МОДНО ФОТОГРАФИРАЊЕ

Фотографирајте ги вашите пријатели како модели

Фотографката за мода и убавина Jade Keshia Gordon нуди 6 едноставни совети за создавање стилски фотографии за вашите канали на друштвените медиуми или веб-страници за купување.
Canon Camera
Од каде да започнете ако сакате да му дадете моден стил на вашиот профил на Instagram или да ги разубавите вашите слики на модните страници за купување? „Стилот е од суштинско значење“, вели модниот професионалец Jade Keshia Gordon. „Од облеката и локацијата до фризурата и шминката, сè треба да оди рака под рака. Сè се сведува на создавање чувство. Повеќето фотографии од модели што ги гледате на интернет имаат за цел да ве привлечат да го купите производот, па размислете како фотографите го постигнуваат тоа со светлината, локацијата, боите и позите“.

Фотографката за мода и убавина Jade од Лондон фотографира професионално веќе 10 години и стекна репутација за создавање интересни и современи концепти. Како и многу професионалци, таа го научила својот занает правејќи фотосесии со пријателите.

Таа споделува шест едноставни совети што може да им дадат модна естетика на вашите портрети, без разлика дали снимате со фотоапарат EOS, PowerShot од Canon или паметен телефон.

1. Изберете локација што го надополнува изгледот

Портрет на насмеана жена со долги плетенки, облечена во сина маичка.

Локацијата може да биде исто толку важна како и вашиот субјект. Ако заднината е динамична, заматете ја преку фотографирање со примарен објектив со мал отвор на блендата. Снимено со EOS R6 од Canon и објектив RF 85mm F1.2L USM од Canon со избрани 1/320 сек., f/2 и ISO320. © Jade Keshia Gordon

„Важно е да изберете локација што не го одвлекува вниманието од модната ревија и, идеално, ќе придонесе за целокупниот изглед“, вели Jade. „Ако облеката што ја фотографирате е дречлива и разнобојна, веројатно би избрала едноставна заднина.

„Најважно е да бидете сигурни дека вашиот пријател се чувствува удобно во просторот. Ако се малку срамежливи, не треба да ги однесете на некое прометно место каде што сите ќе зјапаат во нив. Наместо тоа, однесете ги на тивок отворен простор или на паркинг.

Доколку имате доволно простор, фотосесијата можете да ја направите дури и во вашата спална или дневна соба. Обичниот бел ѕид нуди голем број можности за фотографирање“. Дознајте повеќе за едноставните домашни студија за фотографирање во овој статија.

2. Направете распоред на прикажување

Жена со долги плетенки во розов џемпер.

Изберете ги парчињата облека претходно и направете план кога субјектот ќе ги носи. Снимено со EOS R6 од Canon и објектив RF 85mm F1.2L USM од Canon со избрани 1/640 сек., f/1,4 и ISO320. © Jade Keshia Gordon

Жена со долги плетенки седи свртена спротивно од фотоапаратот, со главата свртена назад кон фотоапаратот. Таа е облечена во рачно бојадисана маичка и хеланки во иста боја.

Можеби ќе сакате да го испланирате редоследот на фотографирањето во зависност од фризурите, почнувајќи од наједноставните. Снимено со EOS R6 од Canon и објектив RF 85mm F1.2L USM од Canon со избрани 1/200 сек., f/1,2 и ISO320. © Jade Keshia Gordon

Фризурата и шминката се исто толку значајни за фотографирањето во моден стил колку и самата облека. Jade препорачува прво да ја изберете облеката, а потоа фризурата. „Ако планирате да прикажете неколку парчиња облека, размислете за распоредот на прикажување. Треба да му дадете време на вашиот модел да ја промени фризурата. Изберете фризура за секое парче облека и потоа направете распоред за прикажување, почнувајќи од наједноставната фризура“.

3. Истражете идеи за модни пози

Жена со долги плетенки позира на тротоар, облечена во розов краток џемпер и сиви фармерки со висок струк.

