ФОТОГРАФИРАЊЕ ПРИ ПАТУВАЊА
Фотографирање со почит при патувањата
Што треба да имате предвид кога фотографирате култури и заедници што се различни од вашите.
УЛИЧНО ФОТОГРАФИРАЊЕ
УЛИЧНО ФОТОГРАФИРАЊЕ
Фотографирањето му е во крвта на Giuseppe Esposito-Rodrigues. Роден е во Венецуела, татко му е Италијанец кој сакал да фотографира пејзажи, а мајка му е Португалка која сакала да фотографира додека патува. За Giuseppe беше неизбежно да продолжи по истиот пат на своите родители кога станува збор за фотографирањето.
Живее во Даблин уште од 2013 година каде што пешачи по тамошните улици покрај реката и патеките со канделабри за да ја долови филмската, а сепак интимна, атмосфера на градот, а ваквите слики ги објавувал во списанија како Lonely Planet и Culture Trip. Во минатото, Giuseppe претпочитал да го користи својот EOS 5D Mark III од Canon (што сега е заменет со новиот EOS 5D Mark IV од Canon) во комбинација со објективот EF 24-70mm f2.8L II USM од Canon, објективот EF 50mm f/1.4 USM од Canon или објективот EF 85mm f/1.4L IS USM од Canon. Но, неодамна започна да го тестира и лесно преносливиот EOS M6 Mark II од Canon.
„EOS M6 Mark II од Canon е одличен повеќенаменски уред за уличните фотографи бидејќи нуди комбинација од висока резолуција (32,5 мегапиксели), секвенцијално фотографирање (14 fps) и снимање одлично видео (4K без отсекување) со стабилен држач, поради што е многу удобен за држење при долги периоди на фотографирање на улиците“. Исто како и другите фотоапарати EOS M од Canon, така и EOS M6 Mark II може да се користи со адаптерот за монтирање објективи EF-EOS M од Canon што ќе ви овозможи да користите повеќе од 80 објективи од сериите EF-S и EF, вклучувајќи специјални објективи како што се тие за макро и ефект на рибино око.
Тука Giuseppe ќе ги открие својот пристап, техники и совети за креативно улично фотографирање.
Секогаш е препорачливо да се проверат законите за улично фотографирање каде што мислите да фотографирате, но генерално, во повеќето земји е дозволено да се фотографираат јавни места, освен ако не е наведено поинаку, а тука спаѓа и фотографирањето пешаци на улица и луѓе на јавни места како што се парковите. Сепак, некои луѓе не сакаат да бидат фотографирани. Giuseppe вели: „јас брзо им приоѓам и им ги покажувам фотографиите, надевајќи се дека ќе ја сфатат мојата уметничка перспектива. Понекогаш им ја покажувам мојата сметка на Instagram за да им докажам дека ова го правам само поради мојата љубов кон уметноста, а тие знаат да го ценат тоа и не се вознемируваат“.
Опкружувањата со голема толпа луѓе се најголем предизвик во овој жанр. „Сè е во движење, постојано“ - вели Giuseppe. „Светлината, субјектот, самото опкружување. Вратете се следниот ден и сè ќе биде различно. Мора да сфатите дека не може да контролирате сè. Сè што може да направите е да имате идеја и да се обидете да предвидите кога ќе можете да ја реализирате таа идеја. Најважно е да ја искористите сцената околу вас“.
За да има најголема шанса за успех, Giuseppe вели дека прво бара заднина што му се допаѓа, а потоа и агол во кој може да се оддалечи од толпата луѓе. „Ако има многу луѓе на улицата, тогаш барам агол во кој трпеливо го чекам соодветниот субјект да влезе во кадарот на сликата. Понекогаш се поместувам по малку за да снимам нешто од друг агол или друга перспектива, но поголемиот дел од времето сум позициониран на место каде што заднината ќе му одговара на субјектот и чекам“.
Говорејќи од искуство, Giuseppe вели дека најдобриот режим за фотографирање на улица е режимот Av. „Нема потреба да контролирате сè, туку само решетката и можеби ISO. Можно е да треба да користите поголема вредноста на ISO доколку фотографирате навечер, а во текот на денот таа ќе ви овозможи да користите поголеми брзини со помала решетка, што ќе ги ви подобри шансите да фокусирате субјект што се движи и да го снимите“.
Giuseppe вообичаено користи широки решетки (мали f-броеви) што му помагаат да го создаде неговиот препознатлив филмски ефект. „Фотографирањето со f/1,4, f/1,8 или f/2,8 ми помага да го изолирам субјектот и да ја заматам заднината. Заднината нема да исчезне и ќе ми помогне да ја раскажам приказната, но нема потреба да ги видиме сите детали“.
„Многумина ќе ви кажат дека за улично фотографирање треба да користите фокусна должина од 28-55 mm бидејќи таа најмногу наликува на тоа што го гледа човечкото око и нуди природна перспектива“ - вели Giuseppe. „Но, за мене заднината е подеднакво важна како и субјектот, па затоа фотографирам со фокусна должина од 24 mm или 28 mm“. Кога фотографира со EOS M6 Mark II од Canon, тој го користи објективот EF-M 32mm f/1.4 STM од Canon за да долови широки и отворени сцени што ќе му се допаѓаат. „Објективот можев да го користам во речиси сите прилики за фотографирање“ - вели тој. „Посебно ми се допаѓа тоа што ми овозможи да снимам амбиентални сцени доколку ја фокусирам целата сцена наместо само субјектот“.
