Emmanuel Oyeleke: креативно патување во модното фотографирање

Поместувањето на креативните граници е огромен дел од модното фотографирање и е многу важно како што одиме кон демократизирана индустрија во која надежните креатори и воспоставените фотографи имаат шанса да раскажат уникатни приказни низ објектив. Тука, амбасадорот на Canon од Нигерија, Emmanuel Oyeleke го споделува своето инспиративно патување како моден фотограф во Лагос.

Патешествието во светот на фотографирањето на Emmanuel е исто толку уникатно колку и неговите слики. Порано, тој беше професионален играч на играта Scrabble и патуваше по светот на турнири. За време на овие авантури, тој откри длабока љубов кон фотографирањето, доловувајќи спомени и моменти од патувањата.

Emmanuel себеси се опишува како „сериски претприемач“ и сака да пренасочи енергија во своите страсти, што беше најважниот фактор за трансформирање на неговиот интерес во прекрасна кариера.

Еден од водечките принципи на Emmanuel е никогаш да не ја повтори истата слика. Признава дека „не сака рутина“. „Лесно ми здодева. Дури и да сликам слика што веќе сум ја направил, светлото може да ми е различно. Секако, клиентите сакаат доследност, но не сакам да се водам по формула. Наоѓам различни патишта до одредиштето. Тоа ме инспирира. Ме одржува љубопитен.

„Кога мислите „Сфатив, вака се прави“, паѓате во стапица на самоугодување и сликите ви стануваат повторливи. Во култура како нигериската, луѓето секогаш сакаат свежи идеи и нешто различно. Еднаш штом ќе направите нешто, многу млади фотографи ќе сакаат да го имитираат, така што, ако не можете да најдете нови начини за правење на нештата, тогаш вашите фотографии личат на делата на стотици други фотографи. Правење нешта различно секогаш одржува свежина за мене и за моите клиенти“.

Без оглед на тоа дали се работи за личен проект или проект за клиент, секогаш има лична визија на работа, вели Emmanuel, додавајќи дека „понекогаш, дури и резултатот да не е тоа што очекувале клиентите, пак им се допаѓа“.

Како Nina Zimolong и Ian Hippolyte, за кои веќе напишавме напис во овој серијал, Emmanuel смета дека раскажувањето приказни е секогаш присутно во фотографирањето мода.

„Дури и да не го гледате, елементот на раскажувањето приказни е секогаш присутно“, вели тој, „дури и да е најсуптилно - погледот на моделот, композицијата или тоа што го вклучувам во кадарот или го отстранувам. Сакам да раскажам приказна со моите дела“.

Emmanuel го препознава истиот креативен импулс во самата модна индустрија и ја нагласува важноста на платформите за да се слушаат нови гласови. „Lagos Fashion Week и слични настани се наменети за воспоставени брендови, но некои од нив вклучуваат и платформи за надежни дизајнери. Сега има многу такви платформи“. Тој ја нагласува вредноста на настани како Street Souk, конвенција за улична мода во Лагос, која спојува креативци кои ја прославуваат модата и ги изложуваат своите креации. „Овие платформи се многу важни за надежните дизајнери, како и за други аспекти на индустријата - надежните шминкери, стилисти за коса, фотографи, креатори на содржини. На сите им треба платформа за да покажат што можат да понудат“.

Emmanuel мисли дека важноста на социјалните медиуми не може да се пренагласи - за фотографите, за други креативци во модната индустрија и многу други.

Социјалните медиуми ја демократизираа изложеноста, овозможувајќи им на секакви артисти самите да ги објават нивните дела и да достигнат до глобални публики без да се потпираат на традиционални методи кои Ian ги опишува како бариери за влез во ова поле - како издавачи, галерии и продуценти. „Социјалните медиуми многу помогнаа, особено на надежните фотографи, дизајнери, шминкери и други, сите што порано немаа глас или дострел или мрежа.

„Можеби никогаш не сте ја напуштиле Нигерија, но вашите дела го пропатувале светот. Мислам дека тоа е многу важно“.

Emmanuel го нуди овој практичен совет за надежните модни фотографи и други талентирани лица од индустријата кои може да добијат досега невидена изложеност со своите дела:

• „Бидете видливи. Споделувањето придонесува кон видливоста на талентираните луѓе од Африка - фотографирање, видеографија, кинематографија, мода. Има поговорка: затворени усти не добиваат храна. Сакам да кажам, како артист, не треба само да создавате дела и да ги оставите да собираат прав и никој да не ги види. Сега е поважно од кога било да ги споделите“.
• Раскажете ја вашата приказна. „Луѓето сакаат приказни, не само слики или видеозаписи. Раскажете ја вашата приказна, бидејќи само вие можете да ја раскажете вашата приказна на ваш начин“.
• Бидете транспарентни. Колку често слушате некој да каже „Моите дела зборуваат сами за себе“? Но, има многу бучава и одвлекување внимание, дури и на социјални медиуми. Сега е моментот да споделувате колку е можно повеќе, колку е можно почесто - не само добрите делови, туку и предизвиците, што се случува зад сцената - за луѓето да ја видат вредноста во тоа што го работите.

Патувањето на Emmanuel е сведоштво кон моќта на страста, оригиналноста и креативноста, откривајќи како претприемачкиот дух и социјалните медиуми може да ги обликуваат кариерите на денешните раскажувачи на визуелни приказни. Ако извлечете само една лекција, нека биде дека големите соништа може да станат реалност со правилните алатки и размислување.

Прочитајте повеќе:

• Зачекорување во светот на модното фотографирање
• Листа со опрема за фотографирање мода

Напишано од Mabinty Taylor-Kamara и Sarah Kay Bland