Позирањето може да му биде малку непријатно на вашиот субјект на почетокот, па затоа започнете со природни пози од кои нема да се чувствуваат непријатно. Снимено со EOS R6 од Canon и објектив RF 85mm F1.2L USM од Canon со избрани 1/640 сек., f/1,4 и ISO320. © Jade Keshia Gordon

Жена облечена во сина облека која ги префрла нејзините долги плетенки одзади.

Забавувајте се со позите што ги правите. Jade побара од својата пријателка да ги префрли плетенките, што додава движење и овозможува да се создаде впечатлив моден портрет. Снимено со EOS R6 од Canon и објектив RF 85mm F1.2L USM од Canon со избрани 1/320 сек., f/2 и ISO320. © Jade Keshia Gordon

Jade препорачува изработка на инспиративна табла за да му дадете чувство на вашиот пријател за изгледот кон кој целите. „Нека биде нешто едноставно“, вели таа. „Можеби табла на Pinterest или неколку исечоци од списанија со идеи за позирање, предлози за фризура и шминка и можни локации.

„Ако некој не е навикнат да позира како модел, кажете му да си замисли дека пробува облека пред огледало. Честопати е полесно самите да ја направите позата за да покажете што сакате. Исто така ефективно може да биде и ако побарате од некој да се движи кон вас. Тоа ќе им помогне да се опуштат и истовремено ќе ви овозможи да ги доловите спонтаните движења“.

4. Користете реквизити за да му овозможите на моделот да се фокусира на нешто

Жена со долги плетенки и очила, облечена во виолетов џемпер и со мала сина чанта на телото.

Чантата на телото му овозможува на моделот да ги стави рацете на неа. Фотографирано со EOS 5D Mark III од Canon (сега е заменет со новиот EOS 5D Mark IV од Canon) и објектив EF 85mm f/1.8 USM од Canon со избрани 1/125 сек., f/1,8 и ISO50. © Jade Keshia Gordon

Жена облечена во рачно бојадисана маичка која пие од чаша за носење.

Користењето на секојдневни предмети како, на пример, реквизити може да помогне позите да изгледаат поприродно. Снимено со EOS R6 од Canon и објектив RF 85mm F1.2L USM од Canon со избрани 1/400 сек., f/2 и ISO320. © Jade Keshia Gordon

„Најдете реквизит - тоа може да биде торба, телефон или дури и шолја кафе - што може да го држите во раце. Кога вашиот модел ќе се загрее можете да побарате повторно да го стори истото, но без реквизитот. Понекогаш му кажувам на моделот да седне и да направи едноставна подгрбавена поза. Сè се сведува на одвлекување на вниманието и на тоа да му се овозможи на моделот да се фокусира на нешто“.

5. Експериментирајте со различни објективи и положби на снимање

Клекната жена облечена во сина маичка, хеланки и бели патики.

Променете ја вашата положба на фотографирање и експериментирајте со различни агли за да создадете динамични и разновидни портрети. Снимено со EOS R6 од Canon и објектив RF 85mm F1.2L USM од Canon со избрани 1/320 сек., f/2 и ISO320. © Jade Keshia Gordon

Жена потпрена ѕид, облечена во сина маичка и сини хеланки.

Фотографирањето од понизок агол со клечење е одличен начин да направите вашиот субјект да изгледа повисок. Снимено со EOS R6 од Canon и објектив RF 85mm F1.2L USM од Canon со избрани 1/250 сек., f/2 и ISO320. © Jade Keshia Gordon

Jade вели дека не ви треба многу опрема кога започнувате да фотографирате портрети во моден стил - стандардниот комплет објективи за фотоапаратот EOS ви нуди многу опции за различен изглед. „Објективот од 18-55 mm, како што е EF-S 18-55mm f/4-5.6 IS STM, е добар затоа што можете да ги зумирате деталите, а потоа да ги одзумирате за да ја прикажете целата облека, вклучувајќи ги и чевлите. Ако сакате повисоко ниво, одлична надградба е објективот за портрети EF 50mm f/1.8 STM од Canon, со неговиот широк максимален отвор на блендата што овозможува лесно заматување на заднините.“

Ако претпочитате фотоапарат без огледало, повеќенаменскиот објектив RF 35mm F1.8 Macro IS STM од Canon за фотоапарати со системот EOS R, како што е EOS RP од Canon, е исто така идеален за улична работа и фотографирање одблиску. Исто така, објективите RF 50mm F1.8 STM од Canon и RF 85mm F2 Macro IS STM од Canon се одлична алтернатива за портрети, додека повеќенаменскиот објектив RF 24-105mm F4-7.1 IS STM од Canon е компактен и лесен објектив со зум за секојдневна употреба.

