Храна во движење: како да преминете на снимање храна

Храната има моќ да ги обединува луѓето од сите области на животот, а фотографирањето и снимањето храна одамна го привлекува интересот на публиката, особено по порастот на социјалните медиуми. Но, не е едноставно да се снима храна во движење – нешто што креаторот на содржини Jessica Marsden-Urquhart одлично го знае.

На нејзината сметка на социјалните медиуми, Jessie Bakes Cakes, каде што има повеќе од 100 илјади следбеници, Jessie создава кратки видеа што го истакнуваат креативниот процес и макотрпната работа што е потребна за да се приготви храната. Нејзината фотографска авантура со храната почнала за време на карантинот. „Отсекогаш сум сакала да печам, а се сеќавам дека снимав ужасни фотографии на мојот телефон во 2013 година“, се смее Jessie. „Во 2020 година, почнав посериозно да размислувам на таа тема и се запрашав: „Во што уживам?“. Почнав да ги подобрувам моите рецепти, но почнав и повеќе да се фокусирам на фотографската страна на готвењето“.

Овде, Jessie го опишува својот преод од фотографирање до снимање храна и споделува практични совети и трикови што може да им помогнат на луѓето кои имаат намера да снимаат видеозаписи со храна.

Не мора да користите видеозаписи за да доловите движење при фотографирањето храна. Фотографирањето ролати од цимет со глазура од слатка павлака е доволно да го промени начинот на кој гледачот ги перципира сликите. Меѓутоа, преминот во видеоснимка додава целосно нова димензија во вашите содржини. Нашето уживање во храната во огромен дел зависи од нејзиниот изглед, а истакнувањето на текстурата и размерот е многу полесно преку видеоснимка. Во суштина, сакаме да гледаме слики од храна бидејќи сакаме да ја изедеме, а видеоснимките прават да сакаме да ја изедеме уште повеќе.

Многу е важно и креаторите на содржини да се приспособуваат на променливиот свет на социјалните медиуми. „Тоа што навистина го поттикна мојот интерес да се префрлам од фотографии на видеоснимки беше промената на трендовите“, вели Jessie. „Знаев дека мора да научам да ги користам видеоснимките за да овозможам мојата кариера и бизнисот да просперираат“.

Опремата што ја користите за снимање на храната може да има големо влијание врз вашата работа, но не мора да потрошите многу пари за да добиете одлични резултати. Jessie смета дека изборот на објектив е поважен од фотоапаратот и препорачува објектив од 50 mm со широк отвор на блендата, како што е Canon RF 50mm F1.8 STM. „Тој ми ги нуди резолуцијата и квалитетот што ги барам“, вели таа. Малата длабочина на полето овозможува храната да се истакне и да биде во центарот на вниманието.

Jessie го користеше и објективот Canon RF 100mm F2.8L MACRO IS USM на ова снимање и вели дека веднаш се заљубила во него. „Тој е идеален за да ѝ се приближите на храната, а острината на снимките е неверојатна“, вели таа. „Сакам да го користам за да ги истакнам прекрасните текстури на печивата. Изборот помеѓу AF/MF овозможува неверојатно лесно префрлување меѓу рачното фокусирање, кога сакам да го задржам фокусот на субјектот, и автоматското фокусирање, кога сакам да го следам движењето во сцената“. Освен тоа, користењето мал отвор на блендата ѝ овозможува на Jessie да ја истакне храната и да создаде фантастична, заматена заднина. Објективот се одликува со оптичка стабилизација на слика од 5,5 чекори што овозможува снимање видеозаписи без тресење, но може да испорача до 8 чекори ако се користи во комбинација со фотоапарат со вградена стабилизација на слика (IBIS), каков што е Canon EOS R6 Mark II. Двата Nano USM-мотори овозможуваат прецизно и исклучително брзо автоматско фокусирање кое е речиси бесшумно, така што шумот од објективот нема да влијае на вашиот субјект.

Повеќенаменскиот Canon RF 24-105mm F4-7.1 IS STM е компактна и лесна опција. „Широката фокусна должина ми овозможува да снимам долги кадри за да го доловам целиот субјект, а потоа да зумирам за кадрите одблиску без да треба да го променам објективот или да го поместам стативот и без загуба на резолуцијата“, вели Jessie. „Тој исто така брзо реагира на движење и бесшумно го фокусира субјектот – совршено за снимање видеоснимки со звук“. Овој објектив се одликува со оптичка стабилизација на слика до 5 чекори, а ако го поместувате објективот додека стабилизацијата на слика е вклучена, тој автоматски се префрлува од стандардна стабилизација на слика во стабилизација на слика при поместување. Тоа значи дека може рачно да снимате видеоснимки и да го движите фотоапаратот за да го снимите секој детаљ.

До почетокот на 2023 година, Jessie користела APS-C DSLR-фотоапарат пред да го надгради со фотоапаратот без огледало за целосна слика Canon EOS R8. „Користам вештачко осветлување, кое мора да го усогласите со бојата на вашиот фотоапарат, инаку ќе добиете зелени или розови тонови“, вели таа. „Со храната треба да обрнете уште повеќе внимание на тоа, бидејќи не сакате белиот крем да изгледа жолто. EOS R8 навистина ми помогна бидејќи ми овозможува да поставам приспособен баланс на белата боја за да може да ги добијам точно тие бои што ги барам“.

