ФОТОГРАФИРАЊЕ ЗАБРЗАНИ ВИДЕОСНИМКИ
Снимањето стотици фотографии што го доловуваат одминувањето на времето во видеоснимка со забрзано движење може да биде прекрасно, но не можете да ја закачите видеоснимката на ѕид. Меѓутоа, можно е да се претворат видеоснимките со забрзано движење во една фотографија што може да се отпечати. Снимањето временски подредени фотографии опфаќа снимање серија фотографии - исто како и со видеоснимките со забрзано движење. Но, наместо да снимите видеоснимка, се земаат разни делови од поединечните слики и тие се спојуваат во една впечатлива слика што прикажува транзиција, на пример од ден во ноќ.
Овде ќе ги објасниме основите на поставувањето на вашиот фотоапарат за снимање видеоснимки со забрзани движења, користејќи фотоапарат со вграден тајмер со интервали. Се работи за едноставна техника за фотографирање што лесно може да ја пробате во вашиот дом или во градината. Го доловивме неверојатното движење на ливчињата на лалето во попладнето и вечерта, но може да ја примените истата техника за секој објект што полека се менува со тек на време, од сладолед што се топи до снимка од преодот од ден во ноќ над некој пејзаж. Откако ќе завршите, ќе ги споиме сликите за да го создадеме впечатливиот отпечатен материјал за вашиот ѕид.
Поставете го фотоапаратот на статив и изберете го аголот под кој ќе снимате. Имајте предвид дека фотоапаратот ќе треба да остане неподвижен неколку часа, така што најдобро е да го поставите фотоапаратот на место каде што нема да ви пречи. Ако има можност да заврне, поставете го фотоапаратот под стреа или снимајте преку прозорец. Најдобро е да снимате на мирен ден, бидејќи силниот ветар може да предизвика несакани движења на цвеќето. Проверете дали батеријата е целосно наполнета. Лалињата се целосно отворени околу пладне за да ја добиваат сончевата светлост на раширените ливчиња, така што тогаш може да го започнете снимањето.
Ако снимате објект каков што е цветот, обидете се да поставите едноставна заднина зад него. На овој начин цветот се истакнува од комплексната заднина во градината, а се олеснува и подоцнежното комбинирање на повеќе слики во една. Ние закачивме парче црна ткаенина зад цветот, но вие може да експериментирате со разни бои за заднината. За заднината да остане темна, се погриживме сончевата светлина да не паѓа директно врз неа.
Изборот на експозицијата ќе зависи од објектот и од осветлувањето. Најчесто, режимот за приоритет на решетката е добар избор за видеоснимките со забрзано движење во кои нивоата на светлина се менуваат во текот на денот. Ова значи дека може да ги задржите параметрите за ISO и за решетка фиксни, а фотоапаратот ќе ја приспособи брзината на блендата според условите. Решетката со среден опсег како f/8 е идеална, а ниската вредност за ISO како ISO 100 овозможува шумот да биде сведен на минимум. Откако ќе се фокусирате на објектот, префрлете го објективот во рачен фокус за тој да остане фиксиран во текот на снимањето на секвенцата.
Имајте го предвид и квалитетот на сликата. RAW-сликите нудат извонредни детали во осветлените делови и во сенките, со што имате повеќе простор за коригирање на прекумерната или недоволната експозиција. Ако не се одлучите за RAW, изберете RAW+JPG, но запомнете дека за оваа опција ќе биде потребен повеќе простор на мемориската картичка.
Постојаното осветлување овозможува сликите да се претопат една во друга, но тоа може да биде тешко кога снимате во различни делови од денот. Важно е да ја неутрализирате дневната светлина за таа да нема клучна улога во вкупното осветлување на опкружувањето. Имате неколку можности за да го постигнете тоа. Прво, може привремено да ја блокирате сончевата светлина со рефлектор или ќебе и да го осветлите цвеќето со ламба или со силна џебна светилка. Како алтернатива, може да користите speedlite или надворешен блиц за да ја придушите дневната светлина.
Одете во поставките за фотографирање со интервали во менито на фотоапаратот. Таму има две поважни контроли. Поставката „Интервал“ го одредува временското растојание помеѓу фотографиите, а опсегот што ќе може да го изберете ќе зависи од фотоапаратот: некои дозволуваат интервали до 30 секунди, некои до 59 минути и 59 секунди, некои до неколку часа, минути и секунди (овде фотоапаратот е поставен да фотографира по една слика на секој час). Бројот на слики може да се постави на конкретен број или 00 неограничено (ако фотоапаратот го дозволува тоа) за континуирано фотографирање. Откако ќе го поставите сето тоа, може да ја стартувате секвенцата така што ќе ја активирате блендата.