Ако стоите подалеку и го зумирате вашиот пријател ќе создадете поубав портрет отколку ако стоите блиску и го одзумирате пошироко. Изборот на агол на фотографирање исто така ќе направи разлика. „Освен ако веќе не се прилично високи, повеќето луѓе сакаат да изгледаат повисоки“, вели Jade. „Тоа можете да го постигнете со фотографирање од низок агол, што ќе направи нозете на вашиот пријател да изгледаат подолги. Затоа, не плашете се да клекнете и да снимите фотографии од низок агол!“

Без оглед на објективот што го користите, Jade препорачува да започнете со фотографии во целосна должина пред да фотографирате со зумирање. „Покажете им ги првите неколку фотографии за да ги уверите дека изгледаат мошне добро. Потоа можете да предложите фотографирање одблиску. Кажете им да направат смешни изрази на лицето или да си играат со шал или шешир. Тоа ќе му помогне на вашиот субјект да се опушти.

6. Снимајте видеозаписи со фотографиите

The back of a Canon EOS R6 showing a portrait of a woman on the touchscreen.
Додека снимате фотографии, зошто да не снимите и модни видеопортрети? Една од големите разлики помеѓу снимањето видеозаписи и фотографии е тоа што треба да размислите за точките на „отсекување“ - каде ќе започне и каде ќе заврши видеоснимката или каде ќе премине на друга видеоснимка. Започнете со снимање пред и по овие точки за полесно да ги уредите видеоснимките во софтверот за видео.

Jade препорачува снимање видеозаписи за секое парче облека што се фотографира. „Вашите модели ќе знаат како се движи облеката што, пак, ќе им овозможи да знаат како да се движат“, вели таа. „Кога станува збор за режирање модни видеоснимки, сакам сите да се забавуваат. Му кажав на моделот да се заврти, да се движи кон мене, да ја стави раката кон камерата и да се оддалечи - таа дури и направи неколку интересни високи удари со ногата. Тоа само покажува колку ни беше забавно на снимањето“.


Напишано од Marcus Hawkins

Слични производи

Слични написи

  • Портрет од жена која носи голем зелен ѓердан и сина беретка, наспроти виолетова заднина.

    ДОМАШНИ ПРОЕКТИ

    Направете сопствено студио во домот

    Дознајте како да бидете креативни со блицот и да фотографирате извонредни портрети со мал буџет.

  • Портрет на жена со долги плетенки, облечена во краток розов џемпер и сиви фармерки, која пешачи по улица.

    ФОТОГРАФИРАЊЕ ПОРТРЕТИ

    Како да доловите совршени тонови на кожата на вашите портрети

    Совладајте ја сложената уметност за доловување природни тонови на кожата со модниот професионалец Jade Keshia Gordon.

  • A Speedlite on a tripod with a cardboard box mounted in front of it, throwing gentle light on a boy.

    ПРОЕКТИ

    3 додатоци за фотографирање што можете сами да ги направите

    Направете сопствен придушен рефлектор, долгнавест рефлектор за фокусирана светлина и мека подлога за да го стабилизирате вашиот фотоапарат.

  • ФОТОГРАФИРАЊЕ ВО ЗАТВОРЕНИ ПРОСТОРИИ

    Три идеи за фотографирање во затворени простории со кои ќе работите креативно во домот

    Ако седите дома не значи дека не може да бидете креативни. Научете да ракувате со вашиот фотоапарат и дознајте како да снимате филмски портрети, макро фотографии и видеоснимки со забрзани движења.