EOS R8 е особено добар за видеоснимки бидејќи снима во 4K со максимум 60p, добиени со прекумерно семплирање од податоците од 6K-сензорот, со што се добиваат 4K-видеоснимки со повисок квалитет во споредба со оние снимени во стандардна 4K-резолуција. Не треба да се грижите ни дека ќе испуштите некоја низа, бидејќи EOS R8 има функција за пред снимање, која прави видеоснимка од 3-5 секунди пред да го притиснете копчето за снимање.

Важно е да најдете решение што ќе ви одговара. Кога смислувате рецепти за печење или готвење, а потоа снимате, тоа може да биде проблематично и да одземе многу време, па затоа Jessie секогаш прави повеќе работи одеднаш. „Кога развивам рецепт, веќе размислувам како да го доловам во видеоснимка“, вели таа. „На пример, кога пишувам рецепт за колачиња, си мислам: „Овде ќе ги додадам чоколадните парченца, тоа ќе биде кадарот“. Веројатно ќе снимате 30 минути кои подоцна ќе ги скратите во 30 секунди, така што важно е да забележите кои делови се најважните."

Содржините на Jessie пред сѐ се наменети за социјалните медиуми – тие се снимени во вертикална ориентација за гледање на паметни телефони, а таа смета дека е добра практика да се уредуваат снимките на телефонот. „Не користам скап софтвер за уредување фотографии“, објаснува таа. „Ги префрлувам видеата во телефонот со апликацијата Canon Camera Connect и таму ги уредувам. Има многу бесплатни апликации што може да ги користите - не мора да издвојувате многу пари за претплата“.

Таа го користи и софтверот EOS Utility од Canon за на својот лаптоп да го прикаже тоа што фотоапаратот го снима. „Кога го гледам тоа што фотоапаратот го снима, тоа навистина ми помага во поставувањето на сцената, како и при снимањето и доловувањето на храната во движење“, вели Jessie. „Ги користам ознаките на решетката во софтверот за попрецизно да ги распоредам предметите во кадарот. Имам и целосна контрола врз температурата на боите, што е важно кога се користи вештачко осветлување за да се добие најдобра прецизност на боите“.

EOS R8 и EOS R50 може да прикажуваат маркери за сооднос на слика, така што ќе може правилно да го обликувате кадарот во зависност од платформата на социјалниот медиум за којшто снимате. Целиот кадар е видлив, но ознаките покажуваат каде тој ќе биде отсечен.

Jessie вели дека една од најчестите грешки во снимањето видеоснимки е да не знаете кога да се префрлите од рачно во автоматско фокусирање. „Ако земате нешто од кадарот и сакате фокусот да се насочи на предметот зад него, користете автоматско фокусирање“, објаснува таа. „Сепак, јас најчесто снимам со рачно фокусирање за фокусот да не се поместува низ кадарот, бидејќи тоа може да го одвлекува вниманието“.

Важно е и да се експериментира со различни агли при снимањето видеа со готвење. „На пример, снимањето одозгора е совршено за снимање кадар со мешање тесто за торта во длабок сад, бидејќи може да го долови движењето и да го привлече вниманието на гледачот“, вели таа. „Префрлувањето помеѓу снимките одблиску и широкоаголните кадри исто така е корисно бидејќи може да ги прикажете разните текстури на храната или нејзината големина“.

Иако повеќето видеоснимки што ќе ги објавите ќе бидат во реално време, експериментирањето со нивното забавување или забрзување може да има огромно влијание врз крајниот резултат. При уредувањето, може и да забрзате некои делови од објавите за социјалните медиуми, а некои делови и да ги забавите. „Може да снимите кадар со забавени движења и да го користите како вовед бидејќи забавените движења прават сѐ да изгледа луксузно“! вели Jessie. Од друга страна, вели таа, „забрзувањето на видеоснимките им дава голема енергија“. Кога има временски ограничувања за објавите, забрзувањето на видеото може да ви помогне и да вклучите повеќе содржини во пократок временски период: „забрзаните движења се практични и кога треба да ја ограничите снимката на 5 или 10 секунди“, вели Jessie.

Трендовите на социјалните медиуми постојано се менуваат. Една недела луѓето се опседнати со видеа од леб од банана, а следната со пандишпан и глазури, што може да биде напорно за креаторите на содржини. „Трендовите се минливи,“ вели Jessie. „Најважно е да размислите што ви се допаѓа во тој тренд и да размислите: „како може да го вклучам ова во моите содржини?“ А не: „и јас треба да го правам истово“.“

Jessie истакнува и колку е важно да го задржите сопствениот стил и пристап кон снимањето храна. „Тоа е она што им се допаѓа на брендовите или клиентите со кои соработувате; тие ве избираат поради вашата индивидуалност“, објаснува таа. „Лесно е да се исплашите од луѓето со поголем број следбеници, но ако само се обидете да ги копирате за да стигнете до нивните бројки, веројатно нема да успеете. Фокусирајте се на причината поради која го работите тоа што го работите. Правете го тоа што го сакате, бидејќи таа страст ќе биде видлива во вашиот труд. Кога јас го обезбедив мојот прв клиент, имав само 2.000 следбеници, така што не ви е потребна голема публика. Може да имате успешен бизнис и со мал број следбеници.

„Во ред е да се преиспитувате“, продолжува таа. „Насекаде има многу извори на инспирација, па може да се обидете да повторите нешто и да помислите: „ова не се вклопува во мојот стил“ или „дали навистина ми се допаѓа ова?“. Верувајте му на својот инстинкт. Најчесто тоа се исплати“.

Затоа, следниот пат кога ќе печете торта или ќе готвите вечера, може да се обидете да експериментирате со можностите за снимање видео на вашиот фотоапарат и советите во оваа статија и да видите што може да постигнете.

Напишано од Nikita Achanta