински пејзажи

Од шарени макро-снимки до магливите планински врвови, еве како Alan Rowan го користи PowerShot SX740 HS од Canon за да ја добие совршената слика во природа.

Дали во моментот има технологии за фотоапарати што ти го привлекуваат вниманието?

„Во America's Cup (едрење), капетанот на тимот на Нов Зеланд секогаш велеше: „Сè што не допринесува за забрзување на бродот, не нè интересира“. Ако некоја функција не ги подобрува фотографиите, зошто да зборуваме за неа? Треба да се фокусирате на тоа што е уникатно за производот. Дали ќе ви овозможи да направите нешто што досега не сте можеле да го направите? EOS M5 од Canon и EOS M50 од Canon се фотоапарати што навистина ќе ви овозможат да направите нешто што не сте можеле да го направите досега. Тие се многу мали фотоапарати со кои ќе работите екстремно тивко и дискретно, особено ако ги споите со фиксниот објектив Canon EF-M 32mm f/1.4 STM - тоа е совршена комбинација.“

Фотографирате со професионална опрема од Canon, но дали може некои од овие ефекти да се постигнат и со фотоапарати од пониска класа?

„Да! Снимањето одлични снимки зависи повеќе од техниката отколку од технологијата. Но, сите фотоапарати од Canon имаат навистина одличен автоматски фокус, на пример. Исто така, општа практика е напредните технологии да се вградуваат во фотоапарати за почетници пред да се вградат во фотоапаратите од висока класа. На пример, технологијата за допирање и повлекување на автоматскиот фокус за која луѓето зборуваат за системот EOS R од Canon сега е воведена во EOS M5 од Canon и EOS M50 од Canon.“

Кој момент ја дефинираше вашата кариера?

„Кога имав 16 години, сестра ми беше дел од програмата за размена на студенти во САД и имав можност да ја посетам заедно со семејствата во кои престојуваше за време на летните одмори. Во едно од семејствата беше управниот директор на Dallas Morning News, па едно лето ми дозволија да работам таму како практикант за фотографирање. Фотографите се чудеа зошто бев таму бидејќи бев многу млад. Јас бев полн со енергија и постојано бев во движење. Во една прилика требаше да фотографираме голем брод, па јас се качив на јарболот и го замолив капетанот кој сакав да го фотографирам да се качи со мене за да го фотографирам одозгора, со бродот долу во заднината.

„Навистина се потрудив да ја снимам оваа слика, а фотографот што дојде со мене само го намести капетанот зад кормилото. И тој сними убава фотографија, но мојата беше таа што ја објавија во весникот, што во тој момент беше многу важно за мене. Многу рано сфатив дека мора да се потрудите за да снимите неверојатна слика. Навистина треба да дадете сè од себе. Секогаш фотографирам според замислата во мојата глава и за мене тоа сè уште е возбудливо исто како и кога бев почетник.“

Што правите кога ќе снемате идеи?

„Одам да се туширам и веднаш ми доаѓа нова идеја [се смее] - навистина е така. Во глобала сум како сунѓер - се обидувам да добијам инспирација од сè. Може да појдам во музеј за уметност и таму да добијам инспирација, потоа да зборувам со некој дизајнер и тогаш да добијам идеја, да разговарам со некој патник и да добијам идеја од него, да гледам нешто на интернет. Информациите ги примам преку детално набљудување, но иако ги примам не знам кога ќе ги искористам. Ако гледате само фотографи за сноубординг, тогаш неминовно ќе почнете да ги копирате, а тоа не е добро. Но, ако погледнам што прави фотографот за сноубординг и тоа го применам во фотографирањето бродови за едрење, а потоа погледнам што прави уметникот и го применам тоа во спортот, тогаш можам да создадам свој стил и да внесам новина во сцената.“

Најдобрите практични совети на Read Richard за снимање подобри фотографии од зимски спортови за оваа сезона на скијање.

Напишано од Kathrine Anker

Слични написи



Get Inspired е најголемиот извор на практични совети за фотографирање, водичи за купување и информативни интервјуа - сè што ви е потребно за да го пронајдете најдобриот фотоапарат или најдобриот печатач и да ја реализирате вашата следна креативна идеја.

Назад до сите совети и техники

Слични производи