Откако ќе ја снимите серијата фотографии во текот на неколку час, може да ги споите во една слика што ќе ја прикажува промената на објектот во текот на денот. Изберете ги сликите што сакате да ги споите - може да изберете колку што сакате, но колку повеќе изберете, толку подолго ќе трае процесот. Обработете ги сликите за да ги подобрите боите и тоновите како и со поединечните фотографии. За да заштедите време, можете да ги обработите групно во DPP со помош на функцијата „Рецепт“.
Ако се случи, како со цвеќето прикажано овде, во заднината да има делови што не се целосно црни, може да ги обоите со помош на алатката за прилагодување, а потоа да ја затемните избраната област. Потоа, почнете да ги спојувате фотографиите со алатките за прилагодување и спојување во DPP. Со помош на алатката за прилагодување, затемнете ги деловите од сликата што не сакате да ги користите, а потоа користете ја алатката за спојување за да изберете друга слика и да ја споите со помош на поставките за осветлување или додавање. Зачувајте ги споените слики и продолжете на истиот начин, слика по слика, за да го добиете саканиот ефект.
Постојат многу програми и апликации за уредување слики што може да ги искористите за да ги споите вашите фотографии, но принципите остануваат исти. Подредувајте ги фотографиите една врз друга и изберете ги деловите на секоја слика што би сакале да ги користите за споената слика. Може да изберете спојување со транзиција, од една страна на кадарот до другата, или, пак, да експериментирате со другите видови транзиции, како што се серија засеци, како што е прикажано подолу во примерот со временски подредената фотографија од пејзаж.
Откако временски подредените фотографии ќе се спојат, зошто да не го одведете процесот на следното ниво и да не ја отпечатите вашата фотографија? Врамена отпечатена фотографија од цвеќе во неколку фази на цутење може да биде впечатлив додаток за вашиот ѕид или камин, како и убав подарок за вашите сакани. Подготвувањето на сликата за печатење е едноставно и може да се изврши во повеќето апликации за уредување слики. Која и да ја изберете, важно е боите на вашиот екран да се калибрирани за она што го гледате на екранот да биде идентично со она што ќе го добиете од печатачот.
Процесот на печатење може малку да се разликува во зависност од печатачот што го користите. Професионалните печатачи нудат предности како што е печатењето постери кои подолго траат. PIXMA PRO-10S од Canon може да печати материјали со големина до A3+ со систем од 10 мастила базирани на пигмент за прекрасна репродукција на боите, а PIXMA PRO-100S користи систем од 8 мастила базирани на боја за отпечатени материјали со уште подолг век. За уште повпечатливи резултати, може да го користите и imagePROGRAF PRO-1000 од Canon за отпечатени материјали со големина до A2 со системот од 12 мастила базирани на пигмент LUCIA PRO.
Ако користите еден од овие или друг професионален печатач од Canon, користете го Print Studio Pro како водич низ процесот на печатење. Оваа дополнителна компонента функционира со DPP и други апликации за уредување и со неа може да ги прилагодувате поставките за управување со боите и профилите на хартија за да добиете прецизно отпечатени материјали.
Ако користите домашен печатач за фотографии како што е печатачот PIXMA TS6350 од Canon што го користевме ние, DPP може да управува со процесот: изберете „Печатење“, потоа „Својства“ и изберете го типот на хартија што го користите, како и правилните поставки. За најдобри резултати, користете специјална хартија како што е професионалната фотохартија од Canon и печатач со систем со најмалку 5 мастила (како што е технологијата за мастила ChromaLife100 од Canon што ја користи PIXMA TS6350) за да добиете висококвалитетни отпечатени материјали.
Напишано од James Paterson
Прекрасни бои. Печатач за на работна маса со врвни бои и прецизност наменет за A2 формати
Get Inspired е најголемиот извор на практични совети за фотографирање, водичи за купување и информативни интервјуа - сè што ви е потребно за да го пронајдете најдобриот фотоапарат или најдобриот печатач и да ја реализирате вашата следна креативна идеја.
Назад до сите совети и техникиФОТОГРАФИРАЊЕ ВО ЗАТВОРЕНИ ПРОСТОРИИ
Бидете креативни во вашиот дом. Совети за фотографирање портрети со филмски изглед, апстрактни макро фотографии и видеоснимки со забрзано движење.
ФОТОГРАФИРАЊЕ ГРАДИНИ
Забавни проекти што може да ги пробате дома, од боење со светлост до фотографирање на ѕвездите.
ФОТОГРАФИРАЊЕ ЗАБРЗАНИ ВИДЕОСНИМКИ
Зачекорете во светот на видеоснимки со забрзани движења користејќи фотоапарат EOS во вашиот дом.