Освен фотографирање со широк агол, на Giuseppe почна да му се допаѓа и фотографирање од далечина. „Во последно време се чувствувам поудобно кога фотографирам со телефото објективи, иако многу професионалци препорачуваат да не се користат такви објективи. Сметам дека ова мислење е застарено. Фотографирањето со објектив со зум од 85 mm или телефото зум како што е објективот EF-M 55-200mm f/4.5-6.3 IS STM од Canon ми овозможува да бидам на поголема оддалеченост од субјектот за да не ја нарушам неговата приватност, можам полесно да го изолирам субјектот и заднината добива висок степен на заматување, што ми се допаѓа“.
Според Giuseppe, EOS M6 Mark II од Canon е револуционерен уред. „Автоматскиот фокус е сигурен и брз, а следењето на лицето и очите е многу прецизно“. Имајќи го тоа предвид, Giuseppe им препорачува на уличните фотографи да се обидат да фокусираат рачно заради поголема креативност. „Кога сакам да фокусирам некого во средината на сцената, но сите други луѓе што ќе поминат низ кадарот да бидат заматени за да можам да го пренесам чувството на движење, тогаш рачниот фокус би бил подобра опција“.
За да снимите уникатни слики, Giuseppe ви препорачува да фотографирате од невообичаен агол или невообичаена перспектива. Една од неговите омилени техники е снимањето одблесоци од прозорци или други сјајни површини. „Барам луѓе што стојат зад стакло, без разлика дали е прозорец од автобус или кафе бар итн., а потоа барам интересен субјект чиј приказ се рефлектира, а субјектот може да биде зграда, автомобил или човек“ - вели тој. „Така внесувате длабочина во сликата“.
Освен прозорци, Giuseppe ви предлага да експериментирате со вирови и реки за да создадете интересни композиции.
Исто така, тој ви препорачува да не се плашите да фотографирате кон изворот на светлина и да користите вештачкото осветлување. „Светлината е најважна во фотографирањето, сите го знаеме тоа, но начинот на кој ја искористуваме светлината е тоа што ги прави резултатите одлични“ - вели тој. Ако светлината е премногу силна или директно насочена кон вас, тој ви препорачува да ја искористите оваа прилика за да експериментирате со силуети. „Ќе пронајдам заднина што ми се допаѓа и има задно осветлување, а потоа чекам некој да влезе во кадарот во вистинскиот момент. Ова е особено добро кога не сакате да се гледа лицето на субјектот.
„Понекогаш сакам да користам вештачко осветлување, како што е светлината од уличните знаци или канделабри, бидејќи таа создава амбиентално чувство и помага во насочување на вниманието на гледачите“.
Ако сакате да се занимавате со улично фотографирање, Giuseppe ви нуди едноставен совет: „Вежбајте, вежбајте и само вежбајте“ - вели тој. „Ако уживате во тоа, со тек на време ќе се подобрите во тоа што го работите и ќе оформите сопствен стил. Јас сè уште го правам тоа. Постојано вежбам. Најдобриот совет што можам да ви го дадам е да земете фотоапарат, да излезете надвор и да фотографирате“.
Дали сте загрижени за фотографирањето на јавни места или за реакциите на луѓето? „Фотографирањето луѓе на улиците е граница што мора да ја преминете“ - додава Giuseppe. „Колку повеќе го правите тоа, толку побрзо ќе почнете да се чувствувате удобно додека фотографирате на терен и ќе можете да се концентрирате на случувањата околу вас - за да ја доловите магичната слика“.
Напишано од Natalie Denton
Пренослив и моќен фотоапарат без огледало со резолуција од 32,5 мегапиксели и брзина на континуирано фотографирање до 14 fps.
Однесете го вашиот EOS фотоапарат без огледало на повисоко ниво со исклучително квалитетниот стандарден објектив.
Телефото објектив за зумирање со стабилизација на слика и STM, кој е совршен за доближување до далечните објекти.
Професионален објектив за зумирање од серија L за секојдневно користење кој нуди висок квалитет на слика и фиксна решетка од f/2.8.
Објектив со телефото зум што им е омилен на сите категории на фотографи.
Get Inspired е најголемиот извор на практични совети за фотографирање, водичи за купување и информативни интервјуа - сè што ви е потребно за да го пронајдете најдобриот фотоапарат или најдобриот печатач и да ја реализирате вашата следна креативна идеја.
Назад до сите совети и техникиФОТОГРАФИРАЊЕ ПРИ ПАТУВАЊА
Што треба да имате предвид кога фотографирате култури и заедници што се различни од вашите.
УРБАНО ФОТОГРАФИРАЊЕ
11 совети што ќе ви помогнат да го доловите амбиентот на урбаната џунгла.
ФОТОГРАФИРАЊЕ ГРАДОВИ
Снимајте прекрасни градски сцени и детални урбани сцени. Продолжете за да ги видите сите совети, техники и инспирација што ви се